[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.2.31.166 # Shivapurana 7.2.31.166 Śivapurāṇa 7.2.31.166 - **Language:** Sanskrit ### [7.2.31.166](https://indike.org/pramana/in.purana.siva.7.2.31.166) / śivābhyāmaviśeṣeṇa satkṛtyeha samarcitāḥ // ### [7.2.31.166.p1](https://indike.org/pramana/in.purana.siva.7.2.31.166.p1) 1 sarvābhilāṣamityarthaḥ ### [7.2.31.166.p2](https://indike.org/pramana/in.purana.siva.7.2.31.166.p2) 586a ### [7.2.31.166.p3](https://indike.org/pramana/in.purana.siva.7.2.31.166.p3) tābhyāmeva samājñātā mamābhipretasiddhaye // ### [7.2.31.166.p4](https://indike.org/pramana/in.purana.siva.7.2.31.166.p4) karmedamanumanyaṃtāṃ saphalaṃ sādhvanuṣṭhitam // ### [7.2.31.166.p5](https://indike.org/pramana/in.purana.siva.7.2.31.166.p5) śvetādyā nakulīśāṃtāḥ saśiṣyāścāpi deśikāḥ // ### [7.2.31.166.p6](https://indike.org/pramana/in.purana.siva.7.2.31.166.p6) tatsaṃtatīyā guravo viśeṣādguravo mama // ### [7.2.31.166.p7](https://indike.org/pramana/in.purana.siva.7.2.31.166.p7) śaivā māheśvarāścaiva jñānakarmaparāyaṇāḥ // ### [7.2.31.166.p8](https://indike.org/pramana/in.purana.siva.7.2.31.166.p8) karmedamanumanyaṃtāṃ saphalaṃ sādhvanuṣṭhitam // ### [7.2.31.166.p9](https://indike.org/pramana/in.purana.siva.7.2.31.166.p9) laukikā brāhmaṇāssarve kṣatriyāśca viśaḥ kramāt // ### [7.2.31.166.p10](https://indike.org/pramana/in.purana.siva.7.2.31.166.p10) vedavedāṃgatattvajñāḥ sarvaśāstraviśāradāḥ // ### [7.2.31.166.p11](https://indike.org/pramana/in.purana.siva.7.2.31.166.p11) sāṃkhyā vaiśeṣikāścaiva yaugā naiyāyikā narāḥ // ### [7.2.31.166.p12](https://indike.org/pramana/in.purana.siva.7.2.31.166.p12) saurā brahmāstathā raudrā vaiṣṇavāścāpare narāḥ // ### [7.2.31.166.p13](https://indike.org/pramana/in.purana.siva.7.2.31.166.p13) śiṣṭāḥ sarve viśiṣṭā ca śivaśāsanayaṃtritāḥ // ### [7.2.31.166.p14](https://indike.org/pramana/in.purana.siva.7.2.31.166.p14) karmedamanumanyaṃtāṃ mamābhipretasādhakam // ### [7.2.31.166.p15](https://indike.org/pramana/in.purana.siva.7.2.31.166.p15) śaivāḥ siddhāṃtamārgasthāḥ śaivāḥ pāśupatāstathā // ### [7.2.31.166.p16](https://indike.org/pramana/in.purana.siva.7.2.31.166.p16) śaivā mahāvratadharāḥ śaivāḥ kāpālikāḥ pare // ### [7.2.31.166.p17](https://indike.org/pramana/in.purana.siva.7.2.31.166.p17) śivājñāpālakāḥ pūjyā mamāpi śivaśāsanāt // ### [7.2.31.166.p18](https://indike.org/pramana/in.purana.siva.7.2.31.166.p18) sarve mamānugṛhṇaṃtu śaṃsaṃtu saphalakriyām // ### [7.2.31.166.p19](https://indike.org/pramana/in.purana.siva.7.2.31.166.p19) dakṣiṇajñānaniṣṭhāśca dakṣiṇottaramārgagāḥ // ### [7.2.31.166.p20](https://indike.org/pramana/in.purana.siva.7.2.31.166.p20) avirodhena vartaṃtāṃ maṃtraśreyo 'rthino mama // ### [7.2.31.166.p21](https://indike.org/pramana/in.purana.siva.7.2.31.166.p21) nāstikāśca śaṭhāścaiva kṛtaghnāścaiva tāmasāḥ // ### [7.2.31.166.p22](https://indike.org/pramana/in.purana.siva.7.2.31.166.p22) pāṣaṃḍāścātipāpāśca vartaṃtāṃ dūrato mama // ### [7.2.31.166.p23](https://indike.org/pramana/in.purana.siva.7.2.31.166.p23) bahubhiḥ kiṃ stutairatra ye 'pi ke 'picidāstikāḥ // ### [7.2.31.166.p24](https://indike.org/pramana/in.purana.siva.7.2.31.166.p24) sarve māmanugṛhṇaṃtu saṃtaḥ śaṃsaṃtu maṃgalam // ### [7.2.31.166.p25](https://indike.org/pramana/in.purana.siva.7.2.31.166.p25) namaśśivāya sāṃbāya sasutāyādihetave // ### [7.2.31.166.p26](https://indike.org/pramana/in.purana.siva.7.2.31.166.p26) pañcāvaraṇarūpeṇa prapañcenāvṛtāya te // ### [7.2.31.166.p27](https://indike.org/pramana/in.purana.siva.7.2.31.166.p27) ityuktvā daṃḍavadbhūmau praṇipatya śivaṃ śivām // ### [7.2.31.166.p28](https://indike.org/pramana/in.purana.siva.7.2.31.166.p28) japetpañcākṣarīṃ vidyāmaṣṭottaraśatāvarām // ### [7.2.31.166.p29](https://indike.org/pramana/in.purana.siva.7.2.31.166.p29) tathaiva śaktividyāṃ ca japitvā tatsamarpaṇam // ### [7.2.31.166.p30](https://indike.org/pramana/in.purana.siva.7.2.31.166.p30) kṛtvā taṃ kṣamayitveśaṃ pūjāśeṣaṃ samāpayet // ### [7.2.31.166.p31](https://indike.org/pramana/in.purana.siva.7.2.31.166.p31) etatpuṇyatamaṃ stotraṃ śivayorhṛdayaṃgamam // ### [7.2.31.166.p32](https://indike.org/pramana/in.purana.siva.7.2.31.166.p32) sarvābhīṣṭapradaṃ sākṣādbhuktimuktyaikasādhanam // ### [7.2.31.166.p33](https://indike.org/pramana/in.purana.siva.7.2.31.166.p33) ya idaṃ kīrtayennityaṃ śṛṇuyādvā samāhitaḥ // ### [7.2.31.166.p34](https://indike.org/pramana/in.purana.siva.7.2.31.166.p34) sa vidhūyāśu pāpāni śivasāyujyamāpnuyāt // ### [7.2.31.166.p35](https://indike.org/pramana/in.purana.siva.7.2.31.166.p35) goghnaścaiva kṛtaghnaśca vīrahā bhrūṇahāpi vā // ### [7.2.31.166.p36](https://indike.org/pramana/in.purana.siva.7.2.31.166.p36) śaraṇāgataghātī ca mitraviśraṃbhaghātakaḥ // ### [7.2.31.166.p37](https://indike.org/pramana/in.purana.siva.7.2.31.166.p37) duṣṭapāpasamācāro mātṛhā pitṛhāpi vā // ### [7.2.31.166.p38](https://indike.org/pramana/in.purana.siva.7.2.31.166.p38) stavenānena japtena tattatpāpātpramucyate // ### [7.2.31.166.p39](https://indike.org/pramana/in.purana.siva.7.2.31.166.p39) duḥsvapnādimahānarthasūcakeṣu bhayeṣu ca // ### [7.2.31.166.p40](https://indike.org/pramana/in.purana.siva.7.2.31.166.p40) yadi saṃkīrtayedetanna tato nārthabhāgbhavet // ### [7.2.31.166.p41](https://indike.org/pramana/in.purana.siva.7.2.31.166.p41) āyurārogyamaiśvaryaṃ yaccānyadapi vāñchitam // ### [7.2.31.166.p42](https://indike.org/pramana/in.purana.siva.7.2.31.166.p42) stotrasyāsya jape tiṣṭhaṃstatsarvaṃ labhate naraḥ // ### [7.2.31.166.p43](https://indike.org/pramana/in.purana.siva.7.2.31.166.p43) asaṃpūjya śivastotraṃ japātphalamudāhṛtam // ### [7.2.31.166.p44](https://indike.org/pramana/in.purana.siva.7.2.31.166.p44) saṃpūjya ca jape tasya phalaṃ vaktuṃ na śakyate // ### [7.2.31.166.p45](https://indike.org/pramana/in.purana.siva.7.2.31.166.p45) 586b ### [7.2.31.166.p46](https://indike.org/pramana/in.purana.siva.7.2.31.166.p46) āstāmiyaṃ phalāvāptirasminsaṃkīrtite sati // ### [7.2.31.166.p47](https://indike.org/pramana/in.purana.siva.7.2.31.166.p47) sārdhamaṃbikayā devaḥ śrutyaivaṃ divi tiṣṭhati // ### [7.2.31.166.p48](https://indike.org/pramana/in.purana.siva.7.2.31.166.p48) tasmānnabhasi saṃpūjya devaṃ devaṃ sahomayā // ### [7.2.31.166.p49](https://indike.org/pramana/in.purana.siva.7.2.31.166.p49) kṛtāṃjalipuṭastiṣṭhaṃstotrametadudīrayet // ### [7.2.31.166.p50](https://indike.org/pramana/in.purana.siva.7.2.31.166.p50) oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śivamahāstotravarṇanaṃ nāmaikatriṃśo 'dhyāyaḥ ### [7.2.31.166.p51](https://indike.org/pramana/in.purana.siva.7.2.31.166.p51) Chapter 32 upamanyuruvāca etatte kathitaṃ kṛṣṇa karmehāmutra siddhidam // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.2.31.166) — Sanskrit ## Linked texts (2) - [Kriyāsāra](https://indike.org/pramana/in.sampradaya.saiva.virasaiva.kriyasara.2.6.172) — Śrīkaṇtha, Sanskrit - [Dānamayūkha](https://indike.org/pramana/in.niti.dharma.dana.danamayukha.3.p56) — Nīlakaṇṭha Dīkṣita 1600, Sanskrit --- Source: [https://indike.org/pramana/in.purana.siva.7.2.31.166](https://indike.org/pramana/in.purana.siva.7.2.31.166) · Pramāṇa