[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1 # Shivapurana 1: Vidyeśvarasaṃhitā Śivapurāṇa 1 - **Language:** Sanskrit ## Contents - [1.1](https://indike.org/pramana/in.purana.siva.1.1) — 38 parts - [1.2](https://indike.org/pramana/in.purana.siva.1.2) — 67 parts - [1.3](https://indike.org/pramana/in.purana.siva.1.3) — 27 parts - [1.4](https://indike.org/pramana/in.purana.siva.1.4) — 23 parts - [1.5](https://indike.org/pramana/in.purana.siva.1.5) — 31 parts - [1.6](https://indike.org/pramana/in.purana.siva.1.6) — 28 parts - [1.7](https://indike.org/pramana/in.purana.siva.1.7) — 33 parts - [1.8](https://indike.org/pramana/in.purana.siva.1.8) — 21 parts - [1.9](https://indike.org/pramana/in.purana.siva.1.9) — 46 parts - [1.10](https://indike.org/pramana/in.purana.siva.1.10) — 39 parts - [1.11](https://indike.org/pramana/in.purana.siva.1.11) — 69 parts - [1.12](https://indike.org/pramana/in.purana.siva.1.12) — 43 parts - [1.13](https://indike.org/pramana/in.purana.siva.1.13) — 85 parts - [1.14](https://indike.org/pramana/in.purana.siva.1.14) — 46 parts - [1.15](https://indike.org/pramana/in.purana.siva.1.15) — 61 parts - [1.16](https://indike.org/pramana/in.purana.siva.1.16) — 117 parts - [1.17](https://indike.org/pramana/in.purana.siva.1.17) — 152 parts - [1.18](https://indike.org/pramana/in.purana.siva.1.18) — 162 parts - [1.19](https://indike.org/pramana/in.purana.siva.1.19) — 37 parts - [1.20](https://indike.org/pramana/in.purana.siva.1.20) — 65 parts - [1.21](https://indike.org/pramana/in.purana.siva.1.21) — 56 parts - [1.22](https://indike.org/pramana/in.purana.siva.1.22) — 36 parts - [1.23](https://indike.org/pramana/in.purana.siva.1.23) — 45 parts - [1.24](https://indike.org/pramana/in.purana.siva.1.24) — 116 parts - [1.25](https://indike.org/pramana/in.purana.siva.1.25) — 58 parts ### [1](https://indike.org/pramana/in.purana.siva.1) ,Mang\_ab/ ### [1.p1](https://indike.org/pramana/in.purana.siva.1.p1) pañcānanaṃ prabalapañcavinodaśīlaṃ saṃbhāvaye manasiśaṃkaramambikeśam // ### [1\_2](https://indike.org/pramana/in.purana.siva.1_2) ,Mang\_cd/ ### [1.p2](https://indike.org/pramana/in.purana.siva.1.p2) Chapter 1 vyāsa uvāca dharmakṣetre mahākṣetre gaṃgākālindisaṃgame // ### [1.1.1](https://indike.org/pramana/in.purana.siva.1.1.1) / prayāge parame puṇye brahmalokasya vartmani // / munayaḥ śaṃsitātmanassatyavrataparāyaṇāḥ // ### [1.1.2](https://indike.org/pramana/in.purana.siva.1.1.2) / mahaujaso mahābhāgā mahāsatraṃ vitenire // / tatra satraṃ samākarṇya vyāsaśiṣyo mahāmuniḥ // ### [1.1.3](https://indike.org/pramana/in.purana.siva.1.1.3) / ājagāma munīndraṣṭuṃ sūtaḥ paurāṇikottamaḥ // / taṃ dṛṣṭvā sūtamāyāṃtaṃ harṣitā munayastadā // ### [1.1.4](https://indike.org/pramana/in.purana.siva.1.1.4) / cetasā suprasannena pūjāṃ cakruryathāvidhi // / tato vinayasaṃyuktā procuḥ sāṃjalayaścate // ### [1.1.5](https://indike.org/pramana/in.purana.siva.1.1.5) / suprasannā mahātmānaḥ stutiṃ kṛtvāyathāvidhi // / romaharṣaṇa sarvajña bhavān vai bhāgyagauravāt // ### [1.1.6](https://indike.org/pramana/in.purana.siva.1.1.6) / purāṇavidyāmakhilāṃ vyāsātpratyarthamīyivān // / tasmādāścaryabhūtānāṃ kathānāṃ tvaṃ hi bhājanam // ### [1.1.7](https://indike.org/pramana/in.purana.siva.1.1.7) / ratnānāmurusārāṇāṃ ratnākara ivārṇavaḥ // / yacca bhūtaṃ ca bhavyaṃ ca yaccānyadvastu vartate // ### [1.1.8](https://indike.org/pramana/in.purana.siva.1.1.8) / na tvayā 'viditaṃ kiṃcittriṣu lokeṣu vidyate // / tvaṃ maddiṣṭavaśādasya darśanārthamihāgataḥ // ### [1.1.9](https://indike.org/pramana/in.purana.siva.1.1.9) / kurvankimapi naḥ śreyo na vṛthā gaṃtumarhasi // / tattvaṃ śrutaṃ sma naḥ sarvaṃ pūrvameva śubhāśubham // ### [1.1.10](https://indike.org/pramana/in.purana.siva.1.1.10) / na tṛptimadhigacchāmaḥ śravaṇecchā muhurmuhuḥ // / idānīmekamevāsti śrotavyaṃ sūta sanmate // ### [1.1.11](https://indike.org/pramana/in.purana.siva.1.1.11) / tadrahasyamapi brūhi yadi te 'nugraho bhavet // / prāpte kaliyuge ghore narāḥ puṇyavivarjitāḥ // ### [1.1.12](https://indike.org/pramana/in.purana.siva.1.1.12) / durācāraratāḥ sarve satyavārtāparāṅmukhāḥ // / parāpavādaniratāḥ paradravyābhilāṣiṇaḥ // ### [1.1.13](https://indike.org/pramana/in.purana.siva.1.1.13) / parastrīsaktamanasaḥ parahiṃsāparāyaṇāḥ // / dehātmadṛṣṭayā mūḍhā nāstikāḥ paśubuddhayaḥ // ### [1.1.14](https://indike.org/pramana/in.purana.siva.1.1.14) / mātṛpitṛkṛtadveṣāḥ strīdevāḥ kāmakiṃkarāḥ // / viprā lobhagrahagrastā vedavikrayajīvinaḥ // ### [1.1.15](https://indike.org/pramana/in.purana.siva.1.1.15) / dhanārjanārthamabhyastavidyā madavimohitāḥ // / tyaktasvajātikarmāṇaḥ prāyhaśaḥparavaṃcakāḥ // ### [1.1.16](https://indike.org/pramana/in.purana.siva.1.1.16) / trikālasaṃdhyayā hīnā brahmabodhavivarjitāḥ // / adayāḥ paṃḍitaṃmanyāssvācāravratalopakāḥ // ### [1.1.17](https://indike.org/pramana/in.purana.siva.1.1.17) / kṛṣyudyamaratāḥ krūrasvabhāvā malināśayāḥ // / kṣatriyāśca tathā sarve svadharmatyāgaśīlinaḥ // ### [1.1.18](https://indike.org/pramana/in.purana.siva.1.1.18) / asatsaṃgāḥ pāparatā vyabhicāraparāyaṇāḥ // / aśūrā araṇaprītāḥ palāyanaparāyaṇāḥ // ### [1.1.19](https://indike.org/pramana/in.purana.siva.1.1.19) / kucauravṛttayaḥ śūdrāḥ kāmakiṃkaracetasaḥ // / śastrāstravidyayā hīnā dhenuviprāvanojjhitāḥ // ### [1.1.20](https://indike.org/pramana/in.purana.siva.1.1.20) / śaraṇyāvanahīnāśca kāminyūtimṛgāssadā // / prajāpālanasaddharmavihīnā bhogatatparāḥ // ### [1.1.21](https://indike.org/pramana/in.purana.siva.1.1.21) / prajāsaṃhārakā duṣṭā jīvahiṃsākarā mudā // / vaiśyāḥ saṃskārahīnāste svadharmatyāgaśīlinaḥ // ### [1.1.22](https://indike.org/pramana/in.purana.siva.1.1.22) / kupathāḥ svārjanaratāstulākarmakuvṛttayaḥ // / gurudevadvijātīnāṃ bhaktihīnāḥ kubuddhayaḥ // ### [1.1.23](https://indike.org/pramana/in.purana.siva.1.1.23) / abhojitadvijāḥ prāyaḥ kṛpaṇā baddhamuṣṭayaḥ // / kāminījārabhāveṣu suratā malināśayāḥ // ### [1.1.24](https://indike.org/pramana/in.purana.siva.1.1.24) / lobhamohavicetaskāḥ pūrtādisuvṛṣojjhitāḥ // / tadvacchūdrāśca ye kecidbrāhmaṇācāratatparāḥ // ### [1.1.25](https://indike.org/pramana/in.purana.siva.1.1.25) / ujjvalākṛtayo mūḍhāḥ svadharmatyāgaśīlinaḥ // / kartārastapasāṃ bhūyo dvijatejopahārakāḥ // ### [1.1.26](https://indike.org/pramana/in.purana.siva.1.1.26) / śiśvalpamṛtyukārāśca maṃtroccāraparāyaṇāḥ // / śīligrāmaśilādīnāṃ pūjakāhomatatparāḥ // ### [1.1.27](https://indike.org/pramana/in.purana.siva.1.1.27) / pratikūlavicārāśca kuṭilā dvijadūṣakāḥ // / dhanavaṃtaḥ kukarmāṇo vidyāvanto vivādinaḥ // ### [1.1.28](https://indike.org/pramana/in.purana.siva.1.1.28) / ākhyāyopāsanā dharmavaktāro dharmalopakāḥ // / subhūpākṛtayo daṃbhāḥ sudātāro mahāmadāḥ // ### [1.1.29](https://indike.org/pramana/in.purana.siva.1.1.29) / viprādīnsevakānmatvā manyamānā nijaṃ prabhum // / svadharmarahitā mūḍāḥ saṃkarāḥ krūrabuddhayaḥ // ### [1.1.30](https://indike.org/pramana/in.purana.siva.1.1.30) / mahābhimānino nityaṃ caturvarṇavilopakāḥ // / sukulīnānnijānmatvā caturvarṇairvivartanāḥ // ### [1.1.31](https://indike.org/pramana/in.purana.siva.1.1.31) / sarvavarṇabhraṣṭakarā mūḍhāssatkarmakāriṇaḥ // / striyaśca prāyaśo bhraṣṭā bhartravajñānakārikāḥ // ### [1.1.32](https://indike.org/pramana/in.purana.siva.1.1.32) / śvaśuradrohakāriṇyo nirbhayā malināśanāḥ // / kuhāvabhāvaniratāḥ kuśīlāssmaravihvalāḥ // ### [1.1.33](https://indike.org/pramana/in.purana.siva.1.1.33) / jārasaṃgaratā nityaṃ svasvāmivimukhāstathā // / tanayā mātṛpitrośca bhaktihīnā durāśayāḥ // ### [1.1.34](https://indike.org/pramana/in.purana.siva.1.1.34) / avidyāpāṭhakā nityaṃ rogagrasitadehakāḥ // / eteṣāṃ naṣṭabuddhīnāṃ svadharmatyāgaśīlinām // ### [1.1.35](https://indike.org/pramana/in.purana.siva.1.1.35) / paralokepīha loke kathaṃ sūta gatirbhavet // / iti ciṃtākulaṃ cittaṃ jāyate satataṃ hi naḥ // ### [1.1.36](https://indike.org/pramana/in.purana.siva.1.1.36) / paropakārasadṛśo nāsti dharmo paraḥ khalu // / laghūpāyena yenaiṣāṃ bhavetsadyoghanāśanam // ### [1.1.37](https://indike.org/pramana/in.purana.siva.1.1.37) / sarvasiddhāntavittvaṃ hi kṛpayā tadvadādhunā // / vyāsa uvāca ityākarṇya vacasteṣāṃ munīnāṃ bhāvitātmanām // ### [1.1.38](https://indike.org/pramana/in.purana.siva.1.1.38) / manasā śaṃkaraṃ smṛtvā sūtaḥ provāca tānmunīn // ### [1.1.38.p1](https://indike.org/pramana/in.purana.siva.1.1.38.p1) iti śrīśaive mahāpurāṇe vidyeśvarasaṃhitāyāṃ munipraśnavarṇanonāmaprathamo 'dhyāyaḥ ### [1.1.38.p2](https://indike.org/pramana/in.purana.siva.1.1.38.p2) Chapter 2 sūtauvāca sādhupṛṣṭaṃ sādhavo vastrailokyahitakārakam // ### [1.2.1](https://indike.org/pramana/in.purana.siva.1.2.1) / guruṃ smṛtvā bhavatsnehādvakṣye tacchṛṇutādarāt // / vedāṃtasārasarvasvaṃ purāṇaṃ śaivamuttamam // ### [1.2.2](https://indike.org/pramana/in.purana.siva.1.2.2) / sarvāghaughoddhārakaraṃ paratra paramārthadam // / kalikalmaṣavidhvaṃsi yasmiñcchivayaśaḥ param // ### [1.2.3](https://indike.org/pramana/in.purana.siva.1.2.3) / vijṛmbhate sadā viprāścaturvargaphalapradam // / tasyādhyayanamātreṇa purāṇasya dvijottamāḥ // ### [1.2.4](https://indike.org/pramana/in.purana.siva.1.2.4) / sarvottamasya śaivasya te yāsyaṃti susadgatim // / tāvadvijṛṃbhate pāpaṃ brahmahatyāpurassaram // ### [1.2.5](https://indike.org/pramana/in.purana.siva.1.2.5) / yāvacchivapurāṇaṃ hi nodeṣyati jagatyaho // / tāvatkalimahotpātāḥ saṃcariṣyaṃti nirbhayāḥ // ### [1.2.6](https://indike.org/pramana/in.purana.siva.1.2.6) / yāvacchivapurāṇaṃ hi nodeṣyati jagatyaho // / tāvatsarvāṇi śāstrāṇi vivadaṃti parasparam // ### [1.2.7](https://indike.org/pramana/in.purana.siva.1.2.7) / yāvacchivapurāṇaṃ hi nodeṣyati jagatyaho // / tāvatsvarūpaṃ durbodhaṃ śivasya mahatāmapi // ### [1.2.8](https://indike.org/pramana/in.purana.siva.1.2.8) / yāvacchivapurāṇaṃ hi no deṣyati jagatyaho // / tāvadyamabhaṭāḥ krūrāḥ saṃcariṣyaṃti nirbhayāḥ // ### [1.2.9](https://indike.org/pramana/in.purana.siva.1.2.9) / yāvacchivapurāṇaṃ hi nodeṣyati jagatyaho // / tāvatsarvapurāṇāni pragarjaṃti mahītale // ### [1.2.10](https://indike.org/pramana/in.purana.siva.1.2.10) / yāvacchivapurāṇaṃ hi nodeṣyati jagatyaho // / tāvatsarvāṇi tīrthāni vivadaṃti mahītale // ### [1.2.11](https://indike.org/pramana/in.purana.siva.1.2.11) / yāvachivapurāṇaṃ hi nodeṣyati jagatyaho // / tāvatsarvāṇi maṃtrāṇi vivadaṃti mahītale // ### [1.2.12](https://indike.org/pramana/in.purana.siva.1.2.12) / yāvacchivapurāṇaṃ hi nodeṣyati mahītale // / tāvatsarvāṇi kṣetrāṇi vivadaṃti mahītale // ### [1.2.13](https://indike.org/pramana/in.purana.siva.1.2.13) / yāvacchivapurāṇaṃ hi nodeṣyati mahītale // / tāvatsarvāṇi pīṭhāni vivadaṃti mahītale // ### [1.2.14](https://indike.org/pramana/in.purana.siva.1.2.14) / yāvacchivapurāṇaṃ hi nodeṣyati mahītale // / tāvatsarvāṇi dānāni vivadaṃti mahītale // ### [1.2.15](https://indike.org/pramana/in.purana.siva.1.2.15) / yāvacchivapurāṇaṃ hi nodeṣyati mahītale // / tāvatsarve ca te devā vivadaṃti mahītale // ### [1.2.16](https://indike.org/pramana/in.purana.siva.1.2.16) / yāvacchivapurāṇaṃ hi nodeṣyati mahītale // / tāvatsarve ca siddhāntā vivadaṃti mahītale // ### [1.2.17](https://indike.org/pramana/in.purana.siva.1.2.17) / yāvacchivapurāṇaṃ hi nodeṣyati mahītale // / asya śaivapurāṇasya kīrtanaśravaṇāddvijāḥ // ### [1.2.18](https://indike.org/pramana/in.purana.siva.1.2.18) / phalaṃ vaktuṃ na śaknomi kārtsnyena munisattamāḥ // / tathāpi tasya māhātmyaṃ vakṣye kiṃcittu vonaghāḥ // ### [1.2.19](https://indike.org/pramana/in.purana.siva.1.2.19) / cittamādhāya śṛṇuta vyāsenoktaṃ purā mama // / etacchivapurāṇaṃ hi ślokaṃ ślokārdhameva ca // ### [1.2.20](https://indike.org/pramana/in.purana.siva.1.2.20) / yaḥ paṭhedbhaktisaṃyuktassa pāpānmucyate kṣaṇāt // / etacchivapurāṇaṃ hi yaḥ pratyahamataṃdritaḥ // ### [1.2.21](https://indike.org/pramana/in.purana.siva.1.2.21) / yathāśakti paṭhedbhaktyā sa jīvanmukta ucyate // / etacchivapurāṇaṃ hi yo bhaktyārcayate sadā // ### [1.2.22](https://indike.org/pramana/in.purana.siva.1.2.22) / dine dine 'śvamedhasya phalaṃ prāpnotyasaṃśayam // / etacchivapurāṇaṃ yassādhāraṇapadecchayā // ### [1.2.23](https://indike.org/pramana/in.purana.siva.1.2.23) / anyataḥ śṛṇuyātso 'pi matto mucyeta pātakāt // / etacchivapurāṇaṃ yo namaskuryādadūrataḥ // ### [1.2.24](https://indike.org/pramana/in.purana.siva.1.2.24) / sarvadevārcanaphalaṃ sa prāpnoti na saṃśayaḥ // / etacchivapurāṇaṃ vai likhitvā pustakaṃ svayam // ### [1.2.25](https://indike.org/pramana/in.purana.siva.1.2.25) / yo dadyācchivabhaktebhyastasya puṇyaphalaṃ śṛṇu // / adhīteṣu ca śāstreṣu vedeṣu vyākṛteṣu ca // ### [1.2.26](https://indike.org/pramana/in.purana.siva.1.2.26) / yatphalaṃ durlabhaṃ loke tatphalaṃ tasya saṃbhavet // / etacchivapurāṇaṃ hi caturdaśyāmupoṣitaḥ // ### [1.2.27](https://indike.org/pramana/in.purana.siva.1.2.27) / śivabhaktasabhāyāṃ yo vyākaroti sa uttamaḥ // / pratyakṣaraṃ tu gāyatrīpuraścaryāphalaṃ labhet // ### [1.2.28](https://indike.org/pramana/in.purana.siva.1.2.28) / iha bhuktvākhilānkāmānaṃte nirvāṇatāṃ vrajet // / upoṣitaścaturdaśyāṃ rātrau jāgaraṇānvitaḥ // ### [1.2.29](https://indike.org/pramana/in.purana.siva.1.2.29) / yaḥ paṭhecchṛṇuyādvāpi tasya puṇyaṃ vadāmyaham // / kurukṣetrādinikhilapuṇyatīrtheṣvanekaśaḥ // ### [1.2.30](https://indike.org/pramana/in.purana.siva.1.2.30) / ātmatulyadhanaṃ sūryagrahaṇe sarvatomukhe // / viprebhyo vyāsamukhyebhyo dattvāyatphalamaśnute // ### [1.2.31](https://indike.org/pramana/in.purana.siva.1.2.31) / tatphalaṃ saṃbhavettasya satyaṃ satyaṃ na saṃśayaḥ // / etacchivapurāṇaṃ hi gāyate yopyaharniśam // ### [1.2.32](https://indike.org/pramana/in.purana.siva.1.2.32) / ājñāṃ tasya pratīkṣerandavā indrapurogamāḥ // / etacchivapurāṇaṃ yaḥ paṭhañchṛṇvanhi nityaśaḥ // ### [1.2.33](https://indike.org/pramana/in.purana.siva.1.2.33) / yadyatkaroti satkarma tatkoṭiguṇitaṃ bhavet // / samāhitaḥ paṭhedyastu tatra śrīrudrasaṃhitām // ### [1.2.34](https://indike.org/pramana/in.purana.siva.1.2.34) / sa brahmaghno 'pi pūtātmā tribhireva dinairbhavet // / tāṃ rudrasaṃhitāṃ yastu bhairavapratimāṃtike // ### [1.2.35](https://indike.org/pramana/in.purana.siva.1.2.35) / triḥ paṭhetpratyahaṃ maunī sa kāmānakhilāṃllabhet // / tāṃ rudrasaṃhitāṃ yastu sapaṭhedvaṭabilvayoḥ // ### [1.2.36](https://indike.org/pramana/in.purana.siva.1.2.36) / pradakṣiṇāṃ prakurvāṇo brahmahatyā nivartate // / kailāsasaṃhitā tatra tato 'pi paramasmṛtā // ### [1.2.37](https://indike.org/pramana/in.purana.siva.1.2.37) / brahmasvarūpiṇī sākṣātpraṇavārthaprakāśikā // / kailāsasaṃhitāyāstu māhātmyaṃ vetti śaṃkaraḥ // ### [1.2.38](https://indike.org/pramana/in.purana.siva.1.2.38) / kṛtsnaṃ tadardhaṃ vyāsaśca tadardhaṃ vedmyahaṃ dvijāḥ // / tatra kiṃcitpravakṣyāmi kṛtsnaṃ vaktuṃ na śakyate // ### [1.2.39](https://indike.org/pramana/in.purana.siva.1.2.39) / yajjñātvā tatkṣaṇāllokaścittaśuddhimavāpnuyāt // / na nāśayati yatpāpaṃ sā raudrī saṃhitā dvijāḥ // ### [1.2.40](https://indike.org/pramana/in.purana.siva.1.2.40) / tanna paśyāmyahaṃ loke mārgamāṇo 'pi sarvadā // / śivenopaniṣatsiṃdhumanthanotpāditāṃ mudā // ### [1.2.41](https://indike.org/pramana/in.purana.siva.1.2.41) / kumārāyārpitāṃ tāṃ vai sudhāṃ pītvā 'maro bhavet // / brahmahatyādipāpānāṃ niṣkṛtiṃ kartumudyataḥ // ### [1.2.42](https://indike.org/pramana/in.purana.siva.1.2.42) / māsamātraṃ saṃhitāṃ tāṃ paṭhitvā mucyate tataḥ // / duṣpratigrahadurbhojyadurālāpādisaṃbhavam // ### [1.2.43](https://indike.org/pramana/in.purana.siva.1.2.43) / pāpaṃ sakṛtkīrtanena saṃhitā sā vināśayet // / śivālaye vilvavane saṃhitāṃ tāṃ paṭhettu yaḥ // ### [1.2.44](https://indike.org/pramana/in.purana.siva.1.2.44) / sa tatphalamavāpnoti yadvāco 'pi na gocare // / saṃhitāṃ tāṃ paṭhan bhaktyā yaḥ śrāddhe bhojayeddvijān // ### [1.2.45](https://indike.org/pramana/in.purana.siva.1.2.45) / tasya ye pitaraḥ sarve yāṃti śaṃbhoḥ paraṃ padam // / caturdaśyāṃ nirāhāro yaḥ paṭhetsaṃhitāṃ ca tām // ### [1.2.46](https://indike.org/pramana/in.purana.siva.1.2.46) / bilvamūle śivaḥ sākṣātsadevaiśca prapūjyate // / anyāpi saṃhitā tatra sarvakāmaphalapradā // ### [1.2.47](https://indike.org/pramana/in.purana.siva.1.2.47) / ubhe viśiṣṭe vijñeye līlāvijñānapūrite // / tadidaṃ śaivamākhyātaṃ purāṇaṃ vedasaṃmitam // ### [1.2.48](https://indike.org/pramana/in.purana.siva.1.2.48) / nirmitaṃ tacchivenaiva prathamaṃ brahmasaṃmitam // / vidyeśaṃca tathāraudraṃ vaināyakamathaumikam // ### [1.2.49](https://indike.org/pramana/in.purana.siva.1.2.49) / mātraṃ rudraikādaśakaṃ kailāsaṃ śatarudrakam // / koṭirudrasahasrādyaṃ koṭirudraṃ tathaiva ca // ### [1.2.50](https://indike.org/pramana/in.purana.siva.1.2.50) / vāyavīyaṃ dharmasaṃjñaṃ purāṇamiti bhedataḥ // / saṃhitā dvādaśamitā mahāpuṇyatarā matā // ### [1.2.51](https://indike.org/pramana/in.purana.siva.1.2.51) / tāsāṃ saṃkhyāṃ bruve viprāḥ śṛṇutādaratokhilam // / vidyeśaṃ daśāsāhasraṃ rudraṃ vaināyakaṃ tathā // ### [1.2.52](https://indike.org/pramana/in.purana.siva.1.2.52) / aumaṃ mātṛpurāṇākhyaṃ pratyekāṣṭasahasrakam // / trayodaśasahasraṃ hi rudraikādaśakaṃ dvijāḥ // ### [1.2.53](https://indike.org/pramana/in.purana.siva.1.2.53) / ṣaṭsahasraṃ ca kailāsaṃ śatarudraṃ tadardhakam // / koṭirudraṃ triguṇitamekādaśasahasrakam // ### [1.2.54](https://indike.org/pramana/in.purana.siva.1.2.54) / sahasrakoṭirudrākhyamuditaṃ graṃthasaṃkhyayā // / vāyavīyaṃ khābdhiśataṃ gharmaṃ ravisahasrakam // ### [1.2.55](https://indike.org/pramana/in.purana.siva.1.2.55) / tadevaṃ lakṣasaṃkhyākaṃ śaivasaṃkhyāvibhedataḥ // / vyāsena tattu saṃkṣiptaṃ caturviṃśatsahasrakam // ### [1.2.56](https://indike.org/pramana/in.purana.siva.1.2.56) / śaivaṃ tatra caturthaṃ vai purāṇaṃ saptasaṃhitam // / śive saṃkalpitaṃ pūrvaṃ purāṇaṃ granthasaṃkhyayā // ### [1.2.57](https://indike.org/pramana/in.purana.siva.1.2.57) / śatakoṭipramāṇaṃ hi purā sṛṣṭau suvismṛtam // / vyasteṣṭādaśadhā caiva purāṇe dvāparādiṣu // ### [1.2.58](https://indike.org/pramana/in.purana.siva.1.2.58) / caturlakṣeṇa saṃkṣipte kṛte dvaipāyanādibhiḥ // / proktaṃ śivapurāṇaṃ hi caturviṃśatsahasrakam // ### [1.2.59](https://indike.org/pramana/in.purana.siva.1.2.59) / ślokānāṃ saṃkhyayā saptasaṃhitaṃ brahmasaṃmitam // / vidyeśvarākhyā tatrādyā raudrī jñeyā dvitīyikā // ### [1.2.60](https://indike.org/pramana/in.purana.siva.1.2.60) / tṛtīyā śatarudrākhyā koṭirudrā caturthikā // / pañcamī caiva maumākhyā ṣaṣṭhī kailāsasaṃjñikā // ### [1.2.61](https://indike.org/pramana/in.purana.siva.1.2.61) / saptamī vāyavīyākhyā saptaivaṃ saṃhitāmatāḥ // / sasaptasaṃhitaṃ divyaṃ purāṇaṃ śivasaṃjñakam // ### [1.2.62](https://indike.org/pramana/in.purana.siva.1.2.62) / varīvarti brahmatulyaṃ sarvopari gatipradam // / etacchivapurāṇaṃ hi saptasaṃhitamādarāt // ### [1.2.63](https://indike.org/pramana/in.purana.siva.1.2.63) / paripūrṇaṃ paṭhedyastu sa jīvanmukta ucyate // / śrutismṛtipurāṇetihāsāgamaśatāni ca // ### [1.2.64](https://indike.org/pramana/in.purana.siva.1.2.64) / etacchivapurāṇasya nārhaṃtyalpāṃ kalāmapi // / śaivaṃ purāṇamamalaṃ śivakīrtitaṃ tadvyāsena śaivapravaṇena na saṃgṛhītam // ### [1.2.65](https://indike.org/pramana/in.purana.siva.1.2.65) / saṃkṣepataḥ sakalajīvaguṇopakāre tāpatrayaghnamatulaṃ śivadaṃ satāṃ hi // / vikaitavo dharma iha pragīto vedāṃtavijñānamayaḥ pradhānaḥ // ### [1.2.66](https://indike.org/pramana/in.purana.siva.1.2.66) / amatsarāṃtarbudhavedyavastu satkḷptamatraiva trivargayuktam // / śaivaṃ purāṇatilakaṃ khalu satpurāṇaṃ vedāṃtavedavilasatparavastugītam // ### [1.2.67](https://indike.org/pramana/in.purana.siva.1.2.67) / yo vai paṭhecca śṛṇuyātparamādareṇa śaṃbhupriyaḥ sa hi labhetparamāṃ gatiṃ vai // ### [1.2.67.p1](https://indike.org/pramana/in.purana.siva.1.2.67.p1) iti śrīśivamahāpurāṇe vidyeśvarasaṃhitāyāṃ dvidīyo 'dhyāyaḥ ### [1.2.67.p2](https://indike.org/pramana/in.purana.siva.1.2.67.p2) Chapter 3 vyāsa uvāca ityākarṇya vacaḥ sautaṃ procuste paramarṣayaḥ // ### [1.3.1](https://indike.org/pramana/in.purana.siva.1.3.1) / vedāṃtasārasarvasvaṃ purāṇaṃ śrāvayādbhutam // / iti śrutvā munīnāṃ sa vacanaṃ supraharṣitaḥ // ### [1.3.2](https://indike.org/pramana/in.purana.siva.1.3.2) / saṃsmarañchaṃkaraṃ sūtaḥ provāca munisattamān // / sūta uvāca śṛṇvaṃtu ṛṣayaḥ sarve smṛtvā śivamanāmayam // ### [1.3.3](https://indike.org/pramana/in.purana.siva.1.3.3) / purāṇapravaṇaṃ śaivaṃ purāṇaṃ vedasārajam // / yatra gītaṃ trikaṃ prītyā bhaktijñānavirāgakam // ### [1.3.4](https://indike.org/pramana/in.purana.siva.1.3.4) / vedāṃtavedyaṃ sadvastu viśeṣeṇa pravarṇitam // ### [1.3.5](https://indike.org/pramana/in.purana.siva.1.3.5) / sūta uvāca śṛṇvaṃtu ṛṣayaḥ sarve purāṇaṃ vedasārajam // ### [1.3.6](https://indike.org/pramana/in.purana.siva.1.3.6) / purā kālena mahatā kalpe 'tīte punaḥpunaḥ // / asminnupasthite kalpe pravṛtte sṛṣṭikarmaṇi // ### [1.3.7](https://indike.org/pramana/in.purana.siva.1.3.7) / munīnāṃ ṣaṭkulīnānāṃ bruvatāmitaretaram // / idaṃ paramidaṃ neti vivādaḥ sumahānabhūt // ### [1.3.8](https://indike.org/pramana/in.purana.siva.1.3.8) / te 'bhijagmurvidhātāraṃ brahmāṇaṃ praṣṭumavyayam // / vāgbhirvinayagarbhābhiḥ sarve prāṃjalayo 'bruvan // ### [1.3.9](https://indike.org/pramana/in.purana.siva.1.3.9) / tvaṃ hi sarvajagaddhātā sarvakāraṇakāraṇam // / kaḥ pumānsarvatattvebhyaḥ purāṇaḥ parataḥ paraḥ // ### [1.3.10](https://indike.org/pramana/in.purana.siva.1.3.10) / brahmovāca yato vāco nivartaṃte aprāpya manasā saha // / yasmātsarvamidaṃ brahmaviṣṇurudreṃdrapūrvakam // ### [1.3.11](https://indike.org/pramana/in.purana.siva.1.3.11) / sahabhūteṃdriyaiḥ sarvaiḥ prathamaṃ saṃprasūyate // / eṣa devo mahādevaḥ sarvajño jagadīśvaraḥ // ### [1.3.12](https://indike.org/pramana/in.purana.siva.1.3.12) / ayaṃ tu parayā bhaktyā dṛśyate nā 'nyathā kvacit // / rudro harirharaścaiva tathānye ca sureśvarāḥ // ### [1.3.13](https://indike.org/pramana/in.purana.siva.1.3.13) / bhaktyā paramayā tasya nityaṃ darśanakāṃkṣiṇaḥ // / bahunātra kimuktena śive bhaktyā vimucyate // ### [1.3.14](https://indike.org/pramana/in.purana.siva.1.3.14) / prasādāddevatābhaktiḥ prasādo bhaktisaṃbhavaḥ // / yathehāṃkurato bījaṃ bījato vā yathāṃkuraḥ // / tasmādīśaprasādārthaṃ yūyaṃ gatvā bhuvaṃ dvijāḥ // ### [1.3.15](https://indike.org/pramana/in.purana.siva.1.3.15) / dīrghasatraṃ samākṛdhvaṃ yūyaṃ varṣasahasrakam // / amuṣyaivādhvareśasya śivasyaiva prasādataḥ // ### [1.3.16](https://indike.org/pramana/in.purana.siva.1.3.16) / vedoktavidyāsāraṃ tu jñāyate sādhyasādhanaṃ // / munaya ūcuḥ atha kiṃ paramaṃ sādhyaṃ kiṃvā tatsādhanaṃ param // ### [1.3.17](https://indike.org/pramana/in.purana.siva.1.3.17) / sādhakaḥ kīdṛśastatra tadidaṃ brūhi tattvataḥ // / brahmovāca sādhyaṃ śivapadaprāptiḥ sādhanaṃ tasya sevanam // ### [1.3.18](https://indike.org/pramana/in.purana.siva.1.3.18) / sādhakastatprasādādyo 'nityādiphalaniḥspṛhaḥ // / karma kṛtvā tu vedoktaṃ tadarpitamahāphalam // ### [1.3.19](https://indike.org/pramana/in.purana.siva.1.3.19) / parameśapadaprāptaḥ sālokyādikramāttataḥ // / tattadbhaktyanusāreṇa sarveṣāṃ paramaṃ phalam // ### [1.3.20](https://indike.org/pramana/in.purana.siva.1.3.20) / tatsādhanaṃ bahuvidhaṃ sākṣādīśena bodhitam // / saṃkṣipya tatra vaḥ sāraṃ sādhanaṃ prabravīmyaham // ### [1.3.21](https://indike.org/pramana/in.purana.siva.1.3.21) / śrotreṇa śravaṇaṃ tasya vacasā kīrtanaṃ tathā // / manasā mananaṃ tasya mahāsādhanamucyate // ### [1.3.22](https://indike.org/pramana/in.purana.siva.1.3.22) / śrotavyaḥ kīrtitavyaśca mantavyaśca maheśvaraḥ // / iti śrutipramāṇaṃ naḥ sādhanenā 'munā param // ### [1.3.23](https://indike.org/pramana/in.purana.siva.1.3.23) / sādhyaṃ vrajata sarvārthasādhanaikaparāyaṇāḥ // / pratyakṣaṃ cakṣuṣā dṛṣṭvā tatra lokaḥ pravartate // ### [1.3.24](https://indike.org/pramana/in.purana.siva.1.3.24) / apratyakṣaṃ hi sarvatra jñātvā śrotreṇa ceṣṭate // / tasmācchravaṇamevādau śrutvā gurumukhādbudhaḥ // ### [1.3.25](https://indike.org/pramana/in.purana.siva.1.3.25) / tataḥ saṃsādhayedanyatkīrtanaṃ mananaṃ sudhīḥ // / kramānmananaparyaṃte sādhane 'sminsusādhite // ### [1.3.26](https://indike.org/pramana/in.purana.siva.1.3.26) / śivayogo bhavettena sālokyādikramācchanaiḥ // / sarvāṃgavyādhayaḥ paścātsarvānaṃdaśca līyate // ### [1.3.27](https://indike.org/pramana/in.purana.siva.1.3.27) / abhyāsātkleśametadvai paścādādyaṃtamaṃgalam // ### [1.3.27.p1](https://indike.org/pramana/in.purana.siva.1.3.27.p1) iti śrīśivamahāpurāṇe vidyeśvarasaṃhitāyāṃ sādhyasādhanakhaṇḍe tṛtīyo 'dhyāyaḥ ### [1.3.27.p2](https://indike.org/pramana/in.purana.siva.1.3.27.p2) Chapter 4 munaya ūcuḥ mananaṃ kīdṛśaṃ brahmañchravaṇaṃ cāpi kīdṛśam // ### [1.4.1](https://indike.org/pramana/in.purana.siva.1.4.1) / kīrtanaṃ vā kathaṃ tasya kīrtayaitadyathāyatham // / brahmovaca pūjājapeśaguṇarūpavilāsanāmnāṃ yuktipriyeṇa manasā pariśodhanaṃ yat // ### [1.4.2](https://indike.org/pramana/in.purana.siva.1.4.2) / tatsaṃtataṃ mananamīśvaradṛṣṭilabhyaṃ sarveṣu sādhanavareṣvapi mukhyamukhyam // / gītātmanā śrutipadena ca bhāṣayā vā śaṃbhupratāpaguṇarūpavilāsanāmnām // ### [1.4.3](https://indike.org/pramana/in.purana.siva.1.4.3) / vācā sphuṭaṃ tu rasavatstavanaṃ yadasya tatkīrtanaṃ bhavati sā dhanamatra madhyam // / yenāpi kena karaṇena ca śabdapuṃjaṃ yatra kvacicchivaparaṃ śravaṇeṃdriyeṇa // ### [1.4.4](https://indike.org/pramana/in.purana.siva.1.4.4) / strīkelivaddṛḍhataraṃ praṇidhīyate yattadvai budhāḥ śravaṇamatra jagatprasiddham // / satsaṃgamena bhavati śravaṇaṃ purastātsaṃkīrtanaṃ paśupateratha taddṛḍhaṃ syāt // ### [1.4.5](https://indike.org/pramana/in.purana.siva.1.4.5) / sarvottamaṃ bhavati tanmananaṃ tadaṃte sarvaṃ hi saṃbhavati śaṃkaradṛṣṭipāte // / sūta uvāca asminsādhanamāhatmye purā vṛttaṃ munīśvarāḥ // ### [1.4.6](https://indike.org/pramana/in.purana.siva.1.4.6) / yuṣmadarthaṃ pravakṣyāmi śṛṇudhvamavadhānataḥ // / purā mama gururvyāsaḥ parāśaramuneḥ sutaḥ // ### [1.4.7](https://indike.org/pramana/in.purana.siva.1.4.7) / tapaścacāra saṃbhrāṃtaḥ sarasvatyāstaṭe śubhe // / gacchanyadṛchayā tatra vimānenārkarociṣā // ### [1.4.8](https://indike.org/pramana/in.purana.siva.1.4.8) / sanatkumāro bhagavāndadarśa mama deśikam // / dhyānārūḍhaḥ prabuddho 'sau dadarśa tamajātmajam // ### [1.4.9](https://indike.org/pramana/in.purana.siva.1.4.9) / praṇipatyāha saṃbhrāṃtaḥ paraṃ kautūhalaṃ muniḥ // / dattvārghyamasmai pradadau devayogyaṃ ca viṣṭiram // ### [1.4.10](https://indike.org/pramana/in.purana.siva.1.4.10) / prasannaḥ prāha taṃ prahvaṃ prabhurgaṃbhīrayā girā // / sanatkumāra uvāca satyaṃ vastu mune dadhyāḥ sākṣātkaraṇagocaraḥ // ### [1.4.11](https://indike.org/pramana/in.purana.siva.1.4.11) / sa śivothāsahāyotra tapaścarasi kiṃ kṛte // / evamuktaḥ kumāreṇa provāca svāśayaṃ muniḥ // ### [1.4.12](https://indike.org/pramana/in.purana.siva.1.4.12) / dharmārthakāmamokṣāśca vedamārge kṛtādarāḥ // / bahudhā sthāpitā loke mayā tvatkṛpayā tathā // ### [1.4.13](https://indike.org/pramana/in.purana.siva.1.4.13) / evaṃ bhutasya mepyevaṃ gurubhūtasya sarvataḥ // / muktisādhanakaṃ jñānaṃ nodeti paramādbhutam // ### [1.4.14](https://indike.org/pramana/in.purana.siva.1.4.14) / tapaścarāmi muktyarthaṃ na jāne tatra kāraṇam // / itthaṃ kumāro bhagavān vyāsena muninārthitaḥ // ### [1.4.15](https://indike.org/pramana/in.purana.siva.1.4.15) / samarthaḥ prāha vipreṃdrā niścayaṃ muktikāraṇam // / śravaṇaṃ kīrtanaṃ śaṃbhormananaṃ ca mahattaram // ### [1.4.16](https://indike.org/pramana/in.purana.siva.1.4.16) / trayaṃ sādhanamuktaṃ ca vidyate vedasaṃmatam // / purāhamatha saṃbhrāṃto hyanyasādhanasaṃbhramaḥ // ### [1.4.17](https://indike.org/pramana/in.purana.siva.1.4.17) / acale maṃdare śaile tapaścaraṇamācaram // / śivājñayā tataḥ prāpto bhagavānnandikeśvaraḥ // ### [1.4.18](https://indike.org/pramana/in.purana.siva.1.4.18) / sa me dayālurbhagavānsarvasākṣī gaṇeśvaraḥ // / uvāca mahyaṃ sasnehaṃ muktisādhanamuttamam // ### [1.4.19](https://indike.org/pramana/in.purana.siva.1.4.19) / śravaṇaṃ kīrtanaṃ śaṃbhormananaṃ vedasaṃmatam // / trikaṃ ca sādhanaṃ muktau śivena mama bhāṣitam // ### [1.4.20](https://indike.org/pramana/in.purana.siva.1.4.20) / śravaṇādiṃ brahmankuruṣveti muhurmuhuḥ // / evamuktvā tato vyāsaṃ sānugo vidhinaṃdanaḥ // ### [1.4.21](https://indike.org/pramana/in.purana.siva.1.4.21) / jagāma svavimānena padaṃ paramaśobhanam // / evamuktaṃ samāsena pūrvavṛttāṃtamuttamam // ### [1.4.22](https://indike.org/pramana/in.purana.siva.1.4.22) / ṛṣaya ūcuḥ śravaṇāditrayaṃ sūta muktyopāyastvayeritaḥ // / śravaṇāditrike 'śaktaḥ kiṃ kṛtvā mucyate janaḥ // ### [1.4.23](https://indike.org/pramana/in.purana.siva.1.4.23) / ayatnenaiva muktiḥ syātkarmaṇā kena hetunā // ### [1.4.23.p1](https://indike.org/pramana/in.purana.siva.1.4.23.p1) iti śrīśivamahāpurāṇe prathamāyāṃ vidyeśvarasaṃhitāyaṃ sādhyasādhanakhaṇḍe caturtho 'dhyāyaḥ ### [1.4.23.p2](https://indike.org/pramana/in.purana.siva.1.4.23.p2) Chapter 5 sūta uvāca śravaṇāditrike 'śakto liṃgaṃ beraṃ ca śāṃkaram // ### [1.5.1](https://indike.org/pramana/in.purana.siva.1.5.1) / saṃsthāpya nityamabhyarcya taretsaṃsārasāgaram // / api dravyaṃ vahedeva yathābalamavaṃcayan // ### [1.5.2](https://indike.org/pramana/in.purana.siva.1.5.2) / arpayelliṃgaberārthamarcayedapi saṃtatam // / maṃḍapaṃ gopuraṃ tīrthaṃ maṭhaṃ kṣetraṃ tathotsavam // ### [1.5.3](https://indike.org/pramana/in.purana.siva.1.5.3) / vastraṃ gaṃdhaṃ ca mālyaṃ ca dhūpaṃ dīpaṃ ca bhaktitaḥ // / vividhānnaṃ ca naivedyamapūpavyaṃjanairyutam // ### [1.5.4](https://indike.org/pramana/in.purana.siva.1.5.4) / chatraṃ dhvajaṃ ca vyajanaṃ cāmaraṃ cāpi sāṃgakam // / rājopacāravatsarvaṃ dhārayelliṃgaberayoḥ // ### [1.5.5](https://indike.org/pramana/in.purana.siva.1.5.5) / pradakṣiṇāṃ namaskāraṃ yathāśakti japaṃ tathā // / āvāhanādisargāṃtaṃ nityaṃ kuryātsubhaktitaḥ // ### [1.5.6](https://indike.org/pramana/in.purana.siva.1.5.6) / itthamabhyarcya yandevaṃ liṃgebere ca śāṃkare // / siddhimeti śivaprītyā hitvāpi śravaṇādikam // ### [1.5.7](https://indike.org/pramana/in.purana.siva.1.5.7) / liṃgaberārcanāmātrānmuktāḥ purve mahājanāḥ // / manuya ūcuḥ beramātre tu sarvatra pūjyaṃte devatāgaṇāḥ // ### [1.5.8](https://indike.org/pramana/in.purana.siva.1.5.8) / liṃgebere ca sarvatra kathaṃ saṃpūjyate śivaḥ // / sūta uvāca aho munīśvarāḥ puṇyaṃ praśnametanmahādbhutam // ### [1.5.9](https://indike.org/pramana/in.purana.siva.1.5.9) / atra vaktā mahādevo nānyo 'sti puruṣaḥ kvacit // / śivenoktaṃ pravakṣyāmi kramādgurumukhācchrutam // ### [1.5.10](https://indike.org/pramana/in.purana.siva.1.5.10) / śivaiko brahmarūpatvānniṣkalaḥ parikīrtitaḥ // / rūpitvātsakalastadvattasmātsakalaniṣkalaḥ // ### [1.5.11](https://indike.org/pramana/in.purana.siva.1.5.11) / niṣkalatvānnirākāraṃ liṃgaṃ tasya samāgatam // / sakalatvāttathā beraṃ sākāraṃ tasya saṃgatam // ### [1.5.12](https://indike.org/pramana/in.purana.siva.1.5.12) / sakalākalarūpatvādbrahmaśabdābhidhaḥ paraḥ // / api liṃge ca bere ca nityamabhyarcyate janaiḥ // ### [1.5.13](https://indike.org/pramana/in.purana.siva.1.5.13) / abrahmatvāttadanyeṣāṃ niṣkalatvaṃ na hi kvacit // / tasmātte niṣkale liṃge nārādhyaṃte sureśvarāḥ // ### [1.5.14](https://indike.org/pramana/in.purana.siva.1.5.14) / abrahmatvācca jīvatvāttathānye devatāgaṇāḥ // / tūṣṇīṃ sakalamātratvādarcyaṃte beramātrake // ### [1.5.15](https://indike.org/pramana/in.purana.siva.1.5.15) / jīvatvaṃ śaṃkarānyeṣāṃ brahmatvaṃ śaṃkarasya ca // / vedāṃtasārasaṃsiddhaṃ praṇavārthe prakāśanāt // ### [1.5.16](https://indike.org/pramana/in.purana.siva.1.5.16) / evameva purā pṛṣṭo maṃdare nandikeśvaraḥ // / sanatkumāramuninā brahmaputreṇa dhīmatā // ### [1.5.17](https://indike.org/pramana/in.purana.siva.1.5.17) / sanatkumāra uvāca śivānyadevavaśyānāṃ sarveṣāmapi sarvataḥ // / beramātraṃ ca pūjārthaṃ śrutaṃ dṛṣṭaṃ ca bhūriśaḥ // ### [1.5.18](https://indike.org/pramana/in.purana.siva.1.5.18) / śivamātrasya pūjāyāṃ liṃgaṃ beraṃ ca dṛśyate // / atastadbrūhi kalyāṇa tattvaṃ me sādhubodhanam // ### [1.5.19](https://indike.org/pramana/in.purana.siva.1.5.19) / nandikeśvara uvāca anuttaramimaṃ praśnaṃ rahasyaṃ brahmalakṣaṇam // / kathayāmi śivenoktaṃ bhaktiyuktasya te 'nagha // ### [1.5.20](https://indike.org/pramana/in.purana.siva.1.5.20) / śivasya brahmarūpatvānniṣkalatvācca niṣkalam // / liṃgaṃ tasyaiva pūjāyāṃ sarvavedeṣu saṃmatam // ### [1.5.21](https://indike.org/pramana/in.purana.siva.1.5.21) / tasyaiva sakalatvācca tathā sakalaniṣkalam // / sakalaṃ ca tathā beraṃ pūjāyāṃ lokasaṃmatam // ### [1.5.22](https://indike.org/pramana/in.purana.siva.1.5.22) / śivānyeṣāṃ ca jīvatvātsakalatvācca sarvataḥ // / beramātraṃ ca pūjāyāṃ saṃmataṃ vedanirṇaye // ### [1.5.23](https://indike.org/pramana/in.purana.siva.1.5.23) / svāvirbhāve ca devānāṃ sakalaṃ rūpameva hi // / śivasya liṃgaṃ beraṃ ca darśane dṛśyate khalu // ### [1.5.24](https://indike.org/pramana/in.purana.siva.1.5.24) / sanatkumāra uvāca uktaṃ tvayā mahābhāga liṃgaberapracāraṇam // / śivasya ca tadanyeṣāṃ vibhajya paramārthataḥ // ### [1.5.25](https://indike.org/pramana/in.purana.siva.1.5.25) / tasmāttadeva paramaṃ liṃgaberādisaṃbhavam // / śrotumicchāmi yogīṃdra liṃgāvirbhāvalakṣaṇam // ### [1.5.26](https://indike.org/pramana/in.purana.siva.1.5.26) / nandikeśvara uvāca śṛṇu vatsa bhavatprītyā vakṣyāmi paramārthataḥ // / purā kalpe mahākāle prapanne lokaviśrute // ### [1.5.27](https://indike.org/pramana/in.purana.siva.1.5.27) / āyudhyetāṃ mahātmānau brahmaviṣṇū parasparam // / tayormānaṃ nirākartuṃ tanmadhye parameśvaraḥ // ### [1.5.28](https://indike.org/pramana/in.purana.siva.1.5.28) / niṣkalastaṃbharūpeṇa svarūpaṃ samadarśayat // / tataḥ svaliṃgacihnatvātstambhato niṣkalaṃ śivaḥ // ### [1.5.29](https://indike.org/pramana/in.purana.siva.1.5.29) / svaliṃgaṃ darśayāmāsa jagatāṃ hitakāmyayā // / tadāprabhṛti lokeṣu niṣkalaṃ liṃgamaiśvaram // ### [1.5.30](https://indike.org/pramana/in.purana.siva.1.5.30) / sakalaṃ ca tathā beraṃ śivasyaiva prakalpitam // / śivānyeṣaḥ tu devānāṃ beramātraṃ prakalpitam // ### [1.5.31](https://indike.org/pramana/in.purana.siva.1.5.31) / tattadberaṃ tu devānāṃ tattadbhogapradaṃ śubham // / śivasya liṃgaberatvaṃ bhogamokṣapradaṃ śubham // ### [1.5.31.p1](https://indike.org/pramana/in.purana.siva.1.5.31.p1) iti śrīśivamahāpurāṇe vidyeśvarasaṃhitāyāṃ pañcamo 'dhyāyaḥ ### [1.5.31.p2](https://indike.org/pramana/in.purana.siva.1.5.31.p2) Chapter 6 nandikeśvara uvāca purā kadācidyogīṃdra viṣṇurviṣadharāsanaḥ // _First 200 of 1,673 passages. [Read on](https://indike.org/pramana/in.purana.siva.1)_ ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.1.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.1.1) — Sanskrit --- Source: [https://indike.org/pramana/in.purana.siva.1](https://indike.org/pramana/in.purana.siva.1) · Pramāṇa