Shivapurana 7.2.35
Śivapurāṇa 7.2.35
- Language
- Sanskrit
Contents
7.2.35.1
/
omityekākṣaraṃ brahma brahmaṇaḥ pratipādakam //
/
tadapyaviditaṃ tāvadbrahmaṇā viṣṇunā tathā //
7.2.35.2
/
rajasā tamasā cittaṃ tayoryasmāttiraskṛtam //
/
tadā vibhaktamabhavaccaturdhaikaṃ tadakṣaram //
7.2.35.3
/
a u meti trimātrābhiḥ parastāccārdhamātrayā //
/
tatrākāraḥ śrito bhāge jvalalliṃgasya dakṣiṇe //
7.2.35.4
/
ukāraścottare tadvanmakārastasya madhyataḥ //
/
ardhamātrātmako nādaḥ śrūyate liṃgamūrdhani //
7.2.35.5
/
vibhakte 'pi tadā tasminpraṇave paramākṣare //
/
vibhāvārthaṃ ca tau devau na kiṃcidavajagmatuḥ //
7.2.35.6
/
vedātmanā tadāvyaktaḥ praṇavo vikṛtiṃ gataḥ //
/
tatrākāro ṛgabhavadukāro yajuravyayaḥ //
7.2.35.7
/
makārassāma saṃjāto nādastvātharvaṇī śrutiḥ //
/
ṛgayaṃ sthāpayāmāsa samāsāttvarthamātmanaḥ //
7.2.35.8
/
rajoguṇeṣu brahmāṇaṃ mūrtiṣvādyaṃ kriyāsvapi //
/
sṛṣṭiṃ lokeṣu pṛthivīṃ tattveṣvātmānamavyayam //
7.2.35.9
/
kalādhvani nivṛttiṃ ca sadyaṃ brahmasu pañcasu //
/
liṃgabhāgeṣvadhobhāgaṃ bījākhyaṃ kāraṇatraye //
7.2.35.10
/
catuḥṣaṣṭiguṇaiśvaryaṃ bauddhaṃ yadaṇimādiṣu //
/
taditthamarthairdaśabhirvyāptaṃ viśvamṛcā jagat //
7.2.35.11
/
athopasthāpayāmāsa svārthaṃ daśavidhaṃ yajuḥ //
/
sattvaṃ guṇeṣu viṣṇuṃ ca mūrtiṣvādyaṃ kriyāsvapi //
7.2.35.12
/
sthitiṃ lokeṣvaṃtarikṣaṃ vidyāṃ tattveṣu ca triṣu //
/
kalādhvasu pratiṣṭhāṃ ca vāmaṃ brahmasu pañcasu //
7.2.35.13
/
madhyaṃ tu liṃgabhāgeṣu yoniṃ ca triṣu hetuṣu //
/
prākṛtaṃ ca yathaiśvaryaṃ tasmādviśvaṃ yajurmayam //
7.2.35.14
/
tatopasthāpayāmāsa sāmārthaṃ daśadhātmanaḥ //
/
tamoguṇeṣvatho rudraṃ mūrtiṣvādyaṃ kriyāsu ca //
7.2.35.15
/
saṃhṛtiṃ triṣu lokeṣu tattveṣu śivamuttamam //
/
vidyākalāsvaghoraṃ ca tathā brahmasu pañcasu //
7.2.35.16
/
liṃgabhāgeṣu pīṭhordhvaṃ bījinaṃ kāraṇatraye //
/
pauruṣaṃ ca tathaiśvaryamitthaṃ sāmnā tataṃ jagat //
7.2.35.17
/
athātharvāha nairguṇyamarthaṃ prathamamātmanaḥ //
/
tato maheśvaraṃ sākṣānmūrtiṣvapi sadāśivam //
7.2.35.18
/
590b
7.2.35.18.p1
kriyāsu niṣkriyasyāpi śivasya paramātmanaḥ //
7.2.35.18.p2
bhūtānugrahaṇaṃ caiva mucyaṃte yena jaṃtavaḥ //
7.2.35.18.p3
lokeṣvapi yato vāco nivṛttā manasā saha //
7.2.35.18.p4
tadūrdhvamunmanā lokātsomalokamalaukikam //
7.2.35.18.p5
somassahomayā yatra nityaṃ nivasatīśvaraḥ //
7.2.35.18.p6
tadūrdhvamunmanā lokādyaṃ prāpto na nivartate //
7.2.35.18.p7
śāṃtiṃ ca śāṃtyatītāṃ ca vyāpikāṃ cai kalāsvapi //
7.2.35.18.p8
tatpūruṣaṃ tatheśānaṃ brahma brahmasu pañcasu //
7.2.35.18.p9
mūrdhānamapi liṃgasya nādabhāgeṣvanuttamam //
7.2.35.18.p10
yatrāvāhya samārādhyaḥ kevalo niṣkalaḥ śivaḥ //
7.2.35.18.p11
tatteṣvapi tadā biṃdornādācchaktestataḥ parāt //
7.2.35.18.p12
tattvādapi paraṃ tattvamatattvaṃ paramārthataḥ //
7.2.35.18.p13
kāraṇeṣu trayātītānmāyāvikṣobhakāraṇāt //
7.2.35.18.p14
anaṃtācchuddhavidyāyāḥ parastācca maheśvarāt //
7.2.35.18.p15
sarvavidyeśvarādhīśānna parācca sadāśivāt //
7.2.35.18.p16
sarvamaṃtratanordevācchaktitrayasamanvitāt //
7.2.35.18.p17
pañcavaktrāddaśabhujātsākṣātsakalaniṣkalāt //
7.2.35.18.p18
tasmādapi parādbiṃdorardhedośca tataḥ parāt //
7.2.35.18.p19
tataḥ parānniśādhīśānnādākhyācca tataḥ parāt //
7.2.35.18.p20
tataḥ parātsuṣumneśādbrahmaraṃdhreśvarādapi //
7.2.35.18.p21
tataḥ parasmācchakteśca parastācchivatattvataḥ //
7.2.35.18.p22
paramaṃ kāraṇaṃ sākṣātsvayaṃ niṣkāraṇaṃ śivam //
7.2.35.18.p23
kāraṇānāṃ ca dhātāraṃ dhyātārāṃ dhyeyamavyayam //
7.2.35.18.p24
paramākāśamadhyasthaṃ paramātmopari sthitaṃ //
7.2.35.18.p25
sarvaiśvaryeṇa saṃpannaṃ sarveśvaramanīśvaram //
7.2.35.18.p26
aiśvaryāccāpi māyeyādaśuddhānmānuṣādikāt //
7.2.35.18.p27
aparācca parāttyājyādadhiśuddhādhvagocarāt //
7.2.35.18.p28
tatparācchuddhavidyādyādunmanāṃtātparātparāt //
7.2.35.18.p29
paramaṃ paramaiśvaryamunmanādyamanādi ca //
7.2.35.18.p30
apāramaparādhīnaṃ nirastātiśayaṃ sthiram //
7.2.35.18.p31
itthamarthairdaśavidhairiyamātharvaṇī śrutiḥ //
7.2.35.18.p32
yasmādgarīyasī tasmādviśvaṃ vyāptamatharvaṇāt //
7.2.35.18.p33
ṛgvedaḥ punarāhedaṃ jāgradrūpaṃ mayocyate //
7.2.35.18.p34
yenāhamātmatattvasya nityamasmyabhidhāyakaḥ //
7.2.35.18.p35
yajurvedo 'vadattadvatsvapnāvasthā mayocyate //
7.2.35.18.p36
bhogyātmanā pariṇatā vidyāvedyā yato mayi //
7.2.35.18.p37
sāma cāha suṣuptyākhyamevaṃ sarvaṃ mayocyate //
7.2.35.18.p38
mamārthena śivenedaṃ tāmasenābhidhīyate //
7.2.35.18.p39
atharvāha turāyākhyaṃ turīyātītameva ca //
7.2.35.18.p40
mayābhidhīyate tasmādadhvātītapadosmyaham //
7.2.35.18.p41
adhvātmakaṃ tu tritayaṃ śivavidyātmasaṃjñitam //
7.2.35.18.p42
tattraiguṇyaṃ trayīsādhyaṃ saṃśodhyaṃ ca padaiṣiṇā //
7.2.35.18.p43
591a
7.2.35.18.p44
adhvātītaṃ turīyākhyaṃ nirvāṇaṃ paramaṃ padam //
7.2.35.18.p45
tadatītaṃ ca nairguṇyādadhvanosya viśodhakam //
7.2.35.18.p46
dvayoḥ pramāpako nādo nadāṃtaśca madātmakaḥ //
7.2.35.18.p47
tasmānmamārthasvātaṃtryātpradhānaḥ parameśvaraḥ //
7.2.35.18.p48
yadasti vastu tatsarvaṃ guṇapradhānyayogataḥ //
7.2.35.18.p49
samastaṃ vyastamapi ca praṇavārthaṃ pracakṣate //
7.2.35.18.p50
savārthavācakaṃ tasmādekaṃ brahmaitadakṣaram //
7.2.35.18.p51
tenomiti jagatkṛtsnaṃ kurute prathamaṃ śivaḥ //
7.2.35.18.p52
śivo hi praṇavo hyeṣa praṇavo hi śivaḥ smṛtaḥ //
7.2.35.18.p53
vācyavācakayorbhedo nātyaṃtaṃ vidyate yataḥ //
7.2.35.18.p54
ciṃtayā rahito rudro vācoyanmanasā saha //
7.2.35.18.p55
aprāpya tannivartaṃte vācyastvekākṣareṇa saḥ //
7.2.35.18.p56
ekākṣarādakārākhyādātmā brahmābhidhīyate //
7.2.35.18.p57
ekākṣarādukārākhyāddvidhā viṣṇurudīryate //
7.2.35.18.p58
ekākṣarānmakārākhyācchivo rudra udāhṛtaḥ //
7.2.35.18.p59
dakṣiṇāṃgānmaheśasya jāto brahmātmasaṃjñikaḥ //
7.2.35.18.p60
vāmāṃgādabhavadviṣṇustato vidyeti saṃjñitaḥ //
7.2.35.18.p61
hṛdayānnīlarudro bhūcchivasya śivasaṃjñikaḥ //
7.2.35.18.p62
sṛṣṭeḥ pravartako brahmā sthiterviṣṇurvimohakaḥ //
7.2.35.18.p63
saṃhārasya tathā rudrastayornityaṃ niyāmakaḥ //
7.2.35.18.p64
tasmāttrayaste kathyaṃte jagataḥ kāraṇāni ca //
7.2.35.18.p65
kāraṇatrayahetuśca śivaḥ paramakāraṇam //
7.2.35.18.p66
arthametamavijñāya rajasā baddhavairayoḥ //
7.2.35.18.p67
yuvayoḥ pratibodhāya madhye liṃgamupasthitam //
7.2.35.18.p68
evamomiti māṃ prāhuryadihoktamatharvaṇā //
7.2.35.18.p69
ṛco yajūṃṣi sāmāni śākhāścānyāḥ sahasraśaḥ //
7.2.35.18.p70
vedeṣvevaṃ svayaṃ vaktrairvyaktamityavadatsvapi //
7.2.35.18.p71
svapnānubhūtamiva tattābhyāṃ nādhyavasīyate //
7.2.35.18.p72
tayostatra prabodhāya tamopanayanāya ca //
7.2.35.18.p73
liṃgepi mudritaṃ sarvaṃ yathā vedairudāhṛtam //
7.2.35.18.p74
taddṛṣṭvā mudritaṃ liṃge prasādālliṃginastadā //
7.2.35.18.p75
praśāṃtamanasau devau prabuddhau saṃbabhūvatuḥ //
7.2.35.18.p76
utpattiṃ vilayaṃ caiva yathātmyaṃ ca ṣaḍadhvanām //
7.2.35.18.p77
tataḥ parataraṃ dhāma dhāmavaṃtaṃ ca pūruṣam //
7.2.35.18.p78
niruttarataraṃ brahma niṣkalaṃ śivamīśvaram //
7.2.35.18.p79
paśupāśamayasyāsya prapañcasya sadā patim //
7.2.35.18.p80
akutobhayamatyaṃtamavṛddhikṣayamavyayam //
7.2.35.18.p81
vāhyamābhyaṃtaraṃ vyāptaṃ vāhyābhyaṃtaravarjitam //
7.2.35.18.p82
nirastātiśayaṃ śaśvadviśvalokavilakṣaṇam //
7.2.35.18.p83
alakṣaṇamanirdeśyamavāṅmanasagocaram //
7.2.35.18.p84
prakāśaikarasaṃ śāṃtaṃ prasannaṃ satatoditam //
7.2.35.18.p85
sarvakalyāṇanilayaṃ śaktyā tādṛśayānvitam //
7.2.35.18.p86
jñātvā devaṃ virūpākṣaṃ brahmanārāyaṇau tadā //
7.2.35.18.p87
racayitvāṃjaliṃ mūrdhni bhītau tau vācamūcatuḥ //
7.2.35.18.p88
591b
7.2.35.18.p89
brahmovāca
ajño vāhamabhijño vā tvayādau deva nirmitaḥ //
7.2.35.62
/
īdṛśīṃ bhrāṃtimāpanna iti ko 'trāparādhyati //
/
āstāṃ mamedamajñānaṃ tvayi sannihate prabho //
7.2.35.63
/
nirbhayaḥ ko 'bhibhāṣeta kṛtyaṃ svasya parasya vā //
/
āvayordevadevasya vivādo 'pi hi śobhanaḥ //
7.2.35.64
/
pādapraṇāmaphalado nāthasya bhavato yataḥ //
/
viṣṇuruvāca
stotuṃ deva na vāgasti mahimnaḥ sadṛśī tava //
7.2.35.65
/
prabhoragre vidheyānāṃ tūṣṇīṃbhāvo vyatikramaḥ //
/
kimatra saṃghaṭetkṛtyamityevāvasarocitam //
7.2.35.66
/
ajānannapi yatkiṃcitpralapya tvāṃ nato 'smyaham //
/
kāraṇatvaṃ tvayā dattaṃ vismṛtaṃ tava māyayā //
7.2.35.67
/
mohito 'haṃkṛtaścāpi punarevāsmi śāsitaḥ //
/
vijñāpitaiḥ kiṃ bahubhirbhītosmi bhṛśamīśvara //
7.2.35.68
/
yato 'hamaparicchedyaṃ tvāṃ paricchettumudyataḥ //
/
tvāmuśaṃti mahādevaṃ bhītānāmārtināśanam //
7.2.35.69
/
ato vyatikramaṃ me 'dya kṣaṃtumarhasi śaṃkara //
/
iti vijñāpitastābhyām īśvarābhyāṃ maheśvaraḥ //
7.2.35.70
/
prīto 'nugṛhya tau devau smitapūrvamabhāṣata //
/
īśvara uvāca
vatsavatsa vidhe viṣṇo māyayā mama mohitau //
7.2.35.71
/
yuvāṃ prabhutve 'haṃkṛtya buddhavairo parasparam //
/
vivādaṃ yuddhaparyaṃtaṃ kṛtvā noparatau kila //
7.2.35.72
/
tataścchinnā prajāsṛṣṭirjagatkāraṇabhūtayoḥ //
/
ajñānamānaprabhavādvaimatyādyuvayorapi //
7.2.35.73
/
tannivartayituṃ yuṣmaddarpamohau mayaiva tu //
/
evaṃ nivāritāvadyaliṃgāvirbhāvalīlayā //
7.2.35.74
/
tasmādbhūyo vivādaṃ ca vrīḍāṃ cotsṛjya kṛtsnaśaḥ //
/
yathāsvaṃ karma kuryātāṃ bhavaṃtau vītamatsarau //
7.2.35.75
/
purā mamājñayā sārdhaṃ samastajñānasaṃhitāḥ //
/
yuvābhyāṃ hi mayā dattā kāraṇatvaprasiddhaye //
7.2.35.76
/
maṃtraratnaṃ ca sūtrākhyaṃ pañcākṣaramayaṃ param //
/
mayopadiṣṭaṃ sarvaṃ tadyuvayoradya vismṛtam //
7.2.35.77
/
dadāmi ca punaḥ sarvaṃ yathāpūrvaṃ mamājñayā //
/
yato vinā yuvāṃ tena na kṣamau sṛṣṭirakṣaṇe //
7.2.35.78
/
evamuktvā mahādevo nārāyaṇapitāmahau //
/
maṃtrarājaṃ dadau tābhyāṃ jñānasaṃhitayā saha //
7.2.35.79
/
tau labdhvā mahatīṃ divyāmājñāṃ māheśvarīṃ parām //
/
mahārthaṃ maṃtraratnaṃ ca tathaiva sakalāḥ kalāḥ //
7.2.35.80
/
daṃḍavatpraṇatiṃ kṛtvā devadevasya pādayoḥ //
/
atiṣṭhatāṃ vītabhayāvānaṃdāstimitau tadā //
7.2.35.81
/
etasminnaṃtare citramiṃdrajālavadaiśvaram //
/
liṃgaṃ kvāpi tirobhūtaṃ na tābhyāmupalabhyate //
7.2.35.82
/
tato vilapya hāheti sadyaḥpraṇayabhaṃgataḥ //
/
kimasatyamidaṃ vṛttamiti coktvā parasparam //
7.2.35.83
/
aciṃtyavaibhavaṃ śaṃbhorviciṃtya ca gatavyathau //
/
592a
7.2.35.83.p1
abhyupetya parāṃ maitrīmāliṃgya ca parasparam //
7.2.35.83.p2
jagadvyāpāramuddiśya jagmaturdevapuṃgavau //
7.2.35.83.p3
tataḥ prabhṛti śakrādyāḥ sarva eva surāsurāḥ //
7.2.35.83.p4
ṛṣayaśca narā nāgā nāryaścāpi vidhānataḥ //
7.2.35.83.p5
liṃgapratiṣṭhā kurvaṃti liṃge taṃ pūjayaṃti ca //
7.2.35.83.p6
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe harividhimohanivāraṇaṃ nāma pañcatriṃśo 'dhyāyaḥ
7.2.35.83.p7
Chapter 36
śrīkṛṣṇa uvāca
bhagavañchrotumicchāmi pratiṣṭhāvidhimuttamam //
Other recensions (1)
- Śivapurāṇa (complete text) — Sanskrit
Linked texts (2)
- Kriyāsāra — Śrīkaṇtha, Sanskrit
- Kriyāsāraḥ — Sanskrit