Shivapurana 7.2.13
Śivapurāṇa 7.2.13
- Language
- Sanskrit
Contents
7.2.13.1
/
apuṇyatamasācchanne loke dharmaparāṅmukhe //
/
kṣīṇe varṇāśramācāre saṃkaṭe samupasthite //
7.2.13.2
/
sarvādhikāre saṃdigdhe niścite vāpi paryaye //
/
tadopadeśe vihate guruśiṣyakrame gate //
7.2.13.3
/
kenopāyena mucyaṃte bhaktāstava maheśvara //
/
īśvara uvāca
āśritya paramāṃ vidyāṃ hṛdyāṃ pañcākṣarīṃ mama //
7.2.13.4
/
bhaktyā ca bhāvitātmāno mucyaṃte kalijā narāḥ //
/
manovākkāyajairdoṣairvaktuṃ smartumagocaraiḥ //
7.2.13.5
/
dūṣitānāṃ kṛtaghnānāṃ niṃdakānāṃ chalātmanām //
/
lubdhānāṃ vakramanasāmapi matpravaṇātmanām //
7.2.13.6
/
mama pañcākṣarī vidyā saṃsārabhayatāriṇī //
/
mayaivamasakṛddevi pratijñātaṃ dharātale //
7.2.13.7
/
patito 'pi vimucyeta madbhakto vidyayānayā //
/
devyuvāca
karmāyogyo bhavenmartyaḥ patito yadi sarvathā //
7.2.13.8
/
karmāyogena yatkarma kṛtaṃ ca narakāya hi //
/
tataḥ kathaṃ vimucyeta patito vidyayā 'nayā //
/
īśvara uvāca
tathyametattvayā proktaṃ tathā hi śṛṇu sundari //
7.2.13.9
/
rahasyamiti matvaitadgopitaṃ yanmayā purā //
/
samaṃtrakaṃ māṃ patitaḥ pūjayedyadi mohitaḥ //
7.2.13.10
/
nārakī syānna sandeho mama pañcākṣaraṃ vinā //
/
abbhakṣā vāyubhakṣāśca ye cānye vratakarśitāḥ //
7.2.13.11
/
teṣāmetairvratairnāsti mama lokasamāgamaḥ //
/
bhaktyā pañcākṣareṇaiva yo hi māṃ sakṛdarcayet //
7.2.13.12
/
so 'pi gacchenmama sthānaṃ mantrasyāsyaiva gauravāt //
/
tasmāttapāṃsi yajñāśca vratāni niyamāstathā //
7.2.13.13
/
pañcākṣarārcanasyaite koṭyaṃśenāpi no samaḥ //
/
baddho vāpyatha mukto vā pāśātpañcākṣareṇa yaḥ //
7.2.13.14
/
pūjayenmāṃ sa mucyeta nātra kāryā vicāraṇā //
/
arudro vā sarudro vā sakṛtpañcākṣareṇa yaḥ //
7.2.13.15
/
pūjayetpatito vāpi mūḍho vā mucyate naraḥ //
/
ṣaḍakṣareṇa vā devi tathā pañcākṣareṇa vā //
7.2.13.16
/
sa brahmāṃgena māṃ bhaktyā pūjayedyadi mucyate //
/
patito 'patito vāpi mantreṇānena pūjayet //
7.2.13.17
/
mama bhakto jitakrodho salabdho 'labdha eva vā //
/
alabdhālabdha eveha koṭikoṭiguṇādhikaḥ //
7.2.13.18
/
tasmāllabdhvaiva māṃ devi mantreṇānena pūjayet //
/
labdhvā saṃpūjayedyastu maitryādiguṇasaṃyutaḥ //
7.2.13.19
/
brahmacaryarato bhaktyā matsādṛśyamavāpnuyāt //
/
558b
7.2.13.19.p1
kimatra bahunoktena bhaktāssarvedhikāriṇaḥ //
7.2.13.19.p2
mama pañcākṣare maṃtre tasmācchreṣṭhataro hi saḥ //
7.2.13.19.p3
pañcākṣaraprabhāveṇa lokavedamaharṣayaḥ //
7.2.13.19.p4
tiṣṭhaṃti śāśvatā dharmā devāssarvamidaṃ jagat //
7.2.13.19.p5
pralaye samanuprāpte naṣṭe sthāvarajaṃgame //
7.2.13.19.p6
sarvaṃ prakṛtimāpannaṃ tatra saṃlayameṣyati //
7.2.13.19.p7
eko 'haṃ saṃsthito devi na dvitīyo 'sti kutracit //
7.2.13.19.p8
tadā vedāśca śāstrāṇi sarve pañcākṣare sthitāḥ //
7.2.13.19.p9
te nāśaṃ naiva saṃprāptā macchaktyā hyanupālitāḥ //
7.2.13.19.p10
tatassṛṣṭirabhūnmattaḥ prakṛtyātmaprabhedataḥ //
7.2.13.19.p11
guṇamūrtyātmanāṃ caiva tatovāṃtarasaṃhṛtiḥ //
7.2.13.19.p12
tadā nārāyaṇaśśete devo māyāmayīṃ tanum //
7.2.13.19.p13
āsthāya bhogiparyaṃkaśayane toyamadhyagaḥ //
7.2.13.19.p14
tannābhipaṃkajājjātaḥ pañcavaktraḥ pitāmahaḥ //
7.2.13.19.p15
sisṛkṣamāṇo lokāṃstrīnna sakto hyasahāyavān //
7.2.13.19.p16
munīndaśa sasarjādau mānasānamitaujasaḥ //
7.2.13.19.p17
teṣāṃ siddhivivṛddhyarthaṃ māṃ provāca pitāmahaḥ //
7.2.13.19.p18
matputrāṇāṃ mahādeva śaktiṃ dehi maheśvara //
7.2.13.19.p19
ityevaṃ prārthitastena pañcavaktradharo hyaham //
7.2.13.19.p20
pañcākṣarāṇi kramaśaḥ proktavānpadmayonaye //
7.2.13.19.p21
sa pañcavadanaistāni gṛhṇaṃllokapitāmahaḥ //
7.2.13.19.p22
vācyavācakabhāvena jñātavānmāṃ maheśvaram //
7.2.13.19.p23
jñātvā prayogaṃ vividhaṃ siddhamaṃtraḥ prajāpatiḥ //
7.2.13.19.p24
putrebhyaḥ pradadau maṃtraṃ maṃtrārthaṃ ca yathātatham //
7.2.13.19.p25
te ca labdhvā maṃtraratnaṃ sākṣāllokapitāmahāt //
7.2.13.19.p26
tadājñaptena mārgeṇa madārādhanakāṃkṣiṇaḥ //
7.2.13.19.p27
merostu śikhare ramye muṃjavānnāma parvataḥ //
7.2.13.19.p28
matpriyaḥ satataṃ śrīmānmadbhaktai rakṣitassadā //
7.2.13.19.p29
tasyābhyāśe tapastīvraṃ lokaṃ sraṣṭuṃ samutsukāḥ //
7.2.13.19.p30
divyaṃ varṣasahasraṃ tu vāyubhakṣāssamācaran //
7.2.13.19.p31
teṣāṃ bhaktimahaṃ dṛṣṭvā sadyaḥ pratyakṣatāmiyām //
7.2.13.19.p32
ṛṣiṃ chaṃdaśca kīlaṃ ca bījaśaktiṃ ca daivatam //
7.2.13.19.p33
nyāsaṃ ṣaḍaṃgaṃ digbaṃdhaṃ viniyogamaśeṣataḥ //
7.2.13.19.p34
proktavānahamāryāṇāṃ jagatsṛṣṭivivṛddhaye //
7.2.13.19.p35
tataste maṃtramāhātmyādṛṣayastapasedhitāḥ //
7.2.13.19.p36
sṛṣṭiṃ vitanvate samyaksadevāsuramānuṣīm //
7.2.13.19.p37
asyāḥ paramavidyāyāssvarūpamadhunocyate //
7.2.13.19.p38
ādau namaḥ prayoktavyaṃ śivāya tu tataḥ param //
7.2.13.19.p39
saiṣā pañcākṣarī vidyā sarvaśrutiśirogatā //
7.2.13.19.p40
sarvajātasya sarvasya bījabhūtā sanātanī //
7.2.13.19.p41
prathamaṃ manmukhodgīrṇā sā mamaivāsti vācikā //
7.2.13.19.p42
taptacāmīkaraprakhyā pīnonnatapayodharā //
7.2.13.19.p43
caturbhujā trinayanā bāleṃdukṛtaśekharā //
7.2.13.19.p44
padmotpalakarā saumyā varadābhayapāṇikā //
7.2.13.19.p45
sarvalakṣaṇasaṃpannā sarvābharaṇabhūṣitā //
7.2.13.19.p46
sitapadmāsanāsīnā nīlakuṃcitamūrdhajā //
7.2.13.19.p47
559a
asyāḥ pañcavidhā varṇāḥ prasphuradraśmimaṃḍalāḥ //
7.2.13.43
/
pītaḥ kṛṣṇastathā dhūmraḥ svarṇābho rakta eva ca //
/
pṛthakprayojyā yadyete biṃdunādavibhūṣitāḥ //
7.2.13.44
/
ardhacandranibho biṃdurnādo dīpaśikhākṛtiḥ //
/
bījaṃ dvitīyaṃ bījeṣu maṃtrasyāsya varānane //
7.2.13.45
/
dīrghapūrvaṃ turīyasya pañcamaṃ śaktimādiśet //
/
vāmadevo nāma ṛṣiḥ paṃktiśchanda udāhṛtam //
7.2.13.46
/
devatā śiva evāhaṃ mantrasyāsya varānane //
/
gautamo 'trirvarārohe viśvāmitrastathāṃgirāḥ //
7.2.13.47
/
bharadvājaśca varṇānāṃ kramaśaścarṣayaḥ smṛtāḥ //
/
gāyatryanuṣṭup triṣṭup ca chaṃdāṃsi bṛhatī virāṭ //
7.2.13.48
/
indro rudro harirbrahmā skaṃdasteṣāṃ ca devatāḥ //
/
mama pañcamukhānyāhuḥ sthāne teṣāṃ varānane //
7.2.13.49
/
pūrvādeścordhvaparyaṃtaṃ nakārādi yathākramam //
/
adāttaḥ prathamo varṇaścaturthaśca dvitīyakaḥ //
7.2.13.50
/
pañcamaḥ svaritaścaiva tṛtīyo nihataḥ smṛtaḥ //
/
mūlavidyā śivaṃ śaivaṃ sūtraṃ pañcākṣaraṃ tathā //
7.2.13.51
/
nāmānyasya vijānīyācchaivaṃ me hṛdayaṃ mahat //
/
nakāraśśira ucyeta makārastu śikhocyate //
7.2.13.52
/
śikāraḥ kavacaṃ tadvadvakāro netramucyate //
/
yakāro 'straṃ namassvāhā vaṣaṭ huṃvauṣaḍityapi //
7.2.13.53
/
phaḍityapi ca varṇānāmante 'ṅgatvaṃ yadā tadā //
/
tatrāpi mūlamaṃtro 'yaṃ kiṃcidbhedasamanvayāt //
7.2.13.54
/
tatrāpi pañcamo varṇo dvādaśasvarabhūṣitaḥ //
/
tāsmādanena maṃtreṇa manovākkāyabhedataḥ //
7.2.13.55
/
āvayorarcanaṃ kuryājjapahomādikaṃ tathā //
/
yathāprajñaṃ yathākālaṃ yathāśāstraṃ yathāmati //
7.2.13.56
/
yathāśakti yathāsaṃpadyathāyogaṃ yathārati //
/
yadā kadāpi vā bhaktyā yatra kutrāpi vā kṛtā //
7.2.13.57
/
yena kenāpi vā devi pūjā muktiṃ nayiṣyate //
/
mayyāsaktena manasā yatkṛtaṃ mama sundari //
7.2.13.58
/
matpriyaṃ ca śivaṃ caiva krameṇāpyakrameṇa vā //
/
tathāpi mama bhaktā ye nātyaṃtavivaśāḥ punaḥ //
7.2.13.59
/
teṣāṃ sarveṣu śāstreṣu mayeva niyamaḥ kṛtaḥ //
/
tatrādau saṃpravakṣyāmi mantrasaṃgrahaṇaṃ śubham //
7.2.13.60
/
yaṃ vinā niṣphalaṃ jāpyaṃ yena vā saphalaṃ bhavet //
/
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe pañcākṣaramāhātmyavarṇanaṃ nāma trayodaśo 'dhyāyaḥ
7.2.13.60.p1
Chapter 14
īśvara uvāca
ājñāhīnaṃ kriyāhīnaṃ śraddhāhīnaṃ varānane //
Other recensions (1)
- Śivapurāṇa (complete text) — Sanskrit
Linked texts (2)
- Kriyāsāra — Śrīkaṇtha, Sanskrit
- Vīraśaivācārapradīpikā — Gurudeva 1575, Sanskrit