Shivapurana 7.2.32
Śivapurāṇa 7.2.32
- Language
- Sanskrit
Contents
- 7.2.32.17 — 145 parts
7.2.32.1
/
kriyātapojapadhyānasamuccayamayaṃ param //
/
atha vakṣyāmi śaivānāmihaiva phaladaṃ nṛṇām //
7.2.32.2
/
pūjāhomajapadhyānatapodānamayaṃ mahat //
/
tatra saṃsādhayetpūrvaṃ mantraṃ mantrārthavittamaḥ //
7.2.32.3
/
dṛṣṭasiddhikaraṃ karma nānyathā phaladaṃ yataḥ //
/
siddhamantro 'pyadṛṣṭena prabalena tu kenacit //
7.2.32.4
/
pratibandhaphalaṃ karma na kuryātsahasā budhaḥ //
/
tasya tu pratibandhasya kartuṃ śakyeha niṣkṛtiḥ //
7.2.32.5
/
parīkṣya śakunādyaistadādau niṣkṛtimācaret //
/
yo 'nyathā kurute mohātkarmaihikaphalaṃ naraḥ //
7.2.32.6
/
na tena phalabhāksa syātprāpnuyāccopahāsyatām //
/
abisrabdho na kurvīta karma dṛṣṭaphalaṃ kvacit //
7.2.32.7
/
sa khalvaśraddhadhānaḥ syānnāśraddhaḥ phalamṛcchati //
/
nāparādhosti devasya karmaṇyapi tu niṣphale //
7.2.32.8
/
yathoktakāriṇāṃ puṃsāmihaiva phaladarśanāt //
/
sādhakaḥ siddhamaṃtraśca nirastapratibaṃdhakaḥ //
7.2.32.9
/
viśvastaḥ śraddhadhānaśca kurvannāpnoti tatphalam //
/
athavā tatphalāvāptyai brahmacaryarato bhavet //
7.2.32.10
/
rātrau haviṣyamaśnīyātpāyasaṃ vā phalāni vā //
/
hiṃsādi yanniṣiddhaṃ syānna kuryānmanasāpi tat //
7.2.32.11
/
sadā bhasmānuliptāṃ gassuveṣaśca śucirbhavet //
/
itthamācāravānbhūtvā svānukūle śubhe 'hani //
7.2.32.12
/
pūrvoktalakṣaṇe deśe puṣpadāmādyalaṃkṛte //
/
ālipya śakṛtā 1 bhūmiṃ hastamānāvarāṃ yathā //
7.2.32.13
/
vilikhetkamale bhadre dīpyamānaṃ svatejasā //
/
taptajāṃbūnadamayamaṣṭapatraṃ sakesaram //
7.2.32.14
/
madhye karṇikayā yuktaṃ sarvaratnairalaṃkṛtam //
/
svākārasadṛśenaiva nālena ca samanvitam //
7.2.32.15
/
tādṛśe svarṇanirmāṇe kaṃde samyagvidhānataḥ //
/
tatrāṇimādikaṃ sarvaṃ saṃkalpya manasā punaḥ //
7.2.32.16
/
ratnajaṃ vātha sauvarṇaṃ sphaṭikaṃ vā salakṣaṇam //
/
liṅgaṃ savedikaṃ caiva sthāpayitvā vidhānataḥ //
/
tatrāvāhya yajeddevaṃ sāṃbaṃ sagaṇamavyayam //
7.2.32.17
/
tatra māheśvarī kalpyā mūrtirmūrtimataḥ prabhoḥ //
7.2.32.17.p1
1 goriti śeṣaḥ
7.2.32.17.p2
587a
7.2.32.17.p3
caturbhujā caturvaktrā sarvābharaṇabhūṣitā //
7.2.32.17.p4
śārdūlacarmavasanā kiṃcidvihasitānanā //
7.2.32.17.p5
varadābhayahastā ca mṛgaṭaṃkadharā tathā //
7.2.32.17.p6
atha vāṣṭabhujā ciṃtyā ciṃtakasya yathāruci //
7.2.32.17.p7
tadā triśūlaparaśukhaḍgavajrāṇi dakṣiṇe //
7.2.32.17.p8
vāme pāśāṃkuśau tadvatkheṭaṃ nāgaṃ ca bibhratī //
7.2.32.17.p9
bālārkasadṛśaprakhyā prativaktraṃ trilocanā //
7.2.32.17.p10
tasyāḥ pūrvamukhaṃ saumyaṃ svākārasadṛśaprabham //
7.2.32.17.p11
dakṣiṇaṃ nīlajīmūtasadṛśaṃ ghoradarśanam //
7.2.32.17.p12
uttaraṃ vidrumaprakhyaṃ nīlālakavibhūṣitam //
7.2.32.17.p13
paścimaṃ pūrṇacaṃdrābhaṃ saumyamiṃdukalādharam //
7.2.32.17.p14
tadaṃkamaṃḍalārūḍhā śaktirmāheśvarī parā //
7.2.32.17.p15
mahālakṣmīriti khyātā śyāmā sarvamanoharā //
7.2.32.17.p16
mūrtiṃ kṛtvaivamākārāṃ sakalīkṛtya ca kramāt //
7.2.32.17.p17
mūrtimaṃtamathāvāhya yajetparamakāraṇam //
7.2.32.17.p18
snānārthe kalpayettatra pañcagavyaṃ tu kāpilam //
7.2.32.17.p19
pañcāmṛtaṃ ca pūrṇāni bījāni ca viśeṣataḥ //
7.2.32.17.p20
purastānmaṇḍalaṃ kṛtvā ratnacūrṇādyalaṃkṛtam //
7.2.32.17.p21
karṇikāyāṃ pravinyasyedīśānakalaśaṃ punaḥ //
7.2.32.17.p22
sadyādikalaśānpaścātparitastasya kalpayet //
7.2.32.17.p23
tato vidyeśakalaśānaṣṭau pūrvādivatkramāt //
7.2.32.17.p24
tīrthāmbupūritānkṛtvā sūtreṇāveṣṭya pūrvavat //
7.2.32.17.p25
puṇyadravyāṇi nikṣipya samantraṃ savidhānakam //
7.2.32.17.p26
dukūlādyena vastreṇa samācchādya samaṃtataḥ //
7.2.32.17.p27
sarvatra maṃtraṃ vinyasya tattanmaṃtrapurassaram //
7.2.32.17.p28
snānakāle tu saṃprāpte sarvamaṅgalanisvanaiḥ //
7.2.32.17.p29
pañcagavyādibhiścaiva snāpayetparameśvaram //
7.2.32.17.p30
tataḥ kuśodakādyāni svarṇaratnodakānyapi //
7.2.32.17.p31
gaṃdhapuṣpādisiddhāni mantrasiddhāni ca kramāt //
7.2.32.17.p32
uddhṛtyoddhṛtya mantreṇa taistaissnāpya maheśvaram //
7.2.32.17.p33
gaṃdhaṃ puṣpādidīpāṃśca pūjākarma samācaret //
7.2.32.17.p34
palāvaraḥ syādālepa ekādaśapalottaraḥ //
7.2.32.17.p35
suvarṇaratnapuṣpāṇi śubhāni surabhīṇi ca //
7.2.32.17.p36
nīlotpalādyutpalāni bilvapatrāṇyanekaśaḥ //
7.2.32.17.p37
kamalāni ca raktāni śvetānyapi ca śaṃbhave //
7.2.32.17.p38
kṛṣṇāgurūdbhavo dhūpaḥ sakarpūrājyaguggulaḥ //
7.2.32.17.p39
kapilāghṛtasaṃsiddhā dīpāḥ karpūravartijāḥ //
7.2.32.17.p40
pañcabrahmaṣaḍaṃgāni pūjyānyāvaraṇāni ca //
7.2.32.17.p41
naivedyaḥ payasā siddhaḥ sa guḍājyo mahācaruḥ //
7.2.32.17.p42
pāṭalotpalapadmādyaiḥ pānīyaṃ ca sugandhitam //
7.2.32.17.p43
pañcasaugaṃdhikopetaṃ tāṃbūlaṃ ca susaṃskṛtam //
7.2.32.17.p44
suvarṇaratnasiddhāni bhūṣaṇāni viśeṣataḥ //
7.2.32.17.p45
587b
7.2.32.17.p46
vāsāṃsi ca vicitrāṇi sūkṣmāṇi ca navāni ca //
7.2.32.17.p47
darśanīyāni deyāni gānavādyādibhissaha //
7.2.32.17.p48
japaśca mūlamaṃtrasya lakṣaḥ paramasaṃkhyayā //
7.2.32.17.p49
ekāvarā tryuttarā ca pūjā phalavaśādiha //
7.2.32.17.p50
daśasaṃkhyāvaro homaḥ pratidravyaṃ śatottaraḥ //
7.2.32.17.p51
ghorarūpaśśivaściṃtyo māraṇoccāṭanādiṣu //
7.2.32.17.p52
śivaliṃge śivāgnau ca hyanyāsu pratimāsu ca //
7.2.32.17.p53
ciṃtyassaumyatanuśśaṃbhuḥ kārye śāṃtikapauṣṭike //
7.2.32.17.p54
āyasau sruksruvau kāryau māraṇādiṣu karmasu //
7.2.32.17.p55
tadanyatra tu sauvarṇau śāṃtikādyeṣu kṛtsnaśaḥ //
7.2.32.17.p56
dūrvayā ghṛtagokṣīramiśrayā madhunā tathā //
7.2.32.17.p57
caruṇā saghṛtenaiva kevalaṃ payasāpi vā //
7.2.32.17.p58
juhuyānmṛtyuvijaye tilai rogopaśāṃtaye //
7.2.32.17.p59
ghṛtena payasā caiva kamalairvātha kevalaiḥ //
7.2.32.17.p60
samṛddhikāmo juhuyānmahādāridryaśāṃtaye //
7.2.32.17.p61
jātīpuṣpeṇa vaśyārthī juhuyātsaghṛtena tu //
7.2.32.17.p62
ghṛtena karavīraiśca kuryādākarṣaṇaṃ dvijaḥ //
7.2.32.17.p63
tailenoccāṭanaṃ kuryātstaṃbhanaṃ madhunā punaḥ //
7.2.32.17.p64
staṃbhanaṃ sarṣapeṇāpi laśunena tu pātanam //
7.2.32.17.p65
tāḍanaṃ rudhireṇa syātkharasyoṣṭrasya cobhayoḥ //
7.2.32.17.p66
māraṇoccāṭane kuryādrohibījaistilānvitaiḥ //
7.2.32.17.p67
vidveṣaṇaṃ ca tailena kuryāllāṃgalakasya tu //
7.2.32.17.p68
baṃdhanaṃ rohibījena senāstaṃbhanameva ca //
7.2.32.17.p69
raktasarṣapasaṃmiśrairhomadravyairaśeṣataḥ //
7.2.32.17.p70
hastayaṃtrodbhavaistailairjuhuyādābhicārike //
7.2.32.17.p71
kaṭukītuṣasaṃyuktaiḥ kārpāsāsthibhireva ca //
7.2.32.17.p72
sarṣapaistailasaṃmiśrairjuhuyādābhicārike //
7.2.32.17.p73
jvaropaśāṃtidaṃ kṣīraṃ saubhāgyaphaladaṃ tathā //
7.2.32.17.p74
sarvasiddhikaro homaḥ kṣaudrājyadadhibhiryutaiḥ //
7.2.32.17.p75
kṣīreṇa taṃdulaiścaiva caruṇā kevalena vā //
7.2.32.17.p76
śāṃtikaṃ pauṣṭikaṃ vāpi saptabhiḥ samidādibhiḥ //
7.2.32.17.p77
dravyairviśeṣato home vaśyamākarṣaṇaṃ tathā //
7.2.32.17.p78
vaśyamākarṣaṇaṃ caiva śrīpadaṃ ca viśeṣataḥ //
7.2.32.17.p79
bilvapatraistu havanaṃ śatrorvijayadaṃ tathā //
7.2.32.17.p80
samidhaḥ śāṃtikāryeṣu pālāśakhadirādikāḥ //
7.2.32.17.p81
karavīrārkajāḥ kraurye kaṇṭakinyaśca vigrahe //
7.2.32.17.p82
praśāṃtaḥ śāṃtikaṃ kuryātpauṣṭikaṃ ca viśeṣataḥ //
7.2.32.17.p83
nirghṛṇaḥ kruddhacittastu prakuryādābhicārikam //
7.2.32.17.p84
atīvaduravasthāyāṃ pratīkārāṃtaraṃ na cet //
7.2.32.17.p85
ātatāyinamuddiśya prakuryādābhicārikam //
7.2.32.17.p86
svarāṣṭrapatimuddiśya na kuryādābhicārikam //
7.2.32.17.p87
yadyāstikassudharmiṣṭho mānyo vā yo 'pi kopi vā //
7.2.32.17.p88
tamuddiśyāpi no kuryādātatāyinamapyuta //
7.2.32.17.p89
manasā karmaṇā vācā yo 'pi kopi śivāśritaḥ //
7.2.32.17.p90
588a
7.2.32.17.p91
svarāṣṭrapatimuddiśya śivā śritamathāpi vā //
7.2.32.17.p92
kṛtvābhicārikaṃ karma sadyo vinipatennaraḥ //
7.2.32.17.p93
svarāṣṭrapālakaṃ tasmācchivabhaktaṃ ca kañcana //
7.2.32.17.p94
na hiṃsyādabhicārādyairyadīcchetsukhamātmanaḥ //
7.2.32.17.p95
anyaṃ kamapi coddiśya kṛtvā vai māraṇādikam //
7.2.32.17.p96
paścāttāpena saṃyuktaḥ prāyaścittaṃ samācaret //
7.2.32.17.p97
bāṇaliṃge 'pi vā kuryānnirdhano dhanavānapi //
7.2.32.17.p98
svayaṃbhūte 'tha vā liṃge ārṣake vaidike 'pi vā //
7.2.32.17.p99
abhāve hemaratnānāmaśaktau ca tadarjane //
7.2.32.17.p100
manasaivācaredetaddravyairvā pratirūpakaiḥ //
7.2.32.17.p101
kvacidaṃśe tu yaḥ śaktastvaśaktaḥ kvacidaṃśake //
7.2.32.17.p102
so 'pi śaktyanusāreṇa kurvaṃścetphalamṛcchati //
7.2.32.17.p103
karmaṇyanuṣṭhite 'pyasminphalaṃ yatra na dṛśyate //
7.2.32.17.p104
dvistrirvāvartayettatra sarvathā dṛśyate phalam //
7.2.32.17.p105
pūjopayuktaṃ yaddravyaṃ hemaratnādyanuttamam //
7.2.32.17.p106
tatsarvaṃ gurave dadyāddakṣiṇāṃ ca tataḥ pṛthak //
7.2.32.17.p107
sa cennecchati tatsarvaṃ śivāya vinivedayet //
7.2.32.17.p108
athavā śivabhaktebhyo nānyebhyastu pradīyate //
7.2.32.17.p109
yaḥ svayaṃ sādhayecchaktyā gurvādinirapekṣayā //
7.2.32.17.p110
so 'pyevamācaredatra na gṛhṇīyātsvayaṃ punaḥ //
7.2.32.17.p111
svayaṃ gṛhṇāti yo lobhātpūjāṃgadravyamuttamam //
7.2.32.17.p112
kāṃkṣitaṃ na labhenmūḍho nātra kāryā vicāraṇā //
7.2.32.17.p113
arcitaṃ yattu talliṃgaṃ gṛhṇīyādvā navā svayam //
7.2.32.17.p114
gṛhṇīyādyadi tannityaṃ svayaṃ vānyo 'pi vārcayet //
7.2.32.17.p115
yathoktameva karmaitadācaredyo 'napāyataḥ //
7.2.32.17.p116
phalaṃ vyabhicarennaivamityataḥ kiṃ prarocakam //
7.2.32.17.p117
tathāpyuddeśato vakṣye karmaṇaḥ siddhimuttamam //
7.2.32.17.p118
api śatrubhirākrāṃto vyādhibhirvāpyanekaśaḥ //
7.2.32.17.p119
mṛtyorāsyagataścāpi mucyate nirapāyataḥ //
7.2.32.17.p120
pūjāyate 'tikṛpaṇo rikto vaiśravaṇāyate //
7.2.32.17.p121
kāmāyate virūpo 'pi vṛddho 'pi taruṇāyate //
7.2.32.17.p122
śatrurmitrāyate sadyo virodhī kiṃkarāyate //
7.2.32.17.p123
viṣāyate yadamṛtaṃ viṣamapyamṛtāyate //
7.2.32.17.p124
sthalāyate samudro 'pi sthalamapyarṇavāyate //
7.2.32.17.p125
mahīdharāyate śvabhraṃ sa ca śvabhrāyate giriḥ //
7.2.32.17.p126
padmākarāyate vahniḥ saro vaiśvānarāyate //
7.2.32.17.p127
vanāyate yadudyānaṃ tadudyānāyate vanam //
7.2.32.17.p128
siṃhāyate mṛgaḥ kṣudraḥ siṃhaḥ krīḍāmṛgāyate //
7.2.32.17.p129
striyo 'bhisārikāyante lakṣmīḥ sucaritāyate //
7.2.32.17.p130
svairapreṣyāyate vāṇī kīrtistu gaṇikāyate //
7.2.32.17.p131
svairācārāyate medhā vajrasūcīyate manaḥ //
7.2.32.17.p132
mahāvātāyate śaktirbalaṃ mattagajāyate //
7.2.32.17.p133
588b
7.2.32.17.p134
stambhāyate samudyogaiḥ śatrupakṣe sthitā kriyā //
7.2.32.17.p135
śatrupakṣāyate 'rīṇāṃ sarva eva suhṛjjanaḥ //
7.2.32.17.p136
śatravaḥ kuṇapāyante jīvantopi sabāṃdhavāḥ //
7.2.32.17.p137
āpanno 'pi gatāriṣṭaḥ svayaṃ khalvamṛtāyate //
7.2.32.17.p138
rasāya nāyate nityamapathyamapi sevitam //
7.2.32.17.p139
aniśaṃ kriyamāṇāpi ratistvabhinavāyate //
7.2.32.17.p140
anāgatādikaṃ sarvaṃ karasthāmalakāyate //
7.2.32.17.p141
yādṛcchikaphalāyante siddhayo 'pyaṇimādayaḥ //
7.2.32.17.p142
bahunātra kimuktena sarvakāmārthasiddhiṣu //
7.2.32.17.p143
asminkarmaṇi nirvṛtte tvanavāpyaṃ na vidyate //
7.2.32.17.p144
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe aihikasiddhikarmavarṇanaṃ nāma dvātriṃśo 'dhyāyaḥ
7.2.32.17.p145
Chapter 33
upamanyuruvāca
ataḥ paraṃ pravakṣyāmi kevalāmuṣmikaṃ vidhim //
Other recensions (1)
- Śivapurāṇa (complete text) — Sanskrit
Linked texts (1)
- Kriyāsāra — Śrīkaṇtha, Sanskrit