Pramāṇa · Search · About · API

Shivapurana 7.1.22

Śivapurāṇa 7.1.22

Language
Sanskrit

Contents

7.1.22.1

/
sahasrasūryasaṃkāśaścārucīravṛṣadhvajaḥ //
/
aśvaratnadvayodāro rathacakracatuṣṭayaḥ //

7.1.22.2

/
sañcitānekadivyāstraśastraratnapariṣkṛtaḥ //
/
tasyāpi rathavaryasya syātsa eva hi sārathiḥ //

7.1.22.3

/
yathā ca traipure yuddhe pūrvaṃ śārvarathe sthitaḥ //
/
sa taṃ rathavaraṃ brahmā śāsanādeva śūlinaḥ //

7.1.22.4

/
haressamīpamānīya kṛtāñjalirabhāṣata //
/
bhagavanbhadra bhadrāṃga bhagavānindubhūṣaṇaḥ //

7.1.22.5

/
ājñāpayati vīrastvāṃ rathamāroḍhumavyayaḥ //
/
rebhyāśramasamīpasthastryaṃbako 'ṃbikayā saha //

7.1.22.6

/
sampaśyate mahābāho dussahaṃ te parākramam //
/
tasya tadvacanaṃ śrutvā sa vīro gaṇakuñjaraḥ //

7.1.22.7

/
āruroha rathaṃ divyamanugṛhya pitāmaham //
/
tathā rathavare tasminsthite brahmaṇi sārathau //

7.1.22.8

/
bhadrasya vavṛdhe lakṣmī rudrasyeva puradviṣaḥ //
/
tataḥ śaṃkhavaraṃ dīptaṃ pūrṇacaṃdrasamaprabham //

7.1.22.9

/
pradadhmau vadane kṛtvā bhānukaṃpo mahābalaḥ //
/
tasya śaṃkhasya taṃ nādaṃ bhinnasārasasannibham //

7.1.22.10

/
śrutvā bhayena devānāṃ jajvāla jaṭharānalaḥ //
/
yakṣavidyādharāhīndraiḥ siddhairyuddhadidṛkṣubhiḥ //

7.1.22.11

/
kṣaṇena nibaḍībhūtāḥ sākāśavivarā diśāḥ //
/
tataḥ śārṅgeṇa cāpāṅkātsa nārāyaṇanīradaḥ //

7.1.22.12

/
mahatā bāṇavarṣeṇa tutoda gaṇagovṛṣam //
/
taṃ dṛṣṭvā viṣṇumāyāṃtaṃ śatadhā bāṇavarṣiṇam //

7.1.22.13

/
sa cādade dhanurjaitraṃ bhadro bāṇasahasramuk //
/
samādāya ca taddivyaṃ dhanussamarabhairavam //

7.1.22.14

/
śanairvisphārayāmāsa meruṃ dhanuriveśvaraḥ //
/
tasya visphāryamāṇasya dhanuṣo 'bhūnmahāsvanaḥ //

7.1.22.15

/
tena svanena mahatā pṛthivīṃ samakaṃpayat //
/
tataḥ śaravaraṃ ghoraṃ dīptamāśīviṣopamam //

7.1.22.16

/
jagrāha gaṇapaḥ śrīmānsvayamugraparākramaḥ //
/
bāṇoddhāre bhujo hyasya tūṇīvadanasaṃgataḥ //

7.1.22.17

/
pratyadṛśyata valmīkaṃ vivekṣuriva pannagaḥ //
/
samuddhṛtaḥ kare tasya tatkṣaṇaṃ ruruce śareḥ //

7.1.22.18

/
mahābhujaṃgasaṃdaṣṭo yathā bālabhujaṅgamaḥ //
/
śareṇa ghanatīvreṇa bhadro rudraparākramaḥ //

7.1.22.19

/
vivyādha kupito gāḍhaṃ lalāṭe viṣṇumavyayam //
/
lalāṭe 'bhihito viṣṇuḥ pūrvamevāvamānitaḥ //

7.1.22.20

/
cukopa gaṇapeṃdrāya mṛgeṃdrāyeva govṛṣaḥ //
/
tatastvaśanikalpena krūrāsyena maheṣuṇā //

7.1.22.21

/
vivyādha gaṇarājasya bhuje bhujagasannibhe //
/
so 'pi tasya bhuje bhūyaḥ sūryāyutasamaprabham //

7.1.22.22

/
visasarja śaraṃ vegādvīrabhadro mahābalaḥ //
/
sa ca viṣṇuḥ punarbhadraṃ bhadro viṣṇuṃ tathā punaḥ //

7.1.22.23

/
sa ca taṃ sa ca taṃ viprāśśaraistāvanujaghnatuḥ //
/
tayoḥ parasparaṃ vegāccharānāśu vimuṃcatoḥ //

7.1.22.24

/
dvayossamabhavadyuddhaṃ tumulaṃ romaharṣaṇam //
/
taddṛṣṭvā tumulaṃ yuddhaṃ tayoreva parasparam //

7.1.22.25

/
hāhākāro mahānāsīdākāśe khecareritaḥ //
/
tatastvanalatuṃḍena śareṇādityavarcasā //

7.1.22.26

/
vivyādha sudṛḍhaṃ bhadro viṣṇormahati vakṣasi //
/
sa tu tīvraprapātena śareṇa dṛḍhamāhataḥ //

7.1.22.27

/
mahatīṃ rujamāsādya nipapāta vimohitaḥ //
/
punaḥ kṣaṇādivotthāya labdhasaṃjñastadā hariḥ //

7.1.22.28

/
sarvāṇyapi ca divyāstrāṇyathainaṃ pratyavāsṛjat //
/
sa ca viṣṇurdhanurmuktānsarvāñcharvacamūpatiḥ //

7.1.22.29

/
sahasā vārayāmāsa ghoraiḥ pratiśaraiḥ śarān //
/
tato viṣṇussvanāmāṃkaṃ bāṇamavyāhataṃ kvacit //

7.1.22.30

/
sasarja krodharaktā kṣastamuddiśya gaṇeśvaram //
/
taṃ bāṇaṃ bāṇavaryeṇa bhadro bhadrāhvayeṇa tu //
/
aprāptameva bhagavāñciccheda śatadhā pathi //

7.1.22.31

/
athaikeneṣuṇā śārṅgaṃ dvābhyāṃ pakṣau garutmataḥ //
/
nimeṣādeva ciccheda tadadbhutamivābhavat //

7.1.22.32

/
tato yogabalādviṣṇurdehāddevānsudāruṇān //
/
śaṃkhacakragadāhastān visasarja sahasraśaḥ //

7.1.22.33

/
sarvāṃstānkṣaṇamātreṇa traipurāniva śaṃkaraḥ //
/
nirdadāha mahābāhurnetrasṛṣṭena vahninā //

7.1.22.34

/
tataḥ kruddhataro viṣṇuścakramudyamya satvaraḥ //
/
tasminvīro samutsraṣṭuṃ tadānīmudyato 'bhavat //

7.1.22.35

/
taṃ dṛṣṭvā cakramudyamya purataḥ samupasthitam //
/
smayanniva gaṇeśāno vyaṣṭaṃbhayadayatnataḥ //

7.1.22.36

/
staṃbhitāṃgastu taccakraṃ ghoramapratimaṃ kvacit //
/
icchannapi samutsraṣṭuṃ na viṣṇurabhavatkṣamaḥ //

7.1.22.37

/
śvasannivaikamuddhṛtya bāhuṃ cakrasamanvitam //
/
atiṣṭhadalaso bhūtvā pāṣāṇa iva niścalaḥ //

7.1.22.38

/
viśarīro yathājīvo viśṛṅgo vā yathā vṛṣaḥ //
/
vidaṃṣṭraśca yathā siṃhastathā viṣṇuravasthitaḥ //

7.1.22.39

/
taṃ dṛṣṭvā durdaśāpannaṃ viṣṇumiṃdrādayaḥ surāḥ //
/
samunnaddhā gaṇendreṇa mṛgeṃdreṇeva govṛṣāḥ //
/
pragṛhītāyudhā yauddhuṃkruddhāḥ samupatasthire //

7.1.22.40

/
tāndṛṣṭvā samare bhadraḥkṣudrāniva harirmṛgān //
/
sākṣādrudratanurvīro varavīragaṇāvṛtaḥ //

7.1.22.41

/
aṭṭahāsena ghoreṇa vyaṣṭaṃ bhayadaniṃditaḥ //
/
tathā śatamakhasyāpi savajro dakṣiṇaḥ karaḥ //

7.1.22.42

/
sisṛkṣoreva udvajraścitrīkṛta ivābhavat //
/
anyeṣāmapi sarveṣāṃ saraktā api bāhavaḥ //

7.1.22.43

/
alasānāmivāraṃbhāstādṛśāḥ pratiyāṃtyuta //
/
evaṃ bhagavatā tena vyāhatāśeṣavaibhavāt //

7.1.22.44

/
amarāḥ samare tasya purataḥ sthātumakṣamāḥ //
/
stabdhairavayavaireva dudruvurbhayavihvalāḥ //

7.1.22.45

/
sthitiṃ ca cakrire yuddhe vīratejobhayākulāḥ //
/
vidrutāṃstridaśānvīrānvīrabhadro mahābhujaḥ //

7.1.22.46

/
vivyādha niśitairbāṇairmagho varṣairivācalān //
/
bahavastasya vīrasya bāhavaḥ parighopamāḥ //

7.1.22.47

/
śastraiścakāśire dīptaiḥ sāgnijvālā ivoragāḥ //
/
astraśastrāṇyanekānisavīro visṛjanbabhau //

7.1.22.48

/
visṛjansarvabhūtāni yathādau viśvasaṃbhavaḥ //
/
yathā raśmibhirādityaḥ pracchādayati medinīm //

7.1.22.49

/
tathā vīraḥ kṣaṇādeva śaraiḥ prācchādayaddiśaḥ //
/
khamaṃḍale gaṇendrasya śarāḥ kanakabhūṣitāḥ //

7.1.22.50

/
utpataṃtastaḍidrūpairupamānapadaṃ yayuḥ //
/
mahāṃtaste suragaṇān maṃḍūkānivaḍuṃḍubhāḥ //

7.1.22.51

/
prāṇairviyojayāmāsuḥ papuśca rudhirāsavam //
/
nikṛttabāhavaḥ kecitkecillūnavarānanāḥ //

7.1.22.52

/
pārśve vidāritāḥ kecinnipeturamarā bhuvi //
/
viśikhonmathitairgātrairbahubhiśchinnasandhibhiḥ //

7.1.22.53

/
vivṛttanayanāḥ kecinnipeturbhūtale mṛtāḥ //
/
gāṃ praveṣṭumivecchaṃtaḥ khaṃ gaṃtumiva lipsavaḥ //
/
alabdhātmanirodhānāṃ vyalīyaṃtaḥ parasparam //

7.1.22.54

/
bhūmau kecitpraviviśuḥ parvatānāṃ guhāḥ pare //
/
apare jagmurākāśaṃ pare ca viviśurjalam //

7.1.22.55

/
tathā saṃchinnasarvāṃgaissa vīrastridaśairbabhau //
/
parigrastaprajāvargo bhagavāniva bhairavaḥ //

7.1.22.56

/
dagdhatripurasaṃvyūhastripurāriryathābhavat //
/
evaṃ devabalaṃ sarvaṃ dīnaṃ bībhatsadarśanam //

7.1.22.57

/
gaṇeśvarasamutpannaṃ kṛpaṇaṃ vapurādade //
/
tadā tridaśavīrāṇāmasṛksalilavāhinī //

7.1.22.58

/
526b

7.1.22.58.p1

prāvartata nadī ghorā prāṇināṃ bhayaśaṃsinī //

7.1.22.58.p2

rudhireṇa pariklinnā yajñabhūmistadā babhau //

7.1.22.58.p3

raktārdravasanā śyāmā hataśuṃbheva kaiśikī //

7.1.22.58.p4

tasminmahati saṃvṛtte samare bhṛśadāruṇe //

7.1.22.58.p5

bhayeneva paritrastā pracacāla vasundharā //

7.1.22.58.p6

mahormikalilāvartaścukṣubhe ca mahodadhiḥ //

7.1.22.58.p7

petuścolkā mahotpātāḥ śākhāśca mumucurdrumāḥ //

7.1.22.58.p8

aprasannā diśaḥ sarvāḥ pavanaścāśivo vavau //

7.1.22.58.p9

aho vidhiviparyāsastvaśvamedhoyamadhvaraḥ //

7.1.22.58.p10

yajamānassvayaṃ dakṣau brahmaputraprajāpatiḥ //

7.1.22.58.p11

dharmādayassadasyāśca rakṣitā garuḍadhvajaḥ //

7.1.22.58.p12

bhāgāṃśca pratigṛhṇaṃti sākṣādiṃdrādayaḥ surāḥ //

7.1.22.58.p13

tathāpi yajamānasya yajñasya ca sahartvijaḥ //

7.1.22.58.p14

sadya eva śiraśchedassādhu saṃpadyate phalam //

7.1.22.58.p15

tasmānnāvedanirdiṣṭaṃ na ceśvarabahiṣkṛtam //

7.1.22.58.p16

nāsatparigṛhītaṃ ca karma kuryātkadācana //

7.1.22_2

65cd/

7.1.22.p1

kṛtvāpi sumahatpuṇyamiṣṭvā yajñaśatairapi //

7.1.22.p2

na tatphalamavāpnoti bhaktihīno maheśvare //

7.1.22.p3

kṛtvāpi sumahatpāpaṃ bhaktyā yajati yaśśivam //

7.1.22.p4

mucyate pātakaiḥ sarvairnātra kāryā vicāraṇā //

7.1.22.p5

bahunātra kimuktena vṛthā dānaṃ vṛthā tapaḥ //

7.1.22.p6

vṛthā yajño vṛthā homaḥ śivanindāratasya tu //

7.1.22.p7

tataḥ sanārāyaṇakāssarudrāḥ salokapālāssamare suraughāḥ //

7.1.22.p8

gaṇeṃdracāpacyutabāṇaviddhāḥ pradudruvurgāḍharujābhibhūtāḥ //

7.1.22.p9

celuḥ kvacitkecana śīrṇakeśāḥ seduḥ kvacitkecana dīrghagātrāḥ //

7.1.22.p10

petuḥ kvacitkecana bhinnavaktrā neśuḥ kvacitkecana devavīrāḥ //

7.1.22.p11

kecicca tatra tridaśā vipannā visrastavastrābharaṇāstraśastrāḥ //

7.1.22.p12

nipeturudbhāsitadīnamudrā madaṃ ca darpaṃ ca balaṃ ca hitvā //

7.1.22.p13

sasmutpathaprasthitamapradhṛṣyo vikṣipya dakṣādhvaramakṣatāstraiḥ //

7.1.22.p14

babhau gaṇeśassa gaṇeśvarāṇāṃ madhye sthitaḥ siṃha ivarṣabhāṇām //

7.1.22.p15

iti śrīśivamahāpurāṇe saptamyāṃ vāyavīyasaṃhitāyāṃ pūrkhaṇḍe dakṣayajñavidhvaṃsavarṇanaṃ nāma dvāviṃśo 'dhyāyaḥ

7.1.22.p16

Chapter 23
vāyuruvāca
iti sañchinnabhinnāṃgā devā viṣṇupurogamāḥ //

Other recensions (1)