Pramāṇa · Search · About · API

Shivapurana 7.2.27

Śivapurāṇa 7.2.27

Language
Sanskrit

Contents

7.2.27.1

/
vedyāṃ vā hyāyase pātre mṛnmaye vā nave śubhe //
/
ādhāyāgniṃ vidhānena saṃskṛtya ca tataḥ param //

7.2.27.2

/
tatrārādhya mahādevaṃ homakarma samācaret //
/
kuṇḍaṃ dvihastamānaṃ vā hastamātramathāpi vā //

7.2.27.3

/
vṛttaṃ vā caturasraṃ vā kuryādvediṃ ca maṇḍalam //
/
kuṇḍaṃ vistāravannimnaṃ tanmadhye 'ṣṭadalāmbujam //

7.2.27.4

/
caturaṃgulamutsedhaṃ tasya dvyaṃgulameva vā //
/
vitastidviguṇonnatyā nābhimantaḥ pracakṣate //

7.2.27.5

/
madhyaṃ ca madhyamāṃgulyā madhyamottamaparvaṇoḥ //
/
aṃgulaiḥ kathyate sadbhiścaturviṃśatibhiḥ karaḥ //

7.2.27.6

/
mekhalānāṃ trayaṃ vāpi dvayamekamathāpi vā //
/
yathāśobhaṃ prakurvīta ślakṣṇamiṣṭaṃ mṛdā sthiram //

7.2.27.7

/
aśvatthapatravadyoniṃ gajādhāravadeva vā //
/
mekhalāmadhyataḥ kuryātpaścime dakṣiṇe 'pi vā //

7.2.27.8

/
śobhanāmagnitaḥ kiṃcinnimnāmunmīlikāṃ śanaiḥ //
/
agreṇa kuṇḍābhimukhīṃ kiṃcidutsṛjya mekhalām //

7.2.27.9

/
notsedhaniyamo vedyāḥ sā mārdī vātha saikatī //
/
maṃḍalaṃ gośakṛttoyairmānaṃ pātrasya noditam //

7.2.27.10

/
kuṇḍaṃ ca mṛnmayaṃ vedimālipedgomayāṃbunā //
/
prakṣālya tāpayetpātraṃ prokṣayedanyadaṃbhasā //

7.2.27.11

/
svasūtroktaprakāreṇa kuṇḍādau villikhettataḥ //
/
saṃprokṣya kalpayeddarbhaiḥ puṣpairvā vahniviṣṭaram //

7.2.27.12

/
arcanārthaṃ ca homārthaṃ sarvadravyāṇi sādhayet //
/
prakṣālyakṣālanīyāni prokṣaṇyā prokṣya śodhayet //

7.2.27.13

/
maṇijaṃ kāṣṭhajaṃ vātha śrotriyāgārasambhavam //

7.2.27.13.p1

1 adantatvamārṣam

7.2.27.13.p2

576b

7.2.27.13.p3

anyaṃ vābhyarhitaṃ vahniṃ tataḥ sādhāramānayet //

7.2.27.13.p4

triḥ pradakṣiṇamāvṛtya kuṇḍāderupari kramāt //

7.2.27.13.p5

vahnibījaṃ samuccārya tvādadhītāgnimāsane //

7.2.27.13.p6

yonimārgeṇa vā tadvadātmanaḥ saṃmukhena vā //

7.2.27.13.p7

niyogaḥ pradeśa sarvaṃ kuṃḍaṃ kuryādvicakṣaṇaḥ //

7.2.27.13.p8

svanābhyaṃtaḥsthitaṃ vahniṃ tadraṃdhrādvisphuliṃgavad //

7.2.27.13.p9

nirgamya pāvake bahye līnaṃ biṃbākṛti smaret //

7.2.27.13.p10

ājyasaṃskāraparyaṃtamanvādhānapurassaram //

7.2.27.13.p11

svasūtroktakramātkuryānmūlamantreṇa mantravit //

7.2.27.13.p12

śivamūrtiṃ samabhyarcya tato dakṣiṇapārśvataḥ //

7.2.27.13.p13

nyasya mantraṃ ghṛte mudrāṃ darśayeddhenusaṃjñitām //

7.2.27.13.p14

sruksruvau taijasau grāhyau na kāṃsyāyasasaisakau //

7.2.27.13.p15

yajñadārumayau vāpi smārtau vā śilpasammatau //

7.2.27.13.p16

parṇe vā brahmavṛkṣāderacchidre madhya utthite //

7.2.27.13.p17

saṃsṛjya darbhaistau vahnau saṃtāpya prokṣayetpunaḥ //

7.2.27.13.p18

pārārṣarcyasvasūtroktakrameṇa śivapūrvakaiḥ //

7.2.27.13.p19

juhuyādaṣṭabhirbījairagnisaṃskārasiddhaye //

7.2.27.13.p20

bhruṃstuṃbruśruṃ krameṇaiva puṃḍraṃdramityataḥ param //

7.2.27.13.p21

bījāni sapta saptānāṃ jihvānāmanupūrvaśaḥ //

7.2.27.13.p22

triśikhā madhyamā jihvā bahurūpasamāhvayā //

7.2.27.13.p23

raktāgneyī nairṛtī ca kṛṣṇānyā suprabhā matā //

7.2.27.13.p24

atiriktā marujjihvā svanāmānuguṇaprabhā //

7.2.27.13.p25

svabijānantaraṃ vācyā svāhāṃtañca yathākramam //

7.2.27.13.p26

jihvāmaṃtraistu tairhutvājyaṃ jihvāstvekaikaśa kramāt //

7.2.27.13.p27

raṃ vahnayeti svāheti madhye hutvāhutitrayam //

7.2.27.13.p28

sarpiṣā vā samidbhirvā pariṣecanamācaret //

7.2.27.13.p29

evaṃ kṛte śivāgniḥ syātsmarettatra śivāsanam //

7.2.27.13.p30

tatrāvāhya yajeddevamardhanārīśvaraṃ śivam //

7.2.27.13.p31

dīpāntaṃ pariṣicyātha samiddhomaṃ samācaret //

7.2.27.13.p32

tāḥ pālāśyaḥ parā vāpi yājñiyā dvādaśāṃgulāḥ //

7.2.27.13.p33

avakrā na svayaṃ śuṣkāssatvaco nirvraṇāḥ samāḥ //

7.2.27.13.p34

daśāṃgulā vā vihitāḥ kaniṣṭhāṃgulisaṃmitāḥ //

7.2.27.13.p35

prādeśamātrā vālābhe hotavyāḥ sakalā api //

7.2.27.13.p36

dūrvāpatrasamākārāṃ caturaṃgulamāyatām //

7.2.27.13.p37

dadyādājyāhutiṃ paścādannamakṣapramāṇataḥ //

7.2.27.13.p38

lājāṃstathā sarṣapāṃśca yavāṃścaiva tilāṃstathā //

7.2.27.13.p39

sarpiṣāktāni bhakṣyāṇi lehyacoṣyāṇi sambhave //

7.2.27.13.p40

daśaivāhutayastatra pañca vā tritayaṃ ca vā //

7.2.27.13.p41

hotavyāḥ śaktito dadyādekamevātha vāhutim //

7.2.27.13.p42

śruveṇājyaṃ samityādyāsrucāśeṣātkareṇa vā //

7.2.27.13.p43

tatra divyena hotavyaṃ tīrthenārṣeṇa vā tathā //

7.2.27.13.p44

dravyeṇaikena vā 'lābhe juhuyācchraddhayā punaḥ //

7.2.27.13.p45

prāyaścittāya juhuyānmaṃtrayitvāhutitrayam //

7.2.27.13.p46

577a

7.2.27.13.p47

tato homaviśiṣṭena ghṛtenāpūrya vai srucam //

7.2.27.13.p48

nidhāya puṣpaṃ tasyāgre śruveṇādhomukhena tām //

7.2.27.13.p49

sadarbhena samācchādya mūlenāṃjalinotthitaḥ //

7.2.27.13.p50

vauṣaḍaṃtena juhuyāddhārāṃ tu yavasaṃmitām //

7.2.27.13.p51

itthaṃ pūrṇāhutiṃ kṛtvā pariṣiṃcecca pūrvavat //

7.2.27.13.p52

tata udvāsya deveśaṃ gopayettu hutāśanam //

7.2.27.13.p53

tamapyudvāsya vā nābhau yajetsaṃdhāya nityaśaḥ //

7.2.27.13.p54

athavā vahnimānīya śivaśāstroktavartmanā //

7.2.27.13.p55

vāgīśīgarbhasaṃbhūtaṃ saṃskṛtya vidhivadyajet //

7.2.27.13.p56

anvādhānaṃ punaḥ kṛtvā paridhīn paridhāya ca //

7.2.27.13.p57

pātrāṇi dvandvarūpeṇa nikṣipyeṣṭvā śivaṃ tataḥ //

7.2.27.13.p58

saṃśodhya prokṣaṇīpātraṃ prokṣyatāni tadaṃbhasā //

7.2.27.13.p59

praṇītāpātramaiśānyāṃ vinyasyā pūritaṃ jalaiḥ //

7.2.27.13.p60

ājyasaṃskāraparyaṃtaṃ kṛtvā saṃśodhya sraksruvau //

7.2.27.13.p61

garbhādhānaṃ puṃsavanaṃ sīmantonnayanaṃ tataḥ //

7.2.27.13.p62

kṛtvā pṛthakpṛthagghutvā jātamagniṃ vicintayet //

7.2.27.13.p63

tripādaṃ saptahastaṃ ca catuḥśṛṃgaṃ dviśīrṣakam //

7.2.27.13.p64

madhupiṃgaṃ trinayanaṃ sakapardenduśekharam //

7.2.27.13.p65

raktaṃ raktāmbarālepaṃ mālyabhūṣanabhūṣitam //

7.2.27.13.p66

sarvalakṣaṇasaṃpannaṃ sopavītaṃ trimekhalam //

7.2.27.13.p67

śaktimantaṃ sruksruvau ca dadhānaṃ dakṣiṇe kare //

7.2.27.13.p68

tomaraṃ tālavṛṃtaṃ ca ghṛtapātraṃ tathetaraiḥ //

7.2.27.13.p69

jātaṃ dhyātvaivamākāraṃ jātakarma samācaret //

7.2.27.13.p70

nālāpanayanaṃ kṛtvā tataḥ saṃśodhya sūtakam //

7.2.27.13.p71

śivāgnirucināmāsya kṛtvāhutipurassaram //

7.2.27.13.p72

pitrorvisarjanaṃ kṛtvā caulopanayanādikam //

7.2.27.13.p73

aptoryāmāvasānāntaṃ kṛtvā saṃskāramasya tu //

7.2.27.13.p74

ājyadhārādihomaṃ ca kṛtvā sviṣṭakṛtaṃ tataḥ //

7.2.27.13.p75

ramityanena bījena pariṣiṃcettataḥ param //

7.2.27.13.p76

brahmaviṣṇuśiveśānāṃ lokeśānāṃ tathaiva ca //

7.2.27.13.p77

tadastrāṇāṃ ca paritaḥ kṛtvā pūjāṃ yathākramam //

7.2.27.13.p78

dhūpadīpādisiddhyarthaṃ vahnimuddhṛtya kṛtyavit //

7.2.27.13.p79

sādhayitvājyapūrvāṇi dravyāṇi punareva ca //

7.2.27.13.p80

kalpayitvāsanaṃ vahnau tatrāvāhya yathāpurā //

7.2.27.13.p81

saṃpūjya devaṃ devīṃ ca tataḥ pūrṇāṃtamācaret //

7.2.27.13.p82

atha vā svāśramoktaṃ tu vahnikarma śivārpaṇam //

7.2.27.13.p83

buddhvā śivāśramī kuryānna ca tatrāparo vidhiḥ //

7.2.27.13.p84

śivāgnerbhasmasaṃgrāhyamagnihotrodbhavaṃ tu vā //

7.2.27.13.p85

vaivāhognibhavaṃ vāpi pakvaṃ śuci sugaṃdhi ca //

7.2.27.13.p86

kapilāyāḥ śakṛcchastaṃ gṛhītaṃ gagane patat //

7.2.27.13.p87

na klinnaṃ nātikaṭhinaṃ na durgandhaṃ na śoṣitam //

7.2.27.13.p88

uparyadhaḥ parityajya gṛhṇīyātpatitaṃ yadi //

7.2.27.13.p89

piṃḍīkṛtya śivāgnyādau tatkṣipenmūlamaṃtrataḥ //

7.2.27.13.p90

577b

7.2.27.13.p91

apakvamatipākvaṃ ca saṃtyajya bhasitaṃ sitam //

7.2.27.13.p92

ādāya vā samāloḍya bhasmādhāre vinikṣipet //

7.2.27.13.p93

taijasaṃ dāravaṃ vāpi mṛnmayaṃ śailameva ca //

7.2.27.13.p94

anyadvā śobhanaṃ śuddhaṃ bhasmādhāraṃ prakalpayet //

7.2.27.13.p95

same deśe śubhe śuddhe dhanavadbhasma nikṣipet //

7.2.27.13.p96

na cāyuktakare dadyānnaivāśucitale kṣipet //

7.2.27.13.p97

na saṃspṛśecca nīcāṃgairnopekṣeta na laṃghayet //

7.2.27.13.p98

tasmādbhasitamādāya viniyuṃjīta mantrataḥ //

7.2.27.13.p99

kāleṣūkteṣu nānyatra nāyogyebhyaḥ pradāpayet //

7.2.27.13.p100

bhasmasaṃgrahaṇaṃ kuryāddeve 'nudvāsite sati //

7.2.27.13.p101

udvāsane kṛte yasmāccaṇḍabhasma prajāpate //

7.2.27.13.p102

agnikārye kṛte paścācchivaśāstroktamārgataḥ //

7.2.27.13.p103

svasūtroktaprakārādvā balikarma samācaret //

7.2.27.13.p104

atha vidyāsanaṃ nyasya supralipte tu maṇdale //

7.2.27.13.p105

vidyākośaṃ pratiṣṭhāpya yajetpuṣpādibhiḥ kramāt //

7.2.27.13.p106

vidyāyāḥ purataḥ kṛtvā gurorapi ca maṇḍalam //

7.2.27.13.p107

tatrāsanavaraṃ kṛtvā puṣpādyai gurumarcayet //

7.2.27.13.p108

tatonupūjayetpūjyān bhojayecca bubhukṣitān //

7.2.27.13.p109

tatassvayaṃ ca bhuṃjīta śuddhamannaṃ yathāsukham //

7.2.27.13.p110

niveditaṃ ca vā deve taccheṣaṃ cātmaśuddhaye //

7.2.27.13.p111

śraddadhāno na lobhena na caṇḍāya samarpitam //

7.2.27.13.p112

gandhamālyādi yaccānyattatrāpyeṣa samo vidhiḥ //

7.2.27.13.p113

na tu tatra śivosmīti buddhiṃ kuryādvicakṣaṇaḥ //

7.2.27.13.p114

bhuktvācamya śivaṃ dhyātvā hṛdaye mūlamuccaret //

7.2.27.13.p115

kālaśeṣaṃ nayedyogyaiḥ śivaśāstrakathādibhiḥ //

7.2.27.13.p116

rātrau vyatīte pūrvāṃśe kṛtvā pūjāṃ manoharām //

7.2.27.13.p117

śivayoḥ śayanaṃ tvekaṃ kalpayedatiśobhanam //

7.2.27.13.p118

bhakṣyabhojyāṃbarālepapuṣpamālādikaṃ tathā //

7.2.27.13.p119

manasā karmaṇā vāpi kṛtvā sarvaṃ manoharam //

7.2.27.13.p120

tato devasya devyāśca pādamūle śucissvapet //

7.2.27.13.p121

gṛhastho bhāryayā sārdhaṃ tadanye 'pi tu kevalāḥ //

7.2.27.13.p122

pratyūṣasamayaṃ buddhvā mātrāmādyāmudīrayet //

7.2.27.13.p123

praṇamya manasāṃ devaṃ sāṃbaṃ sagaṇamavyayam //

7.2.27.13.p124

deśakālocitaṃ kṛtvā śaucādyamapi śaktitaḥ //

7.2.27.13.p125

śaṃkhādininadairdivyairdevaṃ devīṃ ca bodhayet //

7.2.27.13.p126

tatastatsamayonnidraiḥ puṣpairatisugaṃdhibhiḥ //

7.2.27.13.p127

nirvartya śivayoḥ pūjāṃ prārabheta puroditam //

7.2.27.13.p128

oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe agnikāryavarṇanaṃ nāma saptaviṃśo 'dhyāyaḥ

7.2.27.13.p129

Chapter 28
upamanyuruvāca
ataḥ paraṃ pravakṣyāmi śivāśramaniṣeviṇām //

Other recensions (1)

Linked texts (4)