Shivapurana 7.1.32
Śivapurāṇa 7.1.32
- Language
- Sanskrit
Contents
- 7.1.32.20 — 76 parts
7.1.32.1
/
tattasya sādhanaṃ cādya vaktumarhasi māruta //
/
vāyuruvāca
śaivo hi paramo dharmaḥ śreṣṭhānuṣṭhānaśabditaḥ //
7.1.32.2
/
yatrāparokṣo lakṣyeta sākṣānmokṣapradaḥ śivaḥ //
/
sa tu pañcavidho jñeyaḥ pañcabhiḥ parvabhiḥ kramāt //
7.1.32.3
/
kriyātapojapadhyānajñānātmabhiranuttaraiḥ //
/
taireva sottaraissiddho dharmastu paramo mataḥ //
7.1.32.4
/
parokṣamaparokṣaṃ ca jñānaṃ yatra ca mokṣadam //
/
paramo 'paramaścobhau dharmau hi śruticoditau //
7.1.32.5
/
dharmaśabdābhidheyerthe pramāṇaṃ śrutireva naḥ //
/
paramo yogaparyanto dharmaḥ śrutiśirogataḥ //
7.1.32.6
/
dharmastvaparamastadvadadhaḥ śrutimukhotthitaḥ //
/
apaśvātmādhikāratvādyo dharamaḥ paramo mataḥ //
7.1.32.7
/
sādhāraṇastato 'nyastu sarveṣāmadhikārataḥ //
/
sa cāyaṃ paramo dharmaḥ paradharmasya sādhanam //
7.1.32.8
/
dharmaśāstrādibhissamyak sāṃga evopabṛṃhitaḥ //
/
śaivo yaḥ paramo dharmaḥ śreṣṭhānuṣṭhānaśabditaḥ //
7.1.32.9
/
itihāsapurāṇābhyāṃ kathaṃcidupabṛṃhitaḥ //
/
śaivāgamaistu saṃpannaḥ sahāṃgopāṃvistaraḥ //
7.1.32.10
/
tatsaṃskārādhikāraiśca samyagevopabṛṃhitaḥ //
/
śaivāgamo hi dvividhaḥ śrauto 'śrautaśca saṃskṛtaḥ //
7.1.32.11
/
śrutisāramayaḥ śrautassvataṃtra itaro mataḥ //
/
svataṃtro daśadhā pūrvaṃ tathāṣṭādaśadhā punaḥ //
7.1.32.12
/
kāmikādisamākhyābhissiddhaḥ siddhāntasaṃjñitaḥ //
/
śrutisāramayo yastu śatakoṭipravistaraḥ //
7.1.32.13
/
paraṃ pāśupataṃ yatra vrataṃ jñānaṃ ca kathyate //
/
yugāvarteṣu śiṣyeta yogācāryasvarūpiṇā //
7.1.32.14
/
tatratatrāvatīrṇena śivenaiva pravartyate //
/
saṃkṣipyāsya pravaktāraścatvāraḥ paramarṣaya //
7.1.32.15
/
rururdadhīco 'gastyaśca upamanyurmahāyaśāḥ //
/
te ca pāśupatā jñeyāssaṃhitānāṃ pravartakāḥ //
7.1.32.16
/
tatsaṃtatīyā guravaḥ śataśo 'tha sahasraśaḥ //
/
tatroktaḥ paramo dharmaścaryādyātmā caturvidhaḥ //
7.1.32.17
/
teṣu pāśupato yogaḥ śivaṃ pratyakṣayeddṛḍham //
/
tasmācchreṣṭhamanuṣṭhānaṃ yogaḥ pāśupato mataḥ //
7.1.32.18
/
tatrāpyupāyako yukto brahmaṇā sa tu kathyate //
/
nāmāṣṭakamayo yogaśśivena parikalpitaḥ //
7.1.32.19
/
tena yogena sahasā śaivī prajñā prajāyate //
/
prajñayā paramaṃ jñānamacirāllabhate sthiram //
7.1.32.20
/
538a
7.1.32.20.p1
prasīdati śivastasya yasya jñānaṃ pratiṣṭhitam //
7.1.32.20.p2
prasādātparamo yogo yaḥ śivaṃ cāparokṣayet //
7.1.32.20.p3
śivāparokṣātsaṃsārakāraṇena viyujyate //
7.1.32.20.p4
tataḥ syānmuktasaṃsāro muktaḥ śivasamo bhavet //
7.1.32.20.p5
brahmaprokta ityupāyaḥ sa eva pṛthagucyate //
7.1.32.20.p6
śivo maheśvaraścaiva rudro viṣṇuḥ pitāmahaḥ //
7.1.32.20.p7
saṃsāravaidyaḥ sarvajñaḥ paramātmeti mukhyataḥ //
7.1.32.20.p8
nāmāṣṭakamidaṃ mukhyaṃ śivasya pratipādakam //
7.1.32.20.p9
ādyantu pañcakaṃ jñeyaṃ śāntyatītādyanukramāt //
7.1.32.20.p10
saṃjñā sadāśivādīnāṃ pañcopādhiparigrahāt //
7.1.32.20.p11
upādhivinivṛttau tu yathāsvaṃ vinivartate //
7.1.32.20.p12
padameva hi tannityamanityāḥ padinaḥ smṛtāḥ //
7.1.32.20.p13
padānāṃ pratikṛttau tu mucyante padino yataḥ //
7.1.32.20.p14
parivṛttyantare bhūyastatpadaprāptirucyate //
7.1.32.20.p15
ātmāntarābhidhānaṃ syādyadādyaṃ nāma pañcakam //
7.1.32.20.p16
anyattu tritayaṃ nāmnāmupādānādiyogataḥ //
7.1.32.20.p17
trividhopādhivacanācchiva evānuvartate //
7.1.32.20.p18
anādimalasaṃśleṣaḥ prāgabhāvātsvabhāvataḥ //
7.1.32.20.p19
atyaṃtaṃ pariśuddhātmetyato 'yaṃ śiva ucyate //
7.1.32.20.p20
athavāśeṣakalyāṇaguṇaikadhana īśvaraḥ //
7.1.32.20.p21
śiva ityucyate sadbhiśśivatattvārthavādibhiḥ //
7.1.32.20.p22
trayoviṃśatitattvebhyaḥ prakṛtirhi parā matā //
7.1.32.20.p23
prakṛtestu paraṃ prāhuḥ puruṣaṃ pañcaviṃśakam //
7.1.32.20.p24
yaṃ vedādau svaraṃ prāhurvācyavācakabhāvataḥ //
7.1.32.20.p25
vedaikavedyayāthātmyādvedānte ca pratiṣṭhitaḥ //
7.1.32.20.p26
tasya prakṛtilīnasya yaḥ parassa maheśvaraḥ //
7.1.32.20.p27
tadadhīnapravṛttitvātprakṛteḥ puruṣasya ca //
7.1.32.20.p28
athavā triguṇaṃ tattvamupeyamidamavyayam //
7.1.32.20.p29
māyāntu prakṛtiṃ vidyānmāyinaṃ tu maheśvaram //
7.1.32.20.p30
māyāvikṣobhako 'naṃto maheśvarasamanvayāt //
7.1.32.20.p31
kālātmā paramātmādiḥ sthūlaḥ sūkṣmaḥ prakīrtitaḥ //
7.1.32.20.p32
rudduḥkhaṃ duḥkhaheturvā tadrāvayati naḥ prabhuḥ //
7.1.32.20.p33
rudra ityucyate sadbhiḥ śivaḥ paramakāraṇam //
7.1.32.20.p34
tattvādibhūtaparyantaṃ śarīrādiṣvatandritaḥ //
7.1.32.20.p35
vyāpyādhitiṣṭhati śivastato rudra itastataḥ //
7.1.32.20.p36
jagataḥ pitṛbhūtānāṃ śivo mūrtyātmanāmapi //
7.1.32.20.p37
pitṛbhāvena sarveṣāṃ pitāmaha udīritaḥ //
7.1.32.20.p38
nidānajño yathā vaidyo rogasya vinivartakaḥ //
7.1.32.20.p39
upāyairbheṣajaistadvallayabhogādhikārataḥ //
7.1.32.20.p40
saṃsārasyeśvaro nityaṃ samūlasya nivartakaḥ //
7.1.32.20.p41
saṃsāravaidya ityuktaḥ sarvatattvārthavedibhiḥ //
7.1.32.20.p42
daśārthajñānasiddhyarthamindriyeṣveṣu satsvapi //
7.1.32.20.p43
trikālabhāvino bhāvānsthūlānsūkṣmānaśeṣataḥ //
7.1.32.20.p44
aṇavo naiva jānanti māyayaiva malāvṛtāḥ //
7.1.32.20.p45
asatsvapi ca sarveṣu sarvārthajñānahetuṣu //
7.1.32.20.p46
538b
7.1.32.20.p47
yadyathāvasthitaṃ vastu tattathaiva sadāśivaḥ //
7.1.32.20.p48
ayatnenaiva jānāti tasmātsarvajña ucyate //
7.1.32.20.p49
sarvātmā paramairebhirguṇairnityasamanvayāt //
7.1.32.20.p50
svasmātparātmavirahātparamātmā śivaḥ svayam //
7.1.32.20.p51
nāmāṣṭakamidaṃ caiva labdhvācāryaprasādataḥ //
7.1.32.20.p52
nivṛttyādikalāgranthiṃ śivādyaiḥ pañcanāmabhiḥ //
7.1.32.20.p53
yathāsvaṃ kramaśaśchitvā śodhayitvā yathāguṇam //
7.1.32.20.p54
guṇitaireva soddhātairaniruddhairathāpi vā //
7.1.32.20.p55
hṛtkaṇṭhatālubhrūmadhyabrahmarandhrasamanvitām //
7.1.32.20.p56
chittvā paryaṣṭakākāraṃ svātmānaṃ ca suṣumṇayā //
7.1.32.20.p57
dvādaśāṃtaḥsthitasyendornītvopari śivaujasi //
7.1.32.20.p58
saṃhṛtyaṃ vadanaṃ paścādyathāsaṃskaraṇaṃ layāt //
7.1.32.20.p59
śāktenāmṛtavarṣeṇa saṃsiktāyāṃ tanau punaḥ //
7.1.32.20.p60
avatārya svamātmānamamṛtātmākṛtiṃ hṛdi //
7.1.32.20.p61
dvādaśāṃtaḥsthitasyendoḥ parastācchvetapaṃkaje //
7.1.32.20.p62
samāsīnaṃ mahādevaṃ śaṃkarambhaktavatsalam //
7.1.32.20.p63
ardhanārīśvaraṃ devaṃ nirmalaṃ madhurākṛtim //
7.1.32.20.p64
śuddhasphaṭikasaṃkāśaṃ prasannaṃ śītaladyutim //
7.1.32.20.p65
dhyātvā hi mānase devaṃ svasthacitto 'tha mānavaḥ //
7.1.32.20.p66
śivanāmāṣṭakenaiva bhāvapuṣpaissamarcayet //
7.1.32.20.p67
abhyarcanānte tu punaḥ prāṇānāyamya mānavaḥ //
7.1.32.20.p68
samyakcittaṃ samādhāya śārvaṃ nāmāṣṭakaṃ japet //
7.1.32.20.p69
nābhau cāṣṭāhutīrhutvā pūrṇāhutyā namastataḥ //
7.1.32.20.p70
aṣṭapuṣpapradānena kṛtvābhyarcanamaṃtimam //
7.1.32.20.p71
nivedayetsvamātmānaṃ culukodakavartmanā //
7.1.32.20.p72
evaṃ kṛtvā cirādeva jñānaṃ pāśupataṃ śubham //
7.1.32.20.p73
labhate tatpratiṣṭhāṃ ca vṛttaṃ cānuttamaṃ tathā //
7.1.32.20.p74
yogaṃ ca paramaṃ labdhvā mucyate nātra saṃśayaḥ //
7.1.32.20.p75
iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe śreṣṭhānuṣṭhānavarṇanaṃ nāma dvātriṃśo 'dhyāyaḥ
7.1.32.20.p76
Chapter 33
ṛṣaya ūcuḥ
bhagavañchrotumicchāmo vrataṃ pāśupataṃ param //
Other recensions (1)
- Śivapurāṇa (complete text) — Sanskrit
Linked texts (2)
- Kulavṛtti — Sanskrit
- Śivāgamādimāhātmyasaṅgraha — Sanskrit