Pramāṇa · Search · About · API

Shivapurana 7.2.29

Śivapurāṇa 7.2.29

Language
Sanskrit

Contents

7.2.29.1

/
svāśritānāṃ śivaproktaṃ nityanaimittikaṃ tathā //
/
idānīṃ śrotumicchāmi śivadharmādhikāriṇām //

7.2.29.2

/
kāmyamapyasti cetkarma vaktumarhasi sāmpratam //
/
upamanyuruvāca
astyaihikaphalaṃ kiñcidāmuṣmikaphalaṃ tathā //

7.2.29.3

/
aihikāmuṣmikañcāpi tacca pañcavidhaṃ punaḥ //
/
kiṃcitkriyāmayaṃ karma kiṃcitkarma tapo mayam //

7.2.29.4

/
japadhyānamayaṃ kiṃcitkiṃcitsarvamayaṃ tathā //

7.2.29.5

/
kriyāmayaṃ tathā bhinnaṃ homadānārcanakramāt //
/
sarvaśaktimatāmeva nānyeṣāṃ saphalaṃ bhavet //

7.2.29.6

/
śaktiścājñā madeśasya śivasya paramātmanaḥ //
/
tasmātkāmyāni karmāṇi kuryādājñādharodvijaḥ //

7.2.29.7

/
atha vakṣyāmi kāmyaṃ hi cehāmutra phalapradam //
/
śaivairmāheśvaraiścaiva kāryamaṃtarbahiḥ kramāt //

7.2.29.8

/
śivo maheśvaraśceti nātyaṃtamiha bhidyate //
/
yathā tathā na bhidyaṃte śaivā māheśvarā api //

7.2.29.9

/
śivāśritā hi te śaivā jñānayajñaratā narāḥ //
/
māheśvarāssamākhyātā karmayajñaratā bhuvi //

7.2.29.10

/
579a

7.2.29.10.p1

tasmādābhyantare kuryuḥ śaivā māheśvarā vahiḥ //

7.2.29.10.p2

na tu prayogo bhidyeta vakṣyamāṇasya karmaṇaḥ //

7.2.29.10.p3

parīkṣya bhūmiṃ vidhivadgaṃdhavarṇarasādibhiḥ //

7.2.29.10.p4

manobhilaṣite tatra vitānavitatāṃbare //

7.2.29.10.p5

supralipte mahīpṛṣṭhe darpaṇodarasaṃnibhe //

7.2.29.10.p6

prācīmutpādayetpūrvaṃ śāstradṛṣṭena vartmanā //

7.2.29.10.p7

ekahastaṃ dvihastaṃ vā maṇḍalaṃ parikalpayet //

7.2.29.10.p8

ālikhedvimalaṃ padmamaṣṭapatraṃ sakarṇikam //

7.2.29.10.p9

ratnahemādibhiścūrṇairyathāsaṃbhavasaṃbhṛtaiḥ //

7.2.29.10.p10

pañcāvaraṇasaṃyuktaṃ bahuśobhāsamanvitam //

7.2.29.10.p11

daleṣu siddhayaḥ kalpyāḥ kesareṣu saśaktikāḥ //

7.2.29.10.p12

rudrā vāmādayastvaṣṭau pūrvādidalataḥ kramāt //

7.2.29.10.p13

karṇikāyāṃ ca vairāgyaṃ bījeṣu nava śaktayaḥ //

7.2.29.10.p14

skande śivātmako dharmo nāle jñānaṃ śivāśrayam //

7.2.29.10.p15

karṇikopari cāgneyaṃ maṃḍalaṃ sauramaindavam //

7.2.29.10.p16

śivavidyātmatattvākhyaṃ tattvatrayamataḥ param //

7.2.29.10.p17

sarvāsanopari sukhaṃ vicitrakusumānvitam //

7.2.29.10.p18

pañcāvaraṇasaṃyuktaṃ pūjayedaṃbayā saha //

7.2.29.10.p19

śuddhasphaṭikasaṃkāśaṃ prasannaṃ śītaladyutim //

7.2.29.10.p20

vidyudvalayasaṃkāśajaṭāmukuṭabhūṣitam //

7.2.29.10.p21

śārdūlacarmavasanaṃ kiñcitsmitamukhāṃbujam //

7.2.29.10.p22

raktapadmadalaprakhyapādapāṇitalādharam //

7.2.29.10.p23

sarvalakṣaṇasaṃpannaṃ sarvābharaṇabhūṣitam //

7.2.29.10.p24

divyāyudhavarairyuktaṃ divyagaṃdhānulepanam //

7.2.29.10.p25

pañcavaktraṃ daśabhujaṃ candrakhaṇḍaśikhāmaṇim //

7.2.29.10.p26

asya pūrvamukhaṃ saumyaṃ bālārkasadṛśaprabham //

7.2.29.10.p27

trilocanāraviṃdāḍhyaṃ kṛtabāleṃduśekharam //

7.2.29.10.p28

dakṣiṇaṃ nīlajīmūtasamānaruciraprabham //

7.2.29.10.p29

bhrukuṭīkuṭilaṃ ghoraṃ raktavṛttekṣaṇatrayam //

7.2.29.10.p30

daṃṣṭrākarālaṃ durdharṣaṃ sphuritādharapallavam //

7.2.29.10.p31

uttaraṃ vidrumaprakhyaṃ nīlālakavibhūṣitam //

7.2.29.10.p32

savilāsaṃ trinayanaṃ candrābharaṇaśekharam //

7.2.29.10.p33

paścimaṃ pūrṇacandrābhaṃ locanatritayojjvalam //

7.2.29.10.p34

candrarekhādharaṃ saumyaṃ maṃdasmitamanoharam //

7.2.29.10.p35

pañcamaṃ sphaṭikaprakhyamiṃdurekhāsamujjvalam //

7.2.29.10.p36

atīva saumyamutphullalocanatritayojjvalam //

7.2.29.10.p37

dakṣiṇe śūlaparaśuvajrakhaḍgānalojjvalam //

7.2.29.10.p38

savye ca nāganārācaghaṇṭāpāśāṃkuśojjvalam //

7.2.29.10.p39

nivṛttyājānusaṃbaddhamānābheśca pratiṣṭhayā //

7.2.29.10.p40

ākaṃṭhaṃ vidyayā tadvadālalāṭaṃ tu śāṃtayā //

7.2.29.10.p41

tadūrdhvaṃ śāṃtyatītākhyakalayā parayā tathā //

7.2.29.10.p42

pañcādhvavyāpinaṃ sākṣātkalāpañcakavigraham //

7.2.29.10.p43

īśānamukuṭaṃ devaṃ puruṣākhyaṃ purātanam //

7.2.29.10.p44

aghorahṛdayaṃ tadvadvāmaguhyaṃ maheśvaram //

7.2.29.10.p45

579b

7.2.29.10.p46

sadyapādaṃ ca tanmūrtimaṣṭatriṃśatkalāmayam //

7.2.29.10.p47

mātṛkāmayamīśānaṃ pañcabrahmamayaṃ tathā //

7.2.29.10.p48

oṃkārākhyamayaṃ caiva haṃsaśaktyā samanvitam //

7.2.29.10.p49

tathecchātmikayā śaktyā samārūḍhāṃkamaṃḍalam //

7.2.29.10.p50

jñānākhyayā dakṣiṇato vāmataśca kriyākhyayā //

7.2.29.10.p51

tattvatrayamayaṃ sākṣādvidyāmūrtiṃ sadāśivam //

7.2.29.10.p52

mūrtimūlena saṃkalpya sakalīkṛtya ca kramāt //

7.2.29.10.p53

saṃpūjya ca yathānyāyamarghāntaṃ mūlavidyayā //

7.2.29.10.p54

mūrtimantaṃ śivaṃ sākṣācchaktyā paramayā saha //

7.2.29.10.p55

tatrāvāhya mahādevaṃ sadasadvyaktivarjitam //

7.2.29.10.p56

pañcopakaraṇaṃ kṛtvā pūjayetparameśvaram //

7.2.29.10.p57

brahmabhiśca ṣaḍaṅgaiśca tato mātṛkayā saha //

7.2.29.10.p58

praṇavena śivenaiva śaktiyuktena ca kramāt //

7.2.29.10.p59

śāṃtena vā tathānyaiśca vedamantraiśca kṛtsnaśaḥ //

7.2.29.10.p60

pūjayetparamaṃ devaṃ kevalena śivena vā //

7.2.29.10.p61

pādyādimukhavāsāṃtaṃ kṛtvā prasthāpanaṃ vinā //

7.2.29.10.p62

pañcāvaraṇapūjāṃ tu hyārabheta yathākramam //

7.2.29.10.p63

oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe kāmyakarmavarṇanaṃ nāmaikonatriṃśattamo 'dhyāyaḥ

7.2.29.10.p64

Chapter 30
tatrādau śivayoḥ pārśve dakṣiṇe vāmataḥ kramāt //

Other recensions (1)

Linked texts (4)