Shivapurana 7.1.7
Śivapurāṇa 7.1.7
- Language
- Sanskrit
Contents
- 7.1.7.21 — 12 parts
7.1.7.1
/
na kālanirapekṣaṃ hi kvacitkiṃcana vidyate //
/
yadāsyāṃtargataṃ viśvaṃ śaśvatsaṃsāramaṇḍalam //
7.1.7.2
/
sargasaṃhṛtimudrābhyāṃ cakravatparivartate //
/
brahmā hariśca rudraśca tathānye ca surāsurāḥ //
7.1.7.3
/
yatkṛtāṃ niyatiṃ prāpya prabhavo nātivartitum //
/
bhūtabhavyabhaviṣyādyairvibhajya jarayan prajāḥ //
7.1.7.4
/
atiprabhuriti svairaṃ vartate 'tibhayaṃkaraḥ //
/
ka eṣa bhagavān kālaḥ kasya vā vaśavartyayam //
7.1.7.5
/
ka evāsya vaśe na syātkathayaitadvicakṣaṇa //
/
vāyuruvāca
kālakāṣṭhānimeṣādikalākalitavigraham //
7.1.7.6
/
kālātmeti samākhyātaṃ tejo māheśvaraṃ param //
/
yadalaṃghyamaśeṣasya sthāvarasya carasya ca //
7.1.7.7
/
niyogarūpamīśasya balaṃ viśvaniyāmakam //
/
tasyāṃśāṃśamayī muktiḥ kālātmani mahātmani //
7.1.7.8
/
tato niṣkramya saṃkrāṃtā visṛṣṭāgrerivāyasī //
/
tasmātkālavaśe viśvaṃ na sa viśvavaśe sthitaḥ //
7.1.7.9
/
śivasya tu vaśe kālo na kālasya vaśe śivaḥ //
/
yato 'pratihataṃ śārvaṃ tejaḥ kāle pratiṣṭhitam //
7.1.7.10
/
mahatī tena kālasya maryādā hi duratyayā //
/
kālaṃ prajñāviśeṣeṇa ko 'tivartitumarhati //
7.1.7.11
/
kālena tu kṛtaṃ karma na kaścidativartate //
/
ekacchatrāṃ mahīṃ kṛtsnāṃ ye parākramya śāsati //
7.1.7.12
/
te 'pi naivātivartaṃte kālavelāmivābdhayaḥ //
/
ye nigṛhyeṃdriyagrāmaṃ jayaṃti sakalaṃ jagat //
7.1.7.13
/
na jayaṃtyapi te kālaṃ kālo jayati tānapi //
/
āyurvedavido vaidyāstvanuṣṭhitarasāyanāḥ //
7.1.7.14
/
na mṛtyumativartaṃte kālo hi duratikramaḥ //
/
śriyā rūpeṇa śīlena balena ca kulena ca //
7.1.7.15
/
anyacciṃtayate jaṃtuḥ kālo 'nyatkurute balāt //
/
apriyaiśca priyaiścaiva hyaciṃtitagamāgamaiḥ //
7.1.7.16
/
saṃyojayati bhūtāni viyojayati ceśvaraḥ //
/
yadaiva duḥkhitaḥ kaścittadaiva sukhitaḥ paraḥ //
7.1.7.17
/
durvijñeyasvabhāvasya kālāsyāho vicitratā //
/
yo yuvā sa bhavedvṛddho yo balīyānsa durbalaḥ //
7.1.7.18
/
yaḥ śrīmānso 'pi niḥśrīkaḥ kālaścitragatirdvijā //
/
nābhijātyaṃ na vai śīlaṃ na balaṃ na ca naipuṇam //
7.1.7.19
/
bhavetkāryāya paryāptaṃ kālaśca hyanirodhakaḥ //
/
ye sanāthāśca dātāro gītavādyairupasthitāḥ //
7.1.7.20
/
ye cānāthāḥ parānnādāḥ kālasteṣu samakriyaḥ //
/
phalaṃtyakāle na rasāyanāni samyakprayuktānyapi cauṣadhāni //
7.1.7.21
/
tānyeva kālena samāhṛtāni siddhiṃ prayāṃtyāśu sukhaṃ diśaṃti //
/
510a
7.1.7.21.p1
nākālato 'yaṃ mriyate jāyate vā nākālataḥ puṣṭimagryāmupaiti //
7.1.7.21.p2
nākālataḥ sukhitaṃ duḥkhitaṃ vā nākālikaṃ vastu samasti kiṃcit //
7.1.7.21.p3
kālena śītaḥ prativāti vātaḥkālena vṛṣṭirjaladānupaiti //
7.1.7.21.p4
kālena coṣmā praśamaṃ prayāti kālena sarvaṃ saphalatvameti //
7.1.7.21.p5
kālaśca sarvasya bhavasya hetuḥ kālena sasyāni bhavaṃti nityam //
7.1.7.21.p6
kālena sasyāni layaṃ prayāṃti kālena saṃjīvati jīvalokaḥ //
7.1.7.21.p7
itthaṃ kālātmanastattvaṃ yo vijānāti tattvataḥ //
7.1.7.21.p8
kālātmānamatikramya kālātītaṃ sa paśyati //
7.1.7.21.p9
na yasya kālo na ca baṃdhamuktī na yaḥ pumānna prakṛtirna viśvam //
7.1.7.21.p10
vicitrarūpāya śivāya tasmai namaḥparasmai parameśvarāya //
7.1.7.21.p11
iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe kālamahimavarṇanaṃ nāma saptamo 'dhyāyaḥ
7.1.7.21.p12
Chapter 8
ṛṣaya ūcuḥ
kena mānena kālesminnāyussaṃkhyā prakalpyate //
Other recensions (1)
- Śivapurāṇa (complete text) — Sanskrit