[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.1.26 # Shivapurana 7.1.26 Śivapurāṇa 7.1.26 - **Language:** Sanskrit ## Contents - [7.1.26.5](https://indike.org/pramana/in.purana.siva.7.1.26.5) — 4 parts - [7.1.26.24](https://indike.org/pramana/in.purana.siva.7.1.26.24) — 13 parts ### [7.1.26.1](https://indike.org/pramana/in.purana.siva.7.1.26.1) / tasya pratyupakārāya pitāmahamathābravīt // / devyuvāca dṛṣṭaḥ kimeṣa bhavatā śārdūlo madupāśrayaḥ // ### [7.1.26.2](https://indike.org/pramana/in.purana.siva.7.1.26.2) / anena duṣṭasattvebhyo rakṣitaṃ mattapovanam // / mayyarpitamanā eṣa bhajate māmananyadhīḥ // ### [7.1.26.3](https://indike.org/pramana/in.purana.siva.7.1.26.3) / asya saṃrakṣaṇādanyatpriyaṃ mama na vidyate // / bhavitavyamanenāto mamāntaḥpuracāriṇā // ### [7.1.26.4](https://indike.org/pramana/in.purana.siva.7.1.26.4) / gaṇeśvarapadaṃ cāsmai prītyā dāsyati śaṃkaraḥ // / enamagresaraṃ kṛtvā sakhībhirgantumutsahe // ### [7.1.26.5](https://indike.org/pramana/in.purana.siva.7.1.26.5) / pradīyatāmanujñā me prajānāṃ patinā 1 tvayā // ### [7.1.26.5.p1](https://indike.org/pramana/in.purana.siva.7.1.26.5.p1) 1 dhitvamārṣam ### [7.1.26.5.p2](https://indike.org/pramana/in.purana.siva.7.1.26.5.p2) 531a ### [7.1.26.5.p3](https://indike.org/pramana/in.purana.siva.7.1.26.5.p3) ityuktaḥ prahasanbrahmā devīmmugdhāmiva smayan // ### [7.1.26.5.p4](https://indike.org/pramana/in.purana.siva.7.1.26.5.p4) tasya tīvraiḥ purāvṛttairdaurātmyaṃ samavarṇayat 1 // ### [7.1.26.6](https://indike.org/pramana/in.purana.siva.7.1.26.6) / brahmovāca paśau devi mṛgāḥ krūrāḥ kva ca te 'nugrahaḥ śubhaḥ // ### [7.1.26.7](https://indike.org/pramana/in.purana.siva.7.1.26.7) / āśīviṣamukhe sākṣādamṛtaṃ kiṃ niṣicyate // / vyāghramātreṇa sanneṣa duṣṭaḥ ko 'pi niśācaraḥ // ### [7.1.26.8](https://indike.org/pramana/in.purana.siva.7.1.26.8) / anena bhakṣitā gāvo brāhmaṇāśca tapodhanāḥ // / tarpayaṃstānyathākāmaṃ kāmarūpī caratyasau // ### [7.1.26.9](https://indike.org/pramana/in.purana.siva.7.1.26.9) / avaśyaṃ khalu bhoktavyaṃ phalaṃ pāpasya karmaṇaḥ // / ataḥ kiṃ kṛpayā kṛtyamīdṛśeṣu durātmasu // ### [7.1.26.10](https://indike.org/pramana/in.purana.siva.7.1.26.10) / anena devyāḥ kiṃ kṛtyaṃ prakṛtyā kaluṣātmanā // / devyuvāca yaduktaṃ bhavatā sarvaṃ tathyamastvayamīdṛśaḥ // ### [7.1.26.11](https://indike.org/pramana/in.purana.siva.7.1.26.11) / tathāpi māṃ prapanno 'bhūnna tyājyo māmupāśritaḥ // / brahmovāca asya bhaktimavijñāya prāgvṛttaṃ te niveditam // ### [7.1.26.12](https://indike.org/pramana/in.purana.siva.7.1.26.12) / bhaktiścedasya kiṃ pāpairna te bhaktaḥ praṇaśyati // / puṇyakarmāpi kiṃ kuryāttvadīyājñānapekṣayā // ### [7.1.26.13](https://indike.org/pramana/in.purana.siva.7.1.26.13) / ajā prajñā purāṇī ca tvameva parameśvarī // / tvadadhīnā hi sarveṣāṃ baṃdhamokṣavyavasthitiḥ // ### [7.1.26.14](https://indike.org/pramana/in.purana.siva.7.1.26.14) / tvadṛte paramā śaktiḥ saṃsiddhiḥ kasya karmaṇā // / tvameva vividhā śaktiḥ bhavānāmatha vā svayam // ### [7.1.26.15](https://indike.org/pramana/in.purana.siva.7.1.26.15) / aśaktaḥ karmakaraṇe kartā vā kiṃ kariṣyati // / viṣṇośca mama cānyeṣāṃ devadānavarakṣasām // ### [7.1.26.16](https://indike.org/pramana/in.purana.siva.7.1.26.16) / tattadaiśvaryasamprāptyai tavaivājñā hi kāraṇam // / atītāḥ khalvasaṃkhyātā brahmāṇo harayo bhavāḥ // ### [7.1.26.17](https://indike.org/pramana/in.purana.siva.7.1.26.17) / anāgatāstvasaṃkhyātāstvadājñānuvidhāyinaḥ // / tvāmanārādhya deveśi puruṣārthacatuṣṭayam // ### [7.1.26.18](https://indike.org/pramana/in.purana.siva.7.1.26.18) / labdhuṃ na śakyamasmābhirapi sarvaiḥ surottamaiḥ // / vyatyāso 'pi bhavetsadyo brahmatvasthāvaratvayoḥ // ### [7.1.26.19](https://indike.org/pramana/in.purana.siva.7.1.26.19) / sukṛtaṃ duṣkṛtaṃ cāpi tvayeva sthāpitaṃ yataḥ // / tvaṃ hi sarvajagadbhartuśśivasya paramātmanaḥ // ### [7.1.26.20](https://indike.org/pramana/in.purana.siva.7.1.26.20) / anādimadhyanidhanā śaktirādyā sanātanī // / samastalokayātrārthaṃ mūrtimāviśya kāmapi // ### [7.1.26.21](https://indike.org/pramana/in.purana.siva.7.1.26.21) / krīḍase 2 vividhairbhāvaiḥ kastvāṃ jānāti tattvataḥ // / ato duṣkṛtakarmāpi vyāghro 'yaṃ tvadanugrahāt // ### [7.1.26.22](https://indike.org/pramana/in.purana.siva.7.1.26.22) / prāpnotu paramāṃ siddhimatra kaḥ pratibandhakaḥ // / ityātmanaḥ paraṃ bhāvaṃ smārayitvānurūpataḥ // ### [7.1.26.23](https://indike.org/pramana/in.purana.siva.7.1.26.23) / brahmaṇābhyarthitā gaurī tapaso 'pi nyavartata // / tato devīmanujñāpya brahmaṇyantarhite sati // ### [7.1.26.24](https://indike.org/pramana/in.purana.siva.7.1.26.24) / devīṃ ca mātaraṃ dṛṣṭvā menāṃ himavatā saha // / praṇamyāśvāsya bahudhā pitarau virahāsahau // ### [7.1.26.24.p1](https://indike.org/pramana/in.purana.siva.7.1.26.24.p1) 1 parasmaipadamārṣam 2 ātmanepadamārṣam ### [7.1.26.24.p2](https://indike.org/pramana/in.purana.siva.7.1.26.24.p2) 531b ### [7.1.26.24.p3](https://indike.org/pramana/in.purana.siva.7.1.26.24.p3) tapaḥ praṇayino devī tapovanamahīruhān // ### [7.1.26.24.p4](https://indike.org/pramana/in.purana.siva.7.1.26.24.p4) viprayogaśucevāgre puṣpabāṣpaṃ vimuṃcataḥ // ### [7.1.26.24.p5](https://indike.org/pramana/in.purana.siva.7.1.26.24.p5) tattucchākhāsamārūḍhavihago dīritai rutaiḥ // ### [7.1.26.24.p6](https://indike.org/pramana/in.purana.siva.7.1.26.24.p6) vyākulaṃ bahudhā dīnaṃ vilāpamiva kurvataḥ // ### [7.1.26.24.p7](https://indike.org/pramana/in.purana.siva.7.1.26.24.p7) sakhībhyaḥ kathayaṃtyevaṃ sattvarā bhartṛdarśane // ### [7.1.26.24.p8](https://indike.org/pramana/in.purana.siva.7.1.26.24.p8) puraskṛtya ca taṃ vyāghraṃ snehātputramivaurasam // ### [7.1.26.24.p9](https://indike.org/pramana/in.purana.siva.7.1.26.24.p9) dehasya prabhayā caiva dīpayantī diśo daśa // ### [7.1.26.24.p10](https://indike.org/pramana/in.purana.siva.7.1.26.24.p10) prayayau maṃdaraṃ gaurī yatra bhartā maheśvaraḥ // ### [7.1.26.24.p11](https://indike.org/pramana/in.purana.siva.7.1.26.24.p11) sarveṣāṃ jagatāṃ dhātā kartā pātā vināśakṛt // ### [7.1.26.24.p12](https://indike.org/pramana/in.purana.siva.7.1.26.24.p12) iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe vyāghragativarṇanaṃ nāma ṣaḍviṃśo 'dhyāyaḥ ### [7.1.26.24.p13](https://indike.org/pramana/in.purana.siva.7.1.26.24.p13) Chapter 27 ṛṣaya ūcuḥ kṛtvā gauraṃ vapurdivyaṃ devī girivarātmajā // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.1.26.1) — Sanskrit --- Source: [https://indike.org/pramana/in.purana.siva.7.1.26](https://indike.org/pramana/in.purana.siva.7.1.26) · Pramāṇa