[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.1.34 # Shivapurana 7.1.34 Śivapurāṇa 7.1.34 - **Language:** Sanskrit ## Contents - [7.1.34.13](https://indike.org/pramana/in.purana.siva.7.1.34.13) — 2 parts - [7.1.34.33](https://indike.org/pramana/in.purana.siva.7.1.34.33) — 1 part - [7.1.34.53](https://indike.org/pramana/in.purana.siva.7.1.34.53) — 14 parts ### [7.1.34.1](https://indike.org/pramana/in.purana.siva.7.1.34.1) / tasmāt kṣīrārṇavo dattastasmai devena śūlinā // / sa kathaṃ śiśuko lebhe śivaśāstrapravaktṛtām // ### [7.1.34.2](https://indike.org/pramana/in.purana.siva.7.1.34.2) / kathaṃ vā śivasadbhāvaṃ jñātvā tapasi niṣṭhitaḥ // / kathaṃ ca labdhavijñānastapaścaraṇaparvaṇi // ### [7.1.34.3](https://indike.org/pramana/in.purana.siva.7.1.34.3) / rudrāgneryatparaṃ vīryaṃ labhe bhasma svarakṣakam // / vāyuruvāca na hyeṣa śiśukaḥ kaścitprākṛtaḥ kṛtavāṃstapaḥ // ### [7.1.34.4](https://indike.org/pramana/in.purana.siva.7.1.34.4) / munivaryasya tanayo vyāghrapādasya dhīmataḥ // / janmāntareṇa saṃsiddhaḥ kenāpi khalu hetunā // ### [7.1.34.5](https://indike.org/pramana/in.purana.siva.7.1.34.5) / svapadapracyuto diṣṭyā prāpto munikumāratām // / mahādevaprasādasya bhāgyāpannasya bhāvinaḥ // ### [7.1.34.6](https://indike.org/pramana/in.purana.siva.7.1.34.6) / dugdhābhilāṣaprabhavadvāratāmagamattapaḥ // / ataḥ sarvagaṇeśatvaṃ kumāratvaṃ ca śāśvatam // ### [7.1.34.7](https://indike.org/pramana/in.purana.siva.7.1.34.7) / saha dugdhābdhinā tasmai pradadau śaṃkaraḥ svayam // / tasya jñānāgamopyasya prasādādeva śāṃkarāt // ### [7.1.34.8](https://indike.org/pramana/in.purana.siva.7.1.34.8) / kaumāraṃ hi paraṃ sākṣājjñānaṃ śaktimayaṃ viduḥ // / śivaśāstrapravaktṛtvamapi tasya hi tatkṛtam // ### [7.1.34.9](https://indike.org/pramana/in.purana.siva.7.1.34.9) / kumāro munito labdhajñānābdhiriva nandanaḥ // / dṛṣṭaṃ tu kāraṇaṃ tasya śivajñānasamanvaye // ### [7.1.34.10](https://indike.org/pramana/in.purana.siva.7.1.34.10) / svamātṛvacanaṃ sākṣācchokajaṃ kṣīrakāraṇāt // / kadācitkṣīramatyalpaṃ pītavānmātulāśrame // ### [7.1.34.11](https://indike.org/pramana/in.purana.siva.7.1.34.11) / īrṣayayā mātulasutaṃ saṃtṛptakṣīramuttamam // / pītvā sthitaṃ yathākāmaṃ dṛṣṭvā vai mātulātmajam // ### [7.1.34.12](https://indike.org/pramana/in.purana.siva.7.1.34.12) / upamanyurvyāghrapādiḥ prītyā provāca mātaram // / upamanyuruvāca mātarmātarmahābhāge mama dehi tapasvini // ### [7.1.34.13](https://indike.org/pramana/in.purana.siva.7.1.34.13) / 541b ### [7.1.34.13.p1](https://indike.org/pramana/in.purana.siva.7.1.34.13.p1) gavyaṃ kṣīramatisvādu nālpamuṣṇaṃ pibāmyaham // ### [7.1.34.13.p2](https://indike.org/pramana/in.purana.siva.7.1.34.13.p2) vāyuruvāca tacchrutvā putravacanaṃ tanmātā ca tapasvinī // ### [7.1.34.14](https://indike.org/pramana/in.purana.siva.7.1.34.14) / vyāghrapādasya mahiṣī duḥkhamāpattadā ca sā // / upalālyātha suprītyā putramāliṃgya sādaram // ### [7.1.34.15](https://indike.org/pramana/in.purana.siva.7.1.34.15) / duḥkhitā vilalāpātha smṛtvā nairdhanyamātmanaḥ // / smṛtvāsmṛtvā punaḥ kṣīramupamanyussa bālakaḥ // ### [7.1.34.16](https://indike.org/pramana/in.purana.siva.7.1.34.16) / dehi dehīti tāmāha rudranbhūyo mahādyutiḥ // / taddhaṭhaṃ sā parijñāya dvijapatnī tapasvinī // ### [7.1.34.17](https://indike.org/pramana/in.purana.siva.7.1.34.17) / śāntaye taddhaṭhasyātha śubhopāyamarīracat // / uñchavṛttyārjitānbījānsvayaṃ dṛṣṭvā ca sā tadā // ### [7.1.34.18](https://indike.org/pramana/in.purana.siva.7.1.34.18) / bījapiṣṭamathāloḍya toyena kalabhāṣiṇī // / ehyehi mama putreti sāmapūrvaṃ tatassutam // ### [7.1.34.19](https://indike.org/pramana/in.purana.siva.7.1.34.19) / āliṃgyādāya duḥkhārtā pradadau kṛtrimaṃ payaḥ // / pītvā ca kṛtrimaṃ kṣīraṃ mātrāṃ dattaṃ sa bālakaḥ // ### [7.1.34.20](https://indike.org/pramana/in.purana.siva.7.1.34.20) / naitatkṣīramiti prāha mātaraṃ cātivihvalaḥ // / duḥkhitā sā tadā prāha saṃprekṣyāghrāya mūrdhani // ### [7.1.34.21](https://indike.org/pramana/in.purana.siva.7.1.34.21) / samārjya netra putrasya karābhyāṃ kamalāyate // / jananyuvāca taṭinī ratnapūrṇāstāssvargapātālagocarāḥ // ### [7.1.34.22](https://indike.org/pramana/in.purana.siva.7.1.34.22) / bhāgyahīnā na paśyanti bhaktihīnāśca ye śive // / rājyaṃ svargaṃ ca mokṣaṃ ca bhojanaṃ kṣīrasaṃbhavam // ### [7.1.34.23](https://indike.org/pramana/in.purana.siva.7.1.34.23) / na labhante priyāṇyeṣāṃ na tuṣyati yadā śivaḥ // / bhavaprasādajaṃ sarvaṃ nānyaddevaprasādajam // ### [7.1.34.24](https://indike.org/pramana/in.purana.siva.7.1.34.24) / anyadeveṣu niratā duḥkhārtā vibhramanti ca // / kṣīraṃ tatra kuto 'smākaṃ vane nivasatāṃ sadā // ### [7.1.34.25](https://indike.org/pramana/in.purana.siva.7.1.34.25) / kva dugdhasādhanaṃ vatsa kva vayaṃ vanavāsinaḥ // / kṛtsnābhāvena dāridryānmayā te bhāgyahīnayā // ### [7.1.34.26](https://indike.org/pramana/in.purana.siva.7.1.34.26) / mithyādugdhamidaṃ dattampiṣṭamāloḍya vāriṇā // / tvaṃ mātulagṛhe svalpaṃ pītvā svādu payaḥ śṛtam // ### [7.1.34.27](https://indike.org/pramana/in.purana.siva.7.1.34.27) / jñātvā svādu tvayā pītaṃ tajjātīyamanusmaran // / dattaṃ na paya ityuktvā rudan duḥkhīkaroṣi mām // ### [7.1.34.28](https://indike.org/pramana/in.purana.siva.7.1.34.28) / prasādena vinā śaṃbho payastava na vidyate // / pādapaṃkajayostasya sāmbasya sagaṇasya ca // ### [7.1.34.29](https://indike.org/pramana/in.purana.siva.7.1.34.29) / bhaktyā samarpitaṃ yattatkāraṇaṃ sarvasampadām // / adhunā vasudosmābhirmahādevo na pūjitaḥ // ### [7.1.34.30](https://indike.org/pramana/in.purana.siva.7.1.34.30) / sakāmānāṃ yathākāmaṃ yathoktaphaladāyakaḥ // / dhanānyuddiśya nāsmābhiritaḥ prāgarcitaḥ śivaḥ // ### [7.1.34.31](https://indike.org/pramana/in.purana.siva.7.1.34.31) / ato daridrāssaṃjātā vayaṃ tasmānna te payaḥ // / pūrvajanmani yaddattaṃ śivamuddiśya vai sutaḥ // ### [7.1.34.32](https://indike.org/pramana/in.purana.siva.7.1.34.32) / tadeva labhyate nānyadviṣṇumuddiśya vā prabhum // / vāyuruvāca iti mātṛvacaḥ śrutvā tathyaṃ śokādisūcakam // ### [7.1.34.33](https://indike.org/pramana/in.purana.siva.7.1.34.33) / bālo 'pyanutapannaṃtaḥ pragalbhamidamabravīt // / 542a ### [7.1.34.33.p1](https://indike.org/pramana/in.purana.siva.7.1.34.33.p1) upamanyuruvāca śokenālamito mataḥ sāṃbo yadyasti śaṃkaraḥ // ### [7.1.34.34](https://indike.org/pramana/in.purana.siva.7.1.34.34) / tyaja śokaṃ mahābhāge sarvaṃ bhadraṃ bhaviṣyati // / śṛṇu mātarvaco medya mahādevo 'sti cetkvacit // ### [7.1.34.35](https://indike.org/pramana/in.purana.siva.7.1.34.35) / cirādvā hyacirādvāpi kṣīrodaṃ sādhayāmyaham // / vāyuruvāca iti śrutvā vacastasya bālakasya mahāmateḥ // ### [7.1.34.36](https://indike.org/pramana/in.purana.siva.7.1.34.36) / praytuvāca tadā mātā suprasannā manasvinī // / mātovāca śubhaṃ vicāritaṃ tāta tvayā matprītivardhanam // ### [7.1.34.37](https://indike.org/pramana/in.purana.siva.7.1.34.37) / vilaṃbaṃ mā kathāstvaṃ hi bhaja sāṃbaṃ sadāśivam // / sarvasmādadhiko 'styeva śivaḥ paramakāraṇam // ### [7.1.34.38](https://indike.org/pramana/in.purana.siva.7.1.34.38) / tatkṛtaṃ hi jagatsarvaṃ brahmādyāstasya kiṃkarāḥ // / tatprasādakṛtaiśvaryā dāsāstasya vayaṃ prabhoḥ // ### [7.1.34.39](https://indike.org/pramana/in.purana.siva.7.1.34.39) / taṃ vinānyaṃ na jānīmaśśaṃkaraṃ lokaśaṃkaram // / anyāndevānparityajya karmaṇā manasā girā // ### [7.1.34.40](https://indike.org/pramana/in.purana.siva.7.1.34.40) / tameva sāṃbaṃ sagaṇaṃ bhaja bhāvapurassaram // / tasya devādhidevasya śivasya varadāyinaḥ // ### [7.1.34.41](https://indike.org/pramana/in.purana.siva.7.1.34.41) / sākṣānnamaśśivāyeti maṃtro 'yaṃ vācakaḥ smṛtaḥ // / saptakoṭimahāmaṃtrāḥ sarve sapraṇavāḥ pare // ### [7.1.34.42](https://indike.org/pramana/in.purana.siva.7.1.34.42) / tasminneva vilīyaṃte punastasmādvinirgatāḥ // / saprasādāśca te maṃtrāḥ svādhikārādyapekṣayā // ### [7.1.34.43](https://indike.org/pramana/in.purana.siva.7.1.34.43) / sarvādhikārastveko 'yaṃ maṃtra eveśvarājñayā // / yathā nikṛṣṭānutkṛṣṭānsarvānapyātmanaḥ śivaḥ // ### [7.1.34.44](https://indike.org/pramana/in.purana.siva.7.1.34.44) / kṣamate rakṣituṃ tadvanmaṃtro 'yamapi sarvadā // / prabalaśca tathā hyeṣa maṃtro mantrāntarādapi // ### [7.1.34.45](https://indike.org/pramana/in.purana.siva.7.1.34.45) / sarvarakṣākṣamo 'pyeṣa nāparaḥ kaścidiṣyate // / tasmānmantrāntarāṃstyaktvā pañcākṣaraparo bhava // ### [7.1.34.46](https://indike.org/pramana/in.purana.siva.7.1.34.46) / tasmiñjihvāṃtaragate na kiṃcidiha durlabham // / adhorāstraṃ ca śaivānāṃ rakṣāheturanuttamam // ### [7.1.34.47](https://indike.org/pramana/in.purana.siva.7.1.34.47) / tacca tatprabhavaṃ matvā tatparo bhava nānyathā // / bhasmedantu mayā labdhaṃ pitureva tavottamam // ### [7.1.34.48](https://indike.org/pramana/in.purana.siva.7.1.34.48) / virajānalasaṃsiddhaṃ mahāvyāpannivāraṇam // / maṃtraṃ ca te mayā dattaṃ gṛhāṇa madanujñayā // ### [7.1.34.49](https://indike.org/pramana/in.purana.siva.7.1.34.49) / anenaivāśu japtena rakṣā tava bhaviṣyati // / vāyuruvāca evaṃ mātrā samādiśya śivamastvityudīrya ca // ### [7.1.34.50](https://indike.org/pramana/in.purana.siva.7.1.34.50) / visṛṣṭastadvaco mūrdhni kurvanneva tadā muniḥ // / tāṃ praṇamyaivamuktvā ca tapaḥ kartuṃ pracakrame // ### [7.1.34.51](https://indike.org/pramana/in.purana.siva.7.1.34.51) / tamāha ca tadā mātā śubhaṃ kurvaṃtu te surāḥ // / anujñātastayā tatra tapastepe sa duścaram // ### [7.1.34.52](https://indike.org/pramana/in.purana.siva.7.1.34.52) / himavatparvataṃ prāpya vāyubhakṣaḥ samāhitaḥ // / aṣṭeṣṭakābhiḥ prasādaṃ kṛtvā liṃgaṃ ca mṛnmayam // ### [7.1.34.53](https://indike.org/pramana/in.purana.siva.7.1.34.53) / tatrāvāhya mahādevaṃ sāṃbaṃ sagaṇamavyayam // / 542b ### [7.1.34.53.p1](https://indike.org/pramana/in.purana.siva.7.1.34.53.p1) bhaktyā pañcākṣareṇaiva putraiḥ puṣpairvanodbhavaiḥ // ### [7.1.34.53.p2](https://indike.org/pramana/in.purana.siva.7.1.34.53.p2) samabhyarcya ciraṃ kālaṃ cacāra paramaṃ tapaḥ // ### [7.1.34.53.p3](https://indike.org/pramana/in.purana.siva.7.1.34.53.p3) tatastapaścarattaṃ taṃ bālamekākinaṃ kṛśam // ### [7.1.34.53.p4](https://indike.org/pramana/in.purana.siva.7.1.34.53.p4) upamanyuṃ dvijavaraṃ śivasaṃsaktamānasam // ### [7.1.34.53.p5](https://indike.org/pramana/in.purana.siva.7.1.34.53.p5) purā marīcinā śaptāḥ kecinmunipiśācakāḥ // ### [7.1.34.53.p6](https://indike.org/pramana/in.purana.siva.7.1.34.53.p6) saṃpīḍya rākṣasairbhāvaistapasovighnamācaran // ### [7.1.34.53.p7](https://indike.org/pramana/in.purana.siva.7.1.34.53.p7) sa ca taiḥ pīḍyamāno 'pi tapaḥ kurvankathañcana // ### [7.1.34.53.p8](https://indike.org/pramana/in.purana.siva.7.1.34.53.p8) sadā namaḥ śivāyeti krośati smārtanādavat // ### [7.1.34.53.p9](https://indike.org/pramana/in.purana.siva.7.1.34.53.p9) tannādaśravaṇādeva tapaso vighnakāriṇaḥ // ### [7.1.34.53.p10](https://indike.org/pramana/in.purana.siva.7.1.34.53.p10) te taṃ bālaṃ samutsṛjya munayassamupācaran // ### [7.1.34.53.p11](https://indike.org/pramana/in.purana.siva.7.1.34.53.p11) tapasā tasya viprasya copamanyormahātmanaḥ // ### [7.1.34.53.p12](https://indike.org/pramana/in.purana.siva.7.1.34.53.p12) carācaraṃ ca munayaḥ pradīpitamabhūjjagat // ### [7.1.34.53.p13](https://indike.org/pramana/in.purana.siva.7.1.34.53.p13) iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe upamanyutapovarṇanaṃ nāma catustriṃśo 'dhyāyaḥ ### [7.1.34.53.p14](https://indike.org/pramana/in.purana.siva.7.1.34.53.p14) Chapter 35 vāyuruvāca atha sarve pradīptāṃgā vaikuṇṭhaṃ prayayurdrutam // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.1.34.1) — Sanskrit --- Source: [https://indike.org/pramana/in.purana.siva.7.1.34](https://indike.org/pramana/in.purana.siva.7.1.34) · Pramāṇa