[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.2.30 # Shivapurana 7.2.30 Śivapurāṇa 7.2.30 - **Language:** Sanskrit ## Contents - [7.2.30.12](https://indike.org/pramana/in.purana.siva.7.2.30.12) — 189 parts ### [7.2.30.1](https://indike.org/pramana/in.purana.siva.7.2.30.1) / gaṃdhādyairarcayetpūrvaṃ devau heraṃbaṣaṇmukhau // / tato brahmāṇi parita īśānādi yathākramam // ### [7.2.30.2](https://indike.org/pramana/in.purana.siva.7.2.30.2) / saśaktikāni sadyāṃtaṃ prathamāvaraṇe yajet // / ṣaḍaṃgānyapi tatraiva hṛdayādīnyanukramāt // ### [7.2.30.3](https://indike.org/pramana/in.purana.siva.7.2.30.3) / śivasya ca śivāyāśca vāhneyādi samarcayet // / tatra vāmādikānrudrānaṣṭau vāmādiśaktibhiḥ // ### [7.2.30.4](https://indike.org/pramana/in.purana.siva.7.2.30.4) / arcayedvā na vā paścātpūrvādiparitaḥ kramāt // / prathamāvaraṇaṃ proktaṃ mayā te yadunaṃdana // ### [7.2.30.5](https://indike.org/pramana/in.purana.siva.7.2.30.5) / dvitīyāvaraṇaṃ prītyā procyate śraddhayā śṛṇu // / anaṃtaṃ pūrvādikpatre tacchaktiṃ tasya vāmataḥ // ### [7.2.30.6](https://indike.org/pramana/in.purana.siva.7.2.30.6) / sūkṣmaṃ dakṣiṇadikpatre saha śaktyā samarcayet // / tataḥ paścimadikpatre saha śaktyā śivottamam // ### [7.2.30.7](https://indike.org/pramana/in.purana.siva.7.2.30.7) / tathaivottaradikpatre caikanetraṃ samarcayet // / ekarudraṃ ca tacchaktiṃ paścādīśadale 'rcayet // ### [7.2.30.8](https://indike.org/pramana/in.purana.siva.7.2.30.8) / trimūrtiṃ tasya śaktiṃ ca pūjayedagnidigdale // / śrīkaṇṭhaṃ nairṛte patre tacchaktiṃ tasya vāmataḥ // ### [7.2.30.9](https://indike.org/pramana/in.purana.siva.7.2.30.9) / tathaiva mārute patre śikhaṃḍīśaṃ samarcayet // / dvitīyāvaraṇe cejyāssarvartaścakravartinaḥ // ### [7.2.30.10](https://indike.org/pramana/in.purana.siva.7.2.30.10) / tṛtīyāvaraṇe pūjyāḥ śaktibhiścāṣṭamūrtayaḥ // / aṣṭasu kramaśo dikṣu pūrvādiparitaḥ kramāt // ### [7.2.30.11](https://indike.org/pramana/in.purana.siva.7.2.30.11) / bhavaḥ śarvastatheśāno rudraḥ paśupatistataḥ // / ugro bhīmo mahādeva ityaṣṭau mūrtayaḥ kramāt // ### [7.2.30.12](https://indike.org/pramana/in.purana.siva.7.2.30.12) / anaṃtaraṃ tataścaiva mahādevādayaḥ kramāt // / śaktibhissaha saṃpūjyāstatraikādaśamūrtayaḥ // / 580a ### [7.2.30.12.p1](https://indike.org/pramana/in.purana.siva.7.2.30.12.p1) mahādevaḥ śivo rudraḥ śaṃkaro nīlalohitaḥ // ### [7.2.30.12.p2](https://indike.org/pramana/in.purana.siva.7.2.30.12.p2) īśāno vijayo bhīmo devadevo bhavodbhavaḥ // ### [7.2.30.12.p3](https://indike.org/pramana/in.purana.siva.7.2.30.12.p3) kapardīśaśca kathyaṃte tathaikādaśaśaktayaḥ // ### [7.2.30.12.p4](https://indike.org/pramana/in.purana.siva.7.2.30.12.p4) tatrāṣṭau prathamaṃ pūjyāḥ vāhneyādi yathākramam // ### [7.2.30.12.p5](https://indike.org/pramana/in.purana.siva.7.2.30.12.p5) devadevaḥ pūrvapatre īśānaṃ cāgnigocare // ### [7.2.30.12.p6](https://indike.org/pramana/in.purana.siva.7.2.30.12.p6) bhavodbhavastayormadhye kapālīśastataḥ param // ### [7.2.30.12.p7](https://indike.org/pramana/in.purana.siva.7.2.30.12.p7) tasminnāvaraṇe bhūyo vṛṣendraṃ purato yajet // ### [7.2.30.12.p8](https://indike.org/pramana/in.purana.siva.7.2.30.12.p8) naṃdinaṃ dakṣiṇe tasya mahākālaṃ tathottare // ### [7.2.30.12.p9](https://indike.org/pramana/in.purana.siva.7.2.30.12.p9) śāstāraṃ vahnidikpatre mātḥrdakṣiṇadigdale // ### [7.2.30.12.p10](https://indike.org/pramana/in.purana.siva.7.2.30.12.p10) gajāsyaṃ nairṛte patre ṣaṇmukhaṃ vāruṇe punaḥ // ### [7.2.30.12.p11](https://indike.org/pramana/in.purana.siva.7.2.30.12.p11) jyeṣṭhāṃ vāyudale gaurīmuttare caṃḍamaiśvare // ### [7.2.30.12.p12](https://indike.org/pramana/in.purana.siva.7.2.30.12.p12) śāstṛnandīśayormadhye munīndraṃ vṛṣabhaṃ yajet // ### [7.2.30.12.p13](https://indike.org/pramana/in.purana.siva.7.2.30.12.p13) mahākālasyottarataḥ piṃgalaṃ tu samarcayet // ### [7.2.30.12.p14](https://indike.org/pramana/in.purana.siva.7.2.30.12.p14) śāstṛmātṛsamūhasya madhye bhṛṃgīśvaraṃ tataḥ // ### [7.2.30.12.p15](https://indike.org/pramana/in.purana.siva.7.2.30.12.p15) mātṛvighneśamadhye tu vīrabhadraṃ samarcayet // ### [7.2.30.12.p16](https://indike.org/pramana/in.purana.siva.7.2.30.12.p16) skandavighneśayormadhye yajeddevīṃ sarasvatīm // ### [7.2.30.12.p17](https://indike.org/pramana/in.purana.siva.7.2.30.12.p17) jyeṣṭhākumārayormadhye śriyaṃ śivapadārcitām // ### [7.2.30.12.p18](https://indike.org/pramana/in.purana.siva.7.2.30.12.p18) jyeṣṭhāgaṇāmbayormadhye mahāmoṭīṃ samarcayet // ### [7.2.30.12.p19](https://indike.org/pramana/in.purana.siva.7.2.30.12.p19) gaṇāmbācaṇḍayormadhye devīṃ durgāṃ prapūjayet // ### [7.2.30.12.p20](https://indike.org/pramana/in.purana.siva.7.2.30.12.p20) atraivāvaraṇe bhūyaḥ śivānucarasaṃhatim // ### [7.2.30.12.p21](https://indike.org/pramana/in.purana.siva.7.2.30.12.p21) rudraprathamabhūtākhyāṃ vividhāṃ ca saśaktikām // ### [7.2.30.12.p22](https://indike.org/pramana/in.purana.siva.7.2.30.12.p22) śivāyāśca sakhīvargaṃ japeddhyātvā samāhitaḥ // ### [7.2.30.12.p23](https://indike.org/pramana/in.purana.siva.7.2.30.12.p23) evaṃ tṛtīyāvaraṇe vitate pūjite sati // ### [7.2.30.12.p24](https://indike.org/pramana/in.purana.siva.7.2.30.12.p24) caturthāvaraṇaṃ dhyātvā bahistasya samarcayet // ### [7.2.30.12.p25](https://indike.org/pramana/in.purana.siva.7.2.30.12.p25) bhānuḥ pūrvadale pūjyo dakṣiṇe caturānanaḥ // ### [7.2.30.12.p26](https://indike.org/pramana/in.purana.siva.7.2.30.12.p26) rudro varuṇadikpatre viṣṇuruttaradigdale // ### [7.2.30.12.p27](https://indike.org/pramana/in.purana.siva.7.2.30.12.p27) caturṇāmapi devānāṃ pṛthagāvaraṇānyatha // ### [7.2.30.12.p28](https://indike.org/pramana/in.purana.siva.7.2.30.12.p28) tasyāṃgāni ṣaḍevādau dīptādyābhiśca śaktibhiḥ // ### [7.2.30.12.p29](https://indike.org/pramana/in.purana.siva.7.2.30.12.p29) dīptā sūkṣmā jayā bhadrā vibhūtirvimalā kramāt // ### [7.2.30.12.p30](https://indike.org/pramana/in.purana.siva.7.2.30.12.p30) amoghā vidyutā caiva pūrvādi paritaḥ sthitāḥ // ### [7.2.30.12.p31](https://indike.org/pramana/in.purana.siva.7.2.30.12.p31) dvitīyāvaraṇe pūjyāścatasro mūrtayaḥ kramāt // ### [7.2.30.12.p32](https://indike.org/pramana/in.purana.siva.7.2.30.12.p32) pūrvādyuttaraparyaṃtāḥ śaktayaśca tataḥ param // ### [7.2.30.12.p33](https://indike.org/pramana/in.purana.siva.7.2.30.12.p33) ādityo bhāskaro bhānū raviścetyanupūrvaśaḥ // ### [7.2.30.12.p34](https://indike.org/pramana/in.purana.siva.7.2.30.12.p34) arko brahmā tathā rudro viṣṇuścaite vivasvataḥ // ### [7.2.30.12.p35](https://indike.org/pramana/in.purana.siva.7.2.30.12.p35) vistārā pūrvadigbhāge sutarāṃ dakṣiṇe sthitāḥ // ### [7.2.30.12.p36](https://indike.org/pramana/in.purana.siva.7.2.30.12.p36) bodhanī paścime bhāge āpyāyinyuttare punaḥ // ### [7.2.30.12.p37](https://indike.org/pramana/in.purana.siva.7.2.30.12.p37) uṣāṃ prabhāṃ tathā prājñāṃ sandhyāmapi tataḥ param // ### [7.2.30.12.p38](https://indike.org/pramana/in.purana.siva.7.2.30.12.p38) aiśānādiṣu vinyasya dvitīyāvaraṇe yajet // ### [7.2.30.12.p39](https://indike.org/pramana/in.purana.siva.7.2.30.12.p39) somamaṃgārakaṃ caiva budhaṃ buddhimatāṃ varam // ### [7.2.30.12.p40](https://indike.org/pramana/in.purana.siva.7.2.30.12.p40) bṛhaspatiṃ bṛhadbuddhiṃ bhārgavaṃ tejasāṃ nidhim // ### [7.2.30.12.p41](https://indike.org/pramana/in.purana.siva.7.2.30.12.p41) śanaiścaraṃ tathā rāhuṃ ketuṃ dhūmraṃ bhayaṃkaram // ### [7.2.30.12.p42](https://indike.org/pramana/in.purana.siva.7.2.30.12.p42) samaṃtato yajedetāṃstṛtīyāvaraṇe kramāt // ### [7.2.30.12.p43](https://indike.org/pramana/in.purana.siva.7.2.30.12.p43) athavā dvādaśādityā dvitīyāvaraṇe yajet // ### [7.2.30.12.p44](https://indike.org/pramana/in.purana.siva.7.2.30.12.p44) 580b ### [7.2.30.12.p45](https://indike.org/pramana/in.purana.siva.7.2.30.12.p45) tṛtīyāvaraṇe caiva rāśīndvādaśa pūjayet // ### [7.2.30.12.p46](https://indike.org/pramana/in.purana.siva.7.2.30.12.p46) saptasapta gaṇāṃścaiva bahistasya samaṃtataḥ // ### [7.2.30.12.p47](https://indike.org/pramana/in.purana.siva.7.2.30.12.p47) ṛṣīndevāṃśca gaṃdharvānpannagānapsarogaṇān // ### [7.2.30.12.p48](https://indike.org/pramana/in.purana.siva.7.2.30.12.p48) grāmaṇyaśca tathā yakṣānyātudhānāṃstathā hayān // ### [7.2.30.12.p49](https://indike.org/pramana/in.purana.siva.7.2.30.12.p49) saptacchaṃdomayāṃścaiva vālakhilyāṃśca pūjayet // ### [7.2.30.12.p50](https://indike.org/pramana/in.purana.siva.7.2.30.12.p50) evaṃ tṛtīyāvaraṇe samabhyarcya divākaram // ### [7.2.30.12.p51](https://indike.org/pramana/in.purana.siva.7.2.30.12.p51) brahmāṇamarcayetpaścāttribhirāvaraṇaiḥ sahaḥ // ### [7.2.30.12.p52](https://indike.org/pramana/in.purana.siva.7.2.30.12.p52) hiraṇyagarbhaṃ pūrvasyāṃ virājaṃ dakṣiṇe tataḥ // ### [7.2.30.12.p53](https://indike.org/pramana/in.purana.siva.7.2.30.12.p53) kālaṃ paścimadigbhāge puruṣaṃ cottare yajet // ### [7.2.30.12.p54](https://indike.org/pramana/in.purana.siva.7.2.30.12.p54) hiraṇyagarbhaḥ prathamo brahmā kamalasannibhaḥ // ### [7.2.30.12.p55](https://indike.org/pramana/in.purana.siva.7.2.30.12.p55) kālo jātyaṃjanaprakhyaḥ puruṣaḥ sphaṭikopamaḥ // ### [7.2.30.12.p56](https://indike.org/pramana/in.purana.siva.7.2.30.12.p56) triguṇo rājasaścaiva tāmasaḥ sāttvikastathā // ### [7.2.30.12.p57](https://indike.org/pramana/in.purana.siva.7.2.30.12.p57) catvāra ete kramaśaḥ prathamāvaraṇe sthitāḥ // ### [7.2.30.12.p58](https://indike.org/pramana/in.purana.siva.7.2.30.12.p58) dvitīyāvaraṇe pūjyāḥ pūrvādiparitaḥ kramāt // ### [7.2.30.12.p59](https://indike.org/pramana/in.purana.siva.7.2.30.12.p59) sanatkumāraḥ sanakaḥ sanaṃdaśca sanātanaḥ // ### [7.2.30.12.p60](https://indike.org/pramana/in.purana.siva.7.2.30.12.p60) tṛtīyāvaraṇe paścādarcayecca prajāpatīn // ### [7.2.30.12.p61](https://indike.org/pramana/in.purana.siva.7.2.30.12.p61) aṣṭau pūrvāṃśca pūrvādau trīnprākpaścādanukramāt // ### [7.2.30.12.p62](https://indike.org/pramana/in.purana.siva.7.2.30.12.p62) dakṣo rucirbhṛguścaiva marīciśca tathāṃgirāḥ // ### [7.2.30.12.p63](https://indike.org/pramana/in.purana.siva.7.2.30.12.p63) pulastyaḥ pulahaścaiva kraturatriśca kaśyapaḥ // ### [7.2.30.12.p64](https://indike.org/pramana/in.purana.siva.7.2.30.12.p64) vasiṣṭhaśceti vikhyātāḥ prajānāṃ patayastvime // ### [7.2.30.12.p65](https://indike.org/pramana/in.purana.siva.7.2.30.12.p65) teṣāṃ bhāryāśca taissārdhaṃ pūjanīyā yathākramam // ### [7.2.30.12.p66](https://indike.org/pramana/in.purana.siva.7.2.30.12.p66) prasūtiśca tathā ' 'kūtiḥ khyātiḥ sambhūtireva ca // ### [7.2.30.12.p67](https://indike.org/pramana/in.purana.siva.7.2.30.12.p67) dhṛtiḥ smṛtiḥ kṣamā caiva sannatiścānasūyakā // ### [7.2.30.12.p68](https://indike.org/pramana/in.purana.siva.7.2.30.12.p68) devamātārundhatī ca sarvāḥ khalu pativratāḥ // ### [7.2.30.12.p69](https://indike.org/pramana/in.purana.siva.7.2.30.12.p69) śivārcanarato nityaṃ śrīmatyaḥ priyadarśanāḥ // ### [7.2.30.12.p70](https://indike.org/pramana/in.purana.siva.7.2.30.12.p70) prathamāvaraṇe vedāṃścaturo vā prapūjayet // ### [7.2.30.12.p71](https://indike.org/pramana/in.purana.siva.7.2.30.12.p71) itihāsapurāṇāni dvitīyāvaraṇe punaḥ // ### [7.2.30.12.p72](https://indike.org/pramana/in.purana.siva.7.2.30.12.p72) tṛtīyāvaraṇe paścāddharmaśāstrapurassarāḥ // ### [7.2.30.12.p73](https://indike.org/pramana/in.purana.siva.7.2.30.12.p73) vaidikyo nikhilā vidyāḥ pūjyā eva samaṃtataḥ // ### [7.2.30.12.p74](https://indike.org/pramana/in.purana.siva.7.2.30.12.p74) pūrvādipurato vedāstadanye tu yathāruci // ### [7.2.30.12.p75](https://indike.org/pramana/in.purana.siva.7.2.30.12.p75) aṣṭadhā vā caturdhā vā kṛtvā pūjāṃ samaṃtataḥ // ### [7.2.30.12.p76](https://indike.org/pramana/in.purana.siva.7.2.30.12.p76) evaṃ brahmāṇamabhyarcya tribhirāvaraṇairyutam // ### [7.2.30.12.p77](https://indike.org/pramana/in.purana.siva.7.2.30.12.p77) dakṣiṇe paścime paścādrudraṃ sāvaraṇaṃ yajet // ### [7.2.30.12.p78](https://indike.org/pramana/in.purana.siva.7.2.30.12.p78) tasya brahmaṣaḍaṃgāni prathamāvaraṇaṃ smṛtam // ### [7.2.30.12.p79](https://indike.org/pramana/in.purana.siva.7.2.30.12.p79) dvitīyāvaraṇe caiva vidyeśvaramayaṃ tathā // ### [7.2.30.12.p80](https://indike.org/pramana/in.purana.siva.7.2.30.12.p80) tṛtīyāvaraṇe bhedo vidyate sa tu kathyate // ### [7.2.30.12.p81](https://indike.org/pramana/in.purana.siva.7.2.30.12.p81) catasro mūrtayastasya pūjyāḥ pūrvāditaḥ kramāt // ### [7.2.30.12.p82](https://indike.org/pramana/in.purana.siva.7.2.30.12.p82) triguṇāssakalo devaḥ purastācchivasaṃjñakaḥ // ### [7.2.30.12.p83](https://indike.org/pramana/in.purana.siva.7.2.30.12.p83) rājaso dakṣiṇe brahmā sṛṣṭikṛtpūjyate bhavaḥ // ### [7.2.30.12.p84](https://indike.org/pramana/in.purana.siva.7.2.30.12.p84) tāmasaḥ paścime cāgniḥ pūjyassaṃhārako haraḥ // ### [7.2.30.12.p85](https://indike.org/pramana/in.purana.siva.7.2.30.12.p85) sāttvikassukhakṛtsaumye viṣṇurviśvapatirmṛḍaḥ // ### [7.2.30.12.p86](https://indike.org/pramana/in.purana.siva.7.2.30.12.p86) evaṃ paścimadigbhāge śambhoḥ ṣaḍviṃśakaṃ śivam // ### [7.2.30.12.p87](https://indike.org/pramana/in.purana.siva.7.2.30.12.p87) samabhyarcyottare pārśve tato vaikuṃṭhamarcayet // ### [7.2.30.12.p88](https://indike.org/pramana/in.purana.siva.7.2.30.12.p88) vāsudevaṃ puraskṛtvā prathamāvaraṇe yajet // ### [7.2.30.12.p89](https://indike.org/pramana/in.purana.siva.7.2.30.12.p89) 581a ### [7.2.30.12.p90](https://indike.org/pramana/in.purana.siva.7.2.30.12.p90) aniruddhaṃ dakṣiṇataḥ pradyumnaṃ paścime tataḥ // ### [7.2.30.12.p91](https://indike.org/pramana/in.purana.siva.7.2.30.12.p91) saumye saṃkarṣaṇaṃ paścādvyatyastau vā yajedimau // ### [7.2.30.12.p92](https://indike.org/pramana/in.purana.siva.7.2.30.12.p92) prathamāvaraṇaṃ proktaṃ dvitīyāvaraṇaṃ śubham // ### [7.2.30.12.p93](https://indike.org/pramana/in.purana.siva.7.2.30.12.p93) matsyaḥ kūrmo varāhaśca narasiṃhotha vāmanaḥ // ### [7.2.30.12.p94](https://indike.org/pramana/in.purana.siva.7.2.30.12.p94) rāmaścānyatamaḥ kṛṣṇo bhavānaśvamukhopi ca // ### [7.2.30.12.p95](https://indike.org/pramana/in.purana.siva.7.2.30.12.p95) tṛtīyāvaraṇe cakruḥ pūrvabhāge samarcayet // ### [7.2.30.12.p96](https://indike.org/pramana/in.purana.siva.7.2.30.12.p96) nārāyaṇākhyāṃ yāmyestraṃ kvacidavyāhataṃ yajet // ### [7.2.30.12.p97](https://indike.org/pramana/in.purana.siva.7.2.30.12.p97) paścime pāṃcajanyaṃ ca śārṅgaṃdhanurathottare // ### [7.2.30.12.p98](https://indike.org/pramana/in.purana.siva.7.2.30.12.p98) evaṃ tryāvaraṇaiḥ sākṣādviśvākhyāṃ paramaṃ harim // ### [7.2.30.12.p99](https://indike.org/pramana/in.purana.siva.7.2.30.12.p99) mahāviṣṇuṃ sadāviṣṇuṃ mūrtīkṛtya samarcayet // ### [7.2.30.12.p100](https://indike.org/pramana/in.purana.siva.7.2.30.12.p100) itthaṃ viṣṇoścaturvyūhakramānmūrticatuṣṭayam // ### [7.2.30.12.p101](https://indike.org/pramana/in.purana.siva.7.2.30.12.p101) pūjayitvā ca tacchaktīścatasraḥ pujayetkramāt // ### [7.2.30.12.p102](https://indike.org/pramana/in.purana.siva.7.2.30.12.p102) prabhāmāgneyadigbhāge nairṛte tu sarasvatīm // ### [7.2.30.12.p103](https://indike.org/pramana/in.purana.siva.7.2.30.12.p103) gaṇāṃbikā ca vāyavye lakṣmīṃ raudre samarcayet // ### [7.2.30.12.p104](https://indike.org/pramana/in.purana.siva.7.2.30.12.p104) evaṃ bhānvādimūrtīnāṃ tacchaktīnāmanaṃtaram // ### [7.2.30.12.p105](https://indike.org/pramana/in.purana.siva.7.2.30.12.p105) pūjāṃ vidhāya lokeśāṃstatraivāvaraṇe yajet // ### [7.2.30.12.p106](https://indike.org/pramana/in.purana.siva.7.2.30.12.p106) indramagniṃ yamaṃ caiva nirṛtiṃ varuṇaṃ tathā // ### [7.2.30.12.p107](https://indike.org/pramana/in.purana.siva.7.2.30.12.p107) vāyuṃ somaṃ kuberaṃ ca paścādīśānamarcayet // ### [7.2.30.12.p108](https://indike.org/pramana/in.purana.siva.7.2.30.12.p108) evaṃ caturthāvaraṇaṃ pūjayitvā vidhānataḥ // ### [7.2.30.12.p109](https://indike.org/pramana/in.purana.siva.7.2.30.12.p109) āyudhāni maheśasya paścādbāṃhyaṃ samarcayet // ### [7.2.30.12.p110](https://indike.org/pramana/in.purana.siva.7.2.30.12.p110) śrīmantriśūlamaiśāne vajraṃ māhendradiṅmukhe // ### [7.2.30.12.p111](https://indike.org/pramana/in.purana.siva.7.2.30.12.p111) paraśuṃ vahnidigbhāge yāmye sāyakamarcayet // ### [7.2.30.12.p112](https://indike.org/pramana/in.purana.siva.7.2.30.12.p112) nairṛte tu yajetkhaḍgaṃ pāśaṃ vāruṇagocare // ### [7.2.30.12.p113](https://indike.org/pramana/in.purana.siva.7.2.30.12.p113) aṃkuśaṃ mārute bhāge pinākaṃ cottare yajet // ### [7.2.30.12.p114](https://indike.org/pramana/in.purana.siva.7.2.30.12.p114) paścimābhimukhaṃ raudraṃ kṣetrapālaṃ samarcayet // ### [7.2.30.12.p115](https://indike.org/pramana/in.purana.siva.7.2.30.12.p115) pañcamāvaraṇaṃ caiva sampūjyānantaraṃ bahiḥ // ### [7.2.30.12.p116](https://indike.org/pramana/in.purana.siva.7.2.30.12.p116) sarvāvaraṇadevānāṃ bahirvā pañcame 'thavā // ### [7.2.30.12.p117](https://indike.org/pramana/in.purana.siva.7.2.30.12.p117) pañcame mātṛbhissārdhaṃ mahokṣa purato yajet // ### [7.2.30.12.p118](https://indike.org/pramana/in.purana.siva.7.2.30.12.p118) tataḥ samaṃtataḥ pūjyāssarvā vai devayonayaḥ // ### [7.2.30.12.p119](https://indike.org/pramana/in.purana.siva.7.2.30.12.p119) khecarā ṛṣayassiddhā daityā yakṣāśca rākṣasāḥ // ### [7.2.30.12.p120](https://indike.org/pramana/in.purana.siva.7.2.30.12.p120) anaṃtādyāśca nāgeṃdrā nāgaistattatkulodbhavaiḥ // ### [7.2.30.12.p121](https://indike.org/pramana/in.purana.siva.7.2.30.12.p121) ḍākinībhūtavetālapretabhairavanāyakāḥ // ### [7.2.30.12.p122](https://indike.org/pramana/in.purana.siva.7.2.30.12.p122) pātālavāsinaścānye nānāyonisamudbhavāḥ // ### [7.2.30.12.p123](https://indike.org/pramana/in.purana.siva.7.2.30.12.p123) nadyassamudrā girayaḥ kānanāni sarāṃsi ca // ### [7.2.30.12.p124](https://indike.org/pramana/in.purana.siva.7.2.30.12.p124) paśavaḥ pakṣiṇo vṛkṣāḥ kīṭādyāḥ kṣudrayonayaḥ // ### [7.2.30.12.p125](https://indike.org/pramana/in.purana.siva.7.2.30.12.p125) narāśca vividhākārā mṛgāśca kṣudrayonayaḥ // ### [7.2.30.12.p126](https://indike.org/pramana/in.purana.siva.7.2.30.12.p126) bhuvanānyantaraṇḍasya tato brahmāṇḍakoṭayaḥ // ### [7.2.30.12.p127](https://indike.org/pramana/in.purana.siva.7.2.30.12.p127) bahiraṃḍānyasaṃkhyāni bhuvanāni sahādhipaiḥ // ### [7.2.30.12.p128](https://indike.org/pramana/in.purana.siva.7.2.30.12.p128) brahmāṃḍādhārakā rudrā daśadikṣu vyavasthitāḥ // ### [7.2.30.12.p129](https://indike.org/pramana/in.purana.siva.7.2.30.12.p129) yadgauḍa yacca māmeyaṃ yadvā śāktaṃ tataḥ param // ### [7.2.30.12.p130](https://indike.org/pramana/in.purana.siva.7.2.30.12.p130) yatkiñcidasti śabdasya vācyaṃ cidacidātmakam // ### [7.2.30.12.p131](https://indike.org/pramana/in.purana.siva.7.2.30.12.p131) tatsarvaṃ śivayoḥ pārśve buddhvā sāmānyato yajet // ### [7.2.30.12.p132](https://indike.org/pramana/in.purana.siva.7.2.30.12.p132) kṛtāṃjalipuṭāḥ sarve 'ciṃtyāḥ smitamukhāstathā // ### [7.2.30.12.p133](https://indike.org/pramana/in.purana.siva.7.2.30.12.p133) 581b ### [7.2.30.12.p134](https://indike.org/pramana/in.purana.siva.7.2.30.12.p134) prītyā saṃprekṣamāṇāśca devaṃ devīṃ ca sarvadā // ### [7.2.30.12.p135](https://indike.org/pramana/in.purana.siva.7.2.30.12.p135) itthamāvaraṇābhyarcāṃ kṛtvāvikṣepaśāṃtaye // ### [7.2.30.12.p136](https://indike.org/pramana/in.purana.siva.7.2.30.12.p136) punarabhyarcya deveśaṃ paktvākṣaramudīrayet // ### [7.2.30.12.p137](https://indike.org/pramana/in.purana.siva.7.2.30.12.p137) nivedayettataḥ paścācchivayoramṛtopamam // ### [7.2.30.12.p138](https://indike.org/pramana/in.purana.siva.7.2.30.12.p138) suvyañjanasamāyuktaṃ śuddhaṃ cāru mahācarum // ### [7.2.30.12.p139](https://indike.org/pramana/in.purana.siva.7.2.30.12.p139) dvātriṃśadāḍhakairmukhyamadhamaṃ tvāḍhakāvaram // ### [7.2.30.12.p140](https://indike.org/pramana/in.purana.siva.7.2.30.12.p140) sādhayitvā yathāsaṃpacchraddhayā vinivedayet // ### [7.2.30.12.p141](https://indike.org/pramana/in.purana.siva.7.2.30.12.p141) tato nivedya pānīyaṃ tāṃbūlaṃ copadaṃśakaiḥ // ### [7.2.30.12.p142](https://indike.org/pramana/in.purana.siva.7.2.30.12.p142) nīrājanādikaṃ kṛtvā pūjāśeṣaṃ samāpayet // ### [7.2.30.12.p143](https://indike.org/pramana/in.purana.siva.7.2.30.12.p143) bhogopayogyadravyāṇi viśiṣṭānyeva sādhayet // ### [7.2.30.12.p144](https://indike.org/pramana/in.purana.siva.7.2.30.12.p144) vittaśāṭhyaṃ na kurvīta bhaktimānvibhave sati // ### [7.2.30.12.p145](https://indike.org/pramana/in.purana.siva.7.2.30.12.p145) śaṭhasyopekṣakasyāpi vyaṃgyaṃ caivānutiṣṭhataḥ // ### [7.2.30.12.p146](https://indike.org/pramana/in.purana.siva.7.2.30.12.p146) na phalaṃtyeva karmāṇi kāmyānīti satāṃ kathā // ### [7.2.30.12.p147](https://indike.org/pramana/in.purana.siva.7.2.30.12.p147) tasmātsamyagupekṣāṃ ca tyaktvā sarvāṃgayogataḥ // ### [7.2.30.12.p148](https://indike.org/pramana/in.purana.siva.7.2.30.12.p148) kuryātkāmyāni karmāṇi phalasiddhiṃ yadīcchati // ### [7.2.30.12.p149](https://indike.org/pramana/in.purana.siva.7.2.30.12.p149) itthaṃ pūjāṃ samāpyātha devaṃ devīṃ praṇamya ca // ### [7.2.30.12.p150](https://indike.org/pramana/in.purana.siva.7.2.30.12.p150) bhaktyā manassamādhāya paścātstotramudīrayet // ### [7.2.30.12.p151](https://indike.org/pramana/in.purana.siva.7.2.30.12.p151) tataḥ stotramupāsyānte tvaṣṭottaraśatāvarām // ### [7.2.30.12.p152](https://indike.org/pramana/in.purana.siva.7.2.30.12.p152) japetpañcākṣarīṃ vidyāṃ sahasrottaramutsukaḥ // ### [7.2.30.12.p153](https://indike.org/pramana/in.purana.siva.7.2.30.12.p153) vidyāpūjāṃ guroḥ pūjāṃ kṛtvā paścādyathākramam // ### [7.2.30.12.p154](https://indike.org/pramana/in.purana.siva.7.2.30.12.p154) yathodayaṃ yathāśrāddhaṃ sadasyānapi pūjayet // ### [7.2.30.12.p155](https://indike.org/pramana/in.purana.siva.7.2.30.12.p155) tataḥ udvāsya deveśaṃ sarvairāvaraṇaiḥ saha // ### [7.2.30.12.p156](https://indike.org/pramana/in.purana.siva.7.2.30.12.p156) maṇḍalaṃ gurave dadyādyāgopakaraṇaissaha // ### [7.2.30.12.p157](https://indike.org/pramana/in.purana.siva.7.2.30.12.p157) śivāśritebhyo vā dadyātsarvamevānupūrvaśaḥ // ### [7.2.30.12.p158](https://indike.org/pramana/in.purana.siva.7.2.30.12.p158) athavā tacchivāyaiva śivakṣetre samarpayet // ### [7.2.30.12.p159](https://indike.org/pramana/in.purana.siva.7.2.30.12.p159) śivāgnau vā yajeddevaṃ homadravyaiśca saptabhiḥ // ### [7.2.30.12.p160](https://indike.org/pramana/in.purana.siva.7.2.30.12.p160) samabhyarcya yathānyāyaṃ sarvāvaraṇadevatāḥ // ### [7.2.30.12.p161](https://indike.org/pramana/in.purana.siva.7.2.30.12.p161) eṣa yogeśvaro nāma triṣu lokeṣu viśrutaḥ // ### [7.2.30.12.p162](https://indike.org/pramana/in.purana.siva.7.2.30.12.p162) na tasmādadhikaḥ kaścidyāgo 'sti bhuvane kvacit // ### [7.2.30.12.p163](https://indike.org/pramana/in.purana.siva.7.2.30.12.p163) na tadasti jagatyasminnasadhyaṃ yadanena tu // ### [7.2.30.12.p164](https://indike.org/pramana/in.purana.siva.7.2.30.12.p164) aihikaṃ vā phalaṃ kiṃcidāmuṣmikaphalaṃ tu vā // ### [7.2.30.12.p165](https://indike.org/pramana/in.purana.siva.7.2.30.12.p165) idamasya phalaṃ nedamiti naiva niyamyate // ### [7.2.30.12.p166](https://indike.org/pramana/in.purana.siva.7.2.30.12.p166) śreyorūpasya kṛtsnasya tadidaṃ śreṣṭasādhanam // ### [7.2.30.12.p167](https://indike.org/pramana/in.purana.siva.7.2.30.12.p167) idaṃ na śakyate vaktuṃ puruṣeṇa yadarcyate // ### [7.2.30.12.p168](https://indike.org/pramana/in.purana.siva.7.2.30.12.p168) ciṃtāmaṇerivaitasmāttattena prāpyate phalam // ### [7.2.30.12.p169](https://indike.org/pramana/in.purana.siva.7.2.30.12.p169) tathāpi kṣudramuddiśya phalaṃ naitatprayojayet // ### [7.2.30.12.p170](https://indike.org/pramana/in.purana.siva.7.2.30.12.p170) laghvarthī mahato yasmātsvayaṃ laghutaro bhavet // ### [7.2.30.12.p171](https://indike.org/pramana/in.purana.siva.7.2.30.12.p171) mahadvā phalamalpaṃ vā kṛtaṃ cetkarma sidhyati // ### [7.2.30.12.p172](https://indike.org/pramana/in.purana.siva.7.2.30.12.p172) mahādevaṃ samuddiśya kṛtaṃ karma prayujyatām // ### [7.2.30.12.p173](https://indike.org/pramana/in.purana.siva.7.2.30.12.p173) tasmādananyalabhyeṣu śatrumṛtyuṃjayādiṣu // ### [7.2.30.12.p174](https://indike.org/pramana/in.purana.siva.7.2.30.12.p174) phaleṣu dṛṣṭādṛṣṭeṣu kuryādetadvicakṣaṇaḥ // ### [7.2.30.12.p175](https://indike.org/pramana/in.purana.siva.7.2.30.12.p175) mahatsvapi ca pāteṣu mahārāgabhayādiṣu // ### [7.2.30.12.p176](https://indike.org/pramana/in.purana.siva.7.2.30.12.p176) durbhikṣādiṣu śāṃtyarthaṃ śāṃtiṃ kuryādanena tu // ### [7.2.30.12.p177](https://indike.org/pramana/in.purana.siva.7.2.30.12.p177) bahunā kiṃ pralāpena mahāvyāpannivārakam // ### [7.2.30.12.p178](https://indike.org/pramana/in.purana.siva.7.2.30.12.p178) ātmīyamastraṃ śaivānāmidamāha maheśvaraḥ // ### [7.2.30.12.p179](https://indike.org/pramana/in.purana.siva.7.2.30.12.p179) 582a ### [7.2.30.12.p180](https://indike.org/pramana/in.purana.siva.7.2.30.12.p180) tasmāditaḥ paraṃ nāsti paritrāṇamihātmanaḥ // ### [7.2.30.12.p181](https://indike.org/pramana/in.purana.siva.7.2.30.12.p181) iti matvā prayuṃjānaḥ karmedaṃ śubhamaśnute // ### [7.2.30.12.p182](https://indike.org/pramana/in.purana.siva.7.2.30.12.p182) stotramātraṃ śucirbhūtvā yaḥ paṭhetsusamāhitaḥ // ### [7.2.30.12.p183](https://indike.org/pramana/in.purana.siva.7.2.30.12.p183) sopyabhīṣṭatamādarthādaṣṭāṃśaphalamāpnuyāt // ### [7.2.30.12.p184](https://indike.org/pramana/in.purana.siva.7.2.30.12.p184) arthaṃ tasyānusandhāya parvaṇyanaśanaḥ paṭhet // ### [7.2.30.12.p185](https://indike.org/pramana/in.purana.siva.7.2.30.12.p185) aṣṭābhyāṃ vā caturdaśyāṃ phalamardhaṃ samāpnuyāt // ### [7.2.30.12.p186](https://indike.org/pramana/in.purana.siva.7.2.30.12.p186) yastvarthamanusaṃdhāya parvādiṣu tathā vratī // ### [7.2.30.12.p187](https://indike.org/pramana/in.purana.siva.7.2.30.12.p187) māsamekaṃ japetstotraṃ sa kṛtsnaṃ phalamāpnuyāt // ### [7.2.30.12.p188](https://indike.org/pramana/in.purana.siva.7.2.30.12.p188) oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śaivānāṃ kāmyakavarṇanaṃ nāma triṃśo 'dhyāyaḥ _First 200 of 202 passages. [Read on](https://indike.org/pramana/in.purana.siva.7.2.30)_ ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.2.30.1) — Sanskrit ## Linked texts (3) - [Kriyāsāra](https://indike.org/pramana/in.sampradaya.saiva.virasaiva.kriyasara.2.5.363) — Śrīkaṇtha, Sanskrit - [Acintyaviśvasādākhyatantra](https://indike.org/pramana/in.sampradaya.saiva.agama.siva.acintyavisvasadakhyatantra.5.341) — Sanskrit - [Vīrāgama](https://indike.org/pramana/in.sampradaya.saiva.agama.rudra.vira.57.168) — Sanskrit --- Source: [https://indike.org/pramana/in.purana.siva.7.2.30](https://indike.org/pramana/in.purana.siva.7.2.30) · Pramāṇa