[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.1.8 # Shivapurana 7.1.8 Śivapurāṇa 7.1.8 - **Language:** Sanskrit ## Contents - [7.1.8.31](https://indike.org/pramana/in.purana.siva.7.1.8.31) — 2 parts ### [7.1.8.1](https://indike.org/pramana/in.purana.siva.7.1.8.1) / saṃkhyārūpasya kālasya kaḥ punaḥ paramo 'vadhiḥ // / vāyuruvāca āyuṣo 'tra nimeṣākhyamādyamānaṃ pracakṣate // ### [7.1.8.2](https://indike.org/pramana/in.purana.siva.7.1.8.2) / saṃkhyārūpasya kālasya śāṃttvatītakalāvadhi // / akṣipakṣmaparikṣepo nimeṣaḥ parikalpitaḥ // ### [7.1.8.3](https://indike.org/pramana/in.purana.siva.7.1.8.3) / tādṛśānāṃ nimeṣāṇāṃ kāṣṭhā daśa ca pañca ca // / kāṣṭhāṃstriṃśatkalā nāma kalāṃstriṃśanmuhūrtakaḥ // ### [7.1.8.4](https://indike.org/pramana/in.purana.siva.7.1.8.4) / muhūrtānāmapi triṃśadahorātraṃ pracakṣate // / triṃśatsaṃkhyairahorātrairmāsaḥ pakṣadvayātmakaḥ // ### [7.1.8.5](https://indike.org/pramana/in.purana.siva.7.1.8.5) / jñeyaṃ pitryamahorātraṃ māsaḥ kṛṣṇasitātmakaḥ // ### [7.1.8.6](https://indike.org/pramana/in.purana.siva.7.1.8.6) / māsaistairayanaṃ ṣaḍbhirvarṣaṃ dve cāyanaṃ matam // ### [7.1.8.7](https://indike.org/pramana/in.purana.siva.7.1.8.7) / laukikenaiva mānena abdo yo mānuṣaḥ smṛtaḥ // / etaddivyamahorātramiti śāstrasya niścayaḥ // ### [7.1.8.8](https://indike.org/pramana/in.purana.siva.7.1.8.8) / dakṣiṇaṃ cāyanaṃ rātristathodagayanaṃ dinam // / māsastriṃśadahorātrairdivyo mānuṣavatsmṛtaḥ // ### [7.1.8.9](https://indike.org/pramana/in.purana.siva.7.1.8.9) / saṃvatsaro 'pi devānāṃ māsairdvādaśabhistathā // / trīṇi varṣaśatānyeva ṣaṣṭivarṣayutānyapi // ### [7.1.8.10](https://indike.org/pramana/in.purana.siva.7.1.8.10) / divyassaṃvatsaro jñeyo mānuṣeṇa prakīrtitaḥ // / divyenaiva pramāṇena yugasaṃkhyā pravartate // ### [7.1.8.11](https://indike.org/pramana/in.purana.siva.7.1.8.11) / catvāri bhārate varṣe yugāni kavayo viduḥ // / pūrvaṃ kṛtayugaṃ nāma tatastretā vidhīyate // ### [7.1.8.12](https://indike.org/pramana/in.purana.siva.7.1.8.12) / dvāparaṃ ca kaliścaiva yugānyetāni kṛtsnaśaḥ // / catvāri tu sahasrāṇi varṣāṇāṃ tatkṛtaṃ yugam // ### [7.1.8.13](https://indike.org/pramana/in.purana.siva.7.1.8.13) / tasya tāvacchatīsaṃdhyā saṃdhyāṃśaśca tathāvidhaḥ // / itareṣu sasaṃdhyeṣu sasaṃdhyāṃśeṣu ca triṣu // ### [7.1.8.14](https://indike.org/pramana/in.purana.siva.7.1.8.14) / ekāpāyena vartaṃte sahasrāṇi śatāni ca // / etaddvādaśasāhasraṃ sādhikaṃ ca caturyugam // ### [7.1.8.15](https://indike.org/pramana/in.purana.siva.7.1.8.15) / caturyugasahasraṃ yatsaṃkalpa iti kathyate // / caturyugaikasaptatyā manoraṃtaramucyate // ### [7.1.8.16](https://indike.org/pramana/in.purana.siva.7.1.8.16) / kalpe caturdaśaikasminmanūnāṃ parivṛttayaḥ // / etena kramayogena kalpamanvaṃtarāṇi ca // ### [7.1.8.17](https://indike.org/pramana/in.purana.siva.7.1.8.17) / saprajāni vyatītāni śataśo 'tha sahasraśaḥ // / ajñeyatvācca sarveṣāmasaṃkhyeyatayā punaḥ // ### [7.1.8.18](https://indike.org/pramana/in.purana.siva.7.1.8.18) / śakyo naivānupūrvyādvai teṣāṃ vaktuṃ suvistaraḥ // / kalpo nāma divā prokto brahmaṇo 'vyaktajanmanaḥ // ### [7.1.8.19](https://indike.org/pramana/in.purana.siva.7.1.8.19) / kalpānāṃ vai sahasraṃ ca brāhmaṃ varṣamihocyate // / varṣāṇāmaṣṭasāhasraṃ yacca tadbrahmaṇo yugam // ### [7.1.8.20](https://indike.org/pramana/in.purana.siva.7.1.8.20) / savanaṃ yugasāhasraṃ brahmaṇaḥ padmajanmanaḥ // / savanānāṃ sahasraṃ ca triguṇaṃ trivṛtaṃ tathā // ### [7.1.8.21](https://indike.org/pramana/in.purana.siva.7.1.8.21) / kalpyate sakalaḥ kālo brahmaṇaḥ parameṣṭhinaḥ // / tasya vai divase yāṃti caturdaśa puraṃdarāḥ // ### [7.1.8.22](https://indike.org/pramana/in.purana.siva.7.1.8.22) / śatāni māse catvāri viṃśatyā sahitāni ca // / abde pañca sahasrāṇi catvāriṃśadyutāni ca // ### [7.1.8.23](https://indike.org/pramana/in.purana.siva.7.1.8.23) / catvāriṃśatsahasrāṇi pañca lakṣāṇi cāyuṣi // / brahmā viṣṇordine caiko viṣṇū rudradine tathā // ### [7.1.8.24](https://indike.org/pramana/in.purana.siva.7.1.8.24) / īśvarasya dine rudrassadākhyasya tatheśvaraḥ // / sākṣācchivasya tatsaṃkhyastathā so 'pi sadāśivaḥ // ### [7.1.8.25](https://indike.org/pramana/in.purana.siva.7.1.8.25) / catvāriṃśatsahasrāṇi pañcalakṣāṇi cāyuṣi // / tasminsākṣācchivenaiṣa kālātmā sampravartate // ### [7.1.8.26](https://indike.org/pramana/in.purana.siva.7.1.8.26) \*1ab/ yattatsṛṣṭessamākhyātaṃ kālāntaramiha dvijāḥ // \*1cd/ etatkālāntaraṃ jñeyamaharvai pārameśvaram // \*2ab/ rātriśca tāvatī jñeyā parameśasya kṛtsnaśaḥ // \*2cd/ ahastasya tu yā sṛṣṭī rātriśca pralayaḥ smṛtaḥ // ### [7.1.8.27](https://indike.org/pramana/in.purana.siva.7.1.8.27) / aharna vidyate tasya na rātririti dhārayet // / eṣopacāraḥ kriyate lokānāṃ hitakāmyayā // ### [7.1.8.28](https://indike.org/pramana/in.purana.siva.7.1.8.28) / prajāḥ prajānāṃ patayo mūrtayaśca surāsurāḥ // / indriyāṇīndriyārthāśca mahābhūtāni pañca ca // ### [7.1.8.29](https://indike.org/pramana/in.purana.siva.7.1.8.29) / tanmātrāṇyatha bhūtādirbuddhiśca saha daivataḥ // / ahastiṣṭhaṃti sarvāṇi pārameśasya dhīmataḥ // ### [7.1.8.30](https://indike.org/pramana/in.purana.siva.7.1.8.30) / aharaṃte pralīyante rātryante viśvasaṃbhavaḥ // / yo viśvātmā karmakālasvabhāvādyarthe śaktiryasya nollaṃghanīyā // ### [7.1.8.31](https://indike.org/pramana/in.purana.siva.7.1.8.31) / yasyaivājñādhīnametatsamastaṃ namastasmai mahate śaṃkarāya // ### [7.1.8.31.p1](https://indike.org/pramana/in.purana.siva.7.1.8.31.p1) iti śrīśivamahāpurāṇe saptamyāṃ vāyavīyasaṃhitāyāṃ pūrvabhāge kālaprabhāve tridevāyurvarṇanaṃ nāmāṣṭamo 'dhyāyaḥ ### [7.1.8.31.p2](https://indike.org/pramana/in.purana.siva.7.1.8.31.p2) Chapter 9 munaya ūcuḥ kathaṃ jagadidaṃ kṛtsnaṃ vidhāya ca nidhāya ca // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.1.8.1) — Sanskrit --- Source: [https://indike.org/pramana/in.purana.siva.7.1.8](https://indike.org/pramana/in.purana.siva.7.1.8) · Pramāṇa