Shivapurana 7.2.41
Śivapurāṇa 7.2.41
- Language
- Sanskrit
Contents
7.2.41.1
/
amṛtasvāduśiśirasvacchā gādhalaghūdakam //
/
samaṃtataḥ saṃghaṭitaṃ sphaṭiko palasaṃcayaiḥ //
7.2.41.2
/
sarvartukusumaiḥ phullaiśchāditākhiladiṅmukham //
/
śaivalairutpalaiḥ padmaiḥ kumudaistārakopamaiḥ //
7.2.41.3
/
taraṃgairabhrasaṃkāśairākāśamiva bhūmigam //
/
sukhāvataraṇārohaiḥ sthalairnīlaśilāmayaiḥ //
7.2.41.4
/
sopānamārgau ruciraiśśobhamānāṣṭadiṅmukham //
/
600a
7.2.41.4.p1
tatrāvatīrṇaiśca yathā tatrottīrṇaśca bhūyasā //
7.2.41.4.p2
snātaiḥ sitopavītaiśca śuklākaupīnavalkalaiḥ //
7.2.41.4.p3
jaṭāśikhāyanairmuṃḍaistripuṃḍrakṛtamaṃḍanaiḥ //
7.2.41.4.p4
virāgavivaśasmeramukhairmunikumārakaiḥ //
7.2.41.4.p5
ghaṭaiḥ kamalinīpatrapuṭaiśca kalaśaiḥ śivaiḥ //
7.2.41.4.p6
kamaṇḍalubhiranyaiśca tādṛśaiḥ karakādibhiḥ //
7.2.41.4.p7
ātmārthaṃ ca parārthaṃ ca devatārthaṃ viśeṣataḥ //
7.2.41.4.p8
ānīyamānasalilamāttapuṣpaṃ ca nityaśaḥ //
7.2.41.4.p9
aṃtarjalaśilārūḍhairnīcānāṃ sparśaśaṃkayā //
7.2.41.4.p10
ācāravadbhirmunibhiḥ kṛtabhasmāṃgadhūsaraiḥ //
7.2.41.4.p11
itastato 'psu majjadbhiriṣṭaśiṣṭaiḥ śilāgataiḥ //
7.2.41.4.p12
tilaiśca sākṣataiḥ puṣpaistyaktadarbhapavitrakaiḥ //
7.2.41.4.p13
devādyamṛṣimadhyaṃ ca nirvartya pitṛtarpaṇam //
7.2.41.4.p14
nivedayedabhijñebhyo nityasnānagatān dvijān //
7.2.41.4.p15
sthānesthāne kṛtānekabalipuṣpasamīraṇaiḥ //
7.2.41.4.p16
saurārghyapūrvaṃ kurvadbhiḥsthaṃḍalebhyarcanādikam //
7.2.41.4.p17
kvacinnimajjadunmajjatprasrastagajayūthapam //
7.2.41.4.p18
kvacicca tṛṣayāyātamṛgīmṛgaturaṃgamam //
7.2.41.4.p19
kvacitpītajanottīrṇamayūravaravāraṇam //
7.2.41.4.p20
kvacitkṛtataṭāghātavṛṣaprativṛṣojjvalam //
7.2.41.4.p21
kvacitkāraṃḍavaravaiḥ kvacitsārasakūjitaiḥ //
7.2.41.4.p22
kvacicca kokaninadaiḥ kvacidbhramaragītibhiḥ //
7.2.41.4.p23
snānapānādikaraṇaiḥ svasaṃpaddrumajīvibhiḥ //
7.2.41.4.p24
praṇayātprāṇibhistaistairbhāṣamāṇamivāsakṛt //
7.2.41.4.p25
kūlaśākhiśikhālīnakokilākulakūjitaiḥ //
7.2.41.4.p26
ātapopahatānsarvānnāmaṃtrayadivāniśam //
7.2.41.4.p27
uttare tasya sarasastīre kalpataroradhaḥ //
7.2.41.4.p28
vedyāṃ vajraśilāmayyāṃ mṛdule mṛgacarmaṇi //
7.2.41.4.p29
sanatkumāramāsīnaṃ śaśvadbālavapurdharam //
7.2.41.4.p30
tatkālamātroparataṃ samādheracalātmanaḥ //
7.2.41.4.p31
upāsyamānaṃ munibhiryogīṃdrairapi pūjitam //
7.2.41.4.p32
dadṛśurnaimiṣeyāste praṇatāścopatasthire //
7.2.41.4.p33
yāvatpṛṣṭavate tasmai procuḥ svāgatakāraṇam //
7.2.41.4.p34
tumulaḥ śuśruve tāvaddivi duṃdubhinisvanaḥ //
7.2.41.4.p35
dadṛśe tatkṣaṇe tasminvimānaṃ bhānusannibham //
7.2.41.4.p36
gaṇeśvarairasaṃkhyeyaiḥ saṃvṛtaṃ ca samaṃtataḥ //
7.2.41.4.p37
apsarogaṇasaṃkīrṇaṃ rudrakanyābhirāvṛtam //
7.2.41.4.p38
mṛdaṃgamurajodghuṣṭaṃ veṇuvīṇāravānvitam //
7.2.41.4.p39
citraratnavitānāḍhyaṃ muktādāmavirājitam //
7.2.41.4.p40
munibhissiddhagaṃdharvairyakṣacāraṇakinnaraiḥ //
7.2.41.4.p41
nṛtyadbhiścaiva gāyadbhirvādayadbhiśca saṃvṛtam //
7.2.41.4.p42
vīragovṛṣacihnena vidramadrumayaṣṭinā //
7.2.41.4.p43
kṛtagopurasatkāraṃ ketunā mānyahetunā //
7.2.41.4.p44
tasya madhye vimānasya cāmaradvitayāṃtare //
7.2.41.4.p45
chattrasya maṇidaṃḍasya caṃdrasyeva śuceradhaḥ //
7.2.41.4.p46
divyasiṃhāsanārūḍhaṃ devyā suyaśayā saha //
7.2.41.4.p47
600b
7.2.41.4.p48
śriyā ca vapuṣā caiva tribhiścāpi vilocanaiḥ //
7.2.41.4.p49
prākārairabhikṛtyānāṃ pratyabhijñāpakaṃ prabhoḥ //
7.2.41.4.p50
avilaṃghya jagatkarturājñāpanamivāgatam //
7.2.41.4.p51
sarvānugrahaṇaṃ śaṃbhoḥ sākṣādiva puraḥsthitam //
7.2.41.4.p52
śilādatanayaṃ sākṣācchrīmacchūlavarāyudham //
7.2.41.4.p53
viśveśvaragaṇādhyakṣaṃ viśveśvaramivāparam //
7.2.41.4.p54
viśvasyāpi vidhātḥṇāṃ nigrahānugrahakṣamam //
7.2.41.4.p55
caturbāhumudārāṃgaṃ candrarekhāvibhūṣitam //
7.2.41.4.p56
kaṃṭhe nāgena maulau ca śaśāṃkenāpyalaṃkṛtam //
7.2.41.4.p57
savigrahamivaiśvaryaṃ sāmarthyamiva sakriyam //
7.2.41.4.p58
samāptamiva nirvāṇaṃ sarvajñamiva saṃgatam //
7.2.41.4.p59
dṛṣṭvā prahṛṣṭavadano brahmaputraḥ saharṣibhiḥ //
7.2.41.4.p60
tasthau prāñjalirutthāya tasyātmānamivārpayan //
7.2.41.4.p61
atha tatrāṃtare tasminvimāne cāvaniṃ gate //
7.2.41.4.p62
praṇamya daṇḍavaddevaṃ stutvā vyajñāpayanmunīm //
7.2.41.4.p63
ṣaṭkulīyā ime dīrghaṃ naimiṣe satramāsthitāḥ //
7.2.41.4.p64
āgatā brahmaṇādiṣṭāḥ pūrvamevābhikāṃkṣayā //
7.2.41.4.p65
śrutvā vākyaṃ brahmaputrasya naṃdīchittvā pāśāndṛṣṭipātena sadyaḥ //
7.2.41.4.p66
śaivaṃ dharmaṃ caiśvaraṃ jñānayogaṃ dattvā bhūyo devapārśvaṃ jagāma //
7.2.41.4.p67
sanatkumāreṇa ca tatsamastaṃ vyāsāya sākṣādgurave mamoktam //
7.2.41.4.p68
vyāsena coktaṃ mahitena mahyaṃ mayā ca tadvaḥ kathitaṃ samāsāt //
7.2.41.4.p69
nāvedavidbhyaḥ kathanīyametatpurāṇaratnaṃ puraśāsanasya //
7.2.41.4.p70
nābhaktaśiṣyāya ca nāstikebhyo dattaṃ hi mohānnirayaṃ dadāti //
7.2.41.4.p71
mārgeṇa sevānugatena yaistaddattaṃ gṛhītaṃ paṭhitaṃ śrutaṃ vā //
7.2.41.4.p72
tebhyaḥ sukhaṃ dharmamukhaṃ trivargaṃ nirvāṇamaṃte niyataṃ dadāti //
7.2.41.4.p73
parasparasyopakṛtaṃ bhavadbhirmayā ca paurāṇikamārgayogāt //
7.2.41.4.p74
ato gamiṣye 'hamavāptakāmaḥ samastamevāstu śivaṃ sadā naḥ //
7.2.41.4.p75
sūte kṛtāśiṣi gate munayaḥ suvṛttā yāge ca paryavasite mahati prayoge //
7.2.41.4.p76
kāle kalau ca viṣayaiḥ kaluṣāyamāṇe vārāṇasīparisare vasatiṃ vinetuḥ //
7.2.41.4.p77
atha ca te paśupāśamumukṣayākhilatayā kṛtapāśupatavratāḥ //
7.2.41.4.p78
adhikṛtākhilabodhasamādhayaḥ paramanirvṛtimāpuraniṃditāḥ //
7.2.41.4.p79
vyāsa uvāca
etacchivapurāṇaṃ hi samāptaṃ hitamādarāt //
7.2.41.43
/
paṭhitavyaṃ prayatnena śrotavyaṃ ca tathaiva hi //
/
nāstikāya na vaktavyamaśraddhāya śaṭhāya ca //
7.2.41.44
/
abhaktāya maheśasya tathā dharmadhvajāya ca //
/
etacchrutyā hyekavāraṃ bhavetpāpaṃ hi bhasmasāt //
7.2.41.45
/
abhakto bhaktimāpnoti bhakto bhaktisamṛddhibhāk //
/
punaḥ śrute ca sadbhaktirmuktissyācca śruteḥ punaḥ //
7.2.41.46
/
tasmātpunaḥpunaścaiva śrotavyaṃ hi mumukṣubhiḥ //
/
601a
7.2.41.46.p1
pañcāvṛttiḥ prakartavyā purāṇasyāsya saddhiyā //
7.2.41.46.p2
paraṃ phalaṃ samuddiśya tatprāpnoti na saṃśayaḥ //
7.2.41.46.p3
purātanāśca rājāno viprā vaiśyāśca sattamāḥ //
7.2.41.46.p4
saptakṛtvastadāvṛttyālabhanta śivadarśanam //
7.2.41.46.p5
śroṣyatyathāpi yaścedaṃ mānavo bhaktitatparaḥ //
7.2.41.46.p6
iha bhuktvākhilānbhogānaṃte muktiṃ labhecca saḥ //
7.2.41.46.p7
etacchivapurāṇaṃ hi śivasyātipriyaṃ param //
7.2.41.46.p8
bhuktimuktipradaṃ brahmasaṃmitaṃ bhaktivardhanam //
7.2.41.46.p9
etacchivapurāṇasya vaktuḥ śrotuśca sarvadā //
7.2.41.46.p10
sagaṇassasutassāṃbaśśaṃ karotu sa śaṃkaraḥ //
7.2.41.46.p11
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe vyāsopadeśaśrīśivamahāpurāṇamāhātmyavarṇanaṃ nāmaikacatvāriṃśo 'dhyāyaḥ
samāpto 'yaṃ granthaḥ
601b
Other recensions (1)
- Śivapurāṇa (complete text) — Sanskrit