Shivapurana 7.2.25
Śivapurāṇa 7.2.25
- Language
- Sanskrit
Contents
7.2.25.1
/
yattadanyatpravakṣyāmi samāsānna tu vistarāt //
/
havirnivedanātpūrvaṃ dīpadānādanantaram //
7.2.25.2
/
kuryādāvaraṇābhyarcāṃ prāpte nīrājane 'tha vā //
/
tatreśānādisadyāṃtaṃ rudrādyastrāṃtameva ca //
7.2.25.3
/
śivasya vā śivāyāśca prathamāvaraṇe japet //
/
aiśānyāṃ pūrvabhāge ca dakṣiṇe cottare tathā //
7.2.25.4
/
paścime ca tathāgneyyāmaiśānyāṃ nairṛte tathā //
/
vāyavyāṃ punaraiśānyāṃ caturdikṣu tataḥ param //
7.2.25.5
/
garbhāvaraṇamākhyātaṃ mantrasaṃghātameva vā //
/
hṛdayādyastraparyaṃtamathavāpi samarcayet //
7.2.25.6
/
tadbahiḥ pūrvataḥ śakraṃ yamaṃ dakṣiṇato yajet //
/
varuṇaṃ vāruṇe bhāge dhanadaṃ cottare budhaḥ //
7.2.25.7
/
īśamaiśe 'nalaṃ svīye nairṛte nirṛtiṃ yajet //
/
mārute mārutaṃ viṣṇuṃ nairṛte vidhimaiśvare //
7.2.25.8
/
bahiḥpadmasya vajrādyānyabjāṃtānyāyudhānyapi //
/
prasiddharūpāṇyāśāsu lokeśānāṃ kramādyajet //
7.2.25.9
/
devaṃ devīṃ ca saṃprekṣya sarvāvaraṇadevatāḥ //
/
baddhāṃjalipuṭā dhyeyāḥ samāsīnā yathāsukham //
7.2.25.10
/
sarvāvaraṇadevānāṃ svābhidhānairnamoyutaiḥ //
/
puṣpaiḥ saṃpūjanaṃ kuryānnatvā sarvānyathākramam //
7.2.25.11
/
garbhāvaraṇamevāpi yajetsvāvaraṇena vā //
/
yoge dhyāne jape home vāhye vābhyaṃtare 'pi vā //
7.2.25.12
/
haviśca ṣaḍvidhaṃ deyaṃ śuddhaṃ mudgānnameva ca //
/
pāyasaṃ dadhisaṃmiśraṃ gauḍaṃ ca madhunāplutam //
7.2.25.13
/
574a
7.2.25.13.p1
eteṣvekamanekaṃ vā nānāvyaṃjanasaṃyutam //
7.2.25.13.p2
guḍakhaṃḍanvitaṃ dadyānmathitaṃ dadhi cottamam //
7.2.25.13.p3
bhakṣyāṇyapūpamukhyāni svādumaṃti phalāni ca //
7.2.25.13.p4
raktacandanapuṣpāḍhyaṃ pānīyaṃ cātiśītalam //
7.2.25.13.p5
mṛdu elārasāktaṃ ca khaṇḍaṃ pūgaphalasya ca //
7.2.25.13.p6
dalāni nāgavallyāśca yuktāni khadirādibhiḥ //
7.2.25.13.p7
gaurāṇi svarṇavarṇāni vihitāni śivāni ca //
7.2.25.13.p8
śailameva sitaṃ cūrṇaṃ nātirūkṣaṃ na dūṣitam //
7.2.25.13.p9
karpūraṃ cātha kaṃkolaṃ jātyādi ca navaṃ śubham //
7.2.25.13.p10
ālepanaṃ candanaṃ syānmūlakāṣṭhaṃrajomayam //
7.2.25.13.p11
kastūrikā kuṃkumaṃ ca raso mṛgamadātmakaḥ //
7.2.25.13.p12
puṣpāṇi surabhīṇyeva pavitrāṇi śubhāni ca //
7.2.25.13.p13
nirgaṃdhānyugragaṃdhāni dūṣitānyuṣitāni ca //
7.2.25.13.p14
svayameva viśīrṇāni na deyāni śivārcane //
7.2.25.13.p15
vāsāṃsi ca mṛdūnyeva tapanīyamayāni ca //
7.2.25.13.p16
vidyudvalayakalpāni bhūṣaṇāni viśeṣataḥ //
7.2.25.13.p17
sarvāṇyetāni karpūraniryāsāgurucandanaiḥ //
7.2.25.13.p18
ādhūpitāni puṣpaughairvāsitāni samaṃtataḥ //
7.2.25.13.p19
candanāgurukarpūrakāṣṭhaguggulucūrṇikaiḥ //
7.2.25.13.p20
ghṛtena madhunā caiva siddho dhūpaḥ praśasyate //
7.2.25.13.p21
kapilāsambhavenaiva ghṛtenātisugandhinā //
7.2.25.13.p22
nityaṃ pradīpitā dīpāḥ śastāḥ karpūrasaṃyutāḥ //
7.2.25.13.p23
pañcagavyaṃ ca madhuraṃ payo dadhi ghṛtaṃ tathā //
7.2.25.13.p24
kapilāsambhavaṃ śambhoriṣṭaṃ snāne ca pānake //
7.2.25.13.p25
āsanāni ca bhadrāṇi gajadaṃtamayāni ca //
7.2.25.13.p26
suvarṇaratnayuktāni citrāṇyāstaraṇāni ca //
7.2.25.13.p27
mṛdūpadhānayuktāni sūkṣmatūlamayāni ca //
7.2.25.13.p28
uccāvacāni ramyāṇi śayanāni sukhāni ca //
7.2.25.13.p29
nadyassamudragāminyā naṭādvāmbhaḥ samāhṛtam //
7.2.25.13.p30
śītañca vastrapūtaṃ tadviśiṣṭaṃ snānapānayoḥ //
7.2.25.13.p31
chatraṃ śaśinibhaṃ cāru muktādāmavirājitam //
7.2.25.13.p32
navaratnacitaṃ divyaṃ hemadaṇḍamanoharam //
7.2.25.13.p33
cāmare ca site sūkṣme cāmīkarapariṣkṛte //
7.2.25.13.p34
rājahaṃsadvayākāre ratnadaṃḍopaśobhite //
7.2.25.13.p35
darpaṇaṃ cāpi susnigdhaṃ divyagandhānulepanam //
7.2.25.13.p36
samaṃtādratnasañchannaṃ sragvairaiścāpi bhūṣitam //
7.2.25.13.p37
gambhīraninadaḥ śaṃkho haṃsakuṃdendusannibhaḥ //
7.2.25.13.p38
āsvapṛṣṭhādideśeṣu ratnacāmīkarācitaḥ //
7.2.25.13.p39
kāhalāni ca ramyāṇi nānānādakarāṇi ca //
7.2.25.13.p40
suvarṇanirmitānyeva mauktikālaṃkṛtāni ca //
7.2.25.13.p41
bherīmṛdaṃgamurajatimicchapaṭahādayaḥ //
7.2.25.13.p42
samudrakalpasannādāḥ kalpanīyāḥ prayatnataḥ //
7.2.25.13.p43
bhāṃḍānyapi ca ramyāṇi patrāṇyapi ca kṛtsnaśaḥ //
7.2.25.13.p44
574b
7.2.25.13.p45
tadādhārāṇi 1 sarvāṇi sauvarṇānyeva sādhayet //
7.2.25.34
/
ālayaṃ ca maheśasya śivasya paramātmanaḥ //
7.2.25.35
/
rājāvasathavatkalpyaṃ śilpaśāstroktalakṣaṇam //
/
uccaprākārasaṃbhinnaṃ bhūdharākāragopuram //
7.2.25.36
/
anekaratnasaṃcchannaṃ hemadvārakapāṭakam //
/
taptajāṃbūnadamayaṃ ratnastambhaśatāvṛtam //
7.2.25.37
/
muktādāmavitānāḍhyaṃ vidrumadvāratoraṇam //
/
cāmīkaramayairdivyairmukuṭaiḥ kumbhalakṣaṇaiḥ //
7.2.25.38
/
alaṃkṛtaśirobhāgamastra 2rājena cihnitam //
/
rājanyārhanivāsaiśca rājavīthyādiśobhitaiḥ //
7.2.25.39
/
procchritaprāṃśuśikharaiḥ prāsādaiśca samaṃtataḥ //
/
āsthānasthānavaryaiśca sthitairdikṣu vidikṣu ca //
7.2.25.40
/
atyantālaṃkṛtaprāṃtamaṃtarāvaraṇairiva //
/
uttamastrīsahasraiśca nṛtyageyaviśāradaiḥ //
7.2.25.41
/
veṇuvīṇāvidagdhaiśca puruṣairbahubhiryutam //
/
rakṣitaṃ rakṣibhirvīrairgajavājirathānvitaiḥ //
7.2.25.42
/
anekapuṣpavāṭībhiranekaiśca sarovaraiḥ //
/
dīrghikābhiranekābhirdigvidikṣu virājitam //
7.2.25.43
/
vedavedāṃtatattvajñaiśśivaśāstraparāyaṇaiḥ //
/
śivāśramaratairbhaktaiḥ śivaśāstroktalakṣaṇaiḥ //
7.2.25.44
/
śāṃtaiḥ smitamukhaiḥ sphītaiḥ sadācāraparāyaṇaiḥ //
/
śaivairmāheśvaraiścaiva śrīmadbhissevitadvijaiḥ //
7.2.25.45
/
evamaṃtarbahirvāthayathāśaktivinirmitaiḥ //
/
sthāne śilāmaye dāṃte dārave ceṣṭakāmaye //
7.2.25.46
/
kevalaṃ mṛnmaye vāpi puṇyāraṇye 'tha vā girau //
/
nadyāṃ devālaye 'nyatra deśe vātha gṛhe śubhe //
7.2.25.47
/
āḍhyo vātha daridro vā svakāṃ śaktimavaṃcayan //
/
dravyairnyāyārjitaireva bhaktyā devaṃ samarcayet //
/
athānyāyārjitaiścāpi bhaktyā cecchivamarcayet //
7.2.25.48
/
na tasya pratyavāyo 'sti bhāvavaśyo yataḥ prabhuḥ //
/
nyāyārjitairapi dravyairabhaktyā pūjayedyadi //
7.2.25.49
/
na tatphalamavāpnoti bhaktirevātra kāraṇam //
/
bhaktyā vittānusāreṇa śivamuddiśya yatkṛtam //
7.2.25.50
/
alpe mahati vā tulyaṃ phalamāḍhyadaridrayoḥ //
/
bhaktyā pracoditaḥ kuryādalpavittopi mānavaḥ //
7.2.25.51
/
mahāvibhavasāropi na kuryādbhaktivarjitaḥ //
/
sarvasvamapi yo dadyācchive bhaktivivarjitaḥ //
7.2.25.52
/
na tena phalabhāksa syādbhaktirevātra kāraṇam //
/
na tattapobhiratyugrairna ca sarvairmahāmakhaiḥ //
7.2.25.53
/
gacchecchivapuraṃ divyaṃ muktvā bhaktiṃ śivātmakam //
7.2.25.53.p1
1 sambandhamanuvartate iti bhāṣyātkvacidghañāntasyāpi klībatāta eva śeṣaṃ rāmavadityādi saṃgacchate
2 triśūleneti bhāvaḥ
7.2.25.53.p2
575a
7.2.25.53.p3
guhyādguhyataraṃ kṛṣṇa sarvatra parameśvare //
7.2.25.53.p4
śive bhaktirna saṃdehastayā bhakto vimucyate //
7.2.25.53.p5
śivamaṃtrajapo dhyānaṃ homo yajñastapaḥśrutam //
7.2.25.53.p6
dānamadhyayanaṃ sarve bhāvārthaṃ nātra saṃśayaḥ //
7.2.25.53.p7
bhāvahīno narassarvaṃ kṛtvāpi na vimucyate //
7.2.25.53.p8
bhāvayuktaḥ punassarvamakṛtvāpi vimucyate //
7.2.25.53.p9
cāṃdrāyaṇasahasraiśca prājāpatyaśataistathā //
7.2.25.53.p10
māsopavāsaiścānyaiśca śivabhaktasya kiṃ punaḥ //
7.2.25.53.p11
abhaktā mānavāścāsmiṃlloke giriguhāsu ca //
7.2.25.53.p12
tapaṃti cālpabhogārthaṃ bhakto bhāvena mucyate //
7.2.25.53.p13
sāttvikaṃ muktidaṃ karma sattve vai yoginaḥ sthitāḥ //
7.2.25.53.p14
rājasaṃ siddhidaṃ kuryuḥ karmiṇo rajasāvṛtāḥ //
7.2.25.53.p15
asurā rākṣasāścaiva tamoguṇasamanvitāḥ //
7.2.25.53.p16
aihikārthaṃ yajantīśaṃ narāścānye 'pi tādṛśāḥ //
7.2.25.53.p17
tāmasaṃ rājasaṃ vāpi sāttvikaṃ bhāvameva ca //
7.2.25.53.p18
āśritya bhaktyā pūjādyaṃ kurvanbhadraṃ samaśnute //
7.2.25.53.p19
yataḥ pāpārṇavāttrātuṃ bhaktirnauriva nirmitā //
7.2.25.53.p20
tasmādbhaktyupapannasya rajasā tamasā ca kim //
7.2.25.53.p21
antyajo vādhamo vāpi mūrkho vā patito 'pi vā //
7.2.25.53.p22
śivaṃ prapannaścetkṛṣṇa pūjyassarvasurāsuraiḥ //
7.2.25.53.p23
tasmātsarvaprayatnena bhaktyaiva śivamarcayet //
7.2.25.53.p24
abhuktānāṃ kvacidapi phalaṃ nāsti yatastataḥ //
7.2.25.53.p25
vakṣyāmyatirahasyaṃ te śṛṇu kṛṣṇa vaco mama //
7.2.25.53.p26
vedaiśśāstrairvedavidbhirvicārya suviniścitam //
7.2.25.53.p27
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śivaśāstroktapūjanavarṇanaṃ nāma pañcaviṃśo 'dhyāyaḥ
7.2.25.53.p28
Chapter 26
upamanyuruvāca
brahmaghno vā surāpo vā steyīvā gurutalpagaḥ //
Other recensions (1)
- Śivapurāṇa (complete text) — Sanskrit
Linked texts (1)
- Kriyāsāra — Śrīkaṇtha, Sanskrit