Pramāṇa · Search · About · API

Shivapurana 7.1.17

Śivapurāṇa 7.1.17

Language
Sanskrit

Contents

7.1.17.1

/
maithunaprabhavāṃ sṛṣṭiṃ kartṛkāmaḥ prajāpatiḥ //
/
svayamapyadbhuto nārī cārdhena puruṣo 'bhavat //

7.1.17.2

/
yārdhena nārī sā tasmācchatarūpā vyajāyata //
/
virājamasṛjadbrahmā so 'rdhana puruṣo 'bhavat //

7.1.17.3

/
sa vai svāyaṃbhuvaḥ pūrvaṃ puruṣo manurucyate //
/
sā devī śatarūpā tu tapaḥ kṛtvā suduścaram //

7.1.17.4

/
bhartāraṃ dīptayaśasaṃ manumevānvapadyata //
/
tasmāttu śatarūpā sā putradvayamasūyata //

7.1.17.5

/
priyavratottānapādau putrau putravatāṃ varau //
/
kanye dve ca mahābhāge yābhyāṃ jātāstvimāḥ prajāḥ //

7.1.17.6

/
ākūtirekā vijñeyā prasūtiraparā smṛtā //
/
svāyaṃbhuvaḥ prasūtiṃ ca dadau dakṣāya tāṃ prabhuḥ //

7.1.17.7

/
ruceḥ prajāpatiścaiva cākūtiṃ samapādayat //
/
ākūtyāṃ mithunaṃ jajñe mānasasya ruceḥ śubham //

7.1.17.8

/
yajñaśca dakṣiṇā caiva yābhyāṃ saṃvartitaṃ jagat //
/
svāyaṃbhuvasutāyāṃ tu prasūtyāṃ lokamātaraḥ 1 //

7.1.17.9

/
catasro viṃśatiḥ kanyā dakṣastvajanayatprabhuḥ //
/
śraddhā lakṣmīrdhṛtiḥ puṣṭistuṣṭirmedhā kriyā tathā //

7.1.17.10

/
buddhirlajjā vapuḥ śāṃtissiddhiḥ kīrtistrayodaśī //
/
patnyarthaṃ pratijagrāha dharmo dākṣāyaṇīḥ prabhuḥ //

7.1.17.11

/
tābhyaḥ śiṣṭā yavīyasya ekādaśa sulocanāḥ //
/
khyātiḥ satyarthasaṃbhūtiḥ smṛtiḥ prītiḥ kṣamā tathā //

7.1.17.12

/
sannatiścānasūyā ca ūrjā svāhā svadhā tathā //
/
bhṛguśśarvo marīciśca aṃgirāḥ pulahaḥ kratuḥ //

7.1.17.13

/
pulastyo 'trirviśiṣṭhaśca pāvakaḥ pitarastathā //
/
khyātyādyā jagṛhuḥ kanyāmunayo munisattamāḥ //

7.1.17.14

/
kāmādyāstu yaśoṃtā ye te trayodaśa sūnavaḥ //
/
dharmasya jajñire tāstu śraddhādyāssusukhottarāḥ //

7.1.17.15

/
duḥkhottarāśca hiṃsāyāmadharmasya ca saṃtatau //
/
nikṛtyādaya utpannāḥputrāśca dharmalakṣaṇāḥ //

7.1.17.16

/
naiṣāṃ bhāryāśca putrā vā sarve tvaniyamāḥ smṛtāḥ //
/
sa eṣa tāmasassargo jajñe dharmaniyāmakaḥ //

7.1.17.17

/
yā sā dakṣasya duhitā rudrasya dayitā satī //
/
bhartṛnindāprasaṃgena tyaktvā dākṣāyiṇīṃ tanum //

7.1.17.18

/
dakṣaṃ ca dakṣabhāryāṃ ca viniṃdya saha bandhubhiḥ //
/
sā menāyāmāvirabhūtputrī himavato gireḥ //

7.1.17.18.p1

1 prathamārṣī

7.1.17.18.p2

519a

7.1.17.18.p3

rudrastu tāṃ satīṃ dṛṣṭvā rudrāṃstvātmasamaprabhān //

7.1.17.18.p4

yathāsṛjadasaṃkhyātāṃstathā kathitameva ca //

7.1.17.18.p5

bhṛgoḥ khyātyāṃ samutpannā lakṣmīrnārāyaṇapriyā //

7.1.17.18.p6

devau dhātṛvidhātārau manvaṃtaravidhāriṇau //

7.1.17.18.p7

tayorvai putrapautrādyāśśataśo 'tha sahasraśaḥ //

7.1.17.18.p8

svāyaṃbhuve 'ṃtare nītāḥ sarve te bhārgavā matāḥ //

7.1.17.18.p9

marīcerapi saṃbhūtiḥ paurṇamāsamasūyata //

7.1.17.18.p10

kanyācatuṣṭayaṃ caiva mahīyāṃsastadanvayāḥ //

7.1.17.18.p11

yeṣāṃ vaṃśe samutpanno bahuputrasya kaśyapaḥ //

7.1.17.18.p12

smṛtiścāṃgirasaḥ patnī janayāmāsa vai sutau //

7.1.17.18.p13

āgnīdhraṃ śarabhañcaiva tathā kanyācatuṣṭayam //

7.1.17.18.p14

tadīyāḥ putrapautrāśca yetītāste sahasraśaḥ //

7.1.17.18.p15

prītyāṃ pulastyabhāryāyāṃ dantognirabhavatsutaḥ //

7.1.17.18.p16

pūrvajanmani yogastyassmṛtaḥ svāyaṃbhuve 'ṃtare //

7.1.17.18.p17

tatsaṃtatīyā bahavaḥ paulastyā iti viśrutāḥ //

7.1.17.18.p18

kṣamā tu suṣuve putrānpulahasya prajāpateḥ //

7.1.17.18.p19

kardamaśca suriścaiva sahiṣṇuśceti te trayaḥ //

7.1.17.18.p20

tretāgnivarcasassarve yeṣāṃ vaṃśaḥ pratiṣṭhitaḥ //

7.1.17.18.p21

kratoḥ kratusamānbhāryā sannatissuṣuve sutān //

7.1.17.18.p22

naiṣāṃ bhāryāśca putrāśca sarve te hyūrdhvaretasaḥ //

7.1.17.18.p23

ṣaṣṭistāni sahasrāṇi vālakhilyā iti smṛtāḥ //

7.1.17.18.p24

anūroragrato yāṃti parivārya divākaram //

7.1.17.18.p25

atrerbhāryānusūyā ca pañcātreyānasūyata //

7.1.17.18.p26

kanyakāṃ ca śrutiṃ nāma mātā śaṃkhapadasya ca //

7.1.17.18.p27

satyanetraśca havyaśca āpomūrtiśśanaiścaraḥ //

7.1.17.18.p28

somaśca pañcamastvete pañcātreyāḥ prakīrtitāḥ //

7.1.17.18.p29

teṣāṃ putrāśca pautrāśca hyātreyāṇāṃ mahātmanām //

7.1.17.18.p30

svāyaṃbhuve 'ṃtare 'tītāḥ śataśo 'tha sahasraśaḥ //

7.1.17.18.p31

ūrjāyāṃ tu vasiṣṭhasya putrā vai sapta jajñire //

7.1.17.18.p32

jyāyasī ca svasā teṣāṃ puṃḍarīkā sumadhyamā //

7.1.17.18.p33

rajo gātrordhvabāhū ca savanaścānayaśca yaḥ //

7.1.17.18.p34

sutapāśśukra ityete sapta saptarṣayaḥ smṛtāḥ //

7.1.17.18.p35

gotrāṇi nāmabhisteṣāṃ vāsiṣṭhānāṃ mahātmanām //

7.1.17.18.p36

svāyaṃbhuve 'ṃtare 'tītānyarbudāni śatāni ca //

7.1.17.18.p37

ityeṣa ṛṣisargastu sānubaṃdhaḥ prakīrtitaḥ //

7.1.17.18.p38

samāsādvistarādvaktumaśakyo 'yamiti dvijāḥ //

7.1.17.18.p39

yo 'sau rudrātmako bahnibrahmaṇo mānasassutaḥ //

7.1.17.18.p40

svāhā tasya priyā lebhe putrāṃstrīnamitaujasaḥ //

7.1.17.18.p41

pāvakaḥ pavamānaśca śucirityeṣa te trayaḥ //

7.1.17.18.p42

nirmaṃthyaḥ pavamānassyādvaidyutaḥ pāvakassmṛtaḥ //

7.1.17.18.p43

sūrye tapati yaścāsau śuciḥ saura udāhṛtaḥ //

7.1.17.18.p44

havyavāhaḥ kavyavāhaḥ saharakṣā iti trayaḥ //

7.1.17.18.p45

trayāṇāṃ kramaśaḥ putrā devapitṛsurāśca te //

7.1.17.18.p46

519b

7.1.17.18.p47

eteṣāṃ putrapautrāśca catvāriṃśannavaiva te //

7.1.17.18.p48

kāmyanaimittikājasrakarmasu triṣu saṃsthitāḥ //

7.1.17.18.p49

sarve tapasvino jñeyāḥ sarve vratabhṛtastathā //

7.1.17.18.p50

sarve rudrātmakaścaiva sarve rudraparāyaṇāḥ //

7.1.17.18.p51

tasmādagnimukhe yattaddhutaṃ syādeva kenacit //

7.1.17.18.p52

tatsarvaṃ rudramuddiśya dattaṃ syānnātra saṃśayaḥ //

7.1.17.18.p53

ityevaṃ niścayognīnāmanukrāṃto yathātatham //

7.1.17.18.p54

nātivistarato viprāḥ pitḥnvakṣyāmyataḥ param //

7.1.17.18.p55

yasmātṣaḍṛtavasteṣāṃ sthānaṃ sthānābhimāninām //

7.1.17.18.p56

ṛtavaḥ pitarastasmādityeṣā vaidikī śrutiḥ //

7.1.17.18.p57

yuṣmādṛtuṣu sarve hi jāyaṃte sthāsnujaṃgamā //

7.1.17.18.p58

tasmādete pitara ārtavā iti ca śrutam //

7.1.17.18.p59

evaṃ pitḥṇāmeteṣāmṛtukālābhimāninām //

7.1.17.18.p60

ātmaiśvaryā mahātmānastiṣṭhaṃtīhābbhrasaṃgamāt //

7.1.17.18.p61

āgniṣvāttā barhiṣadaḥ pitaro dvividhāḥ smṛtāḥ //

7.1.17.18.p62

ayajvānaśca yajvānaḥ kramātte mṛhamedhinaḥ //

7.1.17.18.p63

svadhāsūta pitṛbhyaśca dve kanye lokaviśrute //

7.1.17.18.p64

menāṃ ca dharaṇīṃ caiva yābhyāṃ viśvamidaṃ dhṛtam //

7.1.17.18.p65

agniṣvāttasutā menā dharaṇī barhiṣatsutā //

7.1.17.18.p66

menā himavataḥ patnī mainākaṃ krauṃcameva ca //

7.1.17.18.p67

gaurīṃ gaṃgāṃ ca suṣuve bhavāṃgāśleṣapāvanīm //

7.1.17.18.p68

merostu dharaṇī patnī divyauṣadhisamanvitam //

7.1.17.18.p69

maṃdaraṃ suṣuve putraṃ citrisundarakandharam //

7.1.17.18.p70

sa eva maṃdaraḥ śrīmānmeruputrastapobalāt //

7.1.17.18.p71

sākṣācchrīkaṃṭhanāthasya śivasyāvasathaṃ gataḥ //

7.1.17.18.p72

sāsūtā dharaṇī bhūyastriṃśatkanyāśca viśrutāḥ //

7.1.17.18.p73

velāṃ ca niyatiṃ caiva tṛtīyāmapi cāyatim //

7.1.17.18.p74

āyatirniyatiścaiva patnyau dve bhṛguputrayoḥ //

7.1.17.18.p75

svāyaṃbhuve 'ṃtare pūrvaṃ kathitaste tadanvayaḥ //

7.1.17.18.p76

suṣuve sāgarādvelā kanyāmekāmaniṃditām //

7.1.17.18.p77

savarṇāṃ nāma sāmudrīṃ patnīṃ prācīnabarhiṣaḥ //

7.1.17.18.p78

sāmudrī suṣuve putrāndaśa prācīnabarhiṣaḥ //

7.1.17.18.p79

sarve prācetasā nāma dhanurvedasya pāragāḥ //

7.1.17.18.p80

yeṣāṃ svāyaṃbhuve dakṣaḥ putratvamagamatpurā //

7.1.17.18.p81

triyambakasya śāpena cākṣuṣasyāṃtare manoḥ //

7.1.17.18.p82

ityete brahmaputrāṇāṃ dharmādīnāmmahātmanām //

7.1.17.18.p83

nātisaṃkṣepato viprā nāti vistarataḥ kramāt //

7.1.17.18.p84

varṇitā vai mayā vaṃśā divyā devagaṇānvitāḥ //

7.1.17.18.p85

kriyāvaṃtaḥ prajāvaṃto mahardhibhiralaṃkṛtāḥ //

7.1.17.18.p86

prajānāṃ saṃniveśo 'yaṃ prajāpatisamudbhavaḥ //

7.1.17.18.p87

na hi śakyaḥ prasaṃkhyātuṃ varṣakoṭiśatairapi //

7.1.17.18.p88

rājñāmapi ca yo vaṃśo dvidhā so 'pi pravartate //

7.1.17.18.p89

sūryavaṃśassomavaṃśa iti puṇyatamaḥ kṣitau //

7.1.17.18.p90

520a

7.1.17.18.p91

ikṣvākurambarīṣaśca yayātirnāhuṣādayaḥ //

7.1.17.18.p92

puṇyaślokāḥ śrutā ye 'tra te pi tadvaṃśasaṃbhavāḥ //

7.1.17.18.p93

anye ca rājaṛṣayo nānāvīryasamanvitā //

7.1.17.18.p94

kiṃ taiḥ phalamanutkrāṃtairuktapūrvaiḥ purātanaiḥ //

7.1.17.18.p95

kiṃ ceśvarakathā vṛttā yatra tatrānyakīrtanam //

7.1.17.18.p96

na sadbhiḥ saṃmataṃ matvā notsahe bahubhāṣitum //

7.1.17.18.p97

prasaṃgādīśvarasyaiva prabhāvadyotanādapi //

7.1.17.18.p98

sargādayo 'pi kathitā ityatra tatpravistaraiḥ //

7.1.17.18.p99

iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe sṛṣṭikathanaṃ nāma saptadaśo 'dhyāyaḥ

7.1.17.18.p100

Chapter 18
ṛṣaya ūcuḥ
devī dakṣasya tanayā tyaktvā dākṣāyaṇī tanum //

Other recensions (1)

Linked texts (4)