Shivapurana 7.2.16
Śivapurāṇa 7.2.16
- Language
- Sanskrit
Contents
- 7.2.16.18 — 124 parts
7.2.16.1
/
deśikaḥ prathamaṃ kuryātsaṃskāraṃ samayāhvayam //
/
parīkṣya bhūmiṃ vidhivadgaṃdhavarṇarasādibhiḥ //
7.2.16.2
/
śilpiśāstroktamārgeṇa maṇḍapaṃ tatra kalpayet //
/
kṛtvā vediṃ ca tanmadhye kuṇḍāni parikalpayet //
7.2.16.3
/
aṣṭadikṣu tathā dikṣu tatraiśānyāṃ punaḥ kramāt //
/
pradhānakuṃḍaṃ kurvīta yadvā paścimabhāgataḥ //
7.2.16.4
/
pradhānamekamevātha kṛtvā śobhāṃ prakalpayet //
/
vitānadhvajamālābhirvividhābhiranekaśaḥ //
7.2.16.5
/
vedimadhye tataḥ kuryānmaṃḍalaṃ śubhalakṣaṇam //
/
raktahemādibhiścūrṇairīśvarāvāhanocitam //
7.2.16.6
/
siṃdūraśālinīvāracūrṇairevātha nirdhanaḥ //
/
ekahastaṃ dvihastaṃ vā sitaṃ vā raktameva vā //
7.2.16.7
/
ekahastasya padmasya karṇikāṣṭāṃgulā matā //
/
kesarāṇi tadardhāni śeṣaṃ cāṣṭadalādikam //
7.2.16.8
/
dvihastasya tu padmasya dviguṇaṃ karṇikādikam //
/
kṛtvā śobhopaśobhāḍhyamaiśānyāṃ tasya kalpayet //
7.2.16.9
/
ekahastaṃ tadardhaṃ vā punarvedyaḥ tu maṃḍalam //
/
vrīhitaṃdulasiddhārthatilapuṣpakuśāstṛte //
7.2.16.10
/
tatra lakṣaṇasaṃyuktaṃ śivakuṃbhaṃ prasādhayet //
/
sauvarṇaṃ rājataṃ vāpi tāmrajaṃ mṛnmayaṃ tu vā //
7.2.16.11
/
gandhapuṣpākṣatākīrṇaṃ kuśadūrvāṃkurācitam //
/
sitasūtrāvṛtaṃ kaṃṭhe navavastrayugāvṛtam //
7.2.16.12
/
śuddhāmbupūrṇamutkūrcaṃ sadravyaṃ sapidhānakam //
/
bhṛṅgāraṃ vardhanīṃ cāpi śaṃkhaṃ ca cakrameva vā //
7.2.16.13
/
vinā sūtrādikaṃ sarvaṃ padmapatramathāpi vā //
/
tasyāsanāraviṃdasya kalpayeduttare dale //
7.2.16.14
/
agrataścaṃdanāṃbhobhirastrarājasya vardhanīm //
/
maṇḍalasya tataḥ prācyāṃ maṃtrakuṃbhe ca pūrvavat //
7.2.16.15
/
kṛtvā vidhivadīśasya mahāpūjāṃ samācaret //
/
athārṇavasya tīre vā nadyāṃ goṣṭhe 'pi vā girau //
7.2.16.16
/
devāgare gṛhe vāpi deśe 'nyasminmanohare //
/
kṛtvā pūrvoditaṃ sarvaṃ vinā vā maṃḍapādikam //
7.2.16.17
/
maṃḍalaṃ pūrvavatkṛtvā sthaṃḍilaṃ ca vibhāvasoḥ //
/
praviśya pūjābhavanaṃ prahṛṣṭavadano guruḥ //
7.2.16.18
/
sarvamaṃgalasaṃyuktaḥ samācaritanaityakaḥ //
/
563b
7.2.16.18.p1
mahāpūjāṃ maheśasya kṛtvā maṇḍalamadhyataḥ //
7.2.16.18.p2
śivakuṃbhe tathā bhūyaḥ śivamāvāhya pūjayet //
7.2.16.18.p3
paścimābhimukhaṃ dhyātvā yajñarakṣakamīśvaram //
7.2.16.18.p4
arcayedastravardhanyāmastramīśasya dakṣiṇe //
7.2.16.18.p5
mantrakumbhe ca vinyasya mantraṃ mantraviśāradaḥ //
7.2.16.18.p6
kṛtvā mudrādikaṃ sarvaṃ mantrayāgaṃ samācaret //
7.2.16.18.p7
tataśśivānale homaṃ kuryāddeśikasattamaḥ //
7.2.16.18.p8
pradhānakuṇḍe parito juhuyuścāpare dvijāḥ //
7.2.16.18.p9
ācāryātpādamardhaṃ vā homasteṣāṃ vidhīyate //
7.2.16.18.p10
pradhānakuṇḍa evātha juhuyāddeśikottamaḥ //
7.2.16.18.p11
svādhyāyamapare kuryuḥ stotraṃ maṃgalavācanam //
7.2.16.18.p12
japaṃ ca vidhivaccānye śivabhaktiparāyaṇāḥ //
7.2.16.18.p13
nṛtyaṃ gītaṃ ca vādyaṃ ca maṃgalānyaparāṇi ca //
7.2.16.18.p14
pūjanaṃ ca sadasyānāṃ kṛtvā samyagvidhānataḥ //
7.2.16.18.p15
puṇyāhaṃ kārayitvātha punaḥ saṃpūjya śaṃkaram //
7.2.16.18.p16
prārthayeddeśiko devaṃ śiṣyānugrahakāmyayā //
7.2.16.18.p17
prasīda devadeveśa dehamāviśya māmakam //
7.2.16.18.p18
vimocayainaṃ viśveśa ghṛṇayā ca ghṛṇānidhe //
7.2.16.18.p19
atha caivaṃ karomīti labdhānujñastu deśikaḥ //
7.2.16.18.p20
ānīyopoṣitaṃ śiṣyaṃ haviṣyāśinameva vā //
7.2.16.18.p21
ekāśanaṃ vā virataṃ snātaṃ prātaḥkṛtakriyam //
7.2.16.18.p22
japaṃtaṃ praṇavaṃ devaṃ dhyāyaṃtaṃ kṛtamaṃgalam //
7.2.16.18.p23
dvārasya paścimasyāgramaṇḍale dakṣiṇasya vā //
7.2.16.18.p24
darbhāsane samāsīnaṃ vidhāyodaṅmukhaṃ śiśum //
7.2.16.18.p25
svayaṃ prāgvadanastiṣṭhannūrdhvakāyaṃ kṛtāṃjalim //
7.2.16.18.p26
saṃprokṣya prokṣaṇautoyairmūrdhanyastreṇa mudrayā //
7.2.16.18.p27
puṣpakṣepeṇa saṃtāḍya badhnīyāllocanaṃ guruḥ //
7.2.16.18.p28
dukūlārdhena vastreṇa maṃtritena navena ca //
7.2.16.18.p29
tataḥ praveśayecchiṣyaṃ gururdvāreṇa maṃḍalam //
7.2.16.18.p30
so 'pi teneritaḥ śaṃbhorācarettriḥ pradakṣiṇam //
7.2.16.18.p31
tatassuvarṇasaṃmiśraṃ dattvā puṣpāṃjaliṃ prabhoḥ //
7.2.16.18.p32
prāṅmukhaścodaṅmukho vā praṇameddaṃḍavatkṣito //
7.2.16.18.p33
tatassaṃprokṣya mūlena śirasyastreṇa pūrvavat //
7.2.16.18.p34
saṃtāḍya deśikastasya mocayennetrabaṃdhanam //
7.2.16.18.p35
sa dṛṣṭvā maṃḍalaṃ bhūyaḥ praṇametsāñjaliḥ prabhum //
7.2.16.18.p36
athāsīnaṃ śivācāryo maṃḍalasya tu dakṣiṇe //
7.2.16.18.p37
upaveśyātmanassavye śiṣyaṃ darbhāsane guruḥ //
7.2.16.18.p38
ārādhya ca mahādevaṃ śivahastaṃ pravinyaset //
7.2.16.18.p39
śivatejomayaṃ pāṇiṃ śivamaṃtramudīrayet //
7.2.16.18.p40
śivābhimānasaṃpanno nyasecchiṣyasya mastake //
7.2.16.18.p41
sarvāṃgālaṃbanaṃ caiva kuryāttenaiva deśikaḥ //
7.2.16.18.p42
śiṣyo 'pi praṇamedbhūmau deśikākṛtamīśvaram //
7.2.16.18.p43
tataśśivānale devaṃ samabhyarcya yathāvidhi //
7.2.16.18.p44
hutāhutitrayaṃ śiṣyamupaveśya yathā purā //
7.2.16.18.p45
564a
7.2.16.18.p46
darbhāgraiḥ saṃspṛśaṃstaṃ ca vidyayātmānamāviśet //
7.2.16.18.p47
namaskṛtya mahādevaṃ nāḍīsaṃdhānamācaret //
7.2.16.18.p48
śivaśāstroktamārgeṇa kṛtvā prāṇasya nirgamam //
7.2.16.18.p49
śiṣyadehapraveśaṃ ca smṛtvā maṃtrāṃstu tarpayet //
7.2.16.18.p50
saṃtarpaṇāya mūlasya tenaivāhutayo daśa //
7.2.16.18.p51
deyāstisrastathāṃgānāmaṃgaireva yathākramam //
7.2.16.18.p52
tataḥ pūrṇāhutiṃ dattvā prāyaścittāya deśikaḥ //
7.2.16.18.p53
punardaśāhutīnkuryānmūlamaṃtreṇa maṃtravit //
7.2.16.18.p54
punaḥ saṃpūjya deveśaṃ samyagācamya deśikaḥ //
7.2.16.18.p55
hutvā caiva yathānyāyaṃ svajātyā vaiśyamuddharet //
7.2.16.18.p56
tasyaivaṃ janayetkṣātramuddhāraṃ ca tataḥ punaḥ //
7.2.16.18.p57
kṛtvā tathaiva vipratvaṃ janayedasya deśikaḥ //
7.2.16.18.p58
rājanyaṃ caivamuddhṛtya kṛtvā vipraṃ punastayoḥ //
7.2.16.18.p59
rudratvaṃ janayedvipre rudranāmaiva sādhayet //
7.2.16.18.p60
prokṣaṇaṃ tāḍanaṃ kṛtvā śiśossvātmānamātmani //
7.2.16.18.p61
śivātmakamanusmṛtya sphuraṃtaṃ visphuliṃgavat //
7.2.16.18.p62
nāḍyā yathoktayā vāyuṃ recayenmaṃtrato guruḥ //
7.2.16.18.p63
nirgamya praviśennāḍyā śiṣyasya hṛdayaṃ tathā //
7.2.16.18.p64
praviśya tasya caitanyaṃ nīlabindunibhaṃ smaran //
7.2.16.18.p65
svatejasāpāstamalaṃ jvalaṃtamanuciṃtayet //
7.2.16.18.p66
tamādāya tayā nāḍyā maṃtrī saṃhāramudrayā //
7.2.16.18.p67
na pūrakeṇa niveśyainamekībhāvārthamātmanaḥ //
7.2.16.18.p68
kuṃbhakena tathā nāḍyā recakena yathā purā //
7.2.16.18.p69
tasmādādāya śiṣyasya hṛdaye tanniveśayet //
7.2.16.18.p70
tamālabhya śivāllabdhaṃ tasmai dattvopavītakam //
7.2.16.18.p71
hutvā ' 'hutitrayaṃ paścāddadyātpūrṇāhutiṃ tataḥ //
7.2.16.18.p72
devasya dakṣiṇe śiṣyamupaveśyavarāsane //
7.2.16.18.p73
kuśapuṣpaparistīrṇe baddhāṃjalirudaṅmukham //
7.2.16.18.p74
svastikāsanamārūḍhaṃ vidhāya prāṅmukhaḥ svayam //
7.2.16.18.p75
varāsanasthito maṃtrairmahāmaṃgalaniḥsvanaiḥ //
7.2.16.18.p76
samādāya ghaṭaṃ pūrṇaṃ pūrṇameva prasāditam //
7.2.16.18.p77
dhyāyamānaḥ śivaṃ śiṣyamābhiṣiṃceta deśikaḥ //
7.2.16.18.p78
athāpanudya snānāṃbu paridhāya sitāṃbaram //
7.2.16.18.p79
ācāntolaṃkṛtaśśiṣyaḥ prāṃjalirmaṃḍapaṃ vrajet //
7.2.16.18.p80
upaveśya yathāpūrvaṃ taṃ gururdarbhaviṣṭare //
7.2.16.18.p81
saṃpūjya maṃḍalaṃ devaṃ karanyāsaṃ samācaret //
7.2.16.18.p82
tatastu bhasmanā devaṃ dhyāyanmanasi deśikaḥ //
7.2.16.18.p83
samālabheta pāṇibhyāṃ śiśuṃ śivamudīrayet //
7.2.16.18.p84
atha tasya śivācāryo dahanaplāvanādikam //
7.2.16.18.p85
sakalīkaraṇaṃ kṛtvā mātṛkānyāsavartmanā //
7.2.16.18.p86
tataḥ śivāsanaṃ dhyātvā śiṣyamūrdhni deśikaḥ //
7.2.16.18.p87
tatrāvāhya yathānyāyamarcayenmanasā śivam //
7.2.16.18.p88
prārthayetprāṃjalirdevaṃ nityamatra sthito bhava //
7.2.16.18.p89
iti vijñāpya taṃ śaṃbhostejasā bhāsuraṃ smaret //
7.2.16.18.p90
564b
7.2.16.18.p91
saṃpūjyātha śivaṃ śaivīmājñāṃ prāpya śivātmikām //
7.2.16.18.p92
karṇe śiṣyasya śanakaiśśivamantramudīrayet //
7.2.16.18.p93
sa tu baddhāṃjaliḥ śrutvā mantraṃ tadgatamānasaḥ //
7.2.16.18.p94
śanaistaṃ vyāharecchiṣyaśivācāryasya śāsanāt //
7.2.16.18.p95
tataḥ śāktaṃ ca saṃdiśya mantraṃ mantravicakṣaṇaḥ //
7.2.16.18.p96
uccārayitvā ca sukhaṃ tasmai maṃgalamādiśet //
7.2.16.18.p97
tatassamāsānmantrārthaṃ vācyavācakayogataḥ //
7.2.16.18.p98
samadiśyeśvaraṃ rūpaṃ yogamāsanamādiśet //
7.2.16.18.p99
atha gurvājñayā śiṣyaḥ śivāgnigurusannidhau //
7.2.16.18.p100
bhaktyaivamabhisaṃdhāya dīkṣāvākyamudīrayet //
7.2.16.18.p101
varaṃ prāṇaparityāgaśchedanaṃ śiraso 'pi vā //
7.2.16.18.p102
na tvanabhyarcya bhuṃjīya bhagavantaṃ trilocanam //
7.2.16.18.p103
sa eva dadyānniyato yāvanmohaviparyayaḥ //
7.2.16.18.p104
tāvadārādhayeddevaṃ tanniṣṭhastatparāyaṇaḥ //
7.2.16.18.p105
tataḥ sa samayo nāma bhaviṣyati śivāśrame //
7.2.16.18.p106
labdhādhikāro gurvājñāpālakastadvaśo bhavet //
7.2.16.18.p107
ataḥ paraṃ nyastakaro bhasmādāya svahastataḥ //
7.2.16.18.p108
dadyācchiṣyāya mūlena rudrākṣaṃ cābhimaṃtritam //
7.2.16.18.p109
pratimā vāpi devasya gūḍhadehamathāpi vā //
7.2.16.18.p110
pūjāhomajapadhyānasādhanāni ca saṃbhave //
7.2.16.18.p111
sopi śiṣyaḥ śivācāryāllabdhāni bahumānataḥ //
7.2.16.18.p112
ādadītājñayā tasya deśikasya na cānyathā //
7.2.16.18.p113
ācāryādāptamakhilaṃ śirasyādhāya bhaktitaḥ //
7.2.16.18.p114
rakṣayetpūjayecchaṃbhuṃ maṭhe vā gṛha evavā //
7.2.16.18.p115
ataḥ paraṃ śivācāramādiśedasya deśikaḥ //
7.2.16.18.p116
bhaktiśraddhānusāreṇa prajñāyāścānusārataḥ //
7.2.16.18.p117
yaduktaṃ yatsamājñātaṃ yaccaivānyatprakīrtitam //
7.2.16.18.p118
śivācāryeṇa samaye tatsarvaṃ śirasā vahet //
7.2.16.18.p119
śivāgamasya grahaṇaṃ vācanaṃ śravaṇaṃ tathā //
7.2.16.18.p120
deśikadeśataḥ kuryānna svecchāto na cānyataḥ //
7.2.16.18.p121
iti saṃkṣepataḥ proktaḥ saṃskāraḥ samayāhvayaḥ //
7.2.16.18.p122
sākṣācchivapuraprāptau nṛṇāṃ paramasādhanam //
7.2.16.18.p123
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṃḍe śiṣyasaṃskāravarṇanaṃ nāma ṣoḍaśo 'dhyāyaḥ
7.2.16.18.p124
Chapter 17
upamanyuruvāca
ataḥ paraṃ samāvekṣya guruḥ śiṣyasya yogyatām //
Other recensions (1)
- Śivapurāṇa (complete text) — Sanskrit
Linked texts (2)
- Pārameśvarasaṃhitā — Sanskrit
- Vīrāgama — Sanskrit