[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.1.1 # Shivapurana 7.1.1 Śivapurāṇa 7.1.1 - **Language:** Sanskrit ## Contents - [7.1.1.19](https://indike.org/pramana/in.purana.siva.7.1.1.19) — 2 parts - [7.1.1.42](https://indike.org/pramana/in.purana.siva.7.1.1.42) — 54 parts ### [7.1.1.1](https://indike.org/pramana/in.purana.siva.7.1.1.1) / pradhānapuruṣeśāya sargasthityaṃtahetave // / śaktirapratimā yasya hyaiśvaryaṃ cāpi sarvagam // ### [7.1.1.2](https://indike.org/pramana/in.purana.siva.7.1.1.2) / svāmitvaṃ ca vibhutvaṃ ca svabhāvaṃ saṃpracakṣate // / tamajaṃ viśvakarmāṇaṃ śāśvataṃ śivamavyayam // ### [7.1.1.3](https://indike.org/pramana/in.purana.siva.7.1.1.3) / mahādevaṃ mahātmānaṃ vrajāmi śaraṇaṃ śivam // / dharmakṣetre mahātīrthe gaṃgākāliṃdisaṃgame // ### [7.1.1.4](https://indike.org/pramana/in.purana.siva.7.1.1.4) / prayāge naimiṣāraṇye brahmalokasya vartmani // / munayaśśaṃsitātmānaḥ satyavrataparāyaṇāḥ // ### [7.1.1.5](https://indike.org/pramana/in.purana.siva.7.1.1.5) / mahaujaso mahābhāgā mahāsatraṃ vitenire // / tatra satraṃ samākarṇya teṣāmakliṣṭakarmaṇām // ### [7.1.1.6](https://indike.org/pramana/in.purana.siva.7.1.1.6) / sākṣātsatyavatīsūnorvedavyāsasya dhīmataḥ // / śiṣyo mahātmā medhāvī triṣu lokeṣu viśrutaḥ // ### [7.1.1.7](https://indike.org/pramana/in.purana.siva.7.1.1.7) / pañcāvayavayuktasya vākyasya guṇadoṣavit // / uttarottaravaktā ca bruvato 'pi bṛhaspateḥ // ### [7.1.1.8](https://indike.org/pramana/in.purana.siva.7.1.1.8) / madhuraḥ śravaṇānāṃ ca manojñapadaparvaṇām // / kathānāṃ nipuṇo vaktā kālavinnayavitkaviḥ // ### [7.1.1.9](https://indike.org/pramana/in.purana.siva.7.1.1.9) / ājagāma sa taṃ deśaṃ sūtaḥ paurāṇikottamaḥ // / taṃ dṛṣṭvā sūtamāyāṃtaṃ munayo hṛṣṭamānasāḥ // ### [7.1.1.10](https://indike.org/pramana/in.purana.siva.7.1.1.10) / tasmai sāma ca pūjāṃ ca yathāvatpratyapādayan // / pratigṛhya satāṃ pūjāṃ munibhiḥ pratipāditām // ### [7.1.1.11](https://indike.org/pramana/in.purana.siva.7.1.1.11) / uddiṣṭamānasaṃ bheje niyukto yuktamātmanaḥ // / tatastatsaṃgamādeva munīnāṃ bhāvitātmanām // ### [7.1.1.12](https://indike.org/pramana/in.purana.siva.7.1.1.12) / sotkaṃṭhamabhavaccitaṃ śrotuṃ paurāṇikīṃ kathām // / tadā tamanukūlābhirvāgbhiḥ pūjya 1 maharṣayaḥ // ### [7.1.1.13](https://indike.org/pramana/in.purana.siva.7.1.1.13) / atīvābhimukhaṃ kṛtvā vacanaṃ cedamabruvan // / ṛṣaya ūcuḥ romaharṣaṇa sarvajña bhavānno bhāgyagauravāt // ### [7.1.1.14](https://indike.org/pramana/in.purana.siva.7.1.1.14) / saṃprāptodya mahābhāga śaivarāja mahāmate // / purāṇavidyāmakhilāṃ vyāsātpratyakṣamīyivān // ### [7.1.1.15](https://indike.org/pramana/in.purana.siva.7.1.1.15) / tasmādāścaryabhūtānāṃ kathānāṃ tvaṃ hi bhājanam // / ratnānāmurusārāṇāṃ ratnākara ivārṇavaḥ // ### [7.1.1.16](https://indike.org/pramana/in.purana.siva.7.1.1.16) / yacca bhūtaṃ yacca bhavyaṃ yaccānyadvastu vartate // / na tavāviditaṃ kiñcittriṣu lokeṣu vidyate // ### [7.1.1.17](https://indike.org/pramana/in.purana.siva.7.1.1.17) / tvamadṛṣṭavaśādasmaddarśanārthamihāgataḥ // / akurvankimapi śreyo na vṛthā gantumarhasi // / tasmācchrāvyataraṃ puṇyaṃ satkathājñānasaṃhitam // ### [7.1.1.18](https://indike.org/pramana/in.purana.siva.7.1.1.18) / vedāṃtasārasarvasvaṃ purāṇaṃ śrāvayāśu naḥ // / evamabhyarthitassūto munibhirvedavādibhiḥ // ### [7.1.1.19](https://indike.org/pramana/in.purana.siva.7.1.1.19) / ślakṣṇāṃ ca nyāyasaṃyuktāṃ pratyuvāca śubhāṃ giram // ### [7.1.1.19.p1](https://indike.org/pramana/in.purana.siva.7.1.1.19.p1) 502a ### [7.1.1.19.p2](https://indike.org/pramana/in.purana.siva.7.1.1.19.p2) sūta uvāca pūjito 'nugṛhītaśca bhavadbhiriti coditaḥ // ### [7.1.1.20](https://indike.org/pramana/in.purana.siva.7.1.1.20) / kasmātsamyaṅna vibrūyāṃ purāṇamṛṣipūjitam // / abhivaṃdya mahādevaṃ devīṃ skaṃdaṃ vināyakam // ### [7.1.1.21](https://indike.org/pramana/in.purana.siva.7.1.1.21) / naṃdinaṃ ca tathā vyāsaṃ sākṣātsatyavatīsutam // / vakṣyāmi paramaṃ puṇyaṃ purāṇaṃ vedasaṃmitam // ### [7.1.1.22](https://indike.org/pramana/in.purana.siva.7.1.1.22) / śivajñānārṇavaṃ sākṣādbhaktimuktiphalapradam // / śabdārthanyāyasaṃyuktai rāgamārthairvibhūṣitam // ### [7.1.1.23](https://indike.org/pramana/in.purana.siva.7.1.1.23) / śvetakalpaprasaṃgena vāyunā kathitaṃ purā // / vidyāsthānāni sarvāṇi purāṇānukramaṃ tathā // ### [7.1.1.24](https://indike.org/pramana/in.purana.siva.7.1.1.24) / tatpurāṇasya cotpattiṃ bruvato me nibodhata // / aṃgāni vedāścatvāro mīmāṃsānyāyavistaraḥ // ### [7.1.1.25](https://indike.org/pramana/in.purana.siva.7.1.1.25) / purāṇaṃ dharmaśāstraṃ ca vidyāścetāścaturdaśa // / āyurvedo dhanurvedo gāṃdharvaścetyanukramāt // ### [7.1.1.26](https://indike.org/pramana/in.purana.siva.7.1.1.26) / arthaśāstraṃ paraṃ tasmādvidyā hyaṣṭādaśa smṛtāḥ // / aṣṭādaśānāṃ vidyānāmetāsāṃ bhinnavartmanām // ### [7.1.1.27](https://indike.org/pramana/in.purana.siva.7.1.1.27) / ādikartā kavissākṣācchūlapāṇiriti śrutiḥ // / sa hi sarvajagannāthaḥ sisṛkṣurakhilaṃ jagat // ### [7.1.1.28](https://indike.org/pramana/in.purana.siva.7.1.1.28) / brahmāṇaṃ vidadhe sākṣātputramagre sanātanam // / tasmai prathamaputrāya brahmaṇe viśvayonaye // ### [7.1.1.29](https://indike.org/pramana/in.purana.siva.7.1.1.29) / vidyāścemā dadau pūrvaṃ viśvasṛṣṭyarthamīśvaraḥ // / pālanāya hariṃ devaṃ rakṣāśaktiṃ dadau tataḥ // ### [7.1.1.30](https://indike.org/pramana/in.purana.siva.7.1.1.30) / madhyamaṃ tanayaṃ viṣṇuṃ pātāraṃ brahmaṇo 'pi hi // / labdhavidyena vidhinā prajāsṛṣṭiṃ vitanvatā // ### [7.1.1.31](https://indike.org/pramana/in.purana.siva.7.1.1.31) / prathamaṃ sarvaśāstrāṇāṃ purāṇaṃ brahmaṇā smṛtam // / anaṃtaraṃ tu vaktrebhyo vedāstasya vinirgatāḥ // ### [7.1.1.32](https://indike.org/pramana/in.purana.siva.7.1.1.32) / pravṛttissarvaśāstrāṇāṃ tanmukhādabhavattataḥ // / yadāsya vistaraṃ śaktā nādhigaṃtuṃ prajā bhuvi // ### [7.1.1.33](https://indike.org/pramana/in.purana.siva.7.1.1.33) / tadā vidyāsamāsārthaṃ viśveśvaraniyogataḥ // / dvāparāṃteṣu viśvātmā viṣṇurviśvaṃbharaḥ prabhuḥ // ### [7.1.1.34](https://indike.org/pramana/in.purana.siva.7.1.1.34) / vyāsanāmnā caratyasminnavatīrya mahītale // / evaṃ vyastāśca vedāśca dvāparedvāpare dvijāḥ // ### [7.1.1.35](https://indike.org/pramana/in.purana.siva.7.1.1.35) / nirmitāni purāṇāni anyāni ca tataḥ param // / sa punardvāpare cāsminkṛṣṇadvaipāyanākhyayā // ### [7.1.1.36](https://indike.org/pramana/in.purana.siva.7.1.1.36) / araṇyāmiva havyāśī satyavatyāmajāyata // / saṃkṣipya sa punarvedāṃścaturdhā kṛtavānmuniḥ // ### [7.1.1.37](https://indike.org/pramana/in.purana.siva.7.1.1.37) / vyastavedatayā loke vedavyāsa iti śrutaḥ // / purāṇānāñca saṃkṣiptaṃ caturlakṣapramāṇataḥ // ### [7.1.1.38](https://indike.org/pramana/in.purana.siva.7.1.1.38) / adyāpi devaloke tacchatakoṭipravistaram // / yo vidyāccaturo vedān sāṃgopaṇiṣadāndvijaḥ // ### [7.1.1.39](https://indike.org/pramana/in.purana.siva.7.1.1.39) / na cetpurāṇaṃ saṃvidyānnaiva sa syādvicakṣaṇaḥ // / itihāsapurāṇābhyāṃ vedaṃ samupabṛṃhayet // ### [7.1.1.40](https://indike.org/pramana/in.purana.siva.7.1.1.40) / bibhetyalpaśrutādvedo māmayaṃ pratariṣyati // / sargaśca pratisargaśca vaṃśo manvaṃtarāṇi ca // ### [7.1.1.41](https://indike.org/pramana/in.purana.siva.7.1.1.41) / vaṃśānucaritaṃ caiva purāṇaṃ pañcalakṣaṇam // / daśadhā cāṣṭadhā caitatpurāṇamupadiśyate // ### [7.1.1.42](https://indike.org/pramana/in.purana.siva.7.1.1.42) / 502b ### [7.1.1.42.p1](https://indike.org/pramana/in.purana.siva.7.1.1.42.p1) bṛhatsūkṣmaprabhedena munibhistattvavittamaiḥ // ### [7.1.1.42.p2](https://indike.org/pramana/in.purana.siva.7.1.1.42.p2) brāhmaṃ pādmaṃ vaiṣṇavaṃ ca śaivaṃ bhāgavataṃ tathā // ### [7.1.1.42.p3](https://indike.org/pramana/in.purana.siva.7.1.1.42.p3) bhaviṣyaṃ nāradīyaṃ ca mārkaṃḍeyamataḥ param // ### [7.1.1.42.p4](https://indike.org/pramana/in.purana.siva.7.1.1.42.p4) āgneyaṃ brahmavaivartaṃ laiṃgaṃ vārāhameva ca // ### [7.1.1.42.p5](https://indike.org/pramana/in.purana.siva.7.1.1.42.p5) skāndaṃ ca vāmanaṃ caiva kaurmyaṃ mātsyaṃ ca gāruḍam // ### [7.1.1.42.p6](https://indike.org/pramana/in.purana.siva.7.1.1.42.p6) brahmāṃḍaṃ ceti puṇyo 'yaṃ purāṇānāmanukramaḥ // ### [7.1.1.42.p7](https://indike.org/pramana/in.purana.siva.7.1.1.42.p7) tatra śaivaṃ turīyaṃ yacchārvaṃ sarvārthasādhakam // ### [7.1.1.42.p8](https://indike.org/pramana/in.purana.siva.7.1.1.42.p8) graṃtho lakṣapramāṇaṃ tadvyastaṃ dvādaśasaṃhitam // ### [7.1.1.42.p9](https://indike.org/pramana/in.purana.siva.7.1.1.42.p9) nirmitaṃ tacchivenaiva tatra dharmaḥ pratiṣṭhitaḥ // ### [7.1.1.42.p10](https://indike.org/pramana/in.purana.siva.7.1.1.42.p10) taduktenaiva dharmeṇa śaivāstraivarṇikā narāḥ // ### [7.1.1.42.p11](https://indike.org/pramana/in.purana.siva.7.1.1.42.p11) tasmādvimukutimanvicchañcchivameva samāśrayet // ### [7.1.1.42.p12](https://indike.org/pramana/in.purana.siva.7.1.1.42.p12) tamāśrityaiva devānāmapi muktirna cānyathā // ### [7.1.1.42.p13](https://indike.org/pramana/in.purana.siva.7.1.1.42.p13) yadidaṃ śaivamākhyātaṃ purāṇaṃ vedasaṃmitam // ### [7.1.1.42.p14](https://indike.org/pramana/in.purana.siva.7.1.1.42.p14) tasya bhedānsamāsena bruvato me nibodhata // ### [7.1.1.42.p15](https://indike.org/pramana/in.purana.siva.7.1.1.42.p15) vidyeśvaraṃ tathā raudraṃ vaināyakamanuttamam // ### [7.1.1.42.p16](https://indike.org/pramana/in.purana.siva.7.1.1.42.p16) aumaṃ mātṛpurāṇaṃ ca rudraikādaśakaṃ tathā // ### [7.1.1.42.p17](https://indike.org/pramana/in.purana.siva.7.1.1.42.p17) kailāsaṃ śatarudraṃ ca śatarudrākhyameva ca // ### [7.1.1.42.p18](https://indike.org/pramana/in.purana.siva.7.1.1.42.p18) sahasrakoṭirudrākhyaṃ vāyavīyaṃ tataḥparam // ### [7.1.1.42.p19](https://indike.org/pramana/in.purana.siva.7.1.1.42.p19) dharmasaṃjñaṃ purāṇaṃ cetyevaṃ dvādaśa saṃhitāḥ // ### [7.1.1.42.p20](https://indike.org/pramana/in.purana.siva.7.1.1.42.p20) vidyeśaṃ daśasāhasramuditaṃ graṃthasaṃkhyayā // ### [7.1.1.42.p21](https://indike.org/pramana/in.purana.siva.7.1.1.42.p21) raudraṃ vaināyakaṃ caumaṃ mātṛkākhyaṃ tataḥ param // ### [7.1.1.42.p22](https://indike.org/pramana/in.purana.siva.7.1.1.42.p22) pratyekamaṣṭasāhasraṃ trayodaśasahasrakam // ### [7.1.1.42.p23](https://indike.org/pramana/in.purana.siva.7.1.1.42.p23) raudrakādaśakākhyaṃ yatkailāsaṃ ṣaṭsahasrakam // ### [7.1.1.42.p24](https://indike.org/pramana/in.purana.siva.7.1.1.42.p24) śatarudraṃ trisāhasraṃ koṭirudraṃ tataḥ param // ### [7.1.1.42.p25](https://indike.org/pramana/in.purana.siva.7.1.1.42.p25) sahasrairnavabhiryuktaṃ sarvārthajñānasaṃyutam // ### [7.1.1.42.p26](https://indike.org/pramana/in.purana.siva.7.1.1.42.p26) sahasrakoṭirudrākhyamekādaśasahasrakam // ### [7.1.1.42.p27](https://indike.org/pramana/in.purana.siva.7.1.1.42.p27) catussahasrasaṃkhyeyaṃ vāyavīyamanuttamam // ### [7.1.1.42.p28](https://indike.org/pramana/in.purana.siva.7.1.1.42.p28) dharmasaṃjñaṃ purāṇaṃ yattaddvādaśasahasrakam // ### [7.1.1.42.p29](https://indike.org/pramana/in.purana.siva.7.1.1.42.p29) tadevaṃ lakṣamuddiṣṭaṃ śaivaṃ śākhāvibhedataḥ // ### [7.1.1.42.p30](https://indike.org/pramana/in.purana.siva.7.1.1.42.p30) purāṇaṃ vedasāraṃ tadbhuktimuktiphalapradam // ### [7.1.1.42.p31](https://indike.org/pramana/in.purana.siva.7.1.1.42.p31) vyāsena tattu saṃkṣiptaṃ caturviṃśatsahasrakam // ### [7.1.1.42.p32](https://indike.org/pramana/in.purana.siva.7.1.1.42.p32) śaivantatra purāṇaṃ vai caturthaṃ saptasaṃhitam // ### [7.1.1.42.p33](https://indike.org/pramana/in.purana.siva.7.1.1.42.p33) vidyeśvarākhyā tatrādyā dvitīyā rudrasaṃhitā // ### [7.1.1.42.p34](https://indike.org/pramana/in.purana.siva.7.1.1.42.p34) tṛtīyā śatarudrākhyā koṭirudrā caturthikā // ### [7.1.1.42.p35](https://indike.org/pramana/in.purana.siva.7.1.1.42.p35) pañcamī kathitā comā ṣaṣṭhī kailāsasaṃhitā // ### [7.1.1.42.p36](https://indike.org/pramana/in.purana.siva.7.1.1.42.p36) saptamī vāyavīyākhyā saptaivaṃ saṃhitā iha // ### [7.1.1.42.p37](https://indike.org/pramana/in.purana.siva.7.1.1.42.p37) vidyeśvaraṃ dvisāhasraṃ raudraṃ pañcaśatāyutam // ### [7.1.1.42.p38](https://indike.org/pramana/in.purana.siva.7.1.1.42.p38) triṃśattathā dvisāhasraṃ sārdhaikaśatamīritam // ### [7.1.1.42.p39](https://indike.org/pramana/in.purana.siva.7.1.1.42.p39) śatarudrantathā koṭirudraṃ vyomayugādhikam // ### [7.1.1.42.p40](https://indike.org/pramana/in.purana.siva.7.1.1.42.p40) dvisāhasraṃ ca dviśataṃ tathomaṃ bhūsahasrakam // ### [7.1.1.42.p41](https://indike.org/pramana/in.purana.siva.7.1.1.42.p41) catvāriṃśatsāṣṭaśataṃ kailāsaṃ bhūsahasrakam // ### [7.1.1.42.p42](https://indike.org/pramana/in.purana.siva.7.1.1.42.p42) catvāriṃśacca dviśataṃ vāyavīyamataḥ param // ### [7.1.1.42.p43](https://indike.org/pramana/in.purana.siva.7.1.1.42.p43) catussāhasrasaṃkhyākamevaṃ saṃkhyāvibhedataḥ // ### [7.1.1.42.p44](https://indike.org/pramana/in.purana.siva.7.1.1.42.p44) śrutamparamapuṇyantu purāṇaṃ śivasaṃjñakam // ### [7.1.1.42.p45](https://indike.org/pramana/in.purana.siva.7.1.1.42.p45) catuḥsāhasrakaṃ yattu vāyavīyamudīritam // ### [7.1.1.42.p46](https://indike.org/pramana/in.purana.siva.7.1.1.42.p46) tadidaṃ vartayiṣyāmi bhāgadvayasamanvitam // ### [7.1.1.42.p47](https://indike.org/pramana/in.purana.siva.7.1.1.42.p47) nāvedaviduṣe vācyamidaṃ śāstramanuttamam // ### [7.1.1.42.p48](https://indike.org/pramana/in.purana.siva.7.1.1.42.p48) na caivāśraddhadhānāya nāpurāṇavide tathā // ### [7.1.1.42.p49](https://indike.org/pramana/in.purana.siva.7.1.1.42.p49) parīkṣitāya śiṣyāya dhārmikāyānasūyave // ### [7.1.1.42.p50](https://indike.org/pramana/in.purana.siva.7.1.1.42.p50) pradeyaṃ śivabhaktāya śivadharmānusāriṇe // ### [7.1.1.42.p51](https://indike.org/pramana/in.purana.siva.7.1.1.42.p51) purāṇasaṃhitā yasya prasādānmayi vartate // ### [7.1.1.42.p52](https://indike.org/pramana/in.purana.siva.7.1.1.42.p52) namo bhagavate tasmai vyāsāyāmitatejase // ### [7.1.1.42.p53](https://indike.org/pramana/in.purana.siva.7.1.1.42.p53) iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe vidyāvatārakathanaṃ nāmaprathamo 'dhyāyaḥ ### [7.1.1.42.p54](https://indike.org/pramana/in.purana.siva.7.1.1.42.p54) Chapter 2 sūta uvāca purā kālena mahatā kalpetīte punaḥpunaḥ // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.1.1.1) — Sanskrit ## Linked texts (5) - [Sarvamatasaṅgraha](https://indike.org/pramana/in.darsana.all.sarvamatasangraha.10) — Sanskrit - [Brahmāṇḍapurāṇa](https://indike.org/pramana/in.purana.brahmanda.1.1.40) — Vyāsa, Sanskrit - [Niśvāsatattvasaṃhitā](https://indike.org/pramana/in.sampradaya.saiva.agama.rudra.nihsvasa.1.12.89) — Sanskrit - [Śivāgamādimāhātmyasaṅgraha](https://indike.org/pramana/in.sampradaya.saiva.siddhanta.darsana.sivagamadimahatmyasangraha.7) — Sanskrit - [Prakriyāpāda](https://indike.org/pramana/in.purana.prakriyapada.1.54-2) — Sanskrit --- Source: [https://indike.org/pramana/in.purana.siva.7.1.1](https://indike.org/pramana/in.purana.siva.7.1.1) · Pramāṇa