[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 7.2.3 # Shivapurana 7.2.3 Śivapurāṇa 7.2.3 - **Language:** Sanskrit ## Contents - [7.2.3.17](https://indike.org/pramana/in.purana.siva.7.2.3.17) — 35 parts ### [7.2.3.1](https://indike.org/pramana/in.purana.siva.7.2.3.1) / mūrtyātmabhistataṃ kṛtsnaṃ jagadetaccarācaram // / sa śivassarvamevedaṃ svakīyābhiśca mūrtibhiḥ // ### [7.2.3.2](https://indike.org/pramana/in.purana.siva.7.2.3.2) / adhitiṣṭhatyameyātmā hyetatsarvamanusmṛtam // / brahmā viṣṇustathā rudro maheśānassadāśivaḥ // ### [7.2.3.3](https://indike.org/pramana/in.purana.siva.7.2.3.3) / mūrtayastasya vijñeyā yābhirviśvamidaṃ tatam // / athānyāścāpi tanavaḥ pañca brahmasamāhvayāḥ // ### [7.2.3.4](https://indike.org/pramana/in.purana.siva.7.2.3.4) / tanūbhistābhirāvyāptamiha kiṃcinna vidyate // / īśānaḥ puruṣo 'ghoro vāmaḥ sadyastathaiva ca // ### [7.2.3.5](https://indike.org/pramana/in.purana.siva.7.2.3.5) / brahmāṇyetāni devasya mūrtayaḥ pañca viśrutāḥ // / īśānākhyā tu yā tasya mūrtirādyā garīyasī // ### [7.2.3.6](https://indike.org/pramana/in.purana.siva.7.2.3.6) / bhoktāraṃ prakṛteḥ sākṣātkṣetrajñamadhitiṣṭhati // / sthāṇostatpuruṣākhyā yā mūrtirmūrtimataḥ prabhoḥ // ### [7.2.3.7](https://indike.org/pramana/in.purana.siva.7.2.3.7) / guṇāśrayātmakaṃ bhogyamavyaktamadhitiṣṭhati // / dharmādyaṣṭāṃgasaṃyuktaṃ buddhitattvaṃ pinākinaḥ // ### [7.2.3.8](https://indike.org/pramana/in.purana.siva.7.2.3.8) / adhitiṣṭhatyaghorākhyā mūrtiratyaṃtapūjitā // / vāmadevāhvayāṃ mūrtiṃ mahādevasya vedhasaḥ // ### [7.2.3.9](https://indike.org/pramana/in.purana.siva.7.2.3.9) / ahaṃkṛteradhiṣṭhātrīmāhurāgamavedinaḥ // / sadyo jātāhvayāṃ mūrtiṃ śambhoramitavarcasaḥ // ### [7.2.3.10](https://indike.org/pramana/in.purana.siva.7.2.3.10) / mānasaḥ samadhiṣṭhātrīṃ matimaṃtaḥ pracakṣate // / śrotrasya vācaḥ śabdasya vibhorvyomnastathaiva ca // ### [7.2.3.11](https://indike.org/pramana/in.purana.siva.7.2.3.11) / īśvarīmīśvarasyemāmīśākhyāṃ hi vidurbudhāḥ // / tvakpāṇisparśavāyūnāmīśvarīṃ mūrtimaiśvarīm // ### [7.2.3.12](https://indike.org/pramana/in.purana.siva.7.2.3.12) / puruṣākhyaṃ vidussarve purāṇārthaviśāradāḥ // / cakṣuṣaścaraṇasyāpi rūpasyāgnestathaiva ca // ### [7.2.3.13](https://indike.org/pramana/in.purana.siva.7.2.3.13) / aghorākhyāmadhiṣṭhātrīṃ mūrtimāhurmanīṣiṇaḥ // / ramanāyāśca pāyośca rasasyāpāṃ tathaiva ca // ### [7.2.3.14](https://indike.org/pramana/in.purana.siva.7.2.3.14) / īśvarīṃ vāmadevākhyāṃ mūrtiṃ tanniratāṃ viduḥ // / ghrāṇasya caivopasthasya gaṃdhasya ca bhuvastathā // ### [7.2.3.15](https://indike.org/pramana/in.purana.siva.7.2.3.15) / sadyo jātāhvayāṃ mūrtimīśvarīṃ saṃpracakṣate // / mūrtayaḥ pañca devasya vaṃdanīyāḥ prayatnataḥ // ### [7.2.3.16](https://indike.org/pramana/in.purana.siva.7.2.3.16) / śreyorthibhirnarairnityaṃ śreyasāmekahetavaḥ // / tasya devādidevasya mūrtyaṣṭakamayaṃ jagat // ### [7.2.3.17](https://indike.org/pramana/in.purana.siva.7.2.3.17) / tasminvyāpya sthitaṃ viśvaṃ sūtre maṇigaṇā iva // / śarvo bhavastathā rudra ugro bhīmaḥ paśoḥ patiḥ 1 // ### [7.2.3.17.p1](https://indike.org/pramana/in.purana.siva.7.2.3.17.p1) 1 aluksamāsa ārṣaḥ ### [7.2.3.17.p2](https://indike.org/pramana/in.purana.siva.7.2.3.17.p2) 547a ### [7.2.3.17.p3](https://indike.org/pramana/in.purana.siva.7.2.3.17.p3) īśānaśca mahādevo mūrtayaścāṣṭa viśrutāḥ // ### [7.2.3.17.p4](https://indike.org/pramana/in.purana.siva.7.2.3.17.p4) bhūmyaṃbhognimarudvyomakṣetrajñārkaniśākarāḥ // ### [7.2.3.17.p5](https://indike.org/pramana/in.purana.siva.7.2.3.17.p5) adhiṣṭhitā maheśasya śarvādyairaṣṭamūrtibhiḥ // ### [7.2.3.17.p6](https://indike.org/pramana/in.purana.siva.7.2.3.17.p6) carācarātmakaṃ viśvaṃ dhatte viśvaṃbharātmikā // ### [7.2.3.17.p7](https://indike.org/pramana/in.purana.siva.7.2.3.17.p7) śārvīrśivāhvayā mūrtiriti śāstrasya niścayaḥ // ### [7.2.3.17.p8](https://indike.org/pramana/in.purana.siva.7.2.3.17.p8) saṃjīvanaṃ samastasya jagatassalilātmikā // ### [7.2.3.17.p9](https://indike.org/pramana/in.purana.siva.7.2.3.17.p9) bhāvīti gīyate mūrtibhavasya paramātmanaḥ // ### [7.2.3.17.p10](https://indike.org/pramana/in.purana.siva.7.2.3.17.p10) bahiraṃtargatā viśvaṃ vyāpya tejomayī śubhā // ### [7.2.3.17.p11](https://indike.org/pramana/in.purana.siva.7.2.3.17.p11) raudrī rudrāvyayā mūrtirāsthitā ghorarūpiṇī // ### [7.2.3.17.p12](https://indike.org/pramana/in.purana.siva.7.2.3.17.p12) spaṃdayatyanilātmadaṃ bibharti spaṃdate svayam // ### [7.2.3.17.p13](https://indike.org/pramana/in.purana.siva.7.2.3.17.p13) augrīti kathyate sadbhirmūrtirugrasya vedhasaḥ // ### [7.2.3.17.p14](https://indike.org/pramana/in.purana.siva.7.2.3.17.p14) sarvāvakāśadā sarvavyāpikā gaganātmikā // ### [7.2.3.17.p15](https://indike.org/pramana/in.purana.siva.7.2.3.17.p15) mūrtirbhīmasya bhīmākhyā bhūtavṛṃdasya bhedikā // ### [7.2.3.17.p16](https://indike.org/pramana/in.purana.siva.7.2.3.17.p16) sarvātmanāmadhiṣṭhātrī sarvakṣetranivāsinī // ### [7.2.3.17.p17](https://indike.org/pramana/in.purana.siva.7.2.3.17.p17) mūrtiḥ paśupaterjñeyā paśupāśanikṛṃtanī // ### [7.2.3.17.p18](https://indike.org/pramana/in.purana.siva.7.2.3.17.p18) dīpayaṃtī jagatsarvaṃ divākarasamāhvayā // ### [7.2.3.17.p19](https://indike.org/pramana/in.purana.siva.7.2.3.17.p19) īśānākhyamaheśasya mūrtirdivi visarpati // ### [7.2.3.17.p20](https://indike.org/pramana/in.purana.siva.7.2.3.17.p20) āpyāyayati yo viśvamamṛtāṃśurniśākaraḥ // ### [7.2.3.17.p21](https://indike.org/pramana/in.purana.siva.7.2.3.17.p21) mahādevasya sā mūrtirmahādevasamāhvayā // ### [7.2.3.17.p22](https://indike.org/pramana/in.purana.siva.7.2.3.17.p22) ātmā tasyāṣṭamī mūrtiḥ śivasya paramātmanaḥ // ### [7.2.3.17.p23](https://indike.org/pramana/in.purana.siva.7.2.3.17.p23) vyāpiketaramūrtīnāṃ viśvaṃ tasmācchivātmakam // ### [7.2.3.17.p24](https://indike.org/pramana/in.purana.siva.7.2.3.17.p24) vṛkṣasya mūlasekena śākhāḥ puṣyaṃti vai yathā // ### [7.2.3.17.p25](https://indike.org/pramana/in.purana.siva.7.2.3.17.p25) śivasya pūjayā tadvatpuṣyatyasya vapurjagat // ### [7.2.3.17.p26](https://indike.org/pramana/in.purana.siva.7.2.3.17.p26) sarvābhayapradānaṃ ca sarvānugrahaṇaṃ tathā // ### [7.2.3.17.p27](https://indike.org/pramana/in.purana.siva.7.2.3.17.p27) sarvopakārakaraṇaṃ śivasyārādhanaṃ viduḥ // ### [7.2.3.17.p28](https://indike.org/pramana/in.purana.siva.7.2.3.17.p28) yatheha putrapautrādeḥ prītyā prīto bhavetpitā // ### [7.2.3.17.p29](https://indike.org/pramana/in.purana.siva.7.2.3.17.p29) tathā sarvasya saṃprītyā prīto bhavati śaṃkaraḥ // ### [7.2.3.17.p30](https://indike.org/pramana/in.purana.siva.7.2.3.17.p30) dehino yasya kasyāpi kriyate yadi nigrahaḥ // ### [7.2.3.17.p31](https://indike.org/pramana/in.purana.siva.7.2.3.17.p31) aniṣṭamaṣṭamūrtestatkṛtameva na saṃśayaḥ // ### [7.2.3.17.p32](https://indike.org/pramana/in.purana.siva.7.2.3.17.p32) aṣṭamūrtyātmanā viśvamadhiṣṭhāya sthitaṃ śivam // ### [7.2.3.17.p33](https://indike.org/pramana/in.purana.siva.7.2.3.17.p33) bhajasva sarvabhāvena rudraḥ paramakāraṇam // ### [7.2.3.17.p34](https://indike.org/pramana/in.purana.siva.7.2.3.17.p34) oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe tṛtīyo 'dhyāyaḥ ### [7.2.3.17.p35](https://indike.org/pramana/in.purana.siva.7.2.3.17.p35) Chapter 4 kṛṣṇa uvāca bhagavanparameśasya śarvasyāmitatejasaḥ // ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.7.2.3.1) — Sanskrit ## Linked texts (2) - [Jñānaratnāvalī](https://indike.org/pramana/in.sampradaya.saiva.siddhanta.paddhati.jnanaratnavali.8.40) — Sanskrit - [Jñānaratnāvalī](https://indike.org/pramana/in.astro.samhita.jnanaratnavali-2.2262) — Sanskrit --- Source: [https://indike.org/pramana/in.purana.siva.7.2.3](https://indike.org/pramana/in.purana.siva.7.2.3) · Pramāṇa