Shivapurana 7.2.18
Śivapurāṇa 7.2.18
- Language
- Sanskrit
Contents
- 7.2.18.19 — 93 parts
7.2.18.1
/
gacchedbaddhāṃjalirdhyāyañchivamaṇḍalapārśvataḥ //
/
atha pūjāṃ vinā sarvaṃ kṛtvā pūrvadine yathā //
7.2.18.2
/
netrabaṃdhanaparyaṃtaṃ darśayenmaṇḍalaṃ guruḥ //
/
baddhanetreṇa śiṣyeṇa puṣpāvakiraṇe kṛte //
7.2.18.3
/
yatrāpataṃti puṣṇāṇi tasya nāmā 'sya saṃdiśet //
/
taṃ copanīya nirmālyamaṇḍale 'sminyathā purā //
7.2.18.4
/
pūjayeddevamīśānaṃ juhuyācca śivānale //
/
śiṣyeṇa yadi duḥsvapno dṛṣṭastaddoṣaśāṃtaye //
7.2.18.5
/
śatamardhaṃ tadardhaṃ vā juhuyānmūlavidyayā //
/
tataḥ sūtraṃ śikhābaddhaṃ laṃbayitvā yathā purā //
7.2.18.6
/
ādhārapūjāprabhṛti yannivṛttikalāśrayam //
/
vāgīśvarīpūjanāṃtaṃ kuryāddhomapurassaram //
7.2.18.7
/
atha praṇamya vāgīśaṃ nivṛttervyāpikāṃ satīm //
/
maṇḍale devamabhyarcya hutvā caivāhutitrayam //
7.2.18.8
/
prāpayecca śiśoḥ prāptiṃ yugapatsarvayoniṣu //
/
sūtradehe 'tha śiṣyasya tāḍanaprokṣaṇādikam //
7.2.18.9
/
kṛtvātmānaṃ samādāya dvādaśāṃte nivedya ca //
/
tato 'pyādāya mūlena mudrayā śāstradṛṣṭayā //
7.2.18.10
/
yojayenmanasācāryo yugapatsarvayoniṣu //
/
devānāṃ jātayaścāṣṭau tiraścāṃ pañca jātayaḥ //
7.2.18.11
/
jātyaikayā ca mānuṣyā yonayaśca caturdaśa //
/
tāsu sarvāsu yugapatpraveśāya śiśordhiyā //
7.2.18.12
/
vāgīśānyāṃ yathānyāyaṃ śiṣyātmānaṃ niveśayet //
/
garbhaniṣpattaye devaṃ saṃpūjya praṇipatya ca //
7.2.18.13
/
hutvā caiva yathānyāyaṃ niṣpannaṃ tadanusmaret //
/
niṣpannasyaivamutpattimanuvṛttiṃ ca karmaṇā //
7.2.18.14
/
ārjavaṃ bhoganiṣpattiḥ kuryātprītiṃ parāṃ tathā //
/
niṣkṛtyarthaṃ ca jātyāyurbhogasaṃskārasiddhaye //
7.2.18.15
/
hutvāhutitrayaṃ devaṃ prārthayeddeśikottamaḥ //
/
bhoktṛtvaviṣayāsaṃgamalaṃ 1 tatkāyaśodhanam //
7.2.18.16
/
kṛtvaivameva śiṣyasya chiṃdyātpāśatrayaṃ tataḥ //
/
nikṛtyā pari baddhasya pāśasyātyaṃtabhedataḥ //
7.2.18.17
/
kṛtvā śiṣyasya caitanyaṃ svacchaṃ manyeta kevalam //
/
hutvā pūrṇāhutiṃ vahnau brahmāṇaṃ pūjayettataḥ //
7.2.18.18
/
hutvāhutitrayaṃ tasmai śivājñāmanusaṃdiśet //
/
pitāmaha tvayā nāsya yātuḥ śaivaṃ paraṃ padam //
7.2.18.19
/
pratibandho vidhātavyaḥ śaivājñaiṣā garīyasī //
/
ityādiśya tamabhyarcya visṛja ca vidhānataḥ //
7.2.18.19.p1
1 tyājayitveti śeṣaḥ
7.2.18.19.p2
566b
7.2.18.19.p3
samabhyarcya mahādevaṃ juhuyādāhutitrayam //
7.2.18.19.p4
nivṛttyā śuddhamuddhṛtya śiṣyātmānaṃ yathā purā //
7.2.18.19.p5
niveśyātmani sūtre ca vāgīśaṃ pūjayettataḥ //
7.2.18.19.p6
hutvāhutitrayaṃ tasmai praṇamya ca visṛjya tām //
7.2.18.19.p7
kuryānnivṛttaḥ saṃdhānaṃ pratiṣṭhāṃ kalayā saha //
7.2.18.19.p8
saṃdhāne yugapatpūjāṃ kṛtvā hutvāhutitrayam //
7.2.18.19.p9
śiṣyātmanaḥ pratiṣṭhāyāṃ praveśaṃ tvatha bhāvayet //
7.2.18.19.p10
tataḥ pratiṣṭhāmāvāhya kṛtvāśeṣaṃ puroditam //
7.2.18.19.p11
tadvyāptiṃ vyāpikāṃ tasya vāgīśānīṃ ca bhāvayet //
7.2.18.19.p12
pūrṇedumaṃḍalaprakhyāṃ kṛtvā śeṣaṃ ca pūrvavat //
7.2.18.19.p13
viṣṇave saṃviśedājñāṃ śivasya paramātmanaḥ //
7.2.18.19.p14
viṣṇorvisarjanādyaṃ ca kṛtvā śeṣaṃ ca vidyayā //
7.2.18.19.p15
pratiṣṭhāmanusaṃdhāya tasyāṃ cāpi yathā purā //
7.2.18.19.p16
kṛtvānucintya tadvyāptiṃ vāgīśāṃ ca yathākramam //
7.2.18.19.p17
dīptāgnau pūrṇahomāntaṃ kṛtvā śeṣaṃ ca pūrvavat //
7.2.18.19.p18
nīlarudramupasthāpya tasmai pūjādikaṃ tathā //
7.2.18.19.p19
kṛtvā karma śivājñāṃ ca dadyātpūrvoktavartmanā //
7.2.18.19.p20
tapastamapi codvāsya kṛtvā tasyātha śāṃtaye //
7.2.18.19.p21
vidyākalāṃ samādhāya tadvyāptiṃ cāvalokayet //
7.2.18.19.p22
svātmano vyāpikāṃ tadvadvāgīśīṃ ca yathā purā //
7.2.18.19.p23
bālārkasadṛśākārāṃ bhāsayaṃtīṃ diśo daśa //
7.2.18.19.p24
tataḥ śeṣaṃ yathāpūrvaṃ kṛtvā devaṃ maheśvaram //
7.2.18.19.p25
āvāhyārādhya hutvāsmai śivājñāṃ manasā diśet //
7.2.18.19.p26
maheśvaraṃ tathotsṛjya kṛtvānyāṃ ca kalāmimām //
7.2.18.19.p27
śāṃtyatītāṃ kalāṃ nītvā tadvyāptimavalokayet //
7.2.18.19.p28
svātmano vyāpikāṃ tadvadvāgīśāṃ ca viciṃtayet //
7.2.18.19.p29
nabhomaṃḍalasaṃkāśāṃ pūrṇāṃtaṃ cāpi pūrvavat //
7.2.18.19.p30
kṛtvā śeṣavidhānena samabhyarcya sadāśivam //
7.2.18.19.p31
tasmai samādiśedājñāṃ śaṃbhoramitakarmaṇaḥ //
7.2.18.19.p32
tatrāpi ca yathāpūrvaṃ śivaṃ śirasi pūrvavat //
7.2.18.19.p33
samabhyarcya ca vāgīśaṃ praṇamya ca visarjayet //
7.2.18.19.p34
tataśśivena samprokṣya śiṣyaṃ śirasi pūrvavat //
7.2.18.19.p35
vilayaṃ śāṃtyatītāyāḥ śaktitattve 'tha ciṃtayet //
7.2.18.19.p36
ṣaḍadhvanaḥ pare pāre sarvādhvavyāpinī parām //
7.2.18.19.p37
koṭisūryapratīkāśaṃ śaivīṃ śaktiñca cintayet //
7.2.18.19.p38
tadagre śiṣyamānīya śuddhasphaṭikanirmalam //
7.2.18.19.p39
prakṣālya kartarīṃ paścācchivaśāstroktamārgataḥ //
7.2.18.19.p40
kuryāttasya śikhācchedaṃ saha sūtreṇa deśikaḥ //
7.2.18.19.p41
tatastāṃ gomaye nyasya śivāgnau juhuyācchikhām //
7.2.18.19.p42
vauṣaḍaṃtena mūlena punaḥ prakṣālya kartarīm //
7.2.18.19.p43
haste śiṣyasya caitanyaṃ taddehe vinivartayet //
7.2.18.19.p44
567a
7.2.18.19.p45
tataḥ snātaṃ samācāṃtaṃ kṛtasvastyayanaṃ śiśum //
7.2.18.19.p46
praveśya maṃḍalābhyāsaṃ praṇipatya ca daṃḍavat //
7.2.18.19.p47
pūjāṃ kṛtvā yathānyāyaṃ kriyāvaikalyaśuddhaye //
7.2.18.19.p48
vācakenaiva maṃtreṇa juhuyādāhutitrayam //
7.2.18.19.p49
upāṃśūccārayogena juhuyādāhutitrayam //
7.2.18.19.p50
punassaṃpūjya deveśaṃ mantravaikalyaśuddhaye //
7.2.18.19.p51
mānasoccārayogena juhuyādāhutitrayam //
7.2.18.19.p52
tatra śaṃbhuṃ samārādhya maṃḍalasthaṃ sahāṃbayā //
7.2.18.19.p53
hutvāhutitrayaṃ paścātprārthayetprāṃjalirguruḥ //
7.2.18.19.p54
bhagavaṃstvatprasādena śuddhirasya ṣaḍadhvanaḥ //
7.2.18.19.p55
kṛtā tasmātparaṃ dhāma gamayainaṃ tavāvyayam //
7.2.18.19.p56
iti vijñāpya devāya nāḍīsaṃdhānapūrvakam //
7.2.18.19.p57
pūrṇāṃtaṃ pūrvavatkṛtvā tato bhūtāni śodhayet //
7.2.18.19.p58
sthirāsthire tataḥ śuddhyai śītoṣṇe ca tataḥ pade //
7.2.18.19.p59
dhyāyedvyāptyaikatākāre bhūtaśodhanakarmaṇi //
7.2.18.19.p60
bhūtānāṃ graṃthivicchedaṃ kṛtvā tyaktvā sahādhipaiḥ //
7.2.18.19.p61
bhūtāni sthitayogena yo japetparame śive //
7.2.18.19.p62
viśodhyāsya tanuṃ dagdhvā plāvayitvā sudhākaṇaiḥ //
7.2.18.19.p63
sthāpyātmānaṃ tataḥ kuryādviśuddhādhvamayaṃ vapuḥ //
7.2.18.19.p64
tatrādau śāntyatītāṃ tu vyāpikāṃ svādhvanaḥ kalām //
7.2.18.19.p65
śuddhāmeva śiśormūrdhni nyasecchāntimukhe tathā //
7.2.18.19.p66
vidyāṃ galādinābhyaṃtaṃ pratiṣṭhāṃ tadadhaḥ kramāt //
7.2.18.19.p67
jānvaṃtaṃ tadadho nyasyennivṛttiṃ cānuciṃtayet //
7.2.18.19.p68
svabījaissūtramaṃtraṃ ca nyasyāṃ gaistaṃ śivātmakam //
7.2.18.19.p69
buddhvā taṃ hṛdayāṃbhoje devamāvāhya pūjayet //
7.2.18.19.p70
āśāsya nityasāṃnidhyaṃ śivasvātmyaṃ śiśau guruḥ //
7.2.18.19.p71
śivatejomayasyāsya śiśorāpādayedguṇān //
7.2.18.19.p72
aṇimādīnprasīdeti pradadyādāhutitrayam //
7.2.18.19.p73
tathaiva tu guṇāneva punarasyopapādayet //
7.2.18.19.p74
sarvajñātāṃ tathā tṛptiṃ bodhaṃ cādyantavarjitam //
7.2.18.19.p75
aluptaśaktiṃ svātantryamanaṃtāṃ śaktimeva ca //
7.2.18.19.p76
tato devamanujñāpya sadyādikalaśaistu tam //
7.2.18.19.p77
abhiṣiṃceta deveśaṃ dhyāyanhṛdi yathākramam //
7.2.18.19.p78
athopaveśya taṃ śiṣyaṃ śivamabhyarcya pūrvavat //
7.2.18.19.p79
labdhānujñaḥ śivācchaivīṃ vidyāmasmai samādiśet //
7.2.18.19.p80
oṃkārapūrvikāṃ tatra saṃpuṭāntu namo 'ṃtagām //
7.2.18.19.p81
śivaśaktiyutāñcaiva śaktividyāṃ ca tādṛśīm //
7.2.18.19.p82
ṛṣiṃ chandaśca devaṃ ca śivatāṃ śivayostathā //
7.2.18.19.p83
pūjāṃ sāvaraṇāṃ śambhorāsanāni ca sandiśet //
7.2.18.19.p84
punaḥ saṃpūjya deveśaṃ yanmayā samanuṣṭhitam //
7.2.18.19.p85
sukṛtaṃ kuru tatsarvamiti vijñāpayecchivam //
7.2.18.19.p86
sahaśiṣyo gururdevaṃ daṇḍavatkṣitimaṃḍale //
7.2.18.19.p87
praṇamyodvāsayettasmānmaṃḍalātpāvakādapi //
7.2.18.19.p88
567b
7.2.18.19.p89
tataḥ sadasikāḥ sarve pūjyāḥ pūjārhakāḥ kramāt //
7.2.18.19.p90
sevyā vittānusāreṇa sadasyāśca sahartvijaḥ //
7.2.18.19.p91
vittaśāṭhyaṃ na kurvīta yadīcchecchivamātmanaḥ //
7.2.18.19.p92
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe ṣaḍadhvaśuddhyādikathanaṃ nāmāṣṭādaśo 'dhyāyaḥ
7.2.18.19.p93
Chapter 19
upamanyuruvāca
ataḥ paraṃ pravakṣyāmi sādhakaṃ nāma nāmataḥ //
Other recensions (1)
- Śivapurāṇa (complete text) — Sanskrit