Shivapurana 7.1.24
Śivapurāṇa 7.1.24
- Language
- Sanskrit
Contents
7.1.24.1
/
kva yātaḥ kutra vāsaḥ kiṃ kṛtvā virarāma ha //
/
vāyuruvāca
mahīdharavaraḥ śrīmān maṃdaraścitrakaṃdaraḥ //
7.1.24.2
/
dayito devadevasya nivāsastapaso 'bhavat //
/
tapo mahatkṛtaṃ tena voḍhuṃ svaśirasā śivau //
7.1.24.3
/
cireṇa labdhaṃ tatpādapaṃkajasparśajaṃ sukham //
/
tasya śailasya saundaryaṃ sahasravadanairapi //
7.1.24.4
/
na śakyaṃ vistarādvaktuṃ varṣakoṭiśatairapi //
/
śakyamapyasya saundaryaṃ na varṇayitumutsahe //
7.1.24.5
/
parvatāntarasaundaryaṃ sādhāraṇavidhāraṇāt //
/
idantu śakyate vaktumasminparvatasundare //
7.1.24.6
/
ṛddhyā kayāpi saundaryamīśvarāvāsayogyatā //
/
ata eva hi devena devyāḥ priyacikīrṣayā //
7.1.24.7
/
atīva ramaṇīyoyaṃ girirantaḥpurīkṛtaḥ //
/
528b
7.1.24.7.p1
mekhalābhūmayastasya vimalopalapādapāḥ //
7.1.24.7.p2
śivayornityasānnidhyānnyakkurvaṃtyakhilaṃjagat //
7.1.24.7.p3
pitṛbhyāṃ jagato nityaṃ snānapānopayogataḥ //
7.1.24.7.p4
avāptapuṇyasaṃskāraḥ prasaradbhiritastataḥ //
7.1.24.7.p5
laghuśītalasaṃsparśairacchācchairnirjharāmbubhiḥ //
7.1.24.7.p6
adhirājyena cādrīṇāmadrīreṣo 'bhiṣicyate //
7.1.24.7.p7
niśāsu śikharaprāntarvartinā sa śiloccayaḥ //
7.1.24.7.p8
caṃdreṇācala sāmrājyacchatreṇeva virājate //
7.1.24.7.p9
sa śailaścaṃcalībhūtairbālaiścāmarayoṣitām //
7.1.24.7.p10
sarvaparvatasāmrājyacāmarairiva vījyate //
7.1.24.7.p11
prātarabhyudite bhānau bhūdharo ratnabhūṣitaḥ //
7.1.24.7.p12
darpaṇe dehasaubhāgyaṃ draṣṭukāma iva sthitaḥ //
7.1.24.7.p13
kūjadvihaṃgavācālairvātoddhṛtalatābhujaiḥ //
7.1.24.7.p14
vimuktapuṣpaiḥ satataṃ vyālambimṛdupallavaiḥ //
7.1.24.7.p15
latāpratānajaṭilaistarubhistapasairiva //
7.1.24.7.p16
jayāśiṣā sahābhyarcya niṣevyata ivādrirāṭ //
7.1.24.7.p17
adhomukhairūrdhvamukhaiśśṛṃgaistiryaṅmukhaistathā //
7.1.24.7.p18
prapatanniva pātāle bhūpṛṣṭhādutpatanniva //
7.1.24.7.p19
parītaḥ sarvato dikṣu bhramanniva vihāyasi //
7.1.24.7.p20
paśyanniva jagatsarvaṃ nṛtyanniva nirantaram //
7.1.24.7.p21
guhāmukhaiḥ pratidinaṃ vyāttāsyo vipulodaraiḥ //
7.1.24.7.p22
ajīrṇalāvaṇyatayā jṛṃbhamāṇa ivācalaḥ //
7.1.24.7.p23
grasanniva jagatsarvaṃ pibanniva payonidhim //
7.1.24.7.p24
vamanniva tamontasthaṃ mādyanniva khamambudaiḥ //
7.1.24.7.p25
nivāsa bhūmayastāstā darpaṇapratimodarāḥ //
7.1.24.7.p26
tiraskṛtātapāssnigdhāśramacchāyāmahīruhāḥ //
7.1.24.7.p27
saritsarastaḍāgādisaṃparkaśiśirānilāḥ //
7.1.24.7.p28
tatra tatra niṣaṇṇābhyāṃ śivābhyāṃ saphalīkṛtāḥ //
7.1.24.7.p29
tamimaṃ sarvataḥ śreṣṭhaṃ smṛtvā sāmbastriyambakaḥ //
7.1.24.7.p30
raibhyāśramasamīpasthaścāntardhānaṃ gato yayau //
7.1.24.7.p31
tatrodyānamanuprāpya devyā saha maheśvaraḥ //
7.1.24.7.p32
rarāma ramaṇīyāsu devyāntaḥpurabhūmiṣu //
7.1.24.7.p33
tathā gateṣu kāleṣu pravṛddhāsu prajāsu ca //
7.1.24.7.p34
daityau śuṃbhaniśuṃbhākhyau bhrātarau saṃbabhūvatuḥ //
7.1.24.7.p35
tābhyāṃ tapo balāddattaṃ brahmaṇā parameṣṭinā //
7.1.24.7.p36
avadhyatvaṃ jagatyasminpuruṣairakhilairapi //
7.1.24.7.p37
ayonijā tu yā kanyā hyaṃbikāṃśasamudbhavā //
7.1.24.7.p38
ajātapuṃsparśaratiravilaṃghyaparākramā //
7.1.24.7.p39
tayā tu nau vadhaḥ saṃkhye tasyāṃ kāmābhibhūtayoḥ //
7.1.24.7.p40
iti cābhyarthito brahmā tābhyāmprāha tathāstviti //
7.1.24.7.p41
tataḥ prabhṛti śakrādīnvijitya samare surān //
7.1.24.7.p42
niḥsvādhyāyavaṣaṭkāraṃ jagaccakraturakramāt //
7.1.24.7.p43
tayorvadhāya deveśaṃ brahmābhyarthitavānpunaḥ //
7.1.24.7.p44
viniṃdyāpi rahasyaṃ vāṃ krodhayitvā yathā tathā //
7.1.24.7.p45
529a
7.1.24.7.p46
tadvarṇakośajāṃ śaktimakāmāṃ kanyakātmikām //
7.1.24.7.p47
niśumbhaśuṃbhayorhaṃtrīṃ surebhyo dātumarhasi //
7.1.24.7.p48
evamabhyarthito dhātrā bhagavānnīlalohitaḥ //
7.1.24.7.p49
kālītyāha rahasyaṃ vāṃ nindayanniva sasmitaḥ //
7.1.24.7.p50
tataḥ kruddhā tadā devī suvarṇā varṇakāraṇāt //
7.1.24.7.p51
smayantī cāha bhartāramasamādheyayā girā //
7.1.24.7.p52
devyuvāca
īdṛśo mama varṇesminna ratirbhavato 'sti cet //
7.1.24.33
/
evāvantaṃ ciraṃ kālaṃ kathameṣā niyamyate //
/
aratyā vartamāno 'pi kathaṃ ca ramase mayā //
7.1.24.34
/
na hyaśakyaṃ jagatyasminnīśvarasya jagatprabhoḥ //
/
svātmārāmasya bhavato ratirna sukhasādhanam //
7.1.24.35
/
iti hetoḥ smaro yasmātprasabhaṃ bhasmasātkṛtaḥ //
/
yā ca nābhimatā bharturapi sarvāṃgasundarī //
7.1.24.36
/
sā vṛthaiva hi jāyeta sarvairapi guṇāntaraiḥ //
/
bharturbhogaikaśeṣo hi sarga evaiṣa yoṣitām //
7.1.24.37
/
tathāsatyanyathābhūtā nārī kutropayujyate //
/
tasmādvarṇamimaṃ tyaktvā tvayā rahasi ninditam //
7.1.24.38
/
varṇāntaraṃ bhajiṣye vā na bhajiṣyāmi vā svayam //
/
ityuktvotthāya śayanāddevī sācaṣṭa gadgadam //
7.1.24.39
/
yayāce 'numatiṃ bhartustapase kṛtaniścayā //
/
tathā praṇayabhaṃgena bhīto bhūtapatiḥ svayam //
7.1.24.40
/
pādayoḥ praṇamanneva bhavānīṃ pratyabhāṣata //
/
īśvara uvāca
ajānatī ca krīḍoktiṃ priye kiṃ kupitāsi me //
7.1.24.41
/
ratiḥ kuto vā jāyeta tvattaścedaratirmama //
/
mātā tvamasya jagataḥ pitāhamadhipastathā //
7.1.24.42
/
kathaṃ tadutpapadyeta tvatto nābhiratirmama //
/
āvayorabhikāmo 'pi kimasau kāmakāritaḥ //
7.1.24.43
/
yataḥ kāmasamutpattiḥ prāgeva jagadudbhavaḥ //
/
pṛthagjanānāṃ rataye kāmātmā kalpito mayā //
7.1.24.44
/
tataḥ kathamupālabdhaḥ kāmadāhādahaṃ tvayā //
/
māṃ vai tridaśasāmānyaṃ manyamāno manobhavaḥ //
7.1.24.45
/
manākparibhavaṃ kurvanmayā vai bhasmasātkṛtaḥ //
/
vihāropyāvayorasya jagatastrāṇakāraṇāt //
7.1.24.46
/
tatastadarthaṃ tvayyadya krīḍoktiṃ kṛtavāhanam //
/
sa cāyamacirādarthastavaivāviṣkariṣyate //
7.1.24.47
/
krodhasya janakaṃ vākyaṃ hṛdi kṛtvedamabravīt //
/
devyuvāca
śrutapūrvaṃ hi bhagavaṃstava cāṭu vaco mayā //
7.1.24.48
/
yenaivamatidhīrāhamapi prāgabhivaṃcitā //
/
prāṇānapyapriyā bharturnārī yā na parityajet //
7.1.24.49
/
kulāṃganā śubhā sadbhiḥ kutsitaiva hi gamyate //
/
bhūyasī ca tavāprītiragauramiti me vapuḥ //
7.1.24.50
/
krīḍoktirapi kālīti ghaṭate kathamanyathā //
/
sadbhirvigarhitaṃ tasmāttava kārṣṇyamasaṃmatam //
7.1.24.51
/
529b
7.1.24.51.p1
anutsṛjya tapoyogātsthātumeveha notsahe //
7.1.24.51.p2
śiva uvāca
sa yadyevaṃvidhatāpaste tapasā kiṃ prayojanam //
7.1.24.52
/
mamecchayā svecchayā vā varṇāntaravatī bhava //
/
devyuvāca
necchāmi bhavato varṇaṃ svayaṃ vā kartumanyathā //
7.1.24.53
/
brahmāṇaṃ tapasārādhya kṣipraṃ gaurī bhavāmyaham //
/
īśvara uvāca
matprasādātpurā brahmā brahmatvaṃ prāptavānpurā //
7.1.24.54
/
tamāhūya mahādevi tapasā kiṃ kariṣyasi //
/
devyuvāca
tvatto labdhapadā eva sarve brahmādayaḥ surāḥ //
7.1.24.55
/
tathāpyārādhya tapasā brahmāṇaṃ tvanniyogataḥ //
/
purā kila satī nāmnā dakṣasya duhitā 'bhavam //
7.1.24.56
/
jagatāṃ patimevaṃ tvāṃ patiṃ prāptavatī tathā //
/
evamadyāpi tapasā toṣayitvā dvijaṃ vidhim //
7.1.24.57
/
gaurī bhavitumicchāmi ko doṣaḥ kathyatāmiha //
/
evamukto mahādevyā vāmadevaḥ smayanniva //
7.1.24.58
/
na tāṃ nirbaṃdhayāmāsa devakāryacikīrṣayā //
/
iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe śivamandaragirinivāsakrīḍoktavarṇanaṃ nāma caturviṃśo 'dhyāyaḥ
7.1.24.58.p1
Chapter 25
vāyuruvāca
tataḥ pradakṣiṇīkṛtya patimambā pativratā //
Other recensions (1)
- Śivapurāṇa (complete text) — Sanskrit
Linked texts (1)
- Durgārcanasṛti — Sanskrit