Shivapurana 7.2.6
Śivapurāṇa 7.2.6
- Language
- Sanskrit
Contents
- 7.2.6.22 — 20 parts
7.2.6.1
/
prākṛto vātha boddhā vā hyahaṃkārātmakastathā //
/
naivāsya mānaso baṃdho na caitto neṃdriyātmakaḥ //
7.2.6.2
/
na ca tanmātrabaṃdho 'pi bhūtabaṃdho na kaścana //
/
na ca kālaḥ kalā caiva na vidyā niyatistathā //
7.2.6.3
/
na rāgo na ca vidveṣaḥ śaṃbhoramitatejasaḥ //
/
na cāstyabhiniveśo 'sya kuśalā 'kuśalānyapi //
7.2.6.4
/
karmāṇi tadvipākaśca sukhaduḥkhe ca tatphale //
/
āśayairnāpi saṃbandhaḥ saṃskāraiḥ karmaṇāmapi //
7.2.6.5
/
bhogaiśca bhogasaṃskāraiḥ kālatritayagocaraiḥ //
/
na tasya kāraṇaṃ kartā nādiraṃtastathāṃtaram //
7.2.6.6
/
na karma karaṇaṃ vāpi nākāryaṃ kāryameva ca //
/
nāsya baṃdhurabaṃdhurvā niyaṃtā prerako 'pi vā //
7.2.6.7
/
na patirna gurustrātā nādhiko na samastathā //
/
na janmamaraṇe tasya na kāṃkṣitamakāṃkṣitam //
7.2.6.8
/
na vidhirna niṣedhaśca na muktirna ca bandhanam //
/
nāsti yadyadakalyāṇaṃ tattadasya kadācana //
7.2.6.9
/
kalyāṇaṃ sakalaṃ cāsti paramātmā śivo yataḥ //
/
sa śivassarvamevedamadhiṣṭhāya svaśaktibhiḥ //
7.2.6.10
/
apracyutassvato bhāvaḥ sthitaḥ sthāṇurataḥ smṛtaḥ //
/
śivenādhiṣṭhitaṃ yasmājjagatsthāvarajaṃgamam //
7.2.6.11
/
sarvarūpaḥ smṛtaśśarvastathā jñātvā na muhyati //
/
śarvo rudro namastasmai puruṣaḥ satparo mahān //
7.2.6.12
/
hiraṇyabāhurbhagavānhiraṇyapatirīśvaraḥ //
/
aṃbikāpatirīśānaḥ pinākī vṛṣavāhanaḥ //
7.2.6.13
/
eko rudraḥ paraṃ brahma puruṣaḥ kṛṣṇapiṃgalaḥ //
/
bālāgramātro hṛnmadhye viciṃtyo daharāṃtare //
7.2.6.14
/
hiraṇyakeśaḥ padmākṣo hyaruṇastāmra eva ca //
/
yo 'vasarpatya sau devo nīlagrīvo hiraṇmayaḥ //
7.2.6.15
/
saumyo ghorastathā miśraścākṣāraścāmṛto 'vyayaḥ //
/
sa puṃviśeṣaḥ paramo bhagavānantakāṃtakaḥ //
7.2.6.16
/
cetanacetanonmuktaḥ prapañcācca parātparaḥ //
/
śivenātiśayatvena jñānaiśvarye vilokite //
7.2.6.17
/
lokeśātiśayatvena sthitaṃ prāhurmanīṣiṇaḥ //
/
pratisargaprasūtānāṃ brahmaṇāṃ śāstravistaram //
7.2.6.18
/
upadeṣṭā sa evādau kālāvacchedavartinām //
/
kālāvacchedayuktānāṃ gurūṇāmapyasau guruḥ //
7.2.6.19
/
sarveṣāmeva sarveśaḥ kālāvacchedavarjitaḥ //
/
śuddhā svābhāvikī tasya śaktissarvātiśāyinī //
7.2.6.20
/
jñānamapratimaṃ nityaṃ vapuratyantanirmitam //
/
aiśvaryamapratidvaṃdvaṃ sukhamātyantikaṃ balam //
7.2.6.21
/
tejaḥprabhāvo vīryaṃ ca kṣamā kāruṇyameva ca //
/
paripūrṇasya sargādyairnātmano 'sti prayojanam //
7.2.6.22
/
parānugraha evāsya phalaṃ sarvasya karmaṇaḥ //
/
551a
7.2.6.22.p1
praṇavo vācakastasya śivasya paramātmanaḥ //
7.2.6.22.p2
śivarudrādiśabdānāṃ praṇavo hi parassmṛtaḥ //
7.2.6.22.p3
śaṃbho praṇavavācyasya bhavanāttajjapādapi //
7.2.6.22.p4
yā siddhissā parā prāpyā bhavatyeva na saṃśayaḥ //
7.2.6.22.p5
tasmādekākṣaraṃ devamāhurāgamapāragāḥ //
7.2.6.22.p6
vācyavācakayoraikyaṃ manyamānā manasvinaḥ //
7.2.6.22.p7
asya mātrāḥ samākhyātāścatasro vedamūrdhani //
7.2.6.22.p8
akāraścāpyukāraśca makāro nāda ityapi //
7.2.6.22.p9
akāraṃ bahvṛcaṃ prāhurukāro yajurucyate //
7.2.6.22.p10
makāraḥ sāmanādosya śrutirātharvaṇī smṛtāḥ //
7.2.6.22.p11
akāraśca mahābījaṃ rajaḥ sraṣṭā caturmukhaḥ //
7.2.6.22.p12
ukāraḥ prakṛtiryoniḥ sattvaṃ pālayitā hariḥ //
7.2.6.22.p13
makāraḥ puruṣo bījaṃ tamaḥ saṃhārako haraḥ //
7.2.6.22.p14
nādaḥ paraḥ pumānīśo nirguṇo niṣkriyaḥ śivaḥ //
7.2.6.22.p15
sarvaṃ tisṛbhirevedaṃ mātrābhirnikhilaṃ tridhā //
7.2.6.22.p16
abhidhāya śivātmānaṃ bodhayatyardhamātrayā //
7.2.6.22.p17
yasmātparaṃ nāparamasti kiṃcidyasmānnāṇīyo na jyāyo 'sti kiṃcit //
7.2.6.22.p18
vṛkṣa iva stabdho divi tiṣṭhatyekastenedaṃ pūrṇaṃ puruṣeṇa sarvam //
7.2.6.22.p19
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śivatattvavarṇanaṃ nāma ṣaṣṭho 'dhyāyaḥ
7.2.6.22.p20
Chapter 7
upamanyuruvaca
śaktissvābhavikī tasya vidyā viśvavilakṣaṇā //
Other recensions (1)
- Śivapurāṇa (complete text) — Sanskrit
Linked texts (3)
- Liṅgadhāraṇacandrikā — Nandikeśvara 1625, Sanskrit
- Vīraśaivānandacandrikā (Maritontadārya) — Maritontadārya 1725, Sanskrit
- Śivatattvaviveka (Appayya Dīkṣita) — Appayya Dīkṣita 1560, Sanskrit