Shivapurana 7.2.36
Śivapurāṇa 7.2.36
- Language
- Sanskrit
Contents
- 7.2.36.16 — 114 parts
7.2.36.1
/
liṃgasyāpi ca berasya śivena vihitaṃ yathā //
/
upamanyuruvāca
anātmapratikūle tu divase śuklapakṣake //
7.2.36.2
/
śivaśāstroktamārgeṇa kuryālliṃgaṃ pramāṇavat //
/
svīkṛtyātha śubhasthānaṃ bhūparīkṣāṃ vidhāya ca //
7.2.36.3
/
daśopacārānkurvīta lakṣaṇoddhārapūrvakān //
/
teṣāṃ daśopacārāṇāṃ pūrvaṃ pūjya 1 vināyakam //
7.2.36.4
/
sthānaśuddhyādikaṃ kṛtvāliṃgaṃ snānālayaṃ nayet //
/
śalākayā kāṃcanayā 2 kuṃkumādirasāktayā //
7.2.36.5
/
lakṣitaṃ lakṣaṇaṃ śilpaśāstreṇa vilikhettataḥ //
/
aṣṭamṛtsalilairvātha pañcamṛtsalilaistathā //
7.2.36.6
/
liṅgaṃ piṃḍikayā sārdhaṃ pañcagavyaiśca śodhayet //
/
savedikaṃ samabhyarcya divyādyaṃ tu jalāśayam //
7.2.36.7
/
nītvādhivāsayettatra liṃgaṃ piṃḍikayā saha //
/
adhivāsālaye śuddhe sarvaśobhāsamanvite //
7.2.36.8
/
satoraṇe sāvaraṇe darbhamālāsamāvṛte //
/
diggajāṣṭakasaṃpanne dikpālāṣṭaghaṭānvite //
7.2.36.9
/
aṣṭamaṃgalakairyukte kṛtadikpālakārcite //
/
tejasaṃ dāravaṃ vāpi kṛtvā padmāsanāṃkitam //
7.2.36.10
/
vinyasenmadhyatastatra vipulaṃ pīṭhakālayam //
/
dvārapālānsamabhyarcya bhadrādīṃścaturaḥkramāt //
7.2.36.11
/
samudraśca vibhadraśca sunaṃdaśca vinaṃdakaḥ //
/
snāpayitvā samabhyarcya liṃgaṃ vedikayā saha //
7.2.36.12
/
sakūrcābhyāṃ tu vastrābhyāṃ samāveṣṭyaṃ samaṃtataḥ //
/
prāpayya śanakaistoyaṃ pīṭhikopari śāyayet //
7.2.36.13
/
prākśiraskamadhaḥsūtraṃ piṃḍikāṃ cāsya paścime //
/
sarvamaṃgalasaṃyuktaṃ liṃgaṃ tatrādhivāsayet //
7.2.36.14
/
pañcarātraṃ trirātraṃ vāpyekarātramathāpi vā //
/
visṛjya pūjitaṃ tatra śodhayitvā ca pūrvavat //
7.2.36.15
/
saṃpūjyotsavamārgeṇa śayanālayamānayet //
/
tatrāpi śayanasthānaṃ kuryānmaṃḍalamadhyataḥ //
7.2.36.16
/
śuddhairjalaiḥ snāpayitvā liṃgamabhyarcayetkramāt //
/
aiśānyāṃ padmamālikhya śuddhalipte mahītale //
7.2.36.16.p1
1 lyabārṣaḥ
2 ḍiḍhḍhaṇañiti ḍībabhāva ārṣaḥ
7.2.36.16.p2
592b
7.2.36.16.p3
śivakuṃbhaṃ śodhayitvā tatrāvāhya śivaṃ yajet //
7.2.36.16.p4
vedīmadhye sitaṃ padmaṃ parikalpya vidhānataḥ //
7.2.36.16.p5
tasya paścimataścāpi caṃḍikāpadmamālikhet //
7.2.36.16.p6
kṣaumādyairvāhatairvastraiḥ puṣpairdarbhairathāpi vā //
7.2.36.16.p7
prakalpya śayanaṃ tasminhemapuṣpaṃ vinikṣipet //
7.2.36.16.p8
tatra liṃgaṃ samānīya sarvamaṃgalaniḥsvanaiḥ //
7.2.36.16.p9
raktena vastrayugmena sakūrcena samaṃtataḥ //
7.2.36.16.p10
saha piṃḍikayāveṣṭya śāyayecca yathā purā //
7.2.36.16.p11
purastātpadmamālikhya taddaleṣu yathākramam //
7.2.36.16.p12
vidyeśakalaśānnyasyenmadhye śaivīṃ ca vardhanīm //
7.2.36.16.p13
parītya padmatritayaṃ juhuyurdvijasattamāḥ //
7.2.36.16.p14
te cāṣṭamūrtayaḥ kalpyāḥ pūrvādiparitaḥ sthitāḥ //
7.2.36.16.p15
catvāraścātha vā dikṣu svadhyetārassajāpakāḥ //
7.2.36.16.p16
juhuyuste viraṃcyādyāścatasro mūrtayaḥ smṛtāḥ //
7.2.36.16.p17
daiśikaḥ prathamaṃ teṣāmaiśānyāṃ paścime 'tha vā //
7.2.36.16.p18
pradhānahomaṃ kurvīta saptadravyairyathākramam //
7.2.36.16.p19
ācāryātpādamardhaṃ vā juhuyuścāpare dvijāḥ //
7.2.36.16.p20
pradhānamekamevātra juhuyādatha vā guruḥ //
7.2.36.16.p21
pūrvaṃ pūrṇāhutiṃ hutvā ghṛtenāṣṭottaraṃ śatam //
7.2.36.16.p22
mūrdhni mūlena liṃgasya śivahastaṃ pravinyaset //
7.2.36.16.p23
śatamardhaṃ tadardhaṃ vā kramāddravyaiśca saptabhiḥ //
7.2.36.16.p24
hutvāhutvā spṛśelliṃgaṃ vedikāṃ ca punaḥ punaḥ //
7.2.36.16.p25
pūrṇāhutiṃ tato hutvā kramāddadyācca dakṣiṇām //
7.2.36.16.p26
ācāryātpādamardhaṃ vā hotḥṇāṃ sthapaterapi //
7.2.36.16.p27
tadardhaṃ deyamanyebhyaḥ sadasyebhyaśca śaktitaḥ //
7.2.36.16.p28
tataḥ śvabhre vṛṣaṃ haimaṃ kūrcaṃ vāpi niveśya ca //
7.2.36.16.p29
mṛdaṃbhasā pañcagavyaiḥ punaḥ śuddhajalena ca //
7.2.36.16.p30
śodhitāṃ caṃdanāliptāṃ śvabhre brahmaśilāṃ kṣipet //
7.2.36.16.p31
karanyāsaṃ tataḥ kṛtvā navabhiḥ śaktināmabhiḥ //
7.2.36.16.p32
haritālādidhātūṃśca bījagaṃdhauṣadhairapi //
7.2.36.16.p33
śivaśāstroktavidhinā kṣipedbrahmaśilopari //
7.2.36.16.p34
pratiliṃgaṃ tu saṃsthāpya kṣīraṃ vṛkṣasamudbhavam //
7.2.36.16.p35
sthitaṃ buddhvā tadutsṛjya liṃgaṃ brahmaśilopari //
7.2.36.16.p36
prāgudakpravarāṃ kiṃcitsthāpayenmūlavidyayā //
7.2.36.16.p37
piṃḍikāṃ cātha saṃyojya śāktaṃ mūlamanusmaran //
7.2.36.16.p38
bandhanaṃ baṃdhakadravyaiḥ kṛtvā sthānaṃ viśodhya ca //
7.2.36.16.p39
dattvā cārghyaṃ ca puṣpāṇi kuryuryavanikāṃ punaḥ //
7.2.36.16.p40
yathāyogyaṃ niṣekādi liṃgasya puratastadā //
7.2.36.16.p41
ānīya śayanasthānātkalaśānvinyasetkramāt //
7.2.36.16.p42
mahāpūjāmathārabhya saṃpūjya kalaśāndaśa //
7.2.36.16.p43
śivamaṃtramanusmṛtya śivakuṃbhajalāṃtare //
7.2.36.16.p44
aṃguṣṭhānāmikāyogādādāya tamudīrayet //
7.2.36.16.p45
nyasedīśānabhāgasya madhye liṃgasya maṃtravit //
7.2.36.16.p46
593a
7.2.36.16.p47
śaktiṃ nyasettathā vidyāṃ vidyeśāṃśca yathākramam //
7.2.36.16.p48
liṅgamūle śivajalaistato liṃgaṃ niṣecayet //
7.2.36.16.p49
vardhanyāṃ piṃḍikāliṃgaṃ vidyeśakalaśaiḥ punaḥ //
7.2.36.16.p50
abhiṣicyāsanaṃ paścādādhārādyaṃ prakalpayet //
7.2.36.16.p51
kṛtvā pañcakalānyāsaṃ dīptaṃ liṃgamanusmaret //
7.2.36.16.p52
āvāhayecchivau sākṣātprāñjaliḥ prāgudaṅmukhaḥ //
7.2.36.16.p53
vṛṣādhirājamāruhya vimānaṃ vā nabhastalāt //
7.2.36.16.p54
alaṃkṛtaṃ sahāyāṃtaṃ devyā devamanusmaran //
7.2.36.16.p55
sarvābharaṇaśobhāḍhyaṃ sarvamaṃgalanisvanaiḥ //
7.2.36.16.p56
brahmaviṣṇumaheśārkaśakrādyairdevadānavaiḥ //
7.2.36.16.p57
ānaṃdaklinnasarvāṃgairvinyastāṃjalimastakaiḥ //
7.2.36.16.p58
stuvadbhireva nṛtyadbhirnāmadbhirabhito vṛtam //
7.2.36.16.p59
tataḥ pañcopacārāṃśca kṛtvā pūjāṃ samāpayet //
7.2.36.16.p60
nātaḥ parataraḥ kaścidvidhiḥ pañcopacārakāt //
7.2.36.16.p61
pratiṣṭhāṃ liṃgavatkuryātpratimāsvapi sarvataḥ //
7.2.36.16.p62
lakṣaṇoddhārasamaye kāryaṃ nayanamocanam //
7.2.36.16.p63
jalādhivāse śayane śāyayettāntvadhomukhīm //
7.2.36.16.p64
kumbhodaśāyitāṃ maṃtrairhṛdi tāṃ sanniyojayet //
7.2.36.16.p65
kṛtālayāṃ parāmāhuḥ pratiṣṭhāmakṛtālayāt //
7.2.36.16.p66
śaktaḥ kṛtālayaḥ paścātpratiṣṭhāvidhimācaret //
7.2.36.16.p67
aśaktaścetpratiṣṭhāpya liṃgaṃ beramathāpi vā //
7.2.36.16.p68
śakteranuguṇaṃ paścātprakurvīta śivālayam //
7.2.36.16.p69
gṛhārcāṃ ca punarvakṣye pratiṣṭhāvidhimuttamam //
7.2.36.16.p70
kṛtvā kanīyasaṃberaṃ liṃgaṃ vā lakṣaṇānvitam //
7.2.36.16.p71
ayane cottare prāpte śuklapakśe śubhe dine //
7.2.36.16.p72
devīṃ kṛtvā śubhe deśe tatrābjaṃ pūrvavallikhet //
7.2.36.16.p73
vikīrya patrapuṣpādyairmadhye kuṃbhaṃ nidhāya ca //
7.2.36.16.p74
paritastasya caturaḥ kalaśān dikṣu vinyaset //
7.2.36.16.p75
pañca brahmāṇi tadbījaisteṣu pañcasu pañcabhiḥ //
7.2.36.16.p76
nyasya saṃpūjya mudrādi darśayitvābhirakṣya ca //
7.2.36.16.p77
viśodhya liṃgaṃ beraṃ vā mṛttoyādyairyathā purā //
7.2.36.16.p78
sthāpayetpuṣpasaṃchannamuttarasthe varāsane //
7.2.36.16.p79
nidhāya puṣpaṃ śirasi prokṣayetprokṣaṇījalaiḥ //
7.2.36.16.p80
samabhyarcya punaḥ puṣpairjayaśabdādipūrvakam //
7.2.36.16.p81
kumbhairīśānavidyāṃtaiḥ snāpayenmūlavidyayā //
7.2.36.16.p82
tataḥ pañcakalānyāsaṃ kṛtvā pūjāṃ ca pūrvavat //
7.2.36.16.p83
nityamārādhayettatra devyā devaṃ trilocanam //
7.2.36.16.p84
ekamevātha vā kuṃbhaṃ mūrtimantrasamanvitam //
7.2.36.16.p85
nyasya padmāṃtare sarvaṃ śeṣaṃ pūrvavadācaret //
7.2.36.16.p86
atyaṃtopahataṃ liṃgaṃ viśodhya sthāpayetpunaḥ //
7.2.36.16.p87
saṃprokṣayedupahatamanāgupahataṃ yajet //
7.2.36.16.p88
liṃgāni bāṇasaṃjñāni sthāpanīyāni vā na vā //
7.2.36.16.p89
tāni pūrvaṃ śivenaiva saṃskṛtāni yatastataḥ //
7.2.36.16.p90
śeṣāṇi sthāpanīyāni yāni dṛṣṭāni bāṇavat //
7.2.36.16.p91
svayamudbhūtaliṃge ca divye cārṣe tathaiva ca //
7.2.36.16.p92
593b
7.2.36.16.p93
apīṭhe pīṭhamāveśya kṛtvā saṃprokṣaṇaṃ vidhim //
7.2.36.16.p94
yajettatra śivaṃ teṣāṃ pratiṣṭhā na vidhīyate //
7.2.36.16.p95
dagdhaṃ ślathaṃ kṣatāṃgaṃ ca kṣipelliṃgaṃ jalāśaye //
7.2.36.16.p96
saṃdhānayogyaṃ saṃdhāya pratiṣṭhāvidhimācaret //
7.2.36.16.p97
berādvā vikalālliṃgāddevapūjāpurassaram //
7.2.36.16.p98
udvāsya hṛdi saṃdhānaṃ tyāgaṃ vā yuktamācaret //
7.2.36.16.p99
ekāhapūjāvihatau kuryāddviguṇamarcanam //
7.2.36.16.p100
dvirātre ca mahāpūjāṃ saṃprokṣaṇamataḥ param //
7.2.36.16.p101
māsādūrdhvamanekāhaṃ pūjā yadi vihanyate //
7.2.36.16.p102
pratiṣṭhā procyate kaiścitkaiścitsaṃprokṣaṇakramaḥ //
7.2.36.16.p103
saṃprokṣaṇe tu liṃgāderdevamudvāsya pūrvavat //
7.2.36.16.p104
aṣṭapañcakrameṇaiva snāpayitvā mṛdaṃbhasā //
7.2.36.16.p105
gavāṃ rasaiśca saṃsnāpya darbhatoyairviśodhya ca //
7.2.36.16.p106
prokṣayetprokṣaṇītoyairmūlenāṣṭottaraṃ śatam //
7.2.36.16.p107
sapuṣpaṃ sakuśaṃ pāṇiṃ nyasya liṃgasya mastake //
7.2.36.16.p108
pañcavāraṃ japenmūlamaṣṭottaraśataṃ tataḥ //
7.2.36.16.p109
tato mūlena mūrdhādipīṭhāṃtaṃ saṃspṛśedapi //
7.2.36.16.p110
pūjāṃ ca mahatīṃ kuryāddevamāvāhya pūrvavat //
7.2.36.16.p111
alabdhe sthāpite liṃge śivasthāne jale 'tha vā //
7.2.36.16.p112
vahnau ravau tathā vyomni bhagavaṃtaṃ śivaṃ yajet //
7.2.36.16.p113
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe ptatiṣṭhāvidhivarṇanaṃ nāma ṣaṭtriṃśo 'dhyāyaḥ
7.2.36.16.p114
Chapter 37
śīkṛṣṇa uvāca
jñāne kriyāyāṃ caryāyāṃ sāramuddhṛtya saṃgrahāt //
Other recensions (1)
- Śivapurāṇa (complete text) — Sanskrit
Linked texts (1)
- Vedāntasāravīraśaivacintāmaṇi — Niṣṭhura Nañjanācārya 1700, Sanskrit