[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.1.28 # Shivapurana 7.1.28 Śivapurāṇa 7.1.28 - **Language:** Sanskrit ## Contents - [7.1.28.20](https://indike.org/pramana/in.purana.siva.7.1.28.20) — 2 parts ### [7.1.28.1](https://indike.org/pramana/in.purana.siva.7.1.28.1) / agniṣomātmakaṃ viśvaṃ vāgarthātmakamityapi // / ājñaikasāramaiśvaryamājñā tvamiti coditam // ### [7.1.28.2](https://indike.org/pramana/in.purana.siva.7.1.28.2) / tadidaṃ śrotumicchāmo yathāvadanupūrvaśaḥ // / vāyuruvāca agnirityucyate raudrī ghorā yā taijasī tanuḥ // ### [7.1.28.3](https://indike.org/pramana/in.purana.siva.7.1.28.3) / somaḥ śākto 'mṛtamayaḥ śakteḥ śāntikarī tanuḥ // / amṛtaṃ yatpratiṣṭhā sā tejo vidyā kalā svayam // ### [7.1.28.4](https://indike.org/pramana/in.purana.siva.7.1.28.4) / bhūtasūkṣmeṣu sarveṣu ta eva rasatejasī // / dvividhā tejaso vṛttisūryātmā cānalātmikā // ### [7.1.28.5](https://indike.org/pramana/in.purana.siva.7.1.28.5) / tathaiva rasavṛttiśca somātmā ca jalātmikā // / vidyudādimayantejo madhurādimayo rasaḥ // ### [7.1.28.6](https://indike.org/pramana/in.purana.siva.7.1.28.6) / tejorasavibhedaistu dhṛtametaccarācaram // / agneramṛtaniṣpattiramṛtenāgniredhate // ### [7.1.28.7](https://indike.org/pramana/in.purana.siva.7.1.28.7) / ata eva hi vikrāntamagnīṣomaṃ jagaddhitam // / haviṣe sasyasampattirvṛṣṭiḥ sasyābhivṛddhaye // ### [7.1.28.8](https://indike.org/pramana/in.purana.siva.7.1.28.8) / vṛṣṭereva havistasmādagnīṣomadhṛtaṃ jagat // / agnirūrdhvaṃ jvalatyeṣa yāvatsaumyaṃ parāmṛtam // ### [7.1.28.9](https://indike.org/pramana/in.purana.siva.7.1.28.9) / yāvadagnyāspadaṃ saumyamamṛtaṃ ca sravatyadhaḥ // / ata eva hi kālāgniradhastācchaktirūrdhvataḥ // ### [7.1.28.10](https://indike.org/pramana/in.purana.siva.7.1.28.10) / yāvadādahanaṃ cordhvamadhaścāplāvanaṃ bhavet // / ādhāraśaktyaiva dhṛtaḥ kālāgnirayamūrdhvagaḥ // ### [7.1.28.11](https://indike.org/pramana/in.purana.siva.7.1.28.11) / tathaiva nimnagaḥ somaśśivaśaktipadāspadaḥ // / śivaścordhvamadhaśśaktirūrdhvaṃ śaktiradhaḥ śivaḥ // ### [7.1.28.12](https://indike.org/pramana/in.purana.siva.7.1.28.12) / taditthaṃ śivaśaktibhyānnāvyāptamiha kiñcana // / asakṛccāgninā dagdhaṃ jagadyadbhasmasātkṛtam // ### [7.1.28.13](https://indike.org/pramana/in.purana.siva.7.1.28.13) / agnervīryamidaṃ cāhustadvīryaṃ bhasma yattataḥ // / yaścetthaṃ bhasmasadbhāvaṃ jñātvā snāti ca bhasmanā // ### [7.1.28.14](https://indike.org/pramana/in.purana.siva.7.1.28.14) / agnirityādibhirmantrairbaddhaḥ pāśātpramucyate // / agnervīryaṃ tu yadbhasma somenāplāvitampunaḥ // ### [7.1.28.15](https://indike.org/pramana/in.purana.siva.7.1.28.15) / ayogayuktyā prakṛteradhikārāya kalpate // / yogayuktyā tu tadbhasma plāvyamānaṃ samantataḥ // ### [7.1.28.16](https://indike.org/pramana/in.purana.siva.7.1.28.16) / śāktenāmṛtavarṣeṇa cādhikārānnivartayet // / ato mṛtyuṃjayāyetthamamṛtaplāvanaṃ sadā // ### [7.1.28.17](https://indike.org/pramana/in.purana.siva.7.1.28.17) / śivaśaktyamṛtasparśe labdhaṃ yena kuto mṛtiḥ // / yo veda dahanaṃ guhyaṃ plāvanaṃ ca yathoditam // ### [7.1.28.18](https://indike.org/pramana/in.purana.siva.7.1.28.18) / agnīṣomapadaṃ hitvā na sa bhūyo 'bhijāyate // / śivāgninā tanuṃ dagdhvā śaktisaumyā mṛtena yaḥ // ### [7.1.28.19](https://indike.org/pramana/in.purana.siva.7.1.28.19) / plāvayedyogamārgeṇa so 'mṛtatvāya kalpate // / hṛdi kṛtvemamarthaṃ vai devena samudāhṛtam // ### [7.1.28.20](https://indike.org/pramana/in.purana.siva.7.1.28.20) / agnīṣomātmakaṃ viśvaṃ jagadityanurūpataḥ // / 533a ### [7.1.28.20.p1](https://indike.org/pramana/in.purana.siva.7.1.28.20.p1) iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe bhasmatattvavarṇanaṃ nāmāṣṭāviṃśo 'dhyāyaḥ ### [7.1.28.20.p2](https://indike.org/pramana/in.purana.siva.7.1.28.20.p2) Chapter 29 vāyuruvāca nivedayāmi jagato vāgarthātmyaṃ kṛtaṃ yathā // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.1.28.1) — Sanskrit --- Source: [https://indike.org/pramana/in.purana.siva.7.1.28](https://indike.org/pramana/in.purana.siva.7.1.28) · Pramāṇa