[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1.9 # Shivapurana 1.9 Śivapurāṇa 1.9 - **Language:** Sanskrit ## Contents - [1.9.46](https://indike.org/pramana/in.purana.siva.1.9.46) — 2 parts ### [1.9.1](https://indike.org/pramana/in.purana.siva.1.9.1) / baddhāṃjalipuṭau tūṣṇīṃ tasthaturdakṣavāmagau // / tatra saṃsthāpya tau devaṃ sakuṭuṃbaṃ varāsane // ### [1.9.2](https://indike.org/pramana/in.purana.siva.1.9.2) / pūjayāmāsatuḥ pūjyaṃ puṇyaiḥ puruṣavastubhiḥ // / pauruṣaṃ prākṛtaṃ vastujñeyaṃ dīrghālpakālikam // ### [1.9.3](https://indike.org/pramana/in.purana.siva.1.9.3) / hāranūpurakeyūrakirīṭamaṇikuṃḍalaiḥ // / yajñasūtrottarīyasrakkṣaumamālyāṃgulīyakaiḥ // ### [1.9.4](https://indike.org/pramana/in.purana.siva.1.9.4) / puṣpatāṃbūlakarpūracaṃdanāgurulepanaiḥ // / dhūpadīpasitacchatravyajanadhvajacāmaraiḥ // ### [1.9.5](https://indike.org/pramana/in.purana.siva.1.9.5) / anyairdivyopahāraiśca vāṅmanotītavaibhavaiḥ // / patiyogyaiḥ paśvalabhyaistau samarcayatāṃ patim // ### [1.9.6](https://indike.org/pramana/in.purana.siva.1.9.6) / yadyacchreṣṭhatamaṃ vastu patiyogyaṃ hitaddhvaje // / tadvastvakhilamīśopi pāraṃ paryacikīrṣayā // ### [1.9.7](https://indike.org/pramana/in.purana.siva.1.9.7) / sabhyānāṃ pradadau hṛṣṭaḥ pṛthaktatra yathākramam // / kolāhalo mahānāsīttatra tadvastu gṛhṇatām // ### [1.9.8](https://indike.org/pramana/in.purana.siva.1.9.8) / tatraiva brahmaviṣṇubhyāṃ cārcitaḥ śaṃkaraḥ purā // / prasannaḥ prāha tau namrau sasmitaṃ bhaktivardhanaḥ // ### [1.9.9](https://indike.org/pramana/in.purana.siva.1.9.9) / īśvara uvāca tuṣṭo 'hamadya vāṃ vatsau pūjayā 'sminmahādine // / dinametattataḥ puṇyaṃ bhaviṣyati mahattaram // ### [1.9.10](https://indike.org/pramana/in.purana.siva.1.9.10) / śivarātririti khyātā tithireṣā mama priyā // / etatkāle tu yaḥ kuryātpūjāṃ malliṃgaberayoḥ // ### [1.9.11](https://indike.org/pramana/in.purana.siva.1.9.11) / kuryāttu jagataḥ kṛtyaṃ sthitisargādikaṃ pumān // / śivarātrāvahorātraṃ nirāhāro jiteṃdriyaḥ // ### [1.9.12](https://indike.org/pramana/in.purana.siva.1.9.12) / arcayedvā yathānyāyaṃ yathābalamavaṃcakaḥ // / yatphalaṃ mama pūjāyāṃ varṣamekaṃ niraṃtaram // ### [1.9.13](https://indike.org/pramana/in.purana.siva.1.9.13) / tatphalaṃ labhate sadyaḥ śivarātrau madarcanāt // / maddharmavṛddhikālo 'yaṃ caṃdrakāla ivāṃbudheḥ // ### [1.9.14](https://indike.org/pramana/in.purana.siva.1.9.14) / pratiṣṭhādyutsavo yatra māmako maṃgalāyanaḥ // / yatpunaḥ staṃbharūpeṇa svāvirāsamahaṃ purā // ### [1.9.15](https://indike.org/pramana/in.purana.siva.1.9.15) / sa kālo mārgaśīrṣe tu syādārdrā ṛkṣamarbhakau // / ārdrāyāṃ mārgaśīrṣe tu yaḥ paśyenmāmumāsakham // ### [1.9.16](https://indike.org/pramana/in.purana.siva.1.9.16) / madberamapi vā liṃgaṃ sa guhādapi me priyaḥ // / alaṃ darśanamātreṇa phalaṃ tasmindine śubhe // ### [1.9.17](https://indike.org/pramana/in.purana.siva.1.9.17) / abhyarcanaṃ cedadhikaṃ phalaṃ vācāmagocaram // / raṇaraṃgatale 'muṣminyadahaṃ liṃgavarṣmaṇā // ### [1.9.18](https://indike.org/pramana/in.purana.siva.1.9.18) / jṛṃbhito liṃgavattasmālliṃgasthānamidaṃ bhavet // / anādyaṃtamidaṃ staṃbhamaṇumātraṃ bhaviṣyati // ### [1.9.19](https://indike.org/pramana/in.purana.siva.1.9.19) / darśanārthaṃ hi jagatāṃ pūjanārthaṃ hi putrako // / bhogāvahamidaṃ liṃgaṃ bhuktiṃ muktyekasādhanam // ### [1.9.20](https://indike.org/pramana/in.purana.siva.1.9.20) / darśanasparśanadhyānājjaṃtūnāṃ janmamocanam // / analācalasaṃkāśaṃ yadidaṃ liṃgamutthitam // ### [1.9.21](https://indike.org/pramana/in.purana.siva.1.9.21) / aruṇācalamityeva tadidaṃ khyātimeṣyati // / atra tīrthaṃ ca bahudhā bhaviṣyati mahattaram // ### [1.9.22](https://indike.org/pramana/in.purana.siva.1.9.22) / muktirapyatra jaṃtūnāṃ vāsena maraṇena ca // / sthotsavādikalyāṇaṃ janāvāsaṃ tu sarvataḥ // ### [1.9.23](https://indike.org/pramana/in.purana.siva.1.9.23) / atra dattaṃ hutaṃ japtaṃ sarvaṃ koṭiguṇaṃ bhavet // / matkṣetrādapi sarvasmātkṣetrametanmahattaram // ### [1.9.24](https://indike.org/pramana/in.purana.siva.1.9.24) / atra saṃsmṛtimātreṇa muktirbhavati dehinām // / tasmānmahattaramidaṃ kṣetramatyaṃtaśobhanam // ### [1.9.25](https://indike.org/pramana/in.purana.siva.1.9.25) / sarvakalyāṇasaṃpūrṇaṃ sarvamuktikaraṃ śubham // / arcayitvā 'tra māmeva liṃge liṃginamīśvaram // ### [1.9.26](https://indike.org/pramana/in.purana.siva.1.9.26) / sālokyaṃ caiva sāmīpyaṃ sārūpyaṃ sārṣṭireva ca // / sāyujyamiti pañcaite kriyādīnāṃ phalaṃ matam // ### [1.9.27](https://indike.org/pramana/in.purana.siva.1.9.27) / sarvepi yūyaṃ sakalaṃ prāpsyathāśu manoratham // / nandikeśvara uvāca ityanugṛhya bhagavānvinītau vidhimādhavau // ### [1.9.28](https://indike.org/pramana/in.purana.siva.1.9.28) / yatpūrvaṃ prahataṃ yuddhe tayoḥ sainyaṃ parasparam // / tadutthāpayadatyarthaṃ svaśaktyāmṛtadhārayā // ### [1.9.29](https://indike.org/pramana/in.purana.siva.1.9.29) / tayormāḍhyaṃ ca vairaṃ ca vyapanetumuvāca tau // / sakalaṃ niṣkalaṃ ceti svarūpadvayamasti me // ### [1.9.30](https://indike.org/pramana/in.purana.siva.1.9.30) / nānyasya kasyacittasmādanyaḥ sarvopyanīśvaraḥ // / purastātstaṃbharūpeṇa paścādrūpeṇa cārbhakau // ### [1.9.31](https://indike.org/pramana/in.purana.siva.1.9.31) / brahmatvaṃ niṣkalaṃ proktamīśatvaṃ sakalaṃ tathā // / dvayaṃ mamaiva saṃsiddhaṃ na madanyasya kasyacit // ### [1.9.32](https://indike.org/pramana/in.purana.siva.1.9.32) / tasmādīśatvamanyeṣāṃ yuvayorapi na kvacit // / tadajñānena vāṃ vṛttamīśamānaṃ mahādbhutam // ### [1.9.33](https://indike.org/pramana/in.purana.siva.1.9.33) / tannirākartumatraivamutthito 'haṃ raṇakṣitau // / tyajataṃ mānamātmīyaṃ mayīśe kurutaṃ matim // ### [1.9.34](https://indike.org/pramana/in.purana.siva.1.9.34) / matprasādena lokeṣu sarvopyarthaḥ prakāśate // / gurūktirvyaṃjakaṃ tatra pramāṇaṃ vā punaḥ punaḥ // ### [1.9.35](https://indike.org/pramana/in.purana.siva.1.9.35) / brahmatattvamidaṃ gūḍhaṃ bhavatprītyā bhaṇāmyaham // / ahameva paraṃ brahma matsvarūpaṃ kalākalam // ### [1.9.36](https://indike.org/pramana/in.purana.siva.1.9.36) / brahmatvādīśvaraścāhaṃ kṛtyaṃ menugrahādikam // / bṛhattvādbṛṃhaṇatvācca brahmāhaṃ brahmakeśavau // ### [1.9.37](https://indike.org/pramana/in.purana.siva.1.9.37) / samatvādvyāpakatvācca tathaivātmāhamarbhakau // / anātmānaḥ pare sarve jīvā eva na saṃśayaḥ // ### [1.9.38](https://indike.org/pramana/in.purana.siva.1.9.38) / anugrahādyaṃ sargāṃgaṃ jagatkṛtyaṃ ca paṃkajam // / īśatvādeva me nityaṃ na madanyasya kasyacit // ### [1.9.39](https://indike.org/pramana/in.purana.siva.1.9.39) / ādau brahmattvabuddhyarthaṃ niṣkalaṃ liṃgamutthitam // / tasmādajñātamīśatvaṃ vyaktaṃ dyotayituṃ hi vām // ### [1.9.40](https://indike.org/pramana/in.purana.siva.1.9.40) / sakalohamato jātaḥ sākṣādīśastu tatkṣaṇāt // / sakalatvamato jñeyamīśatvaṃ mayi satvaram // ### [1.9.41](https://indike.org/pramana/in.purana.siva.1.9.41) / yadidaṃ niṣkalaṃ staṃbhaṃ mama brahmatvabodhakam // / liṃgalakṣaṇayuktatvānmama liṃgaṃ bhavedidam // ### [1.9.42](https://indike.org/pramana/in.purana.siva.1.9.42) / tadidaṃ nityamabhyarcyaṃ yuvābhyāmatra putrakau // / madātmakamidaṃ nityaṃ mama sānnidhyakāraṇam // ### [1.9.43](https://indike.org/pramana/in.purana.siva.1.9.43) / mahatpūjyamidaṃ nityamabhedālliṃgasiṃginoḥ // / yatrapratiṣṭhitaṃ yena madīyaṃ liṃgamīdṛśam // ### [1.9.44](https://indike.org/pramana/in.purana.siva.1.9.44) / tatra pratiṣṭhitaḥ sohamapratiṣṭhopi vatsakau // / matsāmyamekaliṃgasya sthāpane phalamīritam // ### [1.9.45](https://indike.org/pramana/in.purana.siva.1.9.45) / dvitīye sthāpite liṃge madaikyaṃ phalameva hi // / liṃgaṃ prādhānyataḥ sthāpyaṃ tathāberaṃ tu gauṇakam // ### [1.9.46](https://indike.org/pramana/in.purana.siva.1.9.46) / liṃgābhāvena tatkṣetraṃ saberamapi sarvataḥ // ### [1.9.46.p1](https://indike.org/pramana/in.purana.siva.1.9.46.p1) iti śrīśivamahāpurāṇe vidyeśvarasaṃhitāyāṃ navamo 'dhyāyaḥ ### [1.9.46.p2](https://indike.org/pramana/in.purana.siva.1.9.46.p2) Chapter 10 brahmaviṣṇū ūcatuḥ sargādipañcakṛtyasya lakṣaṇaṃ brūhi nau prabho // ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.9.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.9.1) — Sanskrit --- Source: [https://indike.org/pramana/in.purana.siva.1.9](https://indike.org/pramana/in.purana.siva.1.9) · Pramāṇa