Shivapurana 7.2.38
Śivapurāṇa 7.2.38
- Language
- Sanskrit
Contents
7.2.38.1
/
anavasthitacittatvamaśraddhā bhrāṃtidarśanam //
/
duḥkhāni daurmanasyaṃ ca viṣayeṣu ca lolatā //
7.2.38.2
/
daśaite yuñjatāṃ puṃsāmantarāyāḥ prakīrtitāḥ //
/
ālasyamalasattvaṃ tu yogināṃ dehacetanoḥ //
7.2.38.3
/
dhātuvaiṣamyajā doṣā vyādhayaḥ karmadoṣajāḥ //
/
pramādo nāma yogasya sādhanā nāma bhāvanā //
7.2.38.4
/
idaṃ vetyubhayākrāntaṃ vijñānaṃ sthānasaṃśayaḥ //
/
apratiṣṭhā hi manasastvanavasthitirucyate //
7.2.38.5
/
595b
7.2.38.5.p1
aśraddhā bhāvarahitā vṛttirvai yogavartmani //
7.2.38.5.p2
viparyastā matiryā sā bhrāṃtirityabhidhīyate //
7.2.38.5.p3
duḥkhamajñānajaṃ puṃsāṃ cittasyādhyātmikaṃ viduḥ //
7.2.38.5.p4
ādhibhautikamaṃgotthaṃ yacca duḥkhaṃ purā kṛtaiḥ //
7.2.38.5.p5
ādhidaivikamākhyātamaśanyastraviṣādikam //
7.2.38.5.p6
icchāvighātajaṃ mokṣaṃ daurmanasyaṃ pracakṣate //
7.2.38.5.p7
viṣayeṣu vicitreṣu vibhramastatra lolatā //
7.2.38.5.p8
śānteṣveteṣu vighneṣu yogāsaktasya yoginaḥ //
7.2.38.5.p9
upasargāḥ pravartaṃte divyāste siddhisūcakāḥ //
7.2.38.5.p10
pratibhā śravaṇaṃ vārtā darśanāsvādavedanāḥ //
7.2.38.5.p11
upasargāḥ ṣaḍityete vyaye yogasya siddhayaḥ //
7.2.38.5.p12
sūkṣme vyavahite 'tīte viprakṛṣṭe tvanāgate //
7.2.38.5.p13
pratibhā kathyate yo 'rthe pratibhāso yathātatham //
7.2.38.5.p14
śravaṇaṃ sarvaśabdānāṃ śravaṇe cāprayatnataḥ //
7.2.38.5.p15
vārttā vārttāsu vijñānaṃ sarveṣāmeva dehinām //
7.2.38.5.p16
darśanaṃ nāma divyānāṃ darśanaṃ cāprayatnataḥ //
7.2.38.5.p17
tathāsvādaśca divyeṣu raseṣvāsvāda ucyate //
7.2.38.5.p18
sparśanādhigamastadvadvedanā nāma viśrutā //
7.2.38.5.p19
gandhādīnāṃ ca divyānāmābrahmabhuvanādhipāḥ //
7.2.38.5.p20
saṃtiṣṭhante ca ratnāni prayacchaṃti bahūni ca //
7.2.38.5.p21
svacchandamadhurā vāṇī vividhāsyātpravartate //
7.2.38.5.p22
rasāyanāni sarvāṇi divyāścauṣadhayastathā //
7.2.38.5.p23
sidhyaṃti praṇipatyainaṃ diśaṃti surayoṣitaḥ //
7.2.38.5.p24
yogasiddhyaikadeśe 'pi dṛṣṭe mokṣe bhavenmatiḥ //
7.2.38.5.p25
dṛṣṭametanmayā yadvattadvanmokṣo bhavediti //
7.2.38.5.p26
kṛśatā sthūlatā bālyaṃ vārdhakyaṃ caiva yauvanam //
7.2.38.5.p27
nānācātisvarūpaṃ ca caturṇāṃ dehadhāraṇam //
7.2.38.5.p28
pārthivāṃśaṃ vinā nityaṃ surabhirgandhasaṃgrahaḥ //
7.2.38.5.p29
evamaṣṭaguṇaṃ prāhuḥ paiśācaṃ pārthivaṃ padam //
7.2.38.5.p30
jale nivasanaṃ caiva bhūmyāmevaṃ vinirgamaḥ //
7.2.38.5.p31
icchecchaktaḥ svayaṃ pātuṃ samudramapi nāturaḥ //
7.2.38.5.p32
yatrecchati jagatyasmiṃstatraiva jaladarśanam //
7.2.38.5.p33
vinā kumbhādikaṃ pāṇau jalasañcayadhāraṇam //
7.2.38.5.p34
yadvastu virasañcāpi bhoktumicchati tatkṣaṇāt //
7.2.38.5.p35
rasādikaṃ bhaveccānyattrayāṇāṃ dehadhāraṇam //
7.2.38.5.p36
nirvraṇatvaṃ śarīrasya pārthivaiśca samanvitam //
7.2.38.5.p37
tadidaṃ ṣoḍaśaguṇamāpyamaiśvaryamadbhutam //
7.2.38.5.p38
śarīrādagninirmāṇaṃ tattāpabhayavarjanam //
7.2.38.5.p39
śaktirjagadidaṃ dagdhuṃ yadīcchedaprayatnataḥ //
7.2.38.5.p40
sthāpanaṃ vānalasyā 'psu pāṇau pāvakadhāraṇam //
7.2.38.5.p41
dagdhe sarge yathāpūrvaṃ mukhe cānnādipācanam //
7.2.38.5.p42
dvābhyāṃ dehavinirmāṇamāpyaiśvaryasamanvitam //
7.2.38.5.p43
etaccaturviṃśatidhā taijasaṃ paricakṣate //
7.2.38.5.p44
manojavatvaṃ bhūtānāṃ kṣaṇādantaḥpraveśanam //
7.2.38.5.p45
596a
7.2.38.5.p46
parvatādimahābhāradhāraṇañcāprayatnataḥ //
7.2.38.5.p47
gurutvañca laghutvañca pāṇāvaniladhāraṇam //
7.2.38.5.p48
aṃgulyagranipātādyairbhūmerapi ca kampanam //
7.2.38.5.p49
ekena dehaniṣpattiryuktaṃ bhogaiśca taijasaiḥ //
7.2.38.5.p50
dvātriṃśadguṇamaiśvaryaṃ mārutaṃ kavayo viduḥ //
7.2.38.5.p51
chāyāhīnaviniṣpattirindriyāṇāmadarśanam //
7.2.38.5.p52
khecaratvaṃ yathākāmamindriyārthasamanvayaḥ //
7.2.38.5.p53
ākāśalaṃghanaṃ caiva svadehe tanniveśanam //
7.2.38.5.p54
ākāśapiṇḍīkaraṇamaśarīratvameva ca //
7.2.38.5.p55
anilaiśvaryasaṃyuktaṃ catvāriṃśadguṇaṃ mahat //
7.2.38.5.p56
aindramaiśvaryamākhyātamāmbaraṃ tatpracakṣate //
7.2.38.5.p57
yathākāmopalabdhiśca yathākāmavinirgamaḥ //
7.2.38.5.p58
sarvasyābhibhavaścaiva sarvaguhyārthadarśanam //
7.2.38.5.p59
karmānurūpanirmāṇaṃ vaśitvaṃ priyadarśanam //
7.2.38.5.p60
saṃsāradarśanaṃ caiva bhogairaindraissamanvitam //
7.2.38.5.p61
etaccāṃdramasaiśvaryaṃ mānasaṃ guṇato 'dhikam //
7.2.38.5.p62
chedanaṃ tāḍanaṃ caiva baṃdhanaṃ mocanaṃ tathā //
7.2.38.5.p63
grahaṇaṃ sarvabhūtānāṃ saṃsāravaśavartinām //
7.2.38.5.p64
prasādaścāpi sarveṣāṃ mṛtyukālajayastathā //
7.2.38.5.p65
ābhimānikamaiśvaryaṃ prājāpatyaṃ pracakṣate //
7.2.38.5.p66
etaccāndramasairbhogaiḥ ṣaṭpañcāśadguṇaṃ mahat //
7.2.38.5.p67
sargaḥ saṃkalpamātreṇa trāṇaṃ saṃharaṇaṃ tathā //
7.2.38.5.p68
svādhikāraśca sarveṣāṃ bhūtacittapravartanam //
7.2.38.5.p69
asādṛśyaṃ ca sarvasya nirmāṇaṃ jagataḥ pṛthak //
7.2.38.5.p70
śubhāśubhasya karaṇaṃ prājāpatyaiśca saṃyutam //
7.2.38.5.p71
catuṣṣaṣṭhiguṇaṃ brāhmamaiśvaryaṃ ca pracakṣate //
7.2.38.5.p72
bauddhādasmātparaṃ gauṇamaiśvaryaṃ prākṛtaṃ viduḥ //
7.2.38.5.p73
vaiṣṇavaṃ tatsamākhyātaṃ tasyaiva bhuvanasthitiḥ //
7.2.38.5.p74
brahmaṇā tatpadaṃ sarvaṃ vaktumanyairna śakyate //
7.2.38.5.p75
tatpauruṣaṃ ca gauṇaṃ ca gaṇeśaṃ padamaiśvaram //
7.2.38.5.p76
viṣṇunā tatpadaṃ kiṃcijjñātumanyairna śakyate //
7.2.38.5.p77
vijñānasiddhayaścaiva sarvā evaupasargikāḥ //
7.2.38.5.p78
niroddhavyā prayatnena varrāgyeṇa pareṇa tu //
7.2.38.5.p79
pratibhāseṣvaśuddheṣu guṇeṣvāsaktacetasaḥ //
7.2.38.5.p80
na sidhyetparamaiśvaryamabhayaṃ sārvakāmikam //
7.2.38.5.p81
tasmādguṇāṃśca bhogāṃśca devāsuramahībhṛtām //
7.2.38.5.p82
tṛṇavadyastyajettasya yogasiddhiḥ parā bhavet //
7.2.38.5.p83
athavānugrahecchāyāṃ jagato vicarenmuniḥ //
7.2.38.5.p84
yathākāmaṃguṇānbhogānbhuktvā muktiṃ prayāsyati //
7.2.38.5.p85
atha prayogaṃ yogasya vakṣye śṛṇu samāhitaḥ //
7.2.38.5.p86
śubhe kāle śubhe deśe śivakṣetrādike punaḥ //
7.2.38.5.p87
vijane jaṃturahite niḥśabde bādhavarjite //
7.2.38.5.p88
supralipte sthale saumye gandhadhūpādivāsite //
7.2.38.5.p89
muktapuṣpasamākīrṇe vitānādi vicitrite //
7.2.38.5.p90
kuśapuṣpasamittoyaphalamūlasamanvite //
7.2.38.5.p91
nāgnyabhyāśe jalābhyāśe śuṣkaparṇacaye 'pi vā //
7.2.38.5.p92
596b
7.2.38.5.p93
na daṃśamaśakākīrṇe sarpaśvāpadasaṃkule //
7.2.38.5.p94
na ca duṣṭamṛgākīrṇe na bhaye durjanāvṛte //
7.2.38.5.p95
śmaśāne caityavalmīke jīrṇāgāre catuṣpathe //
7.2.38.5.p96
nadīnadasamudrāṇāṃ tīre rathyāṃtare 'pi vā //
7.2.38.5.p97
na jīrṇodyānagoṣṭhādau nāniṣṭe na ca niṃdite //
7.2.38.5.p98
nājīrṇāmlarasodgāre na ca viṇmūtradūṣite //
7.2.38.5.p99
nacchardyāmātisāre vā nātibhuktau śramānvite //
7.2.38.5.p100
na cāticiṃtākulito na cātikṣutpipāsitaḥ //
7.2.38.5.p101
nāpi svagurukarmādau prasakto yogamācaret //
7.2.38.5.p102
yuktāhāravihāraśca yuktaceṣṭaśca karmasu //
7.2.38.5.p103
yuktanidrāprabodhaśca sarvāyāsavivarjitaḥ //
7.2.38.5.p104
āsanaṃ mṛdulaṃ ramyaṃ vipulaṃ susamaṃ śuci //
7.2.38.5.p105
padmakasvastikādīnāmabhyasedāsaneṣu ca //
7.2.38.5.p106
abhivaṃdya svagurvaṃtānabhivādyānanukramāt //
7.2.38.5.p107
ṛjugrīvaśirovakṣā nātiṣṭhecchiṣṭalocanaḥ //
7.2.38.5.p108
kiṃcidunnāmitaśirā daṃtairdaṃtānna saṃspṛśet //
7.2.38.5.p109
daṃtāgrasaṃsthitā jihvāmacalāṃ sanniveśya ca //
7.2.38.5.p110
pārṣṇibhyāṃ vṛṣaṇau rakṣaṃstathā prajananaṃ punaḥ //
7.2.38.5.p111
ūrvorupari saṃsthāpya bāhū tiryagayatnataḥ //
7.2.38.5.p112
dakṣiṇaṃ karapṛṣṭhaṃ tu nyasya vāmatalopari //
7.2.38.5.p113
unnāmya śanakaiḥ pṛṣṭhamuro viṣṭabhya cāgrataḥ //
7.2.38.5.p114
saṃprekṣya nāsikāgraṃ svaṃ diśaścānavalokayan //
7.2.38.5.p115
saṃbhṛtaprāṇasaṃcāraḥ pāṣāṇa iva niścalaḥ //
7.2.38.5.p116
svadehāyatanasyāṃtarviciṃtya śivamaṃbayā //
7.2.38.5.p117
hṛtpadmapīṭhikāmadhye dhyānayajñena pūjayet //
7.2.38.5.p118
mūle nāsāgrato nābhau kaṃṭhe vā tāluraṃdhrayoḥ //
7.2.38.5.p119
bhrūmadhye dvāradeśe vā lalāṭe mūrdhni vā smaret //
7.2.38.5.p120
parikalpya yathānyāyaṃ śivayoḥ paramāsanam //
7.2.38.5.p121
tatra sāvaraṇaṃ vāpi nirāvaraṇameva vā //
7.2.38.5.p122
dvidaleṣoḍaśāre vā dvādaśāre yathāvidhi //
7.2.38.5.p123
daśāre vā ṣaḍasre vā caturasre śivaṃ smaret //
7.2.38.5.p124
bhruvoraṃtarataḥ padmaṃ dvidalaṃ taḍidujjvalam //
7.2.38.5.p125
bhrūmadhyasthāravindasya kramādvai dakṣiṇottare //
7.2.38.5.p126
vidyutsamānavarṇe ca parṇe varṇāvasānake //
7.2.38.5.p127
ṣoḍaśārasya patrāṇi svarāḥ ṣoḍaśa tāni vai //
7.2.38.5.p128
pūrvādīni kramādetatpadmaṃ kandasya mūlataḥ //
7.2.38.5.p129
kakārādiṭakārāṃtā varṇāḥ parṇānyanukramāt //
7.2.38.5.p130
bhānuvarṇasya padmasya dhyeyaṃ tad 1dhṛdayāntare //
7.2.38.67
/
gokṣīradhavalasyoktā ḍādiphāntā yathākramam //
7.2.38.68
/
adho dalasyāmbujasya etasya 2 ca dalāni ṣaṭ //
/
vidhūmāṃgāravarṇasya varṇā vādyāśca lāntimāḥ //
7.2.38.69
/
mūlādhārāraviṃdasya hemābhasya yathākramam //
/
vakārādisakārāntā varṇāḥ parṇamayāḥ sthitāḥ //
/
eteṣvathāraviṃdeṣu yatraivābhirataṃ manaḥ //
7.2.38.70
/
tatraiva devaṃ devīṃ ca ciṃtayeddhīrayā dhiyā //
/
aṃguṣṭhamātramamalaṃ dīpyamānaṃ samaṃtataḥ //
7.2.38.71
/
śuddhadīpaśikhākāraṃ svaśaktyā pūrṇamaṇḍitam //
/
indurekhāsamākāraṃ tārārūpamathāpi vā //
7.2.38.72
/
nīvāraśūkassadṛśaṃ bisasutrābhameva vā //
/
kadambagolakākāraṃ tuṣārakaṇikopamam //
7.2.38.73
/
kṣityāditattvavijayaṃ dhyātā yadyapi vāñchati //
/
tattattattvādhipāmeva mūrtiṃ sthūlāṃ viciṃtayet //
7.2.38.74
/
sadāśivāṃtā brahmādyabhavādyāścāṣṭamūrtayaḥ //
/
śivasya mūrtayaḥ sthūlāḥ śivaśāstre viniścitāḥ //
7.2.38.75
/
ghorā miśrā praśāntāśca mūrtayastā munīśvaraiḥ //
/
phalābhilāṣarahitaiścintyāścintāviśāradaiḥ //
7.2.38.76
/
ghorāścecciṃtitāḥ kuryuḥ pāparogaparikṣayam //
/
cireṇa miśre saumye tu na sadyo na cirādapi //
7.2.38.77
/
saumye muktirviśeṣeṇa śāṃtiḥ prajñā prasidhyati //
/
sidhyaṃti siddhayaścātra kramaśo nātra saṃśayaḥ //
7.2.38.78
/
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe yogagatau vighnotpattivarṇanaṃ nāmāṣṭatriṃśo 'dhyāyaḥ
7.2.38.78.p1
Chapter 39
upamanyuruvāca
śrīkaṃṭhanāthaṃ smaratāṃ sadyaḥ sarvārthasiddhayaḥ //
Other recensions (1)
- Śivapurāṇa (complete text) — Sanskrit
Linked texts (3)
- Liṅgapurāṇa — Vyāsa, Sanskrit
- Prapañcahṛdaya — Madhusūdana Sarasvatī 1545, Sanskrit
- Śivatattvaratnakālikā — Kṛṣṇānanda Sarasvatī 1585, Sanskrit