[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.2.32 # Shivapurana 7.2.32 Śivapurāṇa 7.2.32 - **Language:** Sanskrit ## Contents - [7.2.32.17](https://indike.org/pramana/in.purana.siva.7.2.32.17) — 145 parts ### [7.2.32.1](https://indike.org/pramana/in.purana.siva.7.2.32.1) / kriyātapojapadhyānasamuccayamayaṃ param // / atha vakṣyāmi śaivānāmihaiva phaladaṃ nṛṇām // ### [7.2.32.2](https://indike.org/pramana/in.purana.siva.7.2.32.2) / pūjāhomajapadhyānatapodānamayaṃ mahat // / tatra saṃsādhayetpūrvaṃ mantraṃ mantrārthavittamaḥ // ### [7.2.32.3](https://indike.org/pramana/in.purana.siva.7.2.32.3) / dṛṣṭasiddhikaraṃ karma nānyathā phaladaṃ yataḥ // / siddhamantro 'pyadṛṣṭena prabalena tu kenacit // ### [7.2.32.4](https://indike.org/pramana/in.purana.siva.7.2.32.4) / pratibandhaphalaṃ karma na kuryātsahasā budhaḥ // / tasya tu pratibandhasya kartuṃ śakyeha niṣkṛtiḥ // ### [7.2.32.5](https://indike.org/pramana/in.purana.siva.7.2.32.5) / parīkṣya śakunādyaistadādau niṣkṛtimācaret // / yo 'nyathā kurute mohātkarmaihikaphalaṃ naraḥ // ### [7.2.32.6](https://indike.org/pramana/in.purana.siva.7.2.32.6) / na tena phalabhāksa syātprāpnuyāccopahāsyatām // / abisrabdho na kurvīta karma dṛṣṭaphalaṃ kvacit // ### [7.2.32.7](https://indike.org/pramana/in.purana.siva.7.2.32.7) / sa khalvaśraddhadhānaḥ syānnāśraddhaḥ phalamṛcchati // / nāparādhosti devasya karmaṇyapi tu niṣphale // ### [7.2.32.8](https://indike.org/pramana/in.purana.siva.7.2.32.8) / yathoktakāriṇāṃ puṃsāmihaiva phaladarśanāt // / sādhakaḥ siddhamaṃtraśca nirastapratibaṃdhakaḥ // ### [7.2.32.9](https://indike.org/pramana/in.purana.siva.7.2.32.9) / viśvastaḥ śraddhadhānaśca kurvannāpnoti tatphalam // / athavā tatphalāvāptyai brahmacaryarato bhavet // ### [7.2.32.10](https://indike.org/pramana/in.purana.siva.7.2.32.10) / rātrau haviṣyamaśnīyātpāyasaṃ vā phalāni vā // / hiṃsādi yanniṣiddhaṃ syānna kuryānmanasāpi tat // ### [7.2.32.11](https://indike.org/pramana/in.purana.siva.7.2.32.11) / sadā bhasmānuliptāṃ gassuveṣaśca śucirbhavet // / itthamācāravānbhūtvā svānukūle śubhe 'hani // ### [7.2.32.12](https://indike.org/pramana/in.purana.siva.7.2.32.12) / pūrvoktalakṣaṇe deśe puṣpadāmādyalaṃkṛte // / ālipya śakṛtā 1 bhūmiṃ hastamānāvarāṃ yathā // ### [7.2.32.13](https://indike.org/pramana/in.purana.siva.7.2.32.13) / vilikhetkamale bhadre dīpyamānaṃ svatejasā // / taptajāṃbūnadamayamaṣṭapatraṃ sakesaram // ### [7.2.32.14](https://indike.org/pramana/in.purana.siva.7.2.32.14) / madhye karṇikayā yuktaṃ sarvaratnairalaṃkṛtam // / svākārasadṛśenaiva nālena ca samanvitam // ### [7.2.32.15](https://indike.org/pramana/in.purana.siva.7.2.32.15) / tādṛśe svarṇanirmāṇe kaṃde samyagvidhānataḥ // / tatrāṇimādikaṃ sarvaṃ saṃkalpya manasā punaḥ // ### [7.2.32.16](https://indike.org/pramana/in.purana.siva.7.2.32.16) / ratnajaṃ vātha sauvarṇaṃ sphaṭikaṃ vā salakṣaṇam // / liṅgaṃ savedikaṃ caiva sthāpayitvā vidhānataḥ // / tatrāvāhya yajeddevaṃ sāṃbaṃ sagaṇamavyayam // ### [7.2.32.17](https://indike.org/pramana/in.purana.siva.7.2.32.17) / tatra māheśvarī kalpyā mūrtirmūrtimataḥ prabhoḥ // ### [7.2.32.17.p1](https://indike.org/pramana/in.purana.siva.7.2.32.17.p1) 1 goriti śeṣaḥ ### [7.2.32.17.p2](https://indike.org/pramana/in.purana.siva.7.2.32.17.p2) 587a ### [7.2.32.17.p3](https://indike.org/pramana/in.purana.siva.7.2.32.17.p3) caturbhujā caturvaktrā sarvābharaṇabhūṣitā // ### [7.2.32.17.p4](https://indike.org/pramana/in.purana.siva.7.2.32.17.p4) śārdūlacarmavasanā kiṃcidvihasitānanā // ### [7.2.32.17.p5](https://indike.org/pramana/in.purana.siva.7.2.32.17.p5) varadābhayahastā ca mṛgaṭaṃkadharā tathā // ### [7.2.32.17.p6](https://indike.org/pramana/in.purana.siva.7.2.32.17.p6) atha vāṣṭabhujā ciṃtyā ciṃtakasya yathāruci // ### [7.2.32.17.p7](https://indike.org/pramana/in.purana.siva.7.2.32.17.p7) tadā triśūlaparaśukhaḍgavajrāṇi dakṣiṇe // ### [7.2.32.17.p8](https://indike.org/pramana/in.purana.siva.7.2.32.17.p8) vāme pāśāṃkuśau tadvatkheṭaṃ nāgaṃ ca bibhratī // ### [7.2.32.17.p9](https://indike.org/pramana/in.purana.siva.7.2.32.17.p9) bālārkasadṛśaprakhyā prativaktraṃ trilocanā // ### [7.2.32.17.p10](https://indike.org/pramana/in.purana.siva.7.2.32.17.p10) tasyāḥ pūrvamukhaṃ saumyaṃ svākārasadṛśaprabham // ### [7.2.32.17.p11](https://indike.org/pramana/in.purana.siva.7.2.32.17.p11) dakṣiṇaṃ nīlajīmūtasadṛśaṃ ghoradarśanam // ### [7.2.32.17.p12](https://indike.org/pramana/in.purana.siva.7.2.32.17.p12) uttaraṃ vidrumaprakhyaṃ nīlālakavibhūṣitam // ### [7.2.32.17.p13](https://indike.org/pramana/in.purana.siva.7.2.32.17.p13) paścimaṃ pūrṇacaṃdrābhaṃ saumyamiṃdukalādharam // ### [7.2.32.17.p14](https://indike.org/pramana/in.purana.siva.7.2.32.17.p14) tadaṃkamaṃḍalārūḍhā śaktirmāheśvarī parā // ### [7.2.32.17.p15](https://indike.org/pramana/in.purana.siva.7.2.32.17.p15) mahālakṣmīriti khyātā śyāmā sarvamanoharā // ### [7.2.32.17.p16](https://indike.org/pramana/in.purana.siva.7.2.32.17.p16) mūrtiṃ kṛtvaivamākārāṃ sakalīkṛtya ca kramāt // ### [7.2.32.17.p17](https://indike.org/pramana/in.purana.siva.7.2.32.17.p17) mūrtimaṃtamathāvāhya yajetparamakāraṇam // ### [7.2.32.17.p18](https://indike.org/pramana/in.purana.siva.7.2.32.17.p18) snānārthe kalpayettatra pañcagavyaṃ tu kāpilam // ### [7.2.32.17.p19](https://indike.org/pramana/in.purana.siva.7.2.32.17.p19) pañcāmṛtaṃ ca pūrṇāni bījāni ca viśeṣataḥ // ### [7.2.32.17.p20](https://indike.org/pramana/in.purana.siva.7.2.32.17.p20) purastānmaṇḍalaṃ kṛtvā ratnacūrṇādyalaṃkṛtam // ### [7.2.32.17.p21](https://indike.org/pramana/in.purana.siva.7.2.32.17.p21) karṇikāyāṃ pravinyasyedīśānakalaśaṃ punaḥ // ### [7.2.32.17.p22](https://indike.org/pramana/in.purana.siva.7.2.32.17.p22) sadyādikalaśānpaścātparitastasya kalpayet // ### [7.2.32.17.p23](https://indike.org/pramana/in.purana.siva.7.2.32.17.p23) tato vidyeśakalaśānaṣṭau pūrvādivatkramāt // ### [7.2.32.17.p24](https://indike.org/pramana/in.purana.siva.7.2.32.17.p24) tīrthāmbupūritānkṛtvā sūtreṇāveṣṭya pūrvavat // ### [7.2.32.17.p25](https://indike.org/pramana/in.purana.siva.7.2.32.17.p25) puṇyadravyāṇi nikṣipya samantraṃ savidhānakam // ### [7.2.32.17.p26](https://indike.org/pramana/in.purana.siva.7.2.32.17.p26) dukūlādyena vastreṇa samācchādya samaṃtataḥ // ### [7.2.32.17.p27](https://indike.org/pramana/in.purana.siva.7.2.32.17.p27) sarvatra maṃtraṃ vinyasya tattanmaṃtrapurassaram // ### [7.2.32.17.p28](https://indike.org/pramana/in.purana.siva.7.2.32.17.p28) snānakāle tu saṃprāpte sarvamaṅgalanisvanaiḥ // ### [7.2.32.17.p29](https://indike.org/pramana/in.purana.siva.7.2.32.17.p29) pañcagavyādibhiścaiva snāpayetparameśvaram // ### [7.2.32.17.p30](https://indike.org/pramana/in.purana.siva.7.2.32.17.p30) tataḥ kuśodakādyāni svarṇaratnodakānyapi // ### [7.2.32.17.p31](https://indike.org/pramana/in.purana.siva.7.2.32.17.p31) gaṃdhapuṣpādisiddhāni mantrasiddhāni ca kramāt // ### [7.2.32.17.p32](https://indike.org/pramana/in.purana.siva.7.2.32.17.p32) uddhṛtyoddhṛtya mantreṇa taistaissnāpya maheśvaram // ### [7.2.32.17.p33](https://indike.org/pramana/in.purana.siva.7.2.32.17.p33) gaṃdhaṃ puṣpādidīpāṃśca pūjākarma samācaret // ### [7.2.32.17.p34](https://indike.org/pramana/in.purana.siva.7.2.32.17.p34) palāvaraḥ syādālepa ekādaśapalottaraḥ // ### [7.2.32.17.p35](https://indike.org/pramana/in.purana.siva.7.2.32.17.p35) suvarṇaratnapuṣpāṇi śubhāni surabhīṇi ca // ### [7.2.32.17.p36](https://indike.org/pramana/in.purana.siva.7.2.32.17.p36) nīlotpalādyutpalāni bilvapatrāṇyanekaśaḥ // ### [7.2.32.17.p37](https://indike.org/pramana/in.purana.siva.7.2.32.17.p37) kamalāni ca raktāni śvetānyapi ca śaṃbhave // ### [7.2.32.17.p38](https://indike.org/pramana/in.purana.siva.7.2.32.17.p38) kṛṣṇāgurūdbhavo dhūpaḥ sakarpūrājyaguggulaḥ // ### [7.2.32.17.p39](https://indike.org/pramana/in.purana.siva.7.2.32.17.p39) kapilāghṛtasaṃsiddhā dīpāḥ karpūravartijāḥ // ### [7.2.32.17.p40](https://indike.org/pramana/in.purana.siva.7.2.32.17.p40) pañcabrahmaṣaḍaṃgāni pūjyānyāvaraṇāni ca // ### [7.2.32.17.p41](https://indike.org/pramana/in.purana.siva.7.2.32.17.p41) naivedyaḥ payasā siddhaḥ sa guḍājyo mahācaruḥ // ### [7.2.32.17.p42](https://indike.org/pramana/in.purana.siva.7.2.32.17.p42) pāṭalotpalapadmādyaiḥ pānīyaṃ ca sugandhitam // ### [7.2.32.17.p43](https://indike.org/pramana/in.purana.siva.7.2.32.17.p43) pañcasaugaṃdhikopetaṃ tāṃbūlaṃ ca susaṃskṛtam // ### [7.2.32.17.p44](https://indike.org/pramana/in.purana.siva.7.2.32.17.p44) suvarṇaratnasiddhāni bhūṣaṇāni viśeṣataḥ // ### [7.2.32.17.p45](https://indike.org/pramana/in.purana.siva.7.2.32.17.p45) 587b ### [7.2.32.17.p46](https://indike.org/pramana/in.purana.siva.7.2.32.17.p46) vāsāṃsi ca vicitrāṇi sūkṣmāṇi ca navāni ca // ### [7.2.32.17.p47](https://indike.org/pramana/in.purana.siva.7.2.32.17.p47) darśanīyāni deyāni gānavādyādibhissaha // ### [7.2.32.17.p48](https://indike.org/pramana/in.purana.siva.7.2.32.17.p48) japaśca mūlamaṃtrasya lakṣaḥ paramasaṃkhyayā // ### [7.2.32.17.p49](https://indike.org/pramana/in.purana.siva.7.2.32.17.p49) ekāvarā tryuttarā ca pūjā phalavaśādiha // ### [7.2.32.17.p50](https://indike.org/pramana/in.purana.siva.7.2.32.17.p50) daśasaṃkhyāvaro homaḥ pratidravyaṃ śatottaraḥ // ### [7.2.32.17.p51](https://indike.org/pramana/in.purana.siva.7.2.32.17.p51) ghorarūpaśśivaściṃtyo māraṇoccāṭanādiṣu // ### [7.2.32.17.p52](https://indike.org/pramana/in.purana.siva.7.2.32.17.p52) śivaliṃge śivāgnau ca hyanyāsu pratimāsu ca // ### [7.2.32.17.p53](https://indike.org/pramana/in.purana.siva.7.2.32.17.p53) ciṃtyassaumyatanuśśaṃbhuḥ kārye śāṃtikapauṣṭike // ### [7.2.32.17.p54](https://indike.org/pramana/in.purana.siva.7.2.32.17.p54) āyasau sruksruvau kāryau māraṇādiṣu karmasu // ### [7.2.32.17.p55](https://indike.org/pramana/in.purana.siva.7.2.32.17.p55) tadanyatra tu sauvarṇau śāṃtikādyeṣu kṛtsnaśaḥ // ### [7.2.32.17.p56](https://indike.org/pramana/in.purana.siva.7.2.32.17.p56) dūrvayā ghṛtagokṣīramiśrayā madhunā tathā // ### [7.2.32.17.p57](https://indike.org/pramana/in.purana.siva.7.2.32.17.p57) caruṇā saghṛtenaiva kevalaṃ payasāpi vā // ### [7.2.32.17.p58](https://indike.org/pramana/in.purana.siva.7.2.32.17.p58) juhuyānmṛtyuvijaye tilai rogopaśāṃtaye // ### [7.2.32.17.p59](https://indike.org/pramana/in.purana.siva.7.2.32.17.p59) ghṛtena payasā caiva kamalairvātha kevalaiḥ // ### [7.2.32.17.p60](https://indike.org/pramana/in.purana.siva.7.2.32.17.p60) samṛddhikāmo juhuyānmahādāridryaśāṃtaye // ### [7.2.32.17.p61](https://indike.org/pramana/in.purana.siva.7.2.32.17.p61) jātīpuṣpeṇa vaśyārthī juhuyātsaghṛtena tu // ### [7.2.32.17.p62](https://indike.org/pramana/in.purana.siva.7.2.32.17.p62) ghṛtena karavīraiśca kuryādākarṣaṇaṃ dvijaḥ // ### [7.2.32.17.p63](https://indike.org/pramana/in.purana.siva.7.2.32.17.p63) tailenoccāṭanaṃ kuryātstaṃbhanaṃ madhunā punaḥ // ### [7.2.32.17.p64](https://indike.org/pramana/in.purana.siva.7.2.32.17.p64) staṃbhanaṃ sarṣapeṇāpi laśunena tu pātanam // ### [7.2.32.17.p65](https://indike.org/pramana/in.purana.siva.7.2.32.17.p65) tāḍanaṃ rudhireṇa syātkharasyoṣṭrasya cobhayoḥ // ### [7.2.32.17.p66](https://indike.org/pramana/in.purana.siva.7.2.32.17.p66) māraṇoccāṭane kuryādrohibījaistilānvitaiḥ // ### [7.2.32.17.p67](https://indike.org/pramana/in.purana.siva.7.2.32.17.p67) vidveṣaṇaṃ ca tailena kuryāllāṃgalakasya tu // ### [7.2.32.17.p68](https://indike.org/pramana/in.purana.siva.7.2.32.17.p68) baṃdhanaṃ rohibījena senāstaṃbhanameva ca // ### [7.2.32.17.p69](https://indike.org/pramana/in.purana.siva.7.2.32.17.p69) raktasarṣapasaṃmiśrairhomadravyairaśeṣataḥ // ### [7.2.32.17.p70](https://indike.org/pramana/in.purana.siva.7.2.32.17.p70) hastayaṃtrodbhavaistailairjuhuyādābhicārike // ### [7.2.32.17.p71](https://indike.org/pramana/in.purana.siva.7.2.32.17.p71) kaṭukītuṣasaṃyuktaiḥ kārpāsāsthibhireva ca // ### [7.2.32.17.p72](https://indike.org/pramana/in.purana.siva.7.2.32.17.p72) sarṣapaistailasaṃmiśrairjuhuyādābhicārike // ### [7.2.32.17.p73](https://indike.org/pramana/in.purana.siva.7.2.32.17.p73) jvaropaśāṃtidaṃ kṣīraṃ saubhāgyaphaladaṃ tathā // ### [7.2.32.17.p74](https://indike.org/pramana/in.purana.siva.7.2.32.17.p74) sarvasiddhikaro homaḥ kṣaudrājyadadhibhiryutaiḥ // ### [7.2.32.17.p75](https://indike.org/pramana/in.purana.siva.7.2.32.17.p75) kṣīreṇa taṃdulaiścaiva caruṇā kevalena vā // ### [7.2.32.17.p76](https://indike.org/pramana/in.purana.siva.7.2.32.17.p76) śāṃtikaṃ pauṣṭikaṃ vāpi saptabhiḥ samidādibhiḥ // ### [7.2.32.17.p77](https://indike.org/pramana/in.purana.siva.7.2.32.17.p77) dravyairviśeṣato home vaśyamākarṣaṇaṃ tathā // ### [7.2.32.17.p78](https://indike.org/pramana/in.purana.siva.7.2.32.17.p78) vaśyamākarṣaṇaṃ caiva śrīpadaṃ ca viśeṣataḥ // ### [7.2.32.17.p79](https://indike.org/pramana/in.purana.siva.7.2.32.17.p79) bilvapatraistu havanaṃ śatrorvijayadaṃ tathā // ### [7.2.32.17.p80](https://indike.org/pramana/in.purana.siva.7.2.32.17.p80) samidhaḥ śāṃtikāryeṣu pālāśakhadirādikāḥ // ### [7.2.32.17.p81](https://indike.org/pramana/in.purana.siva.7.2.32.17.p81) karavīrārkajāḥ kraurye kaṇṭakinyaśca vigrahe // ### [7.2.32.17.p82](https://indike.org/pramana/in.purana.siva.7.2.32.17.p82) praśāṃtaḥ śāṃtikaṃ kuryātpauṣṭikaṃ ca viśeṣataḥ // ### [7.2.32.17.p83](https://indike.org/pramana/in.purana.siva.7.2.32.17.p83) nirghṛṇaḥ kruddhacittastu prakuryādābhicārikam // ### [7.2.32.17.p84](https://indike.org/pramana/in.purana.siva.7.2.32.17.p84) atīvaduravasthāyāṃ pratīkārāṃtaraṃ na cet // ### [7.2.32.17.p85](https://indike.org/pramana/in.purana.siva.7.2.32.17.p85) ātatāyinamuddiśya prakuryādābhicārikam // ### [7.2.32.17.p86](https://indike.org/pramana/in.purana.siva.7.2.32.17.p86) svarāṣṭrapatimuddiśya na kuryādābhicārikam // ### [7.2.32.17.p87](https://indike.org/pramana/in.purana.siva.7.2.32.17.p87) yadyāstikassudharmiṣṭho mānyo vā yo 'pi kopi vā // ### [7.2.32.17.p88](https://indike.org/pramana/in.purana.siva.7.2.32.17.p88) tamuddiśyāpi no kuryādātatāyinamapyuta // ### [7.2.32.17.p89](https://indike.org/pramana/in.purana.siva.7.2.32.17.p89) manasā karmaṇā vācā yo 'pi kopi śivāśritaḥ // ### [7.2.32.17.p90](https://indike.org/pramana/in.purana.siva.7.2.32.17.p90) 588a ### [7.2.32.17.p91](https://indike.org/pramana/in.purana.siva.7.2.32.17.p91) svarāṣṭrapatimuddiśya śivā śritamathāpi vā // ### [7.2.32.17.p92](https://indike.org/pramana/in.purana.siva.7.2.32.17.p92) kṛtvābhicārikaṃ karma sadyo vinipatennaraḥ // ### [7.2.32.17.p93](https://indike.org/pramana/in.purana.siva.7.2.32.17.p93) svarāṣṭrapālakaṃ tasmācchivabhaktaṃ ca kañcana // ### [7.2.32.17.p94](https://indike.org/pramana/in.purana.siva.7.2.32.17.p94) na hiṃsyādabhicārādyairyadīcchetsukhamātmanaḥ // ### [7.2.32.17.p95](https://indike.org/pramana/in.purana.siva.7.2.32.17.p95) anyaṃ kamapi coddiśya kṛtvā vai māraṇādikam // ### [7.2.32.17.p96](https://indike.org/pramana/in.purana.siva.7.2.32.17.p96) paścāttāpena saṃyuktaḥ prāyaścittaṃ samācaret // ### [7.2.32.17.p97](https://indike.org/pramana/in.purana.siva.7.2.32.17.p97) bāṇaliṃge 'pi vā kuryānnirdhano dhanavānapi // ### [7.2.32.17.p98](https://indike.org/pramana/in.purana.siva.7.2.32.17.p98) svayaṃbhūte 'tha vā liṃge ārṣake vaidike 'pi vā // ### [7.2.32.17.p99](https://indike.org/pramana/in.purana.siva.7.2.32.17.p99) abhāve hemaratnānāmaśaktau ca tadarjane // ### [7.2.32.17.p100](https://indike.org/pramana/in.purana.siva.7.2.32.17.p100) manasaivācaredetaddravyairvā pratirūpakaiḥ // ### [7.2.32.17.p101](https://indike.org/pramana/in.purana.siva.7.2.32.17.p101) kvacidaṃśe tu yaḥ śaktastvaśaktaḥ kvacidaṃśake // ### [7.2.32.17.p102](https://indike.org/pramana/in.purana.siva.7.2.32.17.p102) so 'pi śaktyanusāreṇa kurvaṃścetphalamṛcchati // ### [7.2.32.17.p103](https://indike.org/pramana/in.purana.siva.7.2.32.17.p103) karmaṇyanuṣṭhite 'pyasminphalaṃ yatra na dṛśyate // ### [7.2.32.17.p104](https://indike.org/pramana/in.purana.siva.7.2.32.17.p104) dvistrirvāvartayettatra sarvathā dṛśyate phalam // ### [7.2.32.17.p105](https://indike.org/pramana/in.purana.siva.7.2.32.17.p105) pūjopayuktaṃ yaddravyaṃ hemaratnādyanuttamam // ### [7.2.32.17.p106](https://indike.org/pramana/in.purana.siva.7.2.32.17.p106) tatsarvaṃ gurave dadyāddakṣiṇāṃ ca tataḥ pṛthak // ### [7.2.32.17.p107](https://indike.org/pramana/in.purana.siva.7.2.32.17.p107) sa cennecchati tatsarvaṃ śivāya vinivedayet // ### [7.2.32.17.p108](https://indike.org/pramana/in.purana.siva.7.2.32.17.p108) athavā śivabhaktebhyo nānyebhyastu pradīyate // ### [7.2.32.17.p109](https://indike.org/pramana/in.purana.siva.7.2.32.17.p109) yaḥ svayaṃ sādhayecchaktyā gurvādinirapekṣayā // ### [7.2.32.17.p110](https://indike.org/pramana/in.purana.siva.7.2.32.17.p110) so 'pyevamācaredatra na gṛhṇīyātsvayaṃ punaḥ // ### [7.2.32.17.p111](https://indike.org/pramana/in.purana.siva.7.2.32.17.p111) svayaṃ gṛhṇāti yo lobhātpūjāṃgadravyamuttamam // ### [7.2.32.17.p112](https://indike.org/pramana/in.purana.siva.7.2.32.17.p112) kāṃkṣitaṃ na labhenmūḍho nātra kāryā vicāraṇā // ### [7.2.32.17.p113](https://indike.org/pramana/in.purana.siva.7.2.32.17.p113) arcitaṃ yattu talliṃgaṃ gṛhṇīyādvā navā svayam // ### [7.2.32.17.p114](https://indike.org/pramana/in.purana.siva.7.2.32.17.p114) gṛhṇīyādyadi tannityaṃ svayaṃ vānyo 'pi vārcayet // ### [7.2.32.17.p115](https://indike.org/pramana/in.purana.siva.7.2.32.17.p115) yathoktameva karmaitadācaredyo 'napāyataḥ // ### [7.2.32.17.p116](https://indike.org/pramana/in.purana.siva.7.2.32.17.p116) phalaṃ vyabhicarennaivamityataḥ kiṃ prarocakam // ### [7.2.32.17.p117](https://indike.org/pramana/in.purana.siva.7.2.32.17.p117) tathāpyuddeśato vakṣye karmaṇaḥ siddhimuttamam // ### [7.2.32.17.p118](https://indike.org/pramana/in.purana.siva.7.2.32.17.p118) api śatrubhirākrāṃto vyādhibhirvāpyanekaśaḥ // ### [7.2.32.17.p119](https://indike.org/pramana/in.purana.siva.7.2.32.17.p119) mṛtyorāsyagataścāpi mucyate nirapāyataḥ // ### [7.2.32.17.p120](https://indike.org/pramana/in.purana.siva.7.2.32.17.p120) pūjāyate 'tikṛpaṇo rikto vaiśravaṇāyate // ### [7.2.32.17.p121](https://indike.org/pramana/in.purana.siva.7.2.32.17.p121) kāmāyate virūpo 'pi vṛddho 'pi taruṇāyate // ### [7.2.32.17.p122](https://indike.org/pramana/in.purana.siva.7.2.32.17.p122) śatrurmitrāyate sadyo virodhī kiṃkarāyate // ### [7.2.32.17.p123](https://indike.org/pramana/in.purana.siva.7.2.32.17.p123) viṣāyate yadamṛtaṃ viṣamapyamṛtāyate // ### [7.2.32.17.p124](https://indike.org/pramana/in.purana.siva.7.2.32.17.p124) sthalāyate samudro 'pi sthalamapyarṇavāyate // ### [7.2.32.17.p125](https://indike.org/pramana/in.purana.siva.7.2.32.17.p125) mahīdharāyate śvabhraṃ sa ca śvabhrāyate giriḥ // ### [7.2.32.17.p126](https://indike.org/pramana/in.purana.siva.7.2.32.17.p126) padmākarāyate vahniḥ saro vaiśvānarāyate // ### [7.2.32.17.p127](https://indike.org/pramana/in.purana.siva.7.2.32.17.p127) vanāyate yadudyānaṃ tadudyānāyate vanam // ### [7.2.32.17.p128](https://indike.org/pramana/in.purana.siva.7.2.32.17.p128) siṃhāyate mṛgaḥ kṣudraḥ siṃhaḥ krīḍāmṛgāyate // ### [7.2.32.17.p129](https://indike.org/pramana/in.purana.siva.7.2.32.17.p129) striyo 'bhisārikāyante lakṣmīḥ sucaritāyate // ### [7.2.32.17.p130](https://indike.org/pramana/in.purana.siva.7.2.32.17.p130) svairapreṣyāyate vāṇī kīrtistu gaṇikāyate // ### [7.2.32.17.p131](https://indike.org/pramana/in.purana.siva.7.2.32.17.p131) svairācārāyate medhā vajrasūcīyate manaḥ // ### [7.2.32.17.p132](https://indike.org/pramana/in.purana.siva.7.2.32.17.p132) mahāvātāyate śaktirbalaṃ mattagajāyate // ### [7.2.32.17.p133](https://indike.org/pramana/in.purana.siva.7.2.32.17.p133) 588b ### [7.2.32.17.p134](https://indike.org/pramana/in.purana.siva.7.2.32.17.p134) stambhāyate samudyogaiḥ śatrupakṣe sthitā kriyā // ### [7.2.32.17.p135](https://indike.org/pramana/in.purana.siva.7.2.32.17.p135) śatrupakṣāyate 'rīṇāṃ sarva eva suhṛjjanaḥ // ### [7.2.32.17.p136](https://indike.org/pramana/in.purana.siva.7.2.32.17.p136) śatravaḥ kuṇapāyante jīvantopi sabāṃdhavāḥ // ### [7.2.32.17.p137](https://indike.org/pramana/in.purana.siva.7.2.32.17.p137) āpanno 'pi gatāriṣṭaḥ svayaṃ khalvamṛtāyate // ### [7.2.32.17.p138](https://indike.org/pramana/in.purana.siva.7.2.32.17.p138) rasāya nāyate nityamapathyamapi sevitam // ### [7.2.32.17.p139](https://indike.org/pramana/in.purana.siva.7.2.32.17.p139) aniśaṃ kriyamāṇāpi ratistvabhinavāyate // ### [7.2.32.17.p140](https://indike.org/pramana/in.purana.siva.7.2.32.17.p140) anāgatādikaṃ sarvaṃ karasthāmalakāyate // ### [7.2.32.17.p141](https://indike.org/pramana/in.purana.siva.7.2.32.17.p141) yādṛcchikaphalāyante siddhayo 'pyaṇimādayaḥ // ### [7.2.32.17.p142](https://indike.org/pramana/in.purana.siva.7.2.32.17.p142) bahunātra kimuktena sarvakāmārthasiddhiṣu // ### [7.2.32.17.p143](https://indike.org/pramana/in.purana.siva.7.2.32.17.p143) asminkarmaṇi nirvṛtte tvanavāpyaṃ na vidyate // ### [7.2.32.17.p144](https://indike.org/pramana/in.purana.siva.7.2.32.17.p144) oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe aihikasiddhikarmavarṇanaṃ nāma dvātriṃśo 'dhyāyaḥ ### [7.2.32.17.p145](https://indike.org/pramana/in.purana.siva.7.2.32.17.p145) Chapter 33 upamanyuruvāca ataḥ paraṃ pravakṣyāmi kevalāmuṣmikaṃ vidhim // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.2.32.1) — Sanskrit ## Linked texts (1) - [Kriyāsāra](https://indike.org/pramana/in.sampradaya.saiva.virasaiva.kriyasara.2.7.97) — Śrīkaṇtha, Sanskrit --- Source: [https://indike.org/pramana/in.purana.siva.7.2.32](https://indike.org/pramana/in.purana.siva.7.2.32) · Pramāṇa