Shivapurana 7.2.12
Śivapurāṇa 7.2.12
- Language
- Sanskrit
Contents
- 7.2.12.16 — 47 parts
7.2.12.1
/
pañcākṣarasya māhātmyaṃ śrotumicchāmi tattvataḥ //
/
upamanyuruvāca
pañcākṣarasya māhātmyaṃ varṣakoṭiśatairapi //
7.2.12.2
/
aśakyaṃ vistarādvaktuṃ tasmātsaṃkṣepataḥ śṛṇu //
/
vede śivāgame cāyamubhayatra ṣaḍakṣareḥ //
7.2.12.3
/
sarveṣāṃ śivabhaktānāmaśeṣārthasādhakaḥ //
/
tadalpākṣaramarthāḍhyaṃ vedasāraṃ vimuktidam //
7.2.12.4
/
ājñāsiddhamasaṃdigdhaṃ vākyametacchivātmakam //
/
nānāsiddhiyutaṃ divyaṃ lokacittānuraṃjakam //
7.2.12.5
/
suniścitārthaṃ gaṃbhīraṃ vākyaṃ tatpārameśvaram //
/
mantraṃ sukhamukoccāryamaśeṣārthaprasiddhaye //
7.2.12.6
/
prāhonnamaḥ śivāyeti sarvajñassarvadehinām //
/
tadbījaṃ sarvavidyānāṃ maṃtramādyaṃ ṣaḍakṣaram //
7.2.12.7
/
atisūkṣmaṃ mahārthaṃ ca jñeyaṃ tadvaṭabījavat //
/
devo guṇatrayātītaḥ sarvajñaḥ sarvakṛtprabhuḥ //
7.2.12.8
/
omityekākṣare mantre sthitaḥ sarvagataḥ śivaḥ //
/
iśānādyāni sūkṣmāṇi brahmāṇyekākṣarāṇi tu //
7.2.12.9
/
maṃtre namaśśivāyeti saṃsthitāni yathākramam //
/
maṃtre ṣaḍakṣare sūkṣme pañcabrahmatanuḥ śivaḥ //
/
vācyavācakabhāvena sthitaḥ sākṣātsvabhāvataḥ //
7.2.12.10
/
vācyaśśivoprameyatvānmaṃtrastadvācakassmṛtaḥ //
/
vācyavācakabhāvo 'yamanādisaṃsthitastayoḥ //
7.2.12.11
/
yathā 'nādipravṛttoyaṃ ghorasaṃsārasāgaraḥ //
/
śivo 'pi hi tathānādisaṃsārānmocakaḥ sthitaḥ //
7.2.12.12
/
vyādhīnāṃ bheṣajaṃ yadvatpratipakṣaḥ svabhāvataḥ //
/
tadvatsaṃsāradoṣāṇāṃ pratipakṣaḥ śivassmṛtaḥ //
7.2.12.13
/
asatyasmin jagannāthe tamobhūtamidaṃ bhavet //
/
acetanatvātprakṛterajñatvātpuraṣasya ca //
7.2.12.14
/
pradhānaparamāṇvādi yāvatkiṃcidacetanam //
/
na tatkartṛ svayaṃ dṛṣṭaṃ buddhimatkāraṇaṃ vinā //
7.2.12.15
/
dharmādharmopadeśaśca baṃdhamokṣau vicāraṇāt //
/
na sarvajñaṃ vinā puṃsāmādisargaḥ prasiddhyati //
7.2.12.16
/
vaidyaṃ vinā nirānaṃdāḥ kliśyaṃte rogiṇo yathā //
/
557b
7.2.12.16.p1
tasmādanādiḥ sarvajñaḥ paripūrṇassadāśivaḥ //
7.2.12.16.p2
asti nāthaḥ paritrātā puṃsāṃ saṃsārasāgarāt //
7.2.12.16.p3
ādimadhyāṃtanirmuktassvabhāvavimalaḥ prabhuḥ //
7.2.12.16.p4
sarvajñaḥ paripūrṇaśca śivo jñeyaśśivāgame //
7.2.12.16.p5
tasyābhidhānamantro 'yamabhidheyaśca sa smṛtaḥ //
7.2.12.16.p6
abhidhānābhidheyatvānmaṃtrassiddhaḥ paraśśivaḥ //
7.2.12.16.p7
etāvattu śivajñānametāvatparamaṃ padam //
7.2.12.16.p8
yadoṃnamaśśivāyeti śivavākyaṃ ṣaḍakṣaram //
7.2.12.16.p9
vidhivākyamidaṃ śaivaṃ nārthavādaṃ śivātmakam //
7.2.12.16.p10
yassarvajñassusaṃpūrṇaḥ svabhāvavimalaḥ śivaḥ //
7.2.12.16.p11
lokānugrahakartā ca sa mṛṣārthaṃ kathaṃ vadet //
7.2.12.16.p12
yadyathāvasthitaṃ vastu guṇadoṣaiḥ svabhāvataḥ //
7.2.12.16.p13
yāvatphalaṃ ca tatpūrṇaṃ sarvajñastu yathā vadet //
7.2.12.16.p14
rāgājñānādibhirdoṣairgrastatvādanṛtaṃ vadet //
7.2.12.16.p15
te ceśvare na vidyete brūyātsa kathamanyathā //
7.2.12.16.p16
ajñātāśeṣadoṣeṇa sarvajñeya śivena yat //
7.2.12.16.p17
praṇītamamalaṃ vākyaṃ tatpramāṇaṃ na saṃśayaḥ //
7.2.12.16.p18
tasmādīśvaravākyāni śraddheyāni vipaścitā //
7.2.12.16.p19
yathārthapuṇyapāpeṣu tadaśraddho vrajatyadhaḥ //
7.2.12.16.p20
svargāpavargasiddhyarthaṃ bhāṣitaṃ yatsuśobhanam //
7.2.12.16.p21
vākyaṃ munivaraiḥ śāṃtaistadvijñeyaṃ subhāṣitam //
7.2.12.16.p22
rāgadveṣānṛtakrodhakāmatṛṣṇānusāri yat //
7.2.12.16.p23
vākyaṃ nirayahetutvāttaddurbhāṣitamucyate //
7.2.12.16.p24
saṃskṛtenāpi kiṃ tena mṛdunā lalitena vā //
7.2.12.16.p25
avidyārāgavākyena saṃsārakleśahetunā //
7.2.12.16.p26
yacchrutvā jāyate śreyo rāgādīnāṃ ca saṃśayaḥ //
7.2.12.16.p27
virūpamapi tadvākyaṃ vijñeyamiti śobhanam //
7.2.12.16.p28
bahutvepi hi maṃtrāṇāṃ sarvajñena śivena yaḥ //
7.2.12.16.p29
praṇīto vimalo mantro na tena sadṛśaḥ kvacit //
7.2.12.16.p30
sāṃgāni vedaśāstrāṇi saṃsthitāni ṣaḍakṣare //
7.2.12.16.p31
na tena sadṛśastasmānmantro 'pyastyaparaḥ kvacit //
7.2.12.16.p32
saptakoṭimahāmantrairupamantrairanekadhā //
7.2.12.16.p33
mantraḥ ṣaḍakṣaro bhinnassūtraṃ vṛtyātmanā yathā //
7.2.12.16.p34
śivajñānāni yāvaṃti vidyāsthānāpi yāni ca //
7.2.12.16.p35
ṣaḍakṣarasya sūtrasya tāni bhāṣyaṃ samāsataḥ //
7.2.12.16.p36
kiṃ tasya bahubhirmaṃtraiśśāstrairvā bahuvistaraiḥ //
7.2.12.16.p37
yasyonnamaḥ śivāyeti mantro 'yaṃ hṛdi saṃsthitaḥ //
7.2.12.16.p38
tenādhītaṃ śrutaṃ tena kṛtaṃ sarvamanuṣṭhitam //
7.2.12.16.p39
yenonnamaśśivāyeti maṃtrābhyāsaḥ sthirīkṛtaḥ //
7.2.12.16.p40
namaskārādisaṃyuktaṃ śivāyetyakṣaratrayam //
7.2.12.16.p41
jihvāgre vartate yasya saphalaṃ tasya jīvitam //
7.2.12.16.p42
aṃtyajo vādhamo vāpi mūrkho vā paṃḍito 'pi vā //
7.2.12.16.p43
pañcākṣarajape niṣṭho mucyate pāpapaṃjarāt //
7.2.12.16.p44
ityuktaṃ parameśena devyā pṛṣṭena śūlinā //
7.2.12.16.p45
hitāya sarvamartyānāṃ dvijānāṃ tu viśeṣataḥ //
7.2.12.16.p46
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe pañcākṣaramāhātmyavarṇanaṃ nāma dvādaśo 'dhyāyaḥ
7.2.12.16.p47
Chapter 13
devyuvāca
kalau kaluṣite kāle durjaye duratikrame //
Other recensions (1)
- Śivapurāṇa (complete text) — Sanskrit
Linked texts (6)
- Kriyāsāra — Śrīkaṇtha, Sanskrit
- Kālottara — Nandikeśvara, Sanskrit
- Vīraśaivācārapradīpikā — Gurudeva 1575, Sanskrit
- Śivajñānasiddhi Svapakṣa Dṛṣṭāntasaṅgraha — Sanskrit
- Śataratnasaṃgraha — Umāpati Śivācārya, Sanskrit
- Śivadharmottara (another edition) — Sanskrit