Shivapurana 7.2.26
Śivapurāṇa 7.2.26
- Language
- Sanskrit
Contents
- 7.2.26.9 — 56 parts
7.2.26.1
/
mātṛhā pitṛhā vāpi vīrahā bhrūṇahāpi vā //
/
saṃpūjyāmantrakaṃ bhaktyā śivaṃ paramakāraṇam //
7.2.26.2
/
taistaiḥ pāpaiḥ pramucyeta varṣairdvādaśabhiḥ kramāt //
/
tasmātsarvaprayatnena patito 'pi yajecchivam //
7.2.26.3
/
bhaktaścennāparaḥ kaścidbhikṣāhāro jiteṃdriyaḥ //
/
kṛtvāpi sumahatpāpaṃ bhaktyā pañcākṣareṇa tu //
7.2.26.4
/
pūjayedyadi deveśaṃ tasmātpāpātpramucyate //
/
abbhakṣā vāyubhakṣāśca ye cānye vratakarśitāḥ //
7.2.26.5
/
teṣāmetairvratairnāsti śivalokasamāgamaḥ //
/
bhaktyā pañcākṣareṇaiva yaḥ śivaṃ sakṛdarcayet //
7.2.26.6
/
sopi gacchecchivasthānaṃ śivamantrasya gauravāt //
/
tasmāttapāṃsi yajñāṃśca sarve sarvasvadakṣiṇāḥ //
7.2.26.7
/
śivamūrtyarcanasyaite koṭyaṃśenāpi no samāḥ //
/
baddho vāpyatha mukto vā paścātpañcākṣareṇa cet //
7.2.26.8
/
pūjayanmucyate bhakto nātra kāryā vicāraṇā //
/
arudro vā sarudro vā sūktena śivamarcayet //
7.2.26.9
/
yaḥ sakṛtpatito vāpimūḍho vā mucyate naraḥ //
/
575b
7.2.26.9.p1
ṣaḍakṣareṇa vā devaṃ sūktamantreṇa pūjayet //
7.2.26.9.p2
śivabhakto jitakrodho hyalabdho labdha eva ca //
7.2.26.9.p3
alabdhāllabdha evātra viśiṣṭo nātra saṃśayaḥ //
7.2.26.9.p4
sa brahmāṃgena vā tena sahaṃsena vimucyate //
7.2.26.9.p5
tasmānnityaṃ śivaṃ bhaktyā sūktamantreṇa pūjayet //
7.2.26.9.p6
ekakālaṃ dvikālaṃ vā trikālaṃ nityameva vā //
7.2.26.9.p7
ye 'rcayaṃti mahādevaṃ vijñeyāste maheśvarāḥ //
7.2.26.9.p8
jñānenātmasahāyena nārcito bhagavāñchivaḥ //
7.2.26.9.p9
sa ciraṃ saṃsaratyasminsaṃsāre duḥkhasāgare //
7.2.26.9.p10
durllabhaṃ prāpya mānuṣyaṃ mūḍho nārcayate śivam //
7.2.26.9.p11
niṣphalaṃ tasya tajjanma mokṣāya na bhavedyataḥ //
7.2.26.9.p12
durllabhaṃ prāpya mānuṣyaṃ ye 'rcayanti pinākinam //
7.2.26.9.p13
teṣāṃ hi saphalaṃ janma kṛtārthāste narottamāḥ //
7.2.26.9.p14
bhavabhaktiparā ye ca bhavapraṇatacetasaḥ //
7.2.26.9.p15
bhavasaṃsmaraṇodyuktā na te duḥkhasya bhāginaḥ //
7.2.26.9.p16
bhavanāni manojñāni vibhramābharaṇāḥ striyaḥ //
7.2.26.9.p17
dhanaṃ cātṛptiparyantaṃ śivapūjāvidheḥ phalam //
7.2.26.9.p18
ye vāñchanti mahābhogānrājyaṃ ca tridaśālaye //
7.2.26.9.p19
te vāñchanti sadākālaṃ harasya caraṇāmbujam //
7.2.26.9.p20
saubhāgyaṃ kāntimadrūpaṃ sattvaṃ tyāgārdrabhāvatā //
7.2.26.9.p21
śauryaṃ vai jagati khyātiśśivamarcayato bhavet //
7.2.26.9.p22
tasmātsarvaṃ parityajya śivaikāhitamānasaḥ //
7.2.26.9.p23
śivapūjāvidhiṃ kuryādyadīcchecchivamātmanaḥ //
7.2.26.9.p24
tvaritaṃ jīvitaṃ yāti tvaritaṃ yāti yauvanam //
7.2.26.9.p25
tvaritaṃ vyādhirabhyeti tasmātpūjyaḥ pinākadhṛk //
7.2.26.9.p26
yāvannāyāti maraṇaṃ yāvannākramate jarā //
7.2.26.9.p27
yāvannendriyavaikalyaṃ tāvatpūjaya śaṃkaram //
7.2.26.9.p28
na śivārcanatulyo 'sti dharmo 'nyo bhuvanatraye //
7.2.26.9.p29
iti vijñāya yatnena pūjanīyassadāśivaḥ //
7.2.26.9.p30
dvārayāgaṃ javanikāṃ parivārabalikriyām //
7.2.26.9.p31
nityotsavaṃ ca kurvīta prasāde yadi pūjayet //
7.2.26.9.p32
havirnivedanādūrdhvaṃ svayaṃ cānucaro 'pi vā //
7.2.26.9.p33
prasādaparivārebhyo baliṃ dadyādyathākramam //
7.2.26.9.p34
nirgamya saha vāditraistadāśābhimukhaḥ sthitaḥ //
7.2.26.9.p35
puṣpaṃ dhūpaṃ ca dīpañca dadyādannaṃ jalaiḥ saha //
7.2.26.9.p36
tato dadyānmahāpīṭhe tiṣṭhanbalimudaṅmukhaḥ //
7.2.26.9.p37
tato niveditaṃ deve yattadannādikaṃ purā //
7.2.26.9.p38
tatsarvaṃ sāvaśeṣaṃ vā caṇḍāya vinivedayet //
7.2.26.9.p39
hutvā ca vidhivatpaścātpūjāśeṣaṃ samāpayet //
7.2.26.9.p40
kṛtvā prayogaṃ vidhivadyāvanmantraṃ japaṃ tataḥ //
7.2.26.9.p41
nityotsavaṃ prakurvīta yathoktaṃ śivaśāsane //
7.2.26.9.p42
576a
7.2.26.9.p43
vipule taijase pātre raktapadmopaśobhite //
7.2.26.9.p44
astraṃ pāśupataṃ divyaṃ tatrāvāhya samarcayet //
7.2.26.9.p45
śivasyāropyaḥ tatpātraṃ dvijasyālaṃkṛtasya ca //
7.2.26.9.p46
nyastāstravapuṣā tena dīptayaṣṭidharasya ca //
7.2.26.9.p47
prāsādaparivārebhyo bahirmaṃgalaniḥsvanaiḥ //
7.2.26.9.p48
nṛtyageyādibhiścaiva saha dīpadhvajādibhiḥ //
7.2.26.9.p49
pradakṣiṇatrayaṃ kṛtvā na drutaṃ cāvilambitam //
7.2.26.9.p50
mahāpīṭhaṃ samāvṛtya triḥpradakṣiṇayogataḥ //
7.2.26.9.p51
punaḥ praviṣṭo dvārastho yajamānaḥ kṛtāñjaliḥ //
7.2.26.9.p52
ādāyābhyaṃtaraṃ nītvā hyastramudvāsayet tataḥ //
7.2.26.9.p53
pradakṣiṇādikaṃ kṛtvā yathāpūrvoditaṃ kramāt //
7.2.26.9.p54
ādāya cāṣṭapuṣpāṇi pūjāmatha samāpayet //
7.2.26.9.p55
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe sāṃgopāṃgapūjāvidhānavarṇanaṃ nāma ṣaḍviṃśo 'dhyāyaḥ
7.2.26.9.p56
Chapter 27
upamanyuruvāca
athāgnikāryaṃ vakṣyāmi kuṇḍe vā sthaṃḍile 'pi vā //
Linked texts (1)
- Kriyāsāra — Śrīkaṇtha, Sanskrit