Shivapurana 7.2.11
Śivapurāṇa 7.2.11
- Language
- Sanskrit
Contents
7.2.11.1
/
viduṣāṃ dvijamukhyānāṃ varṇadharmasamāsataḥ //
/
triḥ snānaṃ cāgnikāryaṃ ca liṃgārcanamanukramam //
7.2.11.2
/
dānamīśrarabhāvaśca dayā sarvatra sarvadā //
/
satyaṃ saṃtoṣamāstikyamahiṃsā sarvajaṃtuṣu //
7.2.11.3
/
hrīśraddhādhyayanaṃ yogassadādhyāpanameva ca //
/
vyākhyānaṃ brahmacaryaṃ ca śravaṇaṃ ca tapaḥ kṣamā //
7.2.11.4
/
śaucaṃ śikhopavītaṃ ca uṣṇīṣaṃ cottarīyakam //
/
niṣiddhāsevanaṃ caiva bhasmarudrākṣadhāraṇam //
7.2.11.5
/
parvaṇyabhyarcanaṃ devi caturdaśyāṃ viśeṣataḥ //
/
pānaṃ ca brahmakūrcasya māsi māsi yathāvidhi //
7.2.11.6
/
abhyarcanaṃ viśeṣeṇa tenaiva snāpya māṃ priye //
/
sarvakriyānna santyāgaḥ śraddhānnasya ca varjanam //
7.2.11.7
/
tathā paryuṣitānnasya yāvakasya viśeṣataḥ //
/
madyasya madyagandhasya naivedyasya ca varjanam //
7.2.11.8
/
sāmānyaṃ sarvavarṇānāṃ brāhmaṇānāṃ viśeṣataḥ //
/
kṣamā śāṃtiśca santoṣassatyamasteyameva ca //
7.2.11.9
/
brahmacaryaṃ mama jñānaṃ vairāgyaṃ bhasmasevanam //
/
556a
7.2.11.9.p1
sarvasaṃganivṛttiśca daśaitāni viśeṣataḥ //
7.2.11.9.p2
liṃgāni yogināṃ bhūyo divā bhikṣāśanaṃ tathā //
7.2.11.9.p3
vānaprasthāśramasthānāṃ samānamidamiṣyate //
7.2.11.9.p4
rātrau na bhojanaṃ kāryaṃ sarveṣāṃ brahmacāriṇām //
7.2.11.9.p5
adhyāpanaṃ yājanaṃ ca kṣatriyasyāpratigrahaḥ //
7.2.11.9.p6
vaiśyasya ca viśeṣeṇa mayā nātra vidhīyate //
7.2.11.9.p7
rakṣaṇaṃ sarvavarṇānāṃ yuddhe śatruvadhastathā //
7.2.11.9.p8
duṣṭapakṣimṛgāṇāṃ ca duṣṭānāṃ śātanaṃ nṛṇām //
7.2.11.9.p9
aviśvāsaśca sarvatra viśvāso mama yogiṣu //
7.2.11.9.p10
strīsaṃsargaśca kāleṣu camūrakṣaṇameva ca //
7.2.11.9.p11
sadā saṃcāritaiścārairlokavṛttāṃtavedanam //
7.2.11.9.p12
sadāstradhāraṇaṃ caiva bhasmakaṃcukadhāraṇam //
7.2.11.9.p13
rājñāṃ mamāśramasthānāmeṣa dharmasya saṃgrahaḥ //
7.2.11.9.p14
gorakṣaṇaṃ ca vāṇijyaṃ kṛṣirvaiśyasya kathyate //
7.2.11.9.p15
śuśrūṣetaravarṇānāṃ dharmaḥ śūdrasya kathyate //
7.2.11.9.p16
udyānakaraṇaṃ caiva mama kṣetrasamāśrayaḥ //
7.2.11.9.p17
dharmapatnyāstu gamanaṃ gṛhasthasya vidhīyate //
7.2.11.9.p18
brahmacaryaṃ vanasthānāṃ yatīnāṃ brahmacāriṇām //
7.2.11.9.p19
strīṇāṃ tu bhartṛśuśrūṣā dharmo nānyassanātanaḥ //
7.2.11.9.p20
mamārcanaṃ ca kalyāṇi niyogo bharturasti cet //
7.2.11.9.p21
yā nārī bhartṛśuśrūṣāṃ vihāya vratatatparā //
7.2.11.9.p22
sā nārī narakaṃ yāti nātra kāryā vicāraṇā //
7.2.11.9.p23
atha bhartṛvihīnāyā vakṣye dharmaṃ sanātanam //
7.2.11.9.p24
vrataṃ dānaṃ tapaḥ śaucaṃ bhūśayyānaktabhojanam //
7.2.11.9.p25
brahmacaryaṃ sadā snānaṃ bhasmanā salilena vā //
7.2.11.9.p26
śāṃtirmaunaṃ kṣamā nityaṃ saṃvibhāgo yathāvidhi //
7.2.11.9.p27
aṣṭābhyāṃ ca caturdaśyāṃ paurṇamāsyāṃ viśeṣataḥ //
7.2.11.9.p28
ekādaśyāṃ ca vidhivadupavāsomamārcanam //
7.2.11.9.p29
iti saṃkṣepataḥ prokto mayāśramaniṣeviṇām //
7.2.11.9.p30
brahmakṣatraviśāṃ devi yatīnāṃ brahmacāriṇām //
7.2.11.9.p31
tathaiva vānaprasthānāṃ gṛhasthānāṃ ca sundari //
7.2.11.9.p32
śūdrāṇāmatha nārīṇāṃ dharma eṣa sanātanaḥ //
7.2.11.9.p33
dhyeyastvayāhaṃ deveśi sadā jāpyaḥ ṣaḍakṣaraḥ //
7.2.11.9.p34
vedoktamakhilaṃ dharmamiti dharmārthasaṃgrahaḥ //
7.2.11.9.p35
atha ye mānavā loke svecchayā dhṛtavigrahāḥ //
7.2.11.9.p36
bhāvātiśayasaṃpannāḥ pūrvasaṃskārasaṃyutāḥ //
7.2.11.9.p37
viraktā vānuraktā vā stryādīnāṃ viṣayeṣvapi //
7.2.11.9.p38
pāpairna te viliṃpaṃte 1 padmapatramivāṃbhasā //
7.2.11.28
/
teṣāṃ mamātmavijñānaṃ viśuddhānāṃ vivekinām //
7.2.11.29
/
matprasādādviśuddhānāṃ duḥkhamāśramarakṣaṇāt //
/
nāsti kṛtyamakṛtyaṃ ca samādhirvā parāyaṇam //
7.2.11.30
/
na vidhirna niṣedhaśca teṣāṃ mama yathā tathā //
7.2.11.30.p1
1 ātmanepadamārṣam
7.2.11.30.p2
556b
7.2.11.30.p3
tatheha paripūrṇasya sādhyaṃ mama na vidyate //
7.2.11.30.p4
tathaiva kṛtakṛtyānāṃ teṣāmapi na saṃśayaḥ //
7.2.11.30.p5
madbhaktānāṃ hitārthāya mānuṣaṃ bhāvamāśritāḥ //
7.2.11.30.p6
rudralokātparibhraṣṭāste rudrā nātra saṃśayaḥ //
7.2.11.30.p7
mamānuśāsanaṃ yadvadbrahmādīnāṃ pravartakam //
7.2.11.30.p8
tathā narāṇāmanyeṣāṃ tanniyogaḥ pravartakaḥ //
7.2.11.30.p9
mamājñādhārabhāvena sadbhāvātiśayena ca //
7.2.11.30.p10
tadālokanamātreṇa sarvapāpakṣayo bhavet //
7.2.11.30.p11
pratyayāśca pravartaṃte praśastaphalasūcakāḥ //
7.2.11.30.p12
mayi bhāvavatāṃ puṃsāṃ prāgadṛṣṭārthagocarāḥ //
7.2.11.30.p13
kaṃpasvedo 'śrupātaśca kaṇṭhe ca svaravikriyā //
7.2.11.30.p14
ānaṃdādyupalabdhiśca bhavedākasmikī muhuḥ //
7.2.11.30.p15
sa tairvyastaissamastairvā liṃgairavyabhicāribhiḥ //
7.2.11.30.p16
maṃdamadhyottamairbhāvairvijñeyāste narottamāḥ //
7.2.11.30.p17
yathāyognisamāveśānnāyo bhavati kevalam //
7.2.11.30.p18
sa tathaiva mama sānnidhyānna te kevalamānuṣāḥ //
7.2.11.30.p19
hastapādādisādharmyādrudrānmartyavapurdharān //
7.2.11.30.p20
prākṛtāniva manvāno nāvajānīta paṃḍitaḥ //
7.2.11.30.p21
avajñānaṃ kṛtaṃ teṣu narairvyāmūḍhacetanaiḥ //
7.2.11.30.p22
āyuḥ śriyaṃ kulaṃ śīlaṃ hitvā nirayamāvahet //
7.2.11.30.p23
brahmaviṣṇusureśānāmapi tūlāyate padam //
7.2.11.30.p24
mattonyadanapekṣāṇāmuddhṛtānāṃ mahātmanām //
7.2.11.30.p25
aśuddhaṃ bauddhamaiśvaryaṃ prākṛtaṃ pauruṣaṃ tathā //
7.2.11.30.p26
guṇeśānāmatastyājyaṃ guṇātītapadaiṣiṇām //
7.2.11.30.p27
atha kiṃ bahunoktena śreyaḥ prāptyaikasādhanam //
7.2.11.30.p28
mayi cittasamāsaṃgo yena kenāpi hetunā //
7.2.11.30.p29
upamanyuruvāca
itthaṃ śrīkaṇṭhanāthena śivena paramātmanā //
7.2.11.44
/
hitāya jagatāmukto jñānasārārthasaṃgrahaḥ //
/
vijñānasaṃgrahasyāsya vedaśāstrāṇi kṛtsnaśaḥ //
7.2.11.45
/
setihāsapurāṇāni vidyā vyākhyānavistaraḥ //
/
jñānaṃ jñeyamanuṣṭheyamadhikāro 'tha sādhanam //
7.2.11.46
/
sādhyaṃ ceti ṣaḍarthānāṃ saṃgrahatveṣa saṃgrahaḥ //
/
guroradhikṛtaṃ jñānaṃ jñeyaṃ pāśaḥ paśuḥ patiḥ //
7.2.11.47
/
liṃgārcanādyanuṣṭheyaṃ bhaktastvadhikṛto 'pi yaḥ //
/
sādhanaṃ śivamaṃtrādyaṃ sādhyaṃ śivasamānatā //
7.2.11.48
/
ṣaḍarthasaṃgrahasyāsya jñānātsarvajñatocyate //
/
prathamaṃ karma yajñāderbhaktyā vittānusārataḥ //
7.2.11.49
/
bāhyebhyarcya śivaṃ paścādaṃtaryāgarato bhavet //
/
ratirabhyaṃtare yasya na bāhye puṇyagauravāt //
7.2.11.50
/
na karma karaṇīyaṃ hi bahistasya mahātmanāḥ //
/
jñānāmṛtena tṛptasya bhaktyā śaivaśivātmanaḥ //
7.2.11.51
/
nāṃtarna ca bahiḥ kṛṣṇa kṛtyamasti kadācana //
/
tasmātkrameṇa saṃtyajya bāhyamābhyaṃtaraṃ tathā //
7.2.11.52
/
jñānena jñeyamālokyājñānaṃ cāpi parityajet //
/
naikāgraṃ cecchive cittaṃ kiṃ kṛtenāpi karmaṇā //
7.2.11.53
/
557a
7.2.11.53.p1
ekāgrameva ceccittaṃ kiṃ kṛtenāpi karmaṇā //
7.2.11.53.p2
tasmātkarmāṇyakṛtvā vā kṛtvā vāṃtarbahiḥkramāt //
7.2.11.53.p3
yena kenāpyupāyena śive cittaṃ niveśayet //
7.2.11.53.p4
śive niviṣṭacittānāṃ pratiṣṭhitadhiyāṃ satām //
7.2.11.53.p5
paratreha ca sarvatra nirvṛtiḥ paramā bhavet //
7.2.11.53.p6
ihonnamaḥ śivāyeti maṃtreṇānena siddhayaḥ //
7.2.11.53.p7
sa tasmādadhigaṃtavyaḥ parāvaravibhūtaye //
7.2.11.53.p8
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṃḍe śivajñānavarṇanaṃ nāmaikādaśo 'dhyāyaḥ
7.2.11.53.p9
Chapter 12
śrīkṛṣṇa uvāca
maharṣivara sarvajña sarvajñānamahodadhe //
Other recensions (1)
- Śivapurāṇa (complete text) — Sanskrit
Linked texts (2)
- Kriyāsāra — Śrīkaṇtha, Sanskrit
- Śivadharmottara — Sanskrit