[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1.7 # Shivapurana 1.7 Śivapurāṇa 1.7 - **Language:** Sanskrit ## Contents - [1.7.33](https://indike.org/pramana/in.purana.siva.1.7.33) — 2 parts ### [1.7.1](https://indike.org/pramana/in.purana.siva.1.7.1) / jagacca devatāvaṃśaḥ svasvakarmaṇi kiṃ navā // / prāgeva viditaṃ yuddhaṃ brahmaviṣṇvormayāsurāḥ // ### [1.7.2](https://indike.org/pramana/in.purana.siva.1.7.2) / bhavatāmabhitāpena paunaruktyena bhāṣitam // / iti sasmitayā mādhvyā kumāraparibhāṣayā // ### [1.7.3](https://indike.org/pramana/in.purana.siva.1.7.3) / samatoṣayadaṃbāyāḥ sa patistatsuravrajam // / atha yuddhāṃgaṇaṃ gaṃtuṃ haridhātroradhīśvaraḥ // ### [1.7.4](https://indike.org/pramana/in.purana.siva.1.7.4) / ājñāpayadgaṇeśānāṃ śataṃ tatraiva saṃsadi // / tato vādyaṃ bahuvidhaṃ prayāṇāya pareśituḥ // ### [1.7.5](https://indike.org/pramana/in.purana.siva.1.7.5) / gaṇeśvarāśca saṃnaddhā nānāvāhanabhūṣaṇāḥ // / praṇavākāramādyaṃtaṃ pañcamaṃḍalamaṃḍitam // ### [1.7.6](https://indike.org/pramana/in.purana.siva.1.7.6) / āruroha rathaṃ bhadramaṃbikāpatirīśvaraḥ // / sasūnugaṇamiṃdrādyāḥ sarvepyanuyayuḥ surāḥ // / citradhvajavyajanacāmarapuṣpavarṣasaṃgatinṛtyanivahairaipi vādyavargaiḥ // ### [1.7\_2](https://indike.org/pramana/in.purana.siva.1.7_2) 7ab/ saṃmānitaḥ paśupatiḥ parayā ca devyā sākaṃ tayoḥ samarabhūmimagātsasainyaḥ // ### [1.7.7](https://indike.org/pramana/in.purana.siva.1.7.7) / samīkṣyaṃ tu tayoryuddhaṃ nigūḍho 'bhraṃ samāsthitaḥ // ### [1.7.8](https://indike.org/pramana/in.purana.siva.1.7.8) / samāptavādyanirghoṣaḥ śāṃtorugaṇaniḥsvanaḥ // / atha brahmācyutau vīrau haṃtukāmau parasparam // ### [1.7.9](https://indike.org/pramana/in.purana.siva.1.7.9) / māheśvareṇa cā 'streṇa tathā pāśupatena ca // / astrajvālairatho dagdhaṃ brahmaviṣṇvorjagattrayam // ### [1.7.10](https://indike.org/pramana/in.purana.siva.1.7.10) / īśopi taṃ nirīkṣyātha hyakālapralayaṃ bhṛśam // / mahānalastaṃbhavibhīṣaṇākṛtirbabhūva tanmadhyatale sa niṣkalaḥ // ### [1.7.11](https://indike.org/pramana/in.purana.siva.1.7.11) / te astre cāpi sajvāle lokasaṃharaṇakṣame // ### [1.7.12](https://indike.org/pramana/in.purana.siva.1.7.12) / nipatetuḥ kṣaṇe naiva hyāvirbhūte mahānale // / dṛṣṭvā tadadbhutaṃ citramastraśāṃtikaraṃ śubham // ### [1.7.13](https://indike.org/pramana/in.purana.siva.1.7.13) / kimetadadbhutākāramityūcuśca parasparam // / atīṃdriyamidaṃ staṃbhamagnirūpaṃ kimutthitam // ### [1.7.14](https://indike.org/pramana/in.purana.siva.1.7.14) / asyordhvamapi cādhaścāvayorlakṣyameva hi // / iti vyavasitau vīrau militau vīramāninau // ### [1.7.15](https://indike.org/pramana/in.purana.siva.1.7.15) / tatparau tatparīkṣārthaṃ pratasthāte 'tha satvaram // / āvayormiśrayostatra kāryamekaṃ na saṃbhavet // ### [1.7.16](https://indike.org/pramana/in.purana.siva.1.7.16) / ityuktvā sūkaratanurviṣṇustasyādimīyivān // / tathā brahmāhaṃ satanustadaṃtaṃ vīkṣituṃ yayau // ### [1.7.17](https://indike.org/pramana/in.purana.siva.1.7.17) / bhittvā pātālanilayaṃ gatvā dūrataraṃ hariḥ // / nā 'pi śyāttasya saṃsthānaṃ staṃbhasyānalavarcasaḥ // ### [1.7.18](https://indike.org/pramana/in.purana.siva.1.7.18) / śrāṃtaḥ sa sūkaraharīḥ prāpa pūrvaṃ raṇāṃgaṇam // / atha gacchaṃstu vyomnā ca vidhistāta pitā tava // ### [1.7.19](https://indike.org/pramana/in.purana.siva.1.7.19) / dadarśa ketakī puṣpaṃ kiṃcidvicyutamadbhutam // / atisaurabhyamamlānaṃ bahuvarṣacyutaṃ tathā // ### [1.7.20](https://indike.org/pramana/in.purana.siva.1.7.20) / anvīkṣya ca tayoḥ kṛtyaṃ bhagavānparameśvaraḥ // / parihāsaṃ tu kṛtavānkaṃpanāccalitaṃ śiraḥ // ### [1.7.21](https://indike.org/pramana/in.purana.siva.1.7.21) / tasmāttāvanugṛhṇātuṃ cyutaṃ ketakamuttamam // / kiṃ tvaṃ patasi puṣpeśa puṣparāṭ kena vā dhṛtam // ### [1.7.22](https://indike.org/pramana/in.purana.siva.1.7.22) / ādimasyāprameyasya staṃbhamadhyāccyutaściram // / na saṃpaśyāmi tasmāttvaṃ jahyāśāmaṃtadarśane // ### [1.7.23](https://indike.org/pramana/in.purana.siva.1.7.23) / asyāṃ tasya ca sevārthaṃ haṃsamūrtirihāgataḥ // / itaḥ paraṃ sakhe me 'dya tvayā kartavyamīpsitam // ### [1.7.24](https://indike.org/pramana/in.purana.siva.1.7.24) / mayā saha tvayā vācyametadviṣṇośca sannidhau // / staṃbhāṃto vīkṣito dhātrā tatra sākṣyahamacyuta // ### [1.7.25](https://indike.org/pramana/in.purana.siva.1.7.25) / ityuktvā ketakaṃ tatra praṇanāma punaḥ naḥ // / asatyamapi śastaṃ syādāpadītyanuśāsanam // / samīkṣya tatrā 'cyutamāyataśramaṃ pranaṣṭaharṣaṃ tu nanarta harṣāt // ### [1.7.26](https://indike.org/pramana/in.purana.siva.1.7.26) / uvāca cainaṃ paramārthamacyutaṃ ṣaṃḍhāttavādaḥ sa vidhistato 'cyutam // / staṃbhāgrametatsamudīkṣitaṃ hare tatraiva sākṣī nanu ketakaṃ tvidam // ### [1.7.27](https://indike.org/pramana/in.purana.siva.1.7.27) / tato 'vadattatra hi ketakaṃ mṛṣā tatheti taddhātṛvacastadaṃtike // / hariśca tatsatyamitīva ciṃtayaṃścakāra tasmai vidhaye namaḥ svayam // ### [1.7.28](https://indike.org/pramana/in.purana.siva.1.7.28) / ṣoḍaśairupacāraiśca pūjayāmāsa taṃ vidhim // / vidhiṃ prahartuṃ śaṭhamagniliṃgataḥ sa īśvarastatra babhūva sākṛtiḥ // ### [1.7.29](https://indike.org/pramana/in.purana.siva.1.7.29) / samutthitaḥ svāmi vilokanātpunaḥ prakaṃpapāṇiḥ parigṛhya tatpadam // / ādyaṃtahīnavapuṣi tvayi mohabuddhyā bhūyādvimarśa iha nāvati kāmanotthaḥ // ### [1.7.30](https://indike.org/pramana/in.purana.siva.1.7.30) / sa tvaṃ prasīda karuṇākara kaśmalaṃ nau mṛṣṭaṃ kṣamasva vihitaṃ bhavataiva kelyā // / īśvara uvāca vatsaprasanno 'smi hare yatastvamīśatvamicchannapi satyavākyam // ### [1.7.31](https://indike.org/pramana/in.purana.siva.1.7.31) / brūyāstataste bhavitā janeṣu sāmyaṃ mayā satkṛtirapyalapthāḥ // / itaḥ paraṃ te pṛthagātmanaśca kṣetrapratiṣṭhotsavapūjanaṃ ca // ### [1.7.32](https://indike.org/pramana/in.purana.siva.1.7.32) / iti devaḥ purā prītaḥ satyena haraye param // ### [1.7.33](https://indike.org/pramana/in.purana.siva.1.7.33) / dadau svasāmyamatyarthaṃ devasaṃghe ca paśyati // ### [1.7.33.p1](https://indike.org/pramana/in.purana.siva.1.7.33.p1) iti śrīśivamahāpurāṇe vidyeśvarasaṃhitāyāṃ saptamo 'dhyāyaḥ ### [1.7.33.p2](https://indike.org/pramana/in.purana.siva.1.7.33.p2) Chapter 8 nandikeśvara uvāca sasarjātha mahādevaḥ puruṣaṃ kaṃcidadbhutam // ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.7.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.7.1) — Sanskrit --- Source: [https://indike.org/pramana/in.purana.siva.1.7](https://indike.org/pramana/in.purana.siva.1.7) · Pramāṇa