Shivapurana 7.2.24
Śivapurāṇa 7.2.24
- Language
- Sanskrit
Contents
7.2.24.1
/
gandhacandanatoyena puṣpaṃ tatra vinikṣipet //
/
astreṇotsārya vai vighnānavaguṇṭhya ca varmaṇā //
7.2.24.2
/
astraṃ dikṣu pravinyasya kalpayedarcanābhuvam //
/
tatra darbhānparistīrya kṣālayetprokṣaṇādibhiḥ //
7.2.24.3
/
saṃśodhya sarvapātrāṇi dravyaśuddhiṃ samācaret //
/
prokṣaṇīmardhyapātraṃ ca pādyapātramataḥ param //
7.2.24.4
/
tathaivācamanīyasya pātraṃ ceti catuṣṭayam //
/
prakṣālya prokṣya vīkṣyātha kṣipetteṣu jalaṃ śivam //
7.2.24.5
/
puṇyadravyāṇi sarvāṇi yathālābhaṃ vinikṣipet //
/
ratnāni rajataṃ hema gandhapuṣpākṣatādayaḥ //
7.2.24.6
/
phalapallavadarbhāṃśca puṇyadravyāṇyanekadhā //
/
snānodake sugandhādi pānīye ca viśeṣataḥ //
7.2.24.7
/
śītalāni manojñānī kusumādīni nikṣipet //
/
uśīraṃ candanaṃ caiva pādye tu parikalpayet //
7.2.24.8
/
jātikaṃkolakarpūrabahumūlatamālakān //
/
kṣipedācamanīye ca cūrṇayitvā viśeṣataḥ //
7.2.24.9
/
elāṃ pātreṣu sarveṣu karpūraṃ candanaṃ tathā //
/
kuśāgrāṇyakṣatāṃścaiva yavavrīhitilānapi //
7.2.24.10
/
ājyasiddhārthapuṣpāṇi bhasitañcārghyapātrake //
/
kuśapuṣpayavavrīhibahumūlatamālakān //
7.2.24.11
/
prakṣipetprokṣaṇīpātre bhasitaṃ ca yathākramam //
/
sarvatra mantraṃ vinyasya varmaṇāveṣṭya bāhyataḥ //
7.2.24.12
/
paścādastreṇa saṃrakṣya dhenumudrāṃ pradarśayet //
/
pūjādravyāṇi sarvāṇi prokṣaṇīpātravāriṇā //
7.2.24.13
/
samprokṣya mūlamaṃtreṇa śodhayedvidhivattataḥ //
/
pātrāṇāṃ prokṣaṇīmekāmalābhe sarvakarmasu //
7.2.24.14
/
sādhayedarghyamadbhistatsāmānyaṃ sādhakottamaḥ //
/
tato vināyakaṃ devaṃ bhakṣyabhojyādibhiḥ kramāt //
7.2.24.15
/
pūjayitvā vidhānena dvārapārśve 'tha dakṣiṇe //
/
antaḥpurādhipaṃ sākṣānnandinaṃ samyagarcayet //
7.2.24.16
/
cāmīkarācalaprakhyaṃ sarvābharaṇabhūṣitam //
/
bālendumukuṭaṃ saumyaṃ trinetraṃ ca caturbhujam //
7.2.24.17
/
dīptaśūlamṛgīṭaṃkatigmavetradharaṃ prabhum //
/
candrabimbābhavadanaṃ harivaktramathāpi vā //
7.2.24.18
/
uttare dvārapārśvasya bhāryāṃ ca marutāṃ sutām //
/
suyaśāṃ suvratāmambāṃ pādamaṇḍanatatparām //
7.2.24.19
/
pūjayitvā praviśyāntarbhavanaṃ parameṣṭhinaḥ //
/
saṃpūjya liṅgaṃ tairdravyairnirmālyamapanodayet //
7.2.24.20
/
prakṣālya puṣpaṃ śirasi nyasettasya viśuddhaye //
/
puṣpahasto japecchaktyā mantraṃ mantraviśuddhaye //
7.2.24.21
/
aiśānyāṃ caṇdamārādhya nirmālyaṃ tasya dāpayet //
/
kalpayedāsanaṃ paścādādhārādi yathākramam //
7.2.24.22
/
ādhāraśaktiṃ kalyāṇīṃ śyāmāṃ dhyāyedadho bhuvi //
/
572b
7.2.24.22.p1
tasyāḥ purastādutkaṃṭhamanaṃtaṃ kuṇḍalākṛtim //
7.2.24.22.p2
dhavalaṃ pañcaphaṇinaṃ lelihānamivāmbaram //
7.2.24.22.p3
tasyoparyāsanaṃ bhadraṃ kaṇṭhīravacatuṣpadam //
7.2.24.22.p4
dharmo jñānaṃ ca vairāgyamaiśvaryañca padāni vai //
7.2.24.22.p5
āgneyādiśvetaraktapītaśyāmāni varṇataḥ //
7.2.24.22.p6
adharmādīni pūrvādīnyuttarāṃtānyanukramāt //
7.2.24.22.p7
rājāvartamaṇiprakhyānnyasya gātrāṇi bhāvayet //
7.2.24.22.p8
asyordhvacchādanaṃ padmamāsanaṃ vimalaṃ sitam //
7.2.24.22.p9
aṣṭapatrāṇi tasyāhuraṇimādiguṇāṣṭakam //
7.2.24.22.p10
kesarāṇi ca vāmādyā rudrāvāmādiśaktibhiḥ //
7.2.24.22.p11
bījānyapi ca tā eva śaktayoṃtarmanonmanīḥ //
7.2.24.22.p12
karṇikāparavairāgyaṃ nālaṃ jñānaṃ śivātmakam //
7.2.24.22.p13
kandaśca śivadharmātmā karṇikānte trimaṇḍale //
7.2.24.22.p14
trimaṇḍaloparyātmādi tattvatritayamāsanam //
7.2.24.22.p15
sarvāsanopari sukhaṃ vicitrāstaraṇāstṛtam //
7.2.24.22.p16
āsanaṃ kalpayeddivyaṃ śuddhavidyāsamujjvalam //
7.2.24.22.p17
āvāhanaṃ sthāpanaṃ ca sannirodhaṃ nirīkṣaṇam //
7.2.24.22.p18
namaskāraṃ ca kurvīta badhvā mudrāḥ pṛthakpṛthak //
7.2.24.22.p19
pādyamācamanaṃ cārghyaṃ gaṃdhaṃ puṣpaṃ tataḥ param //
7.2.24.22.p20
dhūpaṃ dīpaṃ ca tāṃbūlaṃ dattvātha svāpayecchivau //
7.2.24.22.p21
athavā parikalpyaivamāsanaṃ mūrtimeva ca //
7.2.24.22.p22
sakalīkṛtya mūlena brahmābhiścāparaistathā //
7.2.24.22.p23
āvāhayettato devyā śivaṃ paramakāraṇam //
7.2.24.22.p24
śuddhasphaṭikasaṃkāśaṃ devaṃ niścalamakṣaram //
7.2.24.22.p25
kāraṇaṃ sarvalokānāṃ sarvalokamayaṃ param //
7.2.24.22.p26
aṃtarbahiḥsthitaṃ vyāpya hyaṇoraṇu 1 mahattaram 2 //
7.2.24.35
/
bhaktānāmaprayatnena dṛśyamīśvaramavyayam //
7.2.24.36
/
brahmeṃdraviṣṇurudrādyairapi devairagocaram //
/
devasāraṃ ca vidvadbhiragocaramiti śrutam //
7.2.24.37
/
ādimadhyāntarahitaṃ bheṣajaṃ bhavarogiṇām //
/
śivatattvamiti khyātaṃ śivārthaṃ jagati sthiram //
7.2.24.38
/
pañcopacāravadbhaktyā pūjayelliṃgamuttamam //
/
liṃgamūrtirmaheśasya śivasya paramātmanaḥ //
7.2.24.39
/
snānakāle prakurvīta jayaśabdādimaṃgalam //
/
pañcagavyaghṛtakṣīradadhimadhvādipūrvakaiḥ //
7.2.24.40
/
mūlaiḥ phalānāṃ sāraiśca tilasarṣapasaktubhiḥ //
/
bījairyavādibhiśśastaiścūrṇairmāṣādisaṃbhavaiḥ //
7.2.24.41
/
saṃsnāpyālipya piṣṭādyaiḥ snāpayeduṣṇavāribhiḥ //
/
gharṣayedvilvapatrādyairlepagaṃdhāpanuttaye //
7.2.24.42
/
punaḥ saṃsnāpya salilaiścakravartyupacārataḥ //
7.2.24.42.p1
1 klībatvamārṣam
2 mahata iti kṣeṣa-
7.2.24.42.p2
573a
7.2.24.42.p3
sugaṃdhāmalakaṃ dadyāddharidrāṃ ca yathākramam //
7.2.24.42.p4
tataḥ saṃśodhya salilairliṃgaṃ beramathāpi vā //
7.2.24.42.p5
snāpayedgaṃdhatoyena kuśapuṣpodakena ca //
7.2.24.42.p6
hiraṇyaratnatoyaiśca maṃtrasiddhairyathākramam //
7.2.24.42.p7
asaṃbhave tu dravyāṇāṃ yathāsaṃbhavasaṃbhṛtaiḥ //
7.2.24.42.p8
kevalairmaṃtratoyairvā snāpayecchraddhayā śivam //
7.2.24.42.p9
kalaśenātha śaṃkhena vardhanyā pāṇinā tathā //
7.2.24.42.p10
sakuśena sapuṣpeṇa snāpayenmaṃtrapūrvakam //
7.2.24.42.p11
pavamānena rudreṇa nīlena tvaritena ca //
7.2.24.42.p12
liṃgasūktādisūktaiśca śirasātharvaṇena ca //
7.2.24.42.p13
ṛgbhiśca sāmabhiḥ śaivairbrahmabhiścāpi pañcabhiḥ //
7.2.24.42.p14
snāpayeddevadeveśaṃ śivena praṇavena ca //
7.2.24.42.p15
yathā devasya devyāśca kuryātsnānādikaṃ tathā //
7.2.24.42.p16
na tu kaścidviśeṣo 'sti tatra tau sadṛśau yataḥ //
7.2.24.42.p17
prathamaṃ devamuddiśya kṛtvā snānādikāḥ kriyāḥ //
7.2.24.42.p18
devyaiḥ praścātprakurvīta devadevasya śāsanāt //
7.2.24.42.p19
ardhanārīśvare pūjye paurvāparyaṃ na vidyate //
7.2.24.42.p20
tatra tatropacārāṇāṃ liṃge vānyatra vā kvacit //
7.2.24.42.p21
kṛtvā 'bhiṣekaṃ liṃgasya śucinā ca sugaṃdhinā //
7.2.24.42.p22
saṃmṛjya vāsasā dadyādaṃbaraṃ copavītakam //
7.2.24.42.p23
pādyamācamanaṃ cārghyaṃ gaṃdhaṃ puṣpaṃ ca bhūṣaṇam //
7.2.24.42.p24
dhūpaṃ dīpaṃ ca naivedyaṃ pānīyaṃ mukhaśodhanam //
7.2.24.42.p25
punaścācamanīyaṃ ca mukhavāsaṃ tataḥ param //
7.2.24.42.p26
mukuṭaṃ ca śubhaṃ bhadraṃ sarvaratnairalaṃkṛtam //
7.2.24.42.p27
bhūṣaṇāni pavitrāṇi mālyāni vividhāni ca //
7.2.24.42.p28
vyajane cāmare chatraṃ tālavṛṃtaṃ ca darpaṇam //
7.2.24.42.p29
dattvā nīrājanaṃ kuryātsarvamaṃgalanisvanaiḥ //
7.2.24.42.p30
gītanṛtyādibhiścaiva jayaśabdasamanvitaḥ //
7.2.24.42.p31
haime ca rājate tāmre pātre vā mṛnmaye śubhe //
7.2.24.42.p32
padmakaiśśobhitaiḥ puṣpairbījairdadhyakṣatādibhiḥ //
7.2.24.42.p33
triśūlaśaṃkhayugmābjanandyāvartaiḥ karīṣajaiḥ //
7.2.24.42.p34
śrīvatsasvastikādarśavajrairvahnyādicihnitaiḥ //
7.2.24.42.p35
aṣṭau pradīpānparito vidhāyaikaṃ tu madhyame //
7.2.24.42.p36
teṣu vāmādikāścintyāḥ pūjyāśca nava śaktayaḥ //
7.2.24.42.p37
kavacena samācchādya saṃrakṣyāstreṇa sarvataḥ //
7.2.24.42.p38
dhenumudrāṃ ca saṃdarśya pāṇibhyāṃ pātramuddharet //
7.2.24.42.p39
athavāropayetpātre pañcadīpānyathākramam //
7.2.24.42.p40
vidikṣvapi ca madhye ca dīpamekamathāpi vā //
7.2.24.42.p41
tatastatpātramuddhṛtya liṃgāderupari kramāt //
7.2.24.42.p42
triḥ pradakṣiṇayogena bhrāmayenmūlavidyayā //
7.2.24.42.p43
dadyādarghyaṃ tato mūrdhni bhasitaṃ ca sugaṃdhitam //
7.2.24.42.p44
kṛtvā puṣpāṃjaliṃ paścādupahārānnivedayet //
7.2.24.42.p45
pānīyaṃ ca tato dadyāddattvā vācamanaṃ punaḥ //
7.2.24.42.p46
573b
7.2.24.42.p47
pañcasaugaṃdhikopetaṃ tāmbūlaṃ ca nivedayet //
7.2.24.42.p48
prokṣayetprokṣaṇīyāni gānanāṭyāni kārayet //
7.2.24.42.p49
liṃgādau śivayościntāṃ kṛtvā śaktyajapecchivam //
7.2.24.42.p50
pradakṣiṇaṃ praṇāmaṃ ca stavaṃ cātmasamarpaṇam //
7.2.24.42.p51
vijñāpanaṃ ca kāryāṇāṃ kuryādvinayapūrvakam //
7.2.24.42.p52
arghyaṃ puṣpāṃjaliṃ dattvā baddhvā mudrāṃ yathāvidhi //
7.2.24.42.p53
paścātkṣamāpayeddevamudvāsyātmani ciṃtayet //
7.2.24.42.p54
pādyādimukhavāsāṃtamarghyādyaṃ cātisaṃkaṭe //
7.2.24.42.p55
puṣpavikṣepamātraṃ vā kuryādbhāvapurassaram //
7.2.24.42.p56
tāvataiva paro dharmo bhāvane sukṛto bhavet //
7.2.24.42.p57
asaṃpūjya na bhuñjīta śivamāprāṇasaṃcarāt //
7.2.24.42.p58
yadi pāpastu bhuṃjīta svairaṃ taysa na niṣkṛtiḥ //
7.2.24.42.p59
pramādena tu bhuṃkte cettadudgīrya prayatnataḥ //
7.2.24.42.p60
snātvā dviguṇamabhyarcya devaṃ devīmupoṣya ca //
7.2.24.42.p61
śivasyāyutamabhyasyedbrahmacaryapurassaram //
7.2.24.42.p62
paredyuśśaktito dattvā suvarṇādyaṃ śivāya ca //
7.2.24.42.p63
śivabhaktāya vā kṛtvā mahāpūjāṃ śucirbhavet //
7.2.24.42.p64
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śāstroktaśivapūjanavarṇanaṃ nāma caturviṃśo 'dhyāyaḥ
7.2.24.42.p65
Chapter 25
upamanyuruvāca
anuktaṃ cātra pūjāyāḥ kamalopabhayādiva //
Other recensions (1)
- Śivapurāṇa (complete text) — Sanskrit
Linked texts (4)
- Kriyāsāra — Śrīkaṇtha, Sanskrit
- Śrīvidyārṇavatantra — Sanskrit
- Kriyāsāraḥ — Sanskrit
- Dīkṣāprakāśa — Sanskrit