Shivapurana 7.1.25
Śivapurāṇa 7.1.25
- Language
- Sanskrit
Contents
7.1.25.1
/
niyamya ca viyogārtiṃ jagāma himavadgirim //
/
tapaḥkṛtavatī pūrvaṃ deśe yasminsakhījanaiḥ //
7.1.25.2
/
tameva deśamavṛnottapase praṇayātpunaḥ //
/
tataḥ svapitaraṃ dṛṣṭvā mātaraṃ ca tayorgṛhe //
7.1.25.3
/
praṇamya vṛttaṃ vijñāpya tābhyāṃ cānumatā satī //
/
punastapovanaṃ gatvā bhūṣaṇāni visṛjya ca //
7.1.25.4
/
snātvā tapasvino veṣaṃ kṛtvā paramapāvanam //
/
saṃkalpya ca mahātīvraṃ tapaḥ paramaduścaram //
7.1.25.5
/
sadā manasi sandhāya bhartuścaraṇapaṃkajam //
/
tameva kṣaṇike liṃge dhyātvā bāhyavidhānataḥ //
7.1.25.6
/
trisandhyamabhyarcayantī vanyaiḥ puṣpaiḥ phalādibhiḥ //
/
sa eva brahmaṇo mūrtimāsthāya tapasaḥ phalam //
7.1.25.7
/
pradāsyati mametyevaṃ nityaṃ kṛtvā 'karottapaḥ //
/
tathā tapaścarantīṃ tāṃ kāle bahutithe gate //
7.1.25.8
/
dṛṣṭaḥ kaścinmahāvyāghro duṣṭabhāvādupāgamat //
/
tathaivopagatasyāpi tasyātīvadurātmanaḥ //
7.1.25.9
/
gātraṃ citrārpitamiva stabdhaṃ tasyāssakāśataḥ //
/
taṃ dṛṣṭvāpi tathā vyāghraṃ duṣṭabhāvādupāgatam //
7.1.25.10
/
na pṛthagjanavaddevī svabhāvena vivicyate //
/
sa tu viṣṭabdhasarvāṃgo bubhukṣāparipīḍitaḥ //
7.1.25.11
/
mamāmiṣaṃ tato nānyaditi matvā nirantaram //
/
nirīkṣyamāṇaḥ satataṃ devīmeva tadā 'niśam //
7.1.25.12
/
atiṣṭhadagratastasyā upāsanamivācarat //
/
530a
7.1.25.12.p1
devyāśca hṛdaye nityaṃ mamaivāyamupāsakaḥ //
7.1.25.12.p2
trātā ca duṣṭasattvebhya iti pravavṛte kṛpā //
7.1.25.12.p3
tasyā eva kṛpā yogātsadyonaṣṭamalatrayaḥ //
7.1.25.12.p4
babhūva sahasā vyāghro devīṃ ca bubudhe tadā //
7.1.25.12.p5
nyavartata bubhukṣā ca tasyāṃgastambhanaṃ tathā //
7.1.25.12.p6
daurātmyaṃ janmasiddhaṃ ca tṛptiśca samajāyata //
7.1.25.12.p7
tadā paramabhāvena jñātvā kārtārthyamātmanaḥ //
7.1.25.12.p8
sadyopāsaka evaiṣa siṣeve parameśvarīm //
7.1.25.12.p9
duṣṭānāmapi sattvānāṃ tathānyeṣāndurātmanām //
7.1.25.12.p10
sa eva drāvako bhūtvā vicacāra tapovane //
7.1.25.12.p11
tapaśca vavṛdhe devyāstīvraṃ tīvratarātmakam //
7.1.25.12.p12
devāśca daityanirbandhādbrahmāṇaṃ śaraṇaṃ gatāḥ //
7.1.25.12.p13
cakrurnivedanaṃ devāḥ svaduḥkhasyāripīḍanāt //
7.1.25.12.p14
yathā ca dadatuḥ śumbhaniśumbhau varasammadāt //
7.1.25.12.p15
so 'pi śrutvā vidhirduḥkhaṃ surāṇāṃ kṛpayānvitaḥ //
7.1.25.12.p16
āsīddaityavadhāyaiva smṛtvā hetvāśrayāṃ kathām //
7.1.25.12.p17
sāmaraḥ prārthito brahmā yayau devyāstapovanam //
7.1.25.12.p18
saṃsmaranmanasā devaduḥkhamokṣaṃ svayatnataḥ //
7.1.25.12.p19
dadarśa ca suraśreṣṭhaḥ śreṣṭhe tapasi niṣṭhitām //
7.1.25.12.p20
pratiṣṭhāmiva viśvasya bhavānīṃ parameśvarīm //
7.1.25.12.p21
nanāma cāsya jagato mātaraṃ svasya vai hareḥ //
7.1.25.12.p22
rudrasya ca piturbhāryāmāryāmadrīśvarātmajām //
7.1.25.12.p23
brahmāṇamāgataṃ dṛṣṭvā devī devagaṇaiḥ saha //
7.1.25.12.p24
arghyaṃ tadarhaṃ dattvā 'smai svāgatādyairupācarat //
7.1.25.12.p25
tāṃ ca pratyupacāroktiṃ puraskṛtyābhinaṃdya ca //
7.1.25.12.p26
papraccha tapaso hetumajānanniva padmajaḥ //
7.1.25.12.p27
brahmovāca
tīvreṇa tapasānena devyā kimiha sādhyate //
7.1.25.26
/
tapaḥphalānāṃ sarveṣāṃ tvadadhīnā hi siddhayaḥ //
/
yaścaiva jagatāṃ bhartā tameva parameśvaram //
7.1.25.27
/
bhartāramātmanā prāpya prāptañca tapasaḥ phalam //
/
athavā sarvamevaitatkrīḍāvilasitaṃ tava //
7.1.25.28
/
idantu citraṃ devasya virahaṃ sahase katham //
/
devyuvāca
sargādau bhavato devādutpattiḥ śrūyate yadā //
7.1.25.29
/
tadā prajānāṃ prathamastvaṃ me prathamajaḥ sutaḥ //
/
yadā punaḥ prajāvṛddhyai lalāṭādbhavato bhavaḥ //
7.1.25.30
/
utpanno 'bhūttadā tvaṃ me guruḥ śvaśurabhāvataḥ //
/
yadā bhavadgirīndraste putro mama pitā svayam //
7.1.25.31
/
tadā pitāmahastvaṃ me jāto lokapitāmaha //
/
tadīdṛśasya bhavato lokayātrāvidhāyinaḥ //
7.1.25.32
/
vṛttavantaḥpure bhartā kathayiṣye kathaṃ punaḥ //
/
kimatra bahunā dehe yaścāyaṃ mama kālimā //
7.1.25.33
/
tyaktvā sattvavidhānena gaurī bhavitumutsahe //
/
530b
7.1.25.33.p1
brahmovāca
etāvatā kimarthena tīvraṃ devi tapaḥ kṛtam //
7.1.25.34
/
svecchaiva kimaparyāptā krīḍeyaṃ hi tavedṛśī //
/
krīḍā 'pi ca jaganmātastava lokahitāya vai //
7.1.25.35
/
ato mameṣṭamanayā phalaṃ kimapi sādhyatām //
/
niśuṃbhaśuṃbhanāmānau daityau dattavarau mayā //
7.1.25.36
/
dṛptau devānprabādhete tvatto labdhastayorvadhaḥ //
/
alaṃ vilaṃbanenātra tvaṃ kṣaṇena sthirā bhava //
7.1.25.37
/
śaktirvisṛjyamānā 'dya tayormṛtyurbhaviṣyati //
/
brāhmaṇābhyarthitā caiva devī girivarātmajā //
7.1.25.38
/
tvakkośaṃ sahasotsṛjya gaurī sā samajāyata //
/
sā tvakkośātmanotsṛṣṭā kauśikī nāma nāmataḥ //
7.1.25.39
/
kālī kālāmbudaprakhyā kanyakā samapadyata //
/
sā tu māyātmikā śaktiryoganidrā ca vaiṣṇavī //
7.1.25.40
/
śaṃkhacakratriśūlādisāyudhāṣṭamahābhujā //
/
saumyā ghorā ca miśrā ca trinetrā candraśekharā //
7.1.25.41
/
ajātapuṃsparśaratiradhṛṣyā cātisundarī //
/
dattā ca brahmaṇe devyā śaktireṣā sanātanī //
7.1.25.42
/
niśuṃbhasya ca śuṃbhasya nihaṃtrī daityasiṃhayoḥ //
/
brahmaṇāpi prahṛṣṭena tasyai paramaśaktaye //
7.1.25.43
/
prabalaḥ kesarī datto vāhanatve samāgataḥ //
/
vindhye ca vasatiṃ tasyāḥ pūjāmāsavapūrvakaiḥ //
7.1.25.44
/
māṃsairmatsyairapūpaiśca nirvartyāsau samādiśat //
/
sā caiva saṃmatā śaktirbrahmaṇo viśvakarmaṇaḥ //
7.1.25.45
/
praṇamya mātaraṃ gaurīṃ brahmāṇaṃ cānupūrvaśaḥ //
/
śaktibhiścāpi tulyābhiḥ svātmajābhiranekaśaḥ //
7.1.25.46
/
parītā prayayau vindhyaṃ daityendrau hantumudyatā //
/
nihatau ca tayā tatra samare daityapuṃgavau //
7.1.25.47
/
tadbāṇaiḥ kāmabāṇaiśca cchinnabhinnāṃgamānasau //
/
tadyuddhavistaraścātra na kṛto 'nyatra varṇanāt //
7.1.25.48
/
ūhanīyaṃ parasmācca prastutaṃ varṇayāmi vaḥ //
7.1.25.48.p1
iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe devīgauratvabhavanaṃ nāma pañcaviṃśo 'dhyāyaḥ
7.1.25.48.p2
Chapter 26
vāyuruvāca
utpādya kauśikīṃ gaurī brahmaṇe pratipādya tām //
Other recensions (1)
- Śivapurāṇa (complete text) — Sanskrit