[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.2.24 # Shivapurana 7.2.24 Śivapurāṇa 7.2.24 - **Language:** Sanskrit ## Contents - [7.2.24.22](https://indike.org/pramana/in.purana.siva.7.2.24.22) — 26 parts - [7.2.24.42](https://indike.org/pramana/in.purana.siva.7.2.24.42) — 65 parts ### [7.2.24.1](https://indike.org/pramana/in.purana.siva.7.2.24.1) / gandhacandanatoyena puṣpaṃ tatra vinikṣipet // / astreṇotsārya vai vighnānavaguṇṭhya ca varmaṇā // ### [7.2.24.2](https://indike.org/pramana/in.purana.siva.7.2.24.2) / astraṃ dikṣu pravinyasya kalpayedarcanābhuvam // / tatra darbhānparistīrya kṣālayetprokṣaṇādibhiḥ // ### [7.2.24.3](https://indike.org/pramana/in.purana.siva.7.2.24.3) / saṃśodhya sarvapātrāṇi dravyaśuddhiṃ samācaret // / prokṣaṇīmardhyapātraṃ ca pādyapātramataḥ param // ### [7.2.24.4](https://indike.org/pramana/in.purana.siva.7.2.24.4) / tathaivācamanīyasya pātraṃ ceti catuṣṭayam // / prakṣālya prokṣya vīkṣyātha kṣipetteṣu jalaṃ śivam // ### [7.2.24.5](https://indike.org/pramana/in.purana.siva.7.2.24.5) / puṇyadravyāṇi sarvāṇi yathālābhaṃ vinikṣipet // / ratnāni rajataṃ hema gandhapuṣpākṣatādayaḥ // ### [7.2.24.6](https://indike.org/pramana/in.purana.siva.7.2.24.6) / phalapallavadarbhāṃśca puṇyadravyāṇyanekadhā // / snānodake sugandhādi pānīye ca viśeṣataḥ // ### [7.2.24.7](https://indike.org/pramana/in.purana.siva.7.2.24.7) / śītalāni manojñānī kusumādīni nikṣipet // / uśīraṃ candanaṃ caiva pādye tu parikalpayet // ### [7.2.24.8](https://indike.org/pramana/in.purana.siva.7.2.24.8) / jātikaṃkolakarpūrabahumūlatamālakān // / kṣipedācamanīye ca cūrṇayitvā viśeṣataḥ // ### [7.2.24.9](https://indike.org/pramana/in.purana.siva.7.2.24.9) / elāṃ pātreṣu sarveṣu karpūraṃ candanaṃ tathā // / kuśāgrāṇyakṣatāṃścaiva yavavrīhitilānapi // ### [7.2.24.10](https://indike.org/pramana/in.purana.siva.7.2.24.10) / ājyasiddhārthapuṣpāṇi bhasitañcārghyapātrake // / kuśapuṣpayavavrīhibahumūlatamālakān // ### [7.2.24.11](https://indike.org/pramana/in.purana.siva.7.2.24.11) / prakṣipetprokṣaṇīpātre bhasitaṃ ca yathākramam // / sarvatra mantraṃ vinyasya varmaṇāveṣṭya bāhyataḥ // ### [7.2.24.12](https://indike.org/pramana/in.purana.siva.7.2.24.12) / paścādastreṇa saṃrakṣya dhenumudrāṃ pradarśayet // / pūjādravyāṇi sarvāṇi prokṣaṇīpātravāriṇā // ### [7.2.24.13](https://indike.org/pramana/in.purana.siva.7.2.24.13) / samprokṣya mūlamaṃtreṇa śodhayedvidhivattataḥ // / pātrāṇāṃ prokṣaṇīmekāmalābhe sarvakarmasu // ### [7.2.24.14](https://indike.org/pramana/in.purana.siva.7.2.24.14) / sādhayedarghyamadbhistatsāmānyaṃ sādhakottamaḥ // / tato vināyakaṃ devaṃ bhakṣyabhojyādibhiḥ kramāt // ### [7.2.24.15](https://indike.org/pramana/in.purana.siva.7.2.24.15) / pūjayitvā vidhānena dvārapārśve 'tha dakṣiṇe // / antaḥpurādhipaṃ sākṣānnandinaṃ samyagarcayet // ### [7.2.24.16](https://indike.org/pramana/in.purana.siva.7.2.24.16) / cāmīkarācalaprakhyaṃ sarvābharaṇabhūṣitam // / bālendumukuṭaṃ saumyaṃ trinetraṃ ca caturbhujam // ### [7.2.24.17](https://indike.org/pramana/in.purana.siva.7.2.24.17) / dīptaśūlamṛgīṭaṃkatigmavetradharaṃ prabhum // / candrabimbābhavadanaṃ harivaktramathāpi vā // ### [7.2.24.18](https://indike.org/pramana/in.purana.siva.7.2.24.18) / uttare dvārapārśvasya bhāryāṃ ca marutāṃ sutām // / suyaśāṃ suvratāmambāṃ pādamaṇḍanatatparām // ### [7.2.24.19](https://indike.org/pramana/in.purana.siva.7.2.24.19) / pūjayitvā praviśyāntarbhavanaṃ parameṣṭhinaḥ // / saṃpūjya liṅgaṃ tairdravyairnirmālyamapanodayet // ### [7.2.24.20](https://indike.org/pramana/in.purana.siva.7.2.24.20) / prakṣālya puṣpaṃ śirasi nyasettasya viśuddhaye // / puṣpahasto japecchaktyā mantraṃ mantraviśuddhaye // ### [7.2.24.21](https://indike.org/pramana/in.purana.siva.7.2.24.21) / aiśānyāṃ caṇdamārādhya nirmālyaṃ tasya dāpayet // / kalpayedāsanaṃ paścādādhārādi yathākramam // ### [7.2.24.22](https://indike.org/pramana/in.purana.siva.7.2.24.22) / ādhāraśaktiṃ kalyāṇīṃ śyāmāṃ dhyāyedadho bhuvi // / 572b ### [7.2.24.22.p1](https://indike.org/pramana/in.purana.siva.7.2.24.22.p1) tasyāḥ purastādutkaṃṭhamanaṃtaṃ kuṇḍalākṛtim // ### [7.2.24.22.p2](https://indike.org/pramana/in.purana.siva.7.2.24.22.p2) dhavalaṃ pañcaphaṇinaṃ lelihānamivāmbaram // ### [7.2.24.22.p3](https://indike.org/pramana/in.purana.siva.7.2.24.22.p3) tasyoparyāsanaṃ bhadraṃ kaṇṭhīravacatuṣpadam // ### [7.2.24.22.p4](https://indike.org/pramana/in.purana.siva.7.2.24.22.p4) dharmo jñānaṃ ca vairāgyamaiśvaryañca padāni vai // ### [7.2.24.22.p5](https://indike.org/pramana/in.purana.siva.7.2.24.22.p5) āgneyādiśvetaraktapītaśyāmāni varṇataḥ // ### [7.2.24.22.p6](https://indike.org/pramana/in.purana.siva.7.2.24.22.p6) adharmādīni pūrvādīnyuttarāṃtānyanukramāt // ### [7.2.24.22.p7](https://indike.org/pramana/in.purana.siva.7.2.24.22.p7) rājāvartamaṇiprakhyānnyasya gātrāṇi bhāvayet // ### [7.2.24.22.p8](https://indike.org/pramana/in.purana.siva.7.2.24.22.p8) asyordhvacchādanaṃ padmamāsanaṃ vimalaṃ sitam // ### [7.2.24.22.p9](https://indike.org/pramana/in.purana.siva.7.2.24.22.p9) aṣṭapatrāṇi tasyāhuraṇimādiguṇāṣṭakam // ### [7.2.24.22.p10](https://indike.org/pramana/in.purana.siva.7.2.24.22.p10) kesarāṇi ca vāmādyā rudrāvāmādiśaktibhiḥ // ### [7.2.24.22.p11](https://indike.org/pramana/in.purana.siva.7.2.24.22.p11) bījānyapi ca tā eva śaktayoṃtarmanonmanīḥ // ### [7.2.24.22.p12](https://indike.org/pramana/in.purana.siva.7.2.24.22.p12) karṇikāparavairāgyaṃ nālaṃ jñānaṃ śivātmakam // ### [7.2.24.22.p13](https://indike.org/pramana/in.purana.siva.7.2.24.22.p13) kandaśca śivadharmātmā karṇikānte trimaṇḍale // ### [7.2.24.22.p14](https://indike.org/pramana/in.purana.siva.7.2.24.22.p14) trimaṇḍaloparyātmādi tattvatritayamāsanam // ### [7.2.24.22.p15](https://indike.org/pramana/in.purana.siva.7.2.24.22.p15) sarvāsanopari sukhaṃ vicitrāstaraṇāstṛtam // ### [7.2.24.22.p16](https://indike.org/pramana/in.purana.siva.7.2.24.22.p16) āsanaṃ kalpayeddivyaṃ śuddhavidyāsamujjvalam // ### [7.2.24.22.p17](https://indike.org/pramana/in.purana.siva.7.2.24.22.p17) āvāhanaṃ sthāpanaṃ ca sannirodhaṃ nirīkṣaṇam // ### [7.2.24.22.p18](https://indike.org/pramana/in.purana.siva.7.2.24.22.p18) namaskāraṃ ca kurvīta badhvā mudrāḥ pṛthakpṛthak // ### [7.2.24.22.p19](https://indike.org/pramana/in.purana.siva.7.2.24.22.p19) pādyamācamanaṃ cārghyaṃ gaṃdhaṃ puṣpaṃ tataḥ param // ### [7.2.24.22.p20](https://indike.org/pramana/in.purana.siva.7.2.24.22.p20) dhūpaṃ dīpaṃ ca tāṃbūlaṃ dattvātha svāpayecchivau // ### [7.2.24.22.p21](https://indike.org/pramana/in.purana.siva.7.2.24.22.p21) athavā parikalpyaivamāsanaṃ mūrtimeva ca // ### [7.2.24.22.p22](https://indike.org/pramana/in.purana.siva.7.2.24.22.p22) sakalīkṛtya mūlena brahmābhiścāparaistathā // ### [7.2.24.22.p23](https://indike.org/pramana/in.purana.siva.7.2.24.22.p23) āvāhayettato devyā śivaṃ paramakāraṇam // ### [7.2.24.22.p24](https://indike.org/pramana/in.purana.siva.7.2.24.22.p24) śuddhasphaṭikasaṃkāśaṃ devaṃ niścalamakṣaram // ### [7.2.24.22.p25](https://indike.org/pramana/in.purana.siva.7.2.24.22.p25) kāraṇaṃ sarvalokānāṃ sarvalokamayaṃ param // ### [7.2.24.22.p26](https://indike.org/pramana/in.purana.siva.7.2.24.22.p26) aṃtarbahiḥsthitaṃ vyāpya hyaṇoraṇu 1 mahattaram 2 // ### [7.2.24.35](https://indike.org/pramana/in.purana.siva.7.2.24.35) / bhaktānāmaprayatnena dṛśyamīśvaramavyayam // ### [7.2.24.36](https://indike.org/pramana/in.purana.siva.7.2.24.36) / brahmeṃdraviṣṇurudrādyairapi devairagocaram // / devasāraṃ ca vidvadbhiragocaramiti śrutam // ### [7.2.24.37](https://indike.org/pramana/in.purana.siva.7.2.24.37) / ādimadhyāntarahitaṃ bheṣajaṃ bhavarogiṇām // / śivatattvamiti khyātaṃ śivārthaṃ jagati sthiram // ### [7.2.24.38](https://indike.org/pramana/in.purana.siva.7.2.24.38) / pañcopacāravadbhaktyā pūjayelliṃgamuttamam // / liṃgamūrtirmaheśasya śivasya paramātmanaḥ // ### [7.2.24.39](https://indike.org/pramana/in.purana.siva.7.2.24.39) / snānakāle prakurvīta jayaśabdādimaṃgalam // / pañcagavyaghṛtakṣīradadhimadhvādipūrvakaiḥ // ### [7.2.24.40](https://indike.org/pramana/in.purana.siva.7.2.24.40) / mūlaiḥ phalānāṃ sāraiśca tilasarṣapasaktubhiḥ // / bījairyavādibhiśśastaiścūrṇairmāṣādisaṃbhavaiḥ // ### [7.2.24.41](https://indike.org/pramana/in.purana.siva.7.2.24.41) / saṃsnāpyālipya piṣṭādyaiḥ snāpayeduṣṇavāribhiḥ // / gharṣayedvilvapatrādyairlepagaṃdhāpanuttaye // ### [7.2.24.42](https://indike.org/pramana/in.purana.siva.7.2.24.42) / punaḥ saṃsnāpya salilaiścakravartyupacārataḥ // ### [7.2.24.42.p1](https://indike.org/pramana/in.purana.siva.7.2.24.42.p1) 1 klībatvamārṣam 2 mahata iti kṣeṣa- ### [7.2.24.42.p2](https://indike.org/pramana/in.purana.siva.7.2.24.42.p2) 573a ### [7.2.24.42.p3](https://indike.org/pramana/in.purana.siva.7.2.24.42.p3) sugaṃdhāmalakaṃ dadyāddharidrāṃ ca yathākramam // ### [7.2.24.42.p4](https://indike.org/pramana/in.purana.siva.7.2.24.42.p4) tataḥ saṃśodhya salilairliṃgaṃ beramathāpi vā // ### [7.2.24.42.p5](https://indike.org/pramana/in.purana.siva.7.2.24.42.p5) snāpayedgaṃdhatoyena kuśapuṣpodakena ca // ### [7.2.24.42.p6](https://indike.org/pramana/in.purana.siva.7.2.24.42.p6) hiraṇyaratnatoyaiśca maṃtrasiddhairyathākramam // ### [7.2.24.42.p7](https://indike.org/pramana/in.purana.siva.7.2.24.42.p7) asaṃbhave tu dravyāṇāṃ yathāsaṃbhavasaṃbhṛtaiḥ // ### [7.2.24.42.p8](https://indike.org/pramana/in.purana.siva.7.2.24.42.p8) kevalairmaṃtratoyairvā snāpayecchraddhayā śivam // ### [7.2.24.42.p9](https://indike.org/pramana/in.purana.siva.7.2.24.42.p9) kalaśenātha śaṃkhena vardhanyā pāṇinā tathā // ### [7.2.24.42.p10](https://indike.org/pramana/in.purana.siva.7.2.24.42.p10) sakuśena sapuṣpeṇa snāpayenmaṃtrapūrvakam // ### [7.2.24.42.p11](https://indike.org/pramana/in.purana.siva.7.2.24.42.p11) pavamānena rudreṇa nīlena tvaritena ca // ### [7.2.24.42.p12](https://indike.org/pramana/in.purana.siva.7.2.24.42.p12) liṃgasūktādisūktaiśca śirasātharvaṇena ca // ### [7.2.24.42.p13](https://indike.org/pramana/in.purana.siva.7.2.24.42.p13) ṛgbhiśca sāmabhiḥ śaivairbrahmabhiścāpi pañcabhiḥ // ### [7.2.24.42.p14](https://indike.org/pramana/in.purana.siva.7.2.24.42.p14) snāpayeddevadeveśaṃ śivena praṇavena ca // ### [7.2.24.42.p15](https://indike.org/pramana/in.purana.siva.7.2.24.42.p15) yathā devasya devyāśca kuryātsnānādikaṃ tathā // ### [7.2.24.42.p16](https://indike.org/pramana/in.purana.siva.7.2.24.42.p16) na tu kaścidviśeṣo 'sti tatra tau sadṛśau yataḥ // ### [7.2.24.42.p17](https://indike.org/pramana/in.purana.siva.7.2.24.42.p17) prathamaṃ devamuddiśya kṛtvā snānādikāḥ kriyāḥ // ### [7.2.24.42.p18](https://indike.org/pramana/in.purana.siva.7.2.24.42.p18) devyaiḥ praścātprakurvīta devadevasya śāsanāt // ### [7.2.24.42.p19](https://indike.org/pramana/in.purana.siva.7.2.24.42.p19) ardhanārīśvare pūjye paurvāparyaṃ na vidyate // ### [7.2.24.42.p20](https://indike.org/pramana/in.purana.siva.7.2.24.42.p20) tatra tatropacārāṇāṃ liṃge vānyatra vā kvacit // ### [7.2.24.42.p21](https://indike.org/pramana/in.purana.siva.7.2.24.42.p21) kṛtvā 'bhiṣekaṃ liṃgasya śucinā ca sugaṃdhinā // ### [7.2.24.42.p22](https://indike.org/pramana/in.purana.siva.7.2.24.42.p22) saṃmṛjya vāsasā dadyādaṃbaraṃ copavītakam // ### [7.2.24.42.p23](https://indike.org/pramana/in.purana.siva.7.2.24.42.p23) pādyamācamanaṃ cārghyaṃ gaṃdhaṃ puṣpaṃ ca bhūṣaṇam // ### [7.2.24.42.p24](https://indike.org/pramana/in.purana.siva.7.2.24.42.p24) dhūpaṃ dīpaṃ ca naivedyaṃ pānīyaṃ mukhaśodhanam // ### [7.2.24.42.p25](https://indike.org/pramana/in.purana.siva.7.2.24.42.p25) punaścācamanīyaṃ ca mukhavāsaṃ tataḥ param // ### [7.2.24.42.p26](https://indike.org/pramana/in.purana.siva.7.2.24.42.p26) mukuṭaṃ ca śubhaṃ bhadraṃ sarvaratnairalaṃkṛtam // ### [7.2.24.42.p27](https://indike.org/pramana/in.purana.siva.7.2.24.42.p27) bhūṣaṇāni pavitrāṇi mālyāni vividhāni ca // ### [7.2.24.42.p28](https://indike.org/pramana/in.purana.siva.7.2.24.42.p28) vyajane cāmare chatraṃ tālavṛṃtaṃ ca darpaṇam // ### [7.2.24.42.p29](https://indike.org/pramana/in.purana.siva.7.2.24.42.p29) dattvā nīrājanaṃ kuryātsarvamaṃgalanisvanaiḥ // ### [7.2.24.42.p30](https://indike.org/pramana/in.purana.siva.7.2.24.42.p30) gītanṛtyādibhiścaiva jayaśabdasamanvitaḥ // ### [7.2.24.42.p31](https://indike.org/pramana/in.purana.siva.7.2.24.42.p31) haime ca rājate tāmre pātre vā mṛnmaye śubhe // ### [7.2.24.42.p32](https://indike.org/pramana/in.purana.siva.7.2.24.42.p32) padmakaiśśobhitaiḥ puṣpairbījairdadhyakṣatādibhiḥ // ### [7.2.24.42.p33](https://indike.org/pramana/in.purana.siva.7.2.24.42.p33) triśūlaśaṃkhayugmābjanandyāvartaiḥ karīṣajaiḥ // ### [7.2.24.42.p34](https://indike.org/pramana/in.purana.siva.7.2.24.42.p34) śrīvatsasvastikādarśavajrairvahnyādicihnitaiḥ // ### [7.2.24.42.p35](https://indike.org/pramana/in.purana.siva.7.2.24.42.p35) aṣṭau pradīpānparito vidhāyaikaṃ tu madhyame // ### [7.2.24.42.p36](https://indike.org/pramana/in.purana.siva.7.2.24.42.p36) teṣu vāmādikāścintyāḥ pūjyāśca nava śaktayaḥ // ### [7.2.24.42.p37](https://indike.org/pramana/in.purana.siva.7.2.24.42.p37) kavacena samācchādya saṃrakṣyāstreṇa sarvataḥ // ### [7.2.24.42.p38](https://indike.org/pramana/in.purana.siva.7.2.24.42.p38) dhenumudrāṃ ca saṃdarśya pāṇibhyāṃ pātramuddharet // ### [7.2.24.42.p39](https://indike.org/pramana/in.purana.siva.7.2.24.42.p39) athavāropayetpātre pañcadīpānyathākramam // ### [7.2.24.42.p40](https://indike.org/pramana/in.purana.siva.7.2.24.42.p40) vidikṣvapi ca madhye ca dīpamekamathāpi vā // ### [7.2.24.42.p41](https://indike.org/pramana/in.purana.siva.7.2.24.42.p41) tatastatpātramuddhṛtya liṃgāderupari kramāt // ### [7.2.24.42.p42](https://indike.org/pramana/in.purana.siva.7.2.24.42.p42) triḥ pradakṣiṇayogena bhrāmayenmūlavidyayā // ### [7.2.24.42.p43](https://indike.org/pramana/in.purana.siva.7.2.24.42.p43) dadyādarghyaṃ tato mūrdhni bhasitaṃ ca sugaṃdhitam // ### [7.2.24.42.p44](https://indike.org/pramana/in.purana.siva.7.2.24.42.p44) kṛtvā puṣpāṃjaliṃ paścādupahārānnivedayet // ### [7.2.24.42.p45](https://indike.org/pramana/in.purana.siva.7.2.24.42.p45) pānīyaṃ ca tato dadyāddattvā vācamanaṃ punaḥ // ### [7.2.24.42.p46](https://indike.org/pramana/in.purana.siva.7.2.24.42.p46) 573b ### [7.2.24.42.p47](https://indike.org/pramana/in.purana.siva.7.2.24.42.p47) pañcasaugaṃdhikopetaṃ tāmbūlaṃ ca nivedayet // ### [7.2.24.42.p48](https://indike.org/pramana/in.purana.siva.7.2.24.42.p48) prokṣayetprokṣaṇīyāni gānanāṭyāni kārayet // ### [7.2.24.42.p49](https://indike.org/pramana/in.purana.siva.7.2.24.42.p49) liṃgādau śivayościntāṃ kṛtvā śaktyajapecchivam // ### [7.2.24.42.p50](https://indike.org/pramana/in.purana.siva.7.2.24.42.p50) pradakṣiṇaṃ praṇāmaṃ ca stavaṃ cātmasamarpaṇam // ### [7.2.24.42.p51](https://indike.org/pramana/in.purana.siva.7.2.24.42.p51) vijñāpanaṃ ca kāryāṇāṃ kuryādvinayapūrvakam // ### [7.2.24.42.p52](https://indike.org/pramana/in.purana.siva.7.2.24.42.p52) arghyaṃ puṣpāṃjaliṃ dattvā baddhvā mudrāṃ yathāvidhi // ### [7.2.24.42.p53](https://indike.org/pramana/in.purana.siva.7.2.24.42.p53) paścātkṣamāpayeddevamudvāsyātmani ciṃtayet // ### [7.2.24.42.p54](https://indike.org/pramana/in.purana.siva.7.2.24.42.p54) pādyādimukhavāsāṃtamarghyādyaṃ cātisaṃkaṭe // ### [7.2.24.42.p55](https://indike.org/pramana/in.purana.siva.7.2.24.42.p55) puṣpavikṣepamātraṃ vā kuryādbhāvapurassaram // ### [7.2.24.42.p56](https://indike.org/pramana/in.purana.siva.7.2.24.42.p56) tāvataiva paro dharmo bhāvane sukṛto bhavet // ### [7.2.24.42.p57](https://indike.org/pramana/in.purana.siva.7.2.24.42.p57) asaṃpūjya na bhuñjīta śivamāprāṇasaṃcarāt // ### [7.2.24.42.p58](https://indike.org/pramana/in.purana.siva.7.2.24.42.p58) yadi pāpastu bhuṃjīta svairaṃ taysa na niṣkṛtiḥ // ### [7.2.24.42.p59](https://indike.org/pramana/in.purana.siva.7.2.24.42.p59) pramādena tu bhuṃkte cettadudgīrya prayatnataḥ // ### [7.2.24.42.p60](https://indike.org/pramana/in.purana.siva.7.2.24.42.p60) snātvā dviguṇamabhyarcya devaṃ devīmupoṣya ca // ### [7.2.24.42.p61](https://indike.org/pramana/in.purana.siva.7.2.24.42.p61) śivasyāyutamabhyasyedbrahmacaryapurassaram // ### [7.2.24.42.p62](https://indike.org/pramana/in.purana.siva.7.2.24.42.p62) paredyuśśaktito dattvā suvarṇādyaṃ śivāya ca // ### [7.2.24.42.p63](https://indike.org/pramana/in.purana.siva.7.2.24.42.p63) śivabhaktāya vā kṛtvā mahāpūjāṃ śucirbhavet // ### [7.2.24.42.p64](https://indike.org/pramana/in.purana.siva.7.2.24.42.p64) oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śāstroktaśivapūjanavarṇanaṃ nāma caturviṃśo 'dhyāyaḥ ### [7.2.24.42.p65](https://indike.org/pramana/in.purana.siva.7.2.24.42.p65) Chapter 25 upamanyuruvāca anuktaṃ cātra pūjāyāḥ kamalopabhayādiva // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.2.24.1) — Sanskrit ## Linked texts (4) - [Kriyāsāra](https://indike.org/pramana/in.sampradaya.saiva.virasaiva.kriyasara.2.5.112) — Śrīkaṇtha, Sanskrit - [Śrīvidyārṇavatantra](https://indike.org/pramana/in.sampradaya.saiva.agama.srividya.srividyarnavatantra.8.437) — Sanskrit - [Kriyāsāraḥ](https://indike.org/pramana/in.sampradaya.saiva.virasaiva.kriyasarah.1.106_346) — Sanskrit - [Dīkṣāprakāśa](https://indike.org/pramana/in.niti.dharma.samskara.diksaprakasa.3.484) — Sanskrit --- Source: [https://indike.org/pramana/in.purana.siva.7.2.24](https://indike.org/pramana/in.purana.siva.7.2.24) · Pramāṇa