[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.1.22 # Shivapurana 7.1.22 Śivapurāṇa 7.1.22 - **Language:** Sanskrit ## Contents - [7.1.22.58](https://indike.org/pramana/in.purana.siva.7.1.22.58) — 16 parts ### [7.1.22.1](https://indike.org/pramana/in.purana.siva.7.1.22.1) / sahasrasūryasaṃkāśaścārucīravṛṣadhvajaḥ // / aśvaratnadvayodāro rathacakracatuṣṭayaḥ // ### [7.1.22.2](https://indike.org/pramana/in.purana.siva.7.1.22.2) / sañcitānekadivyāstraśastraratnapariṣkṛtaḥ // / tasyāpi rathavaryasya syātsa eva hi sārathiḥ // ### [7.1.22.3](https://indike.org/pramana/in.purana.siva.7.1.22.3) / yathā ca traipure yuddhe pūrvaṃ śārvarathe sthitaḥ // / sa taṃ rathavaraṃ brahmā śāsanādeva śūlinaḥ // ### [7.1.22.4](https://indike.org/pramana/in.purana.siva.7.1.22.4) / haressamīpamānīya kṛtāñjalirabhāṣata // / bhagavanbhadra bhadrāṃga bhagavānindubhūṣaṇaḥ // ### [7.1.22.5](https://indike.org/pramana/in.purana.siva.7.1.22.5) / ājñāpayati vīrastvāṃ rathamāroḍhumavyayaḥ // / rebhyāśramasamīpasthastryaṃbako 'ṃbikayā saha // ### [7.1.22.6](https://indike.org/pramana/in.purana.siva.7.1.22.6) / sampaśyate mahābāho dussahaṃ te parākramam // / tasya tadvacanaṃ śrutvā sa vīro gaṇakuñjaraḥ // ### [7.1.22.7](https://indike.org/pramana/in.purana.siva.7.1.22.7) / āruroha rathaṃ divyamanugṛhya pitāmaham // / tathā rathavare tasminsthite brahmaṇi sārathau // ### [7.1.22.8](https://indike.org/pramana/in.purana.siva.7.1.22.8) / bhadrasya vavṛdhe lakṣmī rudrasyeva puradviṣaḥ // / tataḥ śaṃkhavaraṃ dīptaṃ pūrṇacaṃdrasamaprabham // ### [7.1.22.9](https://indike.org/pramana/in.purana.siva.7.1.22.9) / pradadhmau vadane kṛtvā bhānukaṃpo mahābalaḥ // / tasya śaṃkhasya taṃ nādaṃ bhinnasārasasannibham // ### [7.1.22.10](https://indike.org/pramana/in.purana.siva.7.1.22.10) / śrutvā bhayena devānāṃ jajvāla jaṭharānalaḥ // / yakṣavidyādharāhīndraiḥ siddhairyuddhadidṛkṣubhiḥ // ### [7.1.22.11](https://indike.org/pramana/in.purana.siva.7.1.22.11) / kṣaṇena nibaḍībhūtāḥ sākāśavivarā diśāḥ // / tataḥ śārṅgeṇa cāpāṅkātsa nārāyaṇanīradaḥ // ### [7.1.22.12](https://indike.org/pramana/in.purana.siva.7.1.22.12) / mahatā bāṇavarṣeṇa tutoda gaṇagovṛṣam // / taṃ dṛṣṭvā viṣṇumāyāṃtaṃ śatadhā bāṇavarṣiṇam // ### [7.1.22.13](https://indike.org/pramana/in.purana.siva.7.1.22.13) / sa cādade dhanurjaitraṃ bhadro bāṇasahasramuk // / samādāya ca taddivyaṃ dhanussamarabhairavam // ### [7.1.22.14](https://indike.org/pramana/in.purana.siva.7.1.22.14) / śanairvisphārayāmāsa meruṃ dhanuriveśvaraḥ // / tasya visphāryamāṇasya dhanuṣo 'bhūnmahāsvanaḥ // ### [7.1.22.15](https://indike.org/pramana/in.purana.siva.7.1.22.15) / tena svanena mahatā pṛthivīṃ samakaṃpayat // / tataḥ śaravaraṃ ghoraṃ dīptamāśīviṣopamam // ### [7.1.22.16](https://indike.org/pramana/in.purana.siva.7.1.22.16) / jagrāha gaṇapaḥ śrīmānsvayamugraparākramaḥ // / bāṇoddhāre bhujo hyasya tūṇīvadanasaṃgataḥ // ### [7.1.22.17](https://indike.org/pramana/in.purana.siva.7.1.22.17) / pratyadṛśyata valmīkaṃ vivekṣuriva pannagaḥ // / samuddhṛtaḥ kare tasya tatkṣaṇaṃ ruruce śareḥ // ### [7.1.22.18](https://indike.org/pramana/in.purana.siva.7.1.22.18) / mahābhujaṃgasaṃdaṣṭo yathā bālabhujaṅgamaḥ // / śareṇa ghanatīvreṇa bhadro rudraparākramaḥ // ### [7.1.22.19](https://indike.org/pramana/in.purana.siva.7.1.22.19) / vivyādha kupito gāḍhaṃ lalāṭe viṣṇumavyayam // / lalāṭe 'bhihito viṣṇuḥ pūrvamevāvamānitaḥ // ### [7.1.22.20](https://indike.org/pramana/in.purana.siva.7.1.22.20) / cukopa gaṇapeṃdrāya mṛgeṃdrāyeva govṛṣaḥ // / tatastvaśanikalpena krūrāsyena maheṣuṇā // ### [7.1.22.21](https://indike.org/pramana/in.purana.siva.7.1.22.21) / vivyādha gaṇarājasya bhuje bhujagasannibhe // / so 'pi tasya bhuje bhūyaḥ sūryāyutasamaprabham // ### [7.1.22.22](https://indike.org/pramana/in.purana.siva.7.1.22.22) / visasarja śaraṃ vegādvīrabhadro mahābalaḥ // / sa ca viṣṇuḥ punarbhadraṃ bhadro viṣṇuṃ tathā punaḥ // ### [7.1.22.23](https://indike.org/pramana/in.purana.siva.7.1.22.23) / sa ca taṃ sa ca taṃ viprāśśaraistāvanujaghnatuḥ // / tayoḥ parasparaṃ vegāccharānāśu vimuṃcatoḥ // ### [7.1.22.24](https://indike.org/pramana/in.purana.siva.7.1.22.24) / dvayossamabhavadyuddhaṃ tumulaṃ romaharṣaṇam // / taddṛṣṭvā tumulaṃ yuddhaṃ tayoreva parasparam // ### [7.1.22.25](https://indike.org/pramana/in.purana.siva.7.1.22.25) / hāhākāro mahānāsīdākāśe khecareritaḥ // / tatastvanalatuṃḍena śareṇādityavarcasā // ### [7.1.22.26](https://indike.org/pramana/in.purana.siva.7.1.22.26) / vivyādha sudṛḍhaṃ bhadro viṣṇormahati vakṣasi // / sa tu tīvraprapātena śareṇa dṛḍhamāhataḥ // ### [7.1.22.27](https://indike.org/pramana/in.purana.siva.7.1.22.27) / mahatīṃ rujamāsādya nipapāta vimohitaḥ // / punaḥ kṣaṇādivotthāya labdhasaṃjñastadā hariḥ // ### [7.1.22.28](https://indike.org/pramana/in.purana.siva.7.1.22.28) / sarvāṇyapi ca divyāstrāṇyathainaṃ pratyavāsṛjat // / sa ca viṣṇurdhanurmuktānsarvāñcharvacamūpatiḥ // ### [7.1.22.29](https://indike.org/pramana/in.purana.siva.7.1.22.29) / sahasā vārayāmāsa ghoraiḥ pratiśaraiḥ śarān // / tato viṣṇussvanāmāṃkaṃ bāṇamavyāhataṃ kvacit // ### [7.1.22.30](https://indike.org/pramana/in.purana.siva.7.1.22.30) / sasarja krodharaktā kṣastamuddiśya gaṇeśvaram // / taṃ bāṇaṃ bāṇavaryeṇa bhadro bhadrāhvayeṇa tu // / aprāptameva bhagavāñciccheda śatadhā pathi // ### [7.1.22.31](https://indike.org/pramana/in.purana.siva.7.1.22.31) / athaikeneṣuṇā śārṅgaṃ dvābhyāṃ pakṣau garutmataḥ // / nimeṣādeva ciccheda tadadbhutamivābhavat // ### [7.1.22.32](https://indike.org/pramana/in.purana.siva.7.1.22.32) / tato yogabalādviṣṇurdehāddevānsudāruṇān // / śaṃkhacakragadāhastān visasarja sahasraśaḥ // ### [7.1.22.33](https://indike.org/pramana/in.purana.siva.7.1.22.33) / sarvāṃstānkṣaṇamātreṇa traipurāniva śaṃkaraḥ // / nirdadāha mahābāhurnetrasṛṣṭena vahninā // ### [7.1.22.34](https://indike.org/pramana/in.purana.siva.7.1.22.34) / tataḥ kruddhataro viṣṇuścakramudyamya satvaraḥ // / tasminvīro samutsraṣṭuṃ tadānīmudyato 'bhavat // ### [7.1.22.35](https://indike.org/pramana/in.purana.siva.7.1.22.35) / taṃ dṛṣṭvā cakramudyamya purataḥ samupasthitam // / smayanniva gaṇeśāno vyaṣṭaṃbhayadayatnataḥ // ### [7.1.22.36](https://indike.org/pramana/in.purana.siva.7.1.22.36) / staṃbhitāṃgastu taccakraṃ ghoramapratimaṃ kvacit // / icchannapi samutsraṣṭuṃ na viṣṇurabhavatkṣamaḥ // ### [7.1.22.37](https://indike.org/pramana/in.purana.siva.7.1.22.37) / śvasannivaikamuddhṛtya bāhuṃ cakrasamanvitam // / atiṣṭhadalaso bhūtvā pāṣāṇa iva niścalaḥ // ### [7.1.22.38](https://indike.org/pramana/in.purana.siva.7.1.22.38) / viśarīro yathājīvo viśṛṅgo vā yathā vṛṣaḥ // / vidaṃṣṭraśca yathā siṃhastathā viṣṇuravasthitaḥ // ### [7.1.22.39](https://indike.org/pramana/in.purana.siva.7.1.22.39) / taṃ dṛṣṭvā durdaśāpannaṃ viṣṇumiṃdrādayaḥ surāḥ // / samunnaddhā gaṇendreṇa mṛgeṃdreṇeva govṛṣāḥ // / pragṛhītāyudhā yauddhuṃkruddhāḥ samupatasthire // ### [7.1.22.40](https://indike.org/pramana/in.purana.siva.7.1.22.40) / tāndṛṣṭvā samare bhadraḥkṣudrāniva harirmṛgān // / sākṣādrudratanurvīro varavīragaṇāvṛtaḥ // ### [7.1.22.41](https://indike.org/pramana/in.purana.siva.7.1.22.41) / aṭṭahāsena ghoreṇa vyaṣṭaṃ bhayadaniṃditaḥ // / tathā śatamakhasyāpi savajro dakṣiṇaḥ karaḥ // ### [7.1.22.42](https://indike.org/pramana/in.purana.siva.7.1.22.42) / sisṛkṣoreva udvajraścitrīkṛta ivābhavat // / anyeṣāmapi sarveṣāṃ saraktā api bāhavaḥ // ### [7.1.22.43](https://indike.org/pramana/in.purana.siva.7.1.22.43) / alasānāmivāraṃbhāstādṛśāḥ pratiyāṃtyuta // / evaṃ bhagavatā tena vyāhatāśeṣavaibhavāt // ### [7.1.22.44](https://indike.org/pramana/in.purana.siva.7.1.22.44) / amarāḥ samare tasya purataḥ sthātumakṣamāḥ // / stabdhairavayavaireva dudruvurbhayavihvalāḥ // ### [7.1.22.45](https://indike.org/pramana/in.purana.siva.7.1.22.45) / sthitiṃ ca cakrire yuddhe vīratejobhayākulāḥ // / vidrutāṃstridaśānvīrānvīrabhadro mahābhujaḥ // ### [7.1.22.46](https://indike.org/pramana/in.purana.siva.7.1.22.46) / vivyādha niśitairbāṇairmagho varṣairivācalān // / bahavastasya vīrasya bāhavaḥ parighopamāḥ // ### [7.1.22.47](https://indike.org/pramana/in.purana.siva.7.1.22.47) / śastraiścakāśire dīptaiḥ sāgnijvālā ivoragāḥ // / astraśastrāṇyanekānisavīro visṛjanbabhau // ### [7.1.22.48](https://indike.org/pramana/in.purana.siva.7.1.22.48) / visṛjansarvabhūtāni yathādau viśvasaṃbhavaḥ // / yathā raśmibhirādityaḥ pracchādayati medinīm // ### [7.1.22.49](https://indike.org/pramana/in.purana.siva.7.1.22.49) / tathā vīraḥ kṣaṇādeva śaraiḥ prācchādayaddiśaḥ // / khamaṃḍale gaṇendrasya śarāḥ kanakabhūṣitāḥ // ### [7.1.22.50](https://indike.org/pramana/in.purana.siva.7.1.22.50) / utpataṃtastaḍidrūpairupamānapadaṃ yayuḥ // / mahāṃtaste suragaṇān maṃḍūkānivaḍuṃḍubhāḥ // ### [7.1.22.51](https://indike.org/pramana/in.purana.siva.7.1.22.51) / prāṇairviyojayāmāsuḥ papuśca rudhirāsavam // / nikṛttabāhavaḥ kecitkecillūnavarānanāḥ // ### [7.1.22.52](https://indike.org/pramana/in.purana.siva.7.1.22.52) / pārśve vidāritāḥ kecinnipeturamarā bhuvi // / viśikhonmathitairgātrairbahubhiśchinnasandhibhiḥ // ### [7.1.22.53](https://indike.org/pramana/in.purana.siva.7.1.22.53) / vivṛttanayanāḥ kecinnipeturbhūtale mṛtāḥ // / gāṃ praveṣṭumivecchaṃtaḥ khaṃ gaṃtumiva lipsavaḥ // / alabdhātmanirodhānāṃ vyalīyaṃtaḥ parasparam // ### [7.1.22.54](https://indike.org/pramana/in.purana.siva.7.1.22.54) / bhūmau kecitpraviviśuḥ parvatānāṃ guhāḥ pare // / apare jagmurākāśaṃ pare ca viviśurjalam // ### [7.1.22.55](https://indike.org/pramana/in.purana.siva.7.1.22.55) / tathā saṃchinnasarvāṃgaissa vīrastridaśairbabhau // / parigrastaprajāvargo bhagavāniva bhairavaḥ // ### [7.1.22.56](https://indike.org/pramana/in.purana.siva.7.1.22.56) / dagdhatripurasaṃvyūhastripurāriryathābhavat // / evaṃ devabalaṃ sarvaṃ dīnaṃ bībhatsadarśanam // ### [7.1.22.57](https://indike.org/pramana/in.purana.siva.7.1.22.57) / gaṇeśvarasamutpannaṃ kṛpaṇaṃ vapurādade // / tadā tridaśavīrāṇāmasṛksalilavāhinī // ### [7.1.22.58](https://indike.org/pramana/in.purana.siva.7.1.22.58) / 526b ### [7.1.22.58.p1](https://indike.org/pramana/in.purana.siva.7.1.22.58.p1) prāvartata nadī ghorā prāṇināṃ bhayaśaṃsinī // ### [7.1.22.58.p2](https://indike.org/pramana/in.purana.siva.7.1.22.58.p2) rudhireṇa pariklinnā yajñabhūmistadā babhau // ### [7.1.22.58.p3](https://indike.org/pramana/in.purana.siva.7.1.22.58.p3) raktārdravasanā śyāmā hataśuṃbheva kaiśikī // ### [7.1.22.58.p4](https://indike.org/pramana/in.purana.siva.7.1.22.58.p4) tasminmahati saṃvṛtte samare bhṛśadāruṇe // ### [7.1.22.58.p5](https://indike.org/pramana/in.purana.siva.7.1.22.58.p5) bhayeneva paritrastā pracacāla vasundharā // ### [7.1.22.58.p6](https://indike.org/pramana/in.purana.siva.7.1.22.58.p6) mahormikalilāvartaścukṣubhe ca mahodadhiḥ // ### [7.1.22.58.p7](https://indike.org/pramana/in.purana.siva.7.1.22.58.p7) petuścolkā mahotpātāḥ śākhāśca mumucurdrumāḥ // ### [7.1.22.58.p8](https://indike.org/pramana/in.purana.siva.7.1.22.58.p8) aprasannā diśaḥ sarvāḥ pavanaścāśivo vavau // ### [7.1.22.58.p9](https://indike.org/pramana/in.purana.siva.7.1.22.58.p9) aho vidhiviparyāsastvaśvamedhoyamadhvaraḥ // ### [7.1.22.58.p10](https://indike.org/pramana/in.purana.siva.7.1.22.58.p10) yajamānassvayaṃ dakṣau brahmaputraprajāpatiḥ // ### [7.1.22.58.p11](https://indike.org/pramana/in.purana.siva.7.1.22.58.p11) dharmādayassadasyāśca rakṣitā garuḍadhvajaḥ // ### [7.1.22.58.p12](https://indike.org/pramana/in.purana.siva.7.1.22.58.p12) bhāgāṃśca pratigṛhṇaṃti sākṣādiṃdrādayaḥ surāḥ // ### [7.1.22.58.p13](https://indike.org/pramana/in.purana.siva.7.1.22.58.p13) tathāpi yajamānasya yajñasya ca sahartvijaḥ // ### [7.1.22.58.p14](https://indike.org/pramana/in.purana.siva.7.1.22.58.p14) sadya eva śiraśchedassādhu saṃpadyate phalam // ### [7.1.22.58.p15](https://indike.org/pramana/in.purana.siva.7.1.22.58.p15) tasmānnāvedanirdiṣṭaṃ na ceśvarabahiṣkṛtam // ### [7.1.22.58.p16](https://indike.org/pramana/in.purana.siva.7.1.22.58.p16) nāsatparigṛhītaṃ ca karma kuryātkadācana // ### [7.1.22\_2](https://indike.org/pramana/in.purana.siva.7.1.22_2) 65cd/ ### [7.1.22.p1](https://indike.org/pramana/in.purana.siva.7.1.22.p1) kṛtvāpi sumahatpuṇyamiṣṭvā yajñaśatairapi // ### [7.1.22.p2](https://indike.org/pramana/in.purana.siva.7.1.22.p2) na tatphalamavāpnoti bhaktihīno maheśvare // ### [7.1.22.p3](https://indike.org/pramana/in.purana.siva.7.1.22.p3) kṛtvāpi sumahatpāpaṃ bhaktyā yajati yaśśivam // ### [7.1.22.p4](https://indike.org/pramana/in.purana.siva.7.1.22.p4) mucyate pātakaiḥ sarvairnātra kāryā vicāraṇā // ### [7.1.22.p5](https://indike.org/pramana/in.purana.siva.7.1.22.p5) bahunātra kimuktena vṛthā dānaṃ vṛthā tapaḥ // ### [7.1.22.p6](https://indike.org/pramana/in.purana.siva.7.1.22.p6) vṛthā yajño vṛthā homaḥ śivanindāratasya tu // ### [7.1.22.p7](https://indike.org/pramana/in.purana.siva.7.1.22.p7) tataḥ sanārāyaṇakāssarudrāḥ salokapālāssamare suraughāḥ // ### [7.1.22.p8](https://indike.org/pramana/in.purana.siva.7.1.22.p8) gaṇeṃdracāpacyutabāṇaviddhāḥ pradudruvurgāḍharujābhibhūtāḥ // ### [7.1.22.p9](https://indike.org/pramana/in.purana.siva.7.1.22.p9) celuḥ kvacitkecana śīrṇakeśāḥ seduḥ kvacitkecana dīrghagātrāḥ // ### [7.1.22.p10](https://indike.org/pramana/in.purana.siva.7.1.22.p10) petuḥ kvacitkecana bhinnavaktrā neśuḥ kvacitkecana devavīrāḥ // ### [7.1.22.p11](https://indike.org/pramana/in.purana.siva.7.1.22.p11) kecicca tatra tridaśā vipannā visrastavastrābharaṇāstraśastrāḥ // ### [7.1.22.p12](https://indike.org/pramana/in.purana.siva.7.1.22.p12) nipeturudbhāsitadīnamudrā madaṃ ca darpaṃ ca balaṃ ca hitvā // ### [7.1.22.p13](https://indike.org/pramana/in.purana.siva.7.1.22.p13) sasmutpathaprasthitamapradhṛṣyo vikṣipya dakṣādhvaramakṣatāstraiḥ // ### [7.1.22.p14](https://indike.org/pramana/in.purana.siva.7.1.22.p14) babhau gaṇeśassa gaṇeśvarāṇāṃ madhye sthitaḥ siṃha ivarṣabhāṇām // ### [7.1.22.p15](https://indike.org/pramana/in.purana.siva.7.1.22.p15) iti śrīśivamahāpurāṇe saptamyāṃ vāyavīyasaṃhitāyāṃ pūrkhaṇḍe dakṣayajñavidhvaṃsavarṇanaṃ nāma dvāviṃśo 'dhyāyaḥ ### [7.1.22.p16](https://indike.org/pramana/in.purana.siva.7.1.22.p16) Chapter 23 vāyuruvāca iti sañchinnabhinnāṃgā devā viṣṇupurogamāḥ // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.1.22.1) — Sanskrit --- Source: [https://indike.org/pramana/in.purana.siva.7.1.22](https://indike.org/pramana/in.purana.siva.7.1.22) · Pramāṇa