[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.1.2 # Shivapurana 7.1.2 Śivapurāṇa 7.1.2 - **Language:** Sanskrit ## Contents - [7.1.2.31](https://indike.org/pramana/in.purana.siva.7.1.2.31) — 2 parts ### [7.1.2.1](https://indike.org/pramana/in.purana.siva.7.1.2.1) / asminnupasthite kalpe pravṛtte sṛṣṭhikarmaṇi // / pratiṣṭhitāyāṃ vārtāyāṃ prabuddhāsu prajāsu ca // ### [7.1.2.2](https://indike.org/pramana/in.purana.siva.7.1.2.2) / munīnāṃ ṣaṭkulīyānāṃ bruvatāmitaretaram // / idaṃ paramidaṃ neti vivādassumahānabhūt // ### [7.1.2.3](https://indike.org/pramana/in.purana.siva.7.1.2.3) / parasya durnirūpatvānna jātastatra niścayaḥ // / te 'bhijagmurvidhātāraṃ draṣṭuṃ brahmāṇamavyayam // ### [7.1.2.4](https://indike.org/pramana/in.purana.siva.7.1.2.4) / yatrāste bhagavān brahmā stūyamānassurāsuraiḥ // / meruśṛṃge śubhe ramye devadānavasaṃkule // ### [7.1.2.5](https://indike.org/pramana/in.purana.siva.7.1.2.5) / siddhacāraṇasaṃvāde yakṣagaṃdharvasevite // / vihaṃgasaṃghasaṃghuṣṭe maṇividrumabhūṣite // ### [7.1.2.6](https://indike.org/pramana/in.purana.siva.7.1.2.6) / nikuṃjakaṃdaradarīgṛhānirjharaśobhite // / tatra brahmavanaṃ nāma nānāmṛgasamākulam // ### [7.1.2.7](https://indike.org/pramana/in.purana.siva.7.1.2.7) / daśayojanavistīrṇaṃ śatayojanamāyatam // / surasāmalapānīyapūrṇaramyasarovaram // ### [7.1.2.8](https://indike.org/pramana/in.purana.siva.7.1.2.8) / mattabhramarasaṃchannaramyapuṣpitapādapam // / taruṇādityasaṃkāśaṃ tatra cāru mahatpuram // ### [7.1.2.9](https://indike.org/pramana/in.purana.siva.7.1.2.9) / durdharṣabaladṛptānāṃ daityadānavarakṣasām // / taptajāṃbūnadamayaṃ prāṃśuprākāratoraṇam // ### [7.1.2.10](https://indike.org/pramana/in.purana.siva.7.1.2.10) / nirvyūhavalabhīkūṭapratolīśatamaṃḍitam // / mahārhamaṇicitrābhirlelihānamivāṃbaram // ### [7.1.2.11](https://indike.org/pramana/in.purana.siva.7.1.2.11) / mahābhavanakoṭībhiranekābhiralaṃkṛtam // / tasminnivasati brahmā sabhyaiḥ sārdhaṃ prajāpatiḥ // ### [7.1.2.12](https://indike.org/pramana/in.purana.siva.7.1.2.12) / tatra gatvā mahātmānaṃ sākṣāllokapitāmaham // / daddaśurmunayo devā devarṣigaṇasevitam // ### [7.1.2.13](https://indike.org/pramana/in.purana.siva.7.1.2.13) / śuddhacāmīkaraprakhyaṃ sarvābharaṇabhūṣitam // / prasannavadanaṃ saumyaṃ padmapatrāyatekṣaṇam // ### [7.1.2.14](https://indike.org/pramana/in.purana.siva.7.1.2.14) / divyakāṃtisamāyuktaṃ divyagaṃdhānulepanam // / divyaśuklāṃbaradharaṃ divyamālāvibhūṣitam // ### [7.1.2.15](https://indike.org/pramana/in.purana.siva.7.1.2.15) / surāsurendrayogīṃdravaṃdyamānapadāṃbujam // / sarvalakṣaṇayuktāṃgyā labdhacāmarahastayā // ### [7.1.2.16](https://indike.org/pramana/in.purana.siva.7.1.2.16) / bhrājamānaṃ sarasvatyā prabhayeva divākaram // / taṃ dṛṣṭvā munayassarve prasannavadanekṣaṇāḥ // ### [7.1.2.17](https://indike.org/pramana/in.purana.siva.7.1.2.17) / śirasyaṃjalimādhāya tuṣṭuvussurapuṃgavam // / munaya ūcuḥ namastrimūrtaye tubhyaṃ sargasthityaṃtahetave // ### [7.1.2.18](https://indike.org/pramana/in.purana.siva.7.1.2.18) / puruṣāya purāṇāya brahmaṇe paramātmane // / namaḥ pradhānadehāya pradhānakṣobhakāriṇe // ### [7.1.2.19](https://indike.org/pramana/in.purana.siva.7.1.2.19) / trayoviṃśatibhedena vikṛtāyāvikāriṇe // / namo brahmāṇḍadehāya brahmāṃḍodaravartine // ### [7.1.2.20](https://indike.org/pramana/in.purana.siva.7.1.2.20) / tatra saṃsiddhakāryāya saṃsiddhakaraṇāya ca // / namostu sarvalokāya sarvalokavidhāyine // ### [7.1.2.21](https://indike.org/pramana/in.purana.siva.7.1.2.21) / sarvātmadehasaṃyoga viyogavidhihetave // / tvayaiva nikhilaṃ sṛṣṭaṃ saṃhṛtaṃ pālitaṃ jagat // ### [7.1.2.22](https://indike.org/pramana/in.purana.siva.7.1.2.22) / tathāpi māyayā nātha na vidmastvāṃ pitāmaha // / sūta uvāca evaṃ brahmā mahābhāgairmaharṣibhirabhiṣṭutaḥ // ### [7.1.2.23](https://indike.org/pramana/in.purana.siva.7.1.2.23) / prāha gaṃbhīrayā vācā munīn prahlādayanniva // / brahmovāca ṛṣayo he mahābhāgā mahāsattvā mahaujasaḥ // ### [7.1.2.24](https://indike.org/pramana/in.purana.siva.7.1.2.24) / kimarthaṃ sahitāssarve yūyamatra samāgatāḥ // / tamevaṃvādinaṃ devaṃ brahmāṇaṃ brahmavittamāḥ // ### [7.1.2.25](https://indike.org/pramana/in.purana.siva.7.1.2.25) / vāgbhirvinayagarbhābhissarve prāṃjalayo 'bruvan // / munaya ūcuḥ bhagavannaṃdhakāreṇa mahatā vayamāvṛtāḥ // ### [7.1.2.26](https://indike.org/pramana/in.purana.siva.7.1.2.26) / khinnā vivadamānāśca na paśyāmo 'tra yatparam // / tvaṃ hi sarvajagaddhātā sarvakāraṇakāraṇam // ### [7.1.2.27](https://indike.org/pramana/in.purana.siva.7.1.2.27) / tvayā hyaviditaṃ nātha neha kiṃcana vidyate // / kaḥ pumān sarvasattvebhyaḥ purāṇaḥ puruṣaḥ paraḥ // ### [7.1.2.28](https://indike.org/pramana/in.purana.siva.7.1.2.28) / viśuddhaḥ paripūrṇaśca śāśvataḥ parameśvaraḥ // / kenaiva citrakṛtyena prathamaṃ sṛjyate jagat // ### [7.1.2.29](https://indike.org/pramana/in.purana.siva.7.1.2.29) / tattvaṃ vada mahāprājña svasaṃdehāpanuttaye // / evaṃ pṛṣṭastadā brahmā vismayasmeravīkṣaṇaḥ // ### [7.1.2.30](https://indike.org/pramana/in.purana.siva.7.1.2.30) / devānāṃ dānavānāṃ ca munīnāmapi sannidhau // / utthāya suciraṃ dhyātvā rudra ityuddharan girim // ### [7.1.2.31](https://indike.org/pramana/in.purana.siva.7.1.2.31) / ānaṃdaklinnasarvāṃgaḥ kṛtāṃjalirabhāṣata // ### [7.1.2.31.p1](https://indike.org/pramana/in.purana.siva.7.1.2.31.p1) iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe muniprastāvavarṇanaṃ nāma dvitīyo 'dhyāyaḥ ### [7.1.2.31.p2](https://indike.org/pramana/in.purana.siva.7.1.2.31.p2) Chapter 3 brahamovāca yato vāco nivartaṃte aprāpya manasā saha // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.1.2.1) — Sanskrit --- Source: [https://indike.org/pramana/in.purana.siva.7.1.2](https://indike.org/pramana/in.purana.siva.7.1.2) · Pramāṇa