Shivapurana 7.2.8
Śivapurāṇa 7.2.8
- Language
- Sanskrit
Contents
7.2.8.1
/
vedasāre śivajñānaṃ svāśritānāṃ vimuktaye //
/
abhaktānāmabuddhīnāmayuktānāmagocaram //
7.2.8.2
/
arthairdaśardhaiḥ saṃyuktaṃ gūḍhamaprājñaniṃditam //
/
varṇāśramakṛtairdharmairviparītaṃ kvacitsamam //
7.2.8.3
/
vedātṣaḍaṃgāduddhṛtya sāṃkhyādyogācca kṛtsnaśaḥ //
/
śatakoṭipramāṇena vistīrṇaṃ graṃthasaṃkhyayā //
7.2.8.4
/
kathitaṃ parameśena tatra pūjā kathaṃ prabhoḥ //
/
kasyādhikāraḥ pūjādau jñānayogādayaḥ katham //
7.2.8.5
/
tatsarvaṃ vistarādeva vaktumarhasi suvrata //
/
upamanyuruvāca
śaivaṃ saṃkṣipya vedoktaṃ śivena paribhāṣitam //
7.2.8.6
/
stutiniṃdādirahitaṃ sadyaḥ pratyayakāraṇam //
/
guruprasādajaṃ divyamanāyāsena muktidam //
7.2.8.7
/
kathayiṣye samāsena tasya śakyo na vistaraḥ //
/
sisṛkṣayā purāvyaktācchivaḥ sthāṇurmaheśvaraḥ //
7.2.8.8
/
satkāryakāraṇopetassvayamāvirabhūtprabhuḥ //
/
janayāmāsa ca tadā ṛṣirviśvādhikaḥ prabhuḥ //
7.2.8.9
/
devānāṃ prathamaṃ devaṃ brahmāṇaṃ brahmaṇaspatim //
/
brahmāpi pitaraṃ devaṃ jāyamānaṃ nyavaikṣata //
7.2.8.10
/
taṃ jāyamānaṃ janako devaḥ prāpaśyadājñayā //
/
dṛṣṭo rudreṇa devo 'sāvasṛjadviśvamīśvaraḥ //
7.2.8.11
/
varṇāśramavyavasthāṃ ca cakāra sa pṛthakpṛthak //
/
somaṃ sasarja yajñārthe somāddyaussamajāyata //
7.2.8.12
/
dharā ca vahniḥ sūryaśca yajño viṣṇuśśacīpatiḥ //
/
552b
7.2.8.12.p1
te cānye ca surā rudraṃ rudrādhyāyena tuṣṭuvuḥ //
7.2.8.12.p2
prasannavadanastasthau devānāmagrataḥ prabhuḥ //
7.2.8.12.p3
apahṛtya svalīlārthaṃ teṣāṃ jñānaṃ maheśvaraḥ //
7.2.8.12.p4
tamapṛcchaṃstato devāḥ ko bhavāniti mohitāḥ //
7.2.8.12.p5
so 'bravīdbhagavānrudro hyahamekaḥ purātanaḥ //
7.2.8.12.p6
āsaṃ prathamamevāhaṃ vartāmi 1 ca surottamāḥ //
7.2.8.15
/
bhaviṣyāmi ca mattonyo vyatirikto na kaścana //
7.2.8.16
/
ahameva jagatsarvaṃ tarpayāmi svatejasā //
/
matto 'dhikaḥ samo nāsti māṃ yo veda sa mucyate //
7.2.8.17
/
ityuktvā bhagavānrudrastatraivāṃtaradhatta sa //
/
apaśyaṃtastamīśānaṃ stuvaṃtaścaiva sāmabhiḥ //
/
vrataṃ pāśupataṃ kṛtvā tvatharvaśirasi sthitam //
7.2.8.18
/
bhasmasaṃchannasarvāṃgā babhūvuramarāstadā //
/
atha teṣāṃ prasādārthaṃ paśūnāṃ patirīśvaraḥ //
7.2.8.19
/
sagaṇaścomayā sārdhaṃ sānnidhyamakarotprabhuḥ //
7.2.8.20
/
yaṃ vinidrā jitaśvāsā yogino dagdhakilbiṣāḥ //
/
hṛdi paśyaṃti taṃ devaṃ dadṛśurdevapuṃgavāḥ //
7.2.8.21
/
yāmāhuḥ paramāṃ śaktimīśvarecchānuvartinīm //
/
tāmapaśyanmaheśasya vāmato vāmalocanām //
7.2.8.22
/
ye vinirdhūtasaṃsārāḥ prāptāḥ śaivaṃ paraṃ padam //
/
nityasiddhāśca ye vānyaṃ te ca dṛṣṭā gaṇeśvarāḥ //
7.2.8.23
/
atha taṃ tuṣṭuvurdevā devyā saha maheśvaram //
/
stotrairmāheśvarairdivyaiḥ śrotaiḥ paurāṇikairapi //
7.2.8.24
/
devo 'pi devānālokya ghṛṇayā vṛṣabhadhvajaḥ //
/
tuṣṭo 'smītyāha suprītassvabhāvamadhurāṃ giram //
7.2.8.25
/
atha suprītamanasaṃ praṇipatya vṛṣadhvajam //
/
arthamahattamaṃ devāḥ papracchurimamādarāt //
/
devā ūcuḥ
bhagavankena mārgeṇa pūjanīyo 'si bhūtale //
7.2.8.26
/
kasyādhikāraḥ pūjāyāṃ vaktumarhasi tattvataḥ //
/
tataḥ sasmitamālokya devīṃ devavaroharaḥ //
7.2.8.27
/
svarūpaṃ darśayāmāsa ghoraṃ sūryātmakaṃ param //
/
sarvaiśvaryaguṇopetaṃ sarvatejomayaṃ param //
7.2.8.28
/
śaktibhirmūrtibhiścāṃgairgrahairdevaiśca saṃvṛtam //
/
aṣṭabāhuṃ caturvaktramardhanārīkamadbhutam //
7.2.8.29
/
dṛṣṭvaivamadbhutākāraṃ devā viṣṇupurogamāḥ //
/
buddhvā divākaraṃ devaṃ devīṃ caiva niśākaram //
7.2.8.30
/
pañcabhūtāni śeṣāṇi tanmayaṃ ca carācaram //
/
evamuktvā namaścakrustasmai cārghyaṃ pradāya vai //
7.2.831
/
siṃdūravarṇāya sumaṇḍalāya suvarṇavarṇābharaṇāya tubhyam //
7.2.8.32
/
padmābhanetrāya sapaṃkajāya brahmendranārāyaṇakāraṇāya //
/
suratnapūrṇaṃ sasuvarṇatoyaṃ sukuṃkumādyaṃ sakuśaṃ sapuṣpam //
7.2.8.33
/
pradattamādāya sahemapātraṃ praśastamarghyaṃ bhagavanprasīda //
/
namaśśivāya śāṃtāya sagaṇāyādihetave //
7.2.8.33.p1
1 parasmaipadamārṣam
7.2.8.33.p2
rudrāya viṣṇave tubhyaṃ brahmaṇe sūryamūrtaye //
7.2.8.33.p3
yaśśivaṃ maṇḍale saure saṃpūjyaiva samāhitaḥ //
7.2.8.33.p4
prātarmadhyāhnasāyāhne pradadyādarghyamuttamam //
7.2.8.33.p5
praṇamedvā paṭhedetāñchlokāñchrutimukhānimān //
7.2.8.33.p6
na tasya durllabhaṃ kiṃcidbhaktaścenmucyate dṛḍham //
7.2.8.33.p7
tasmādabhyarcayenityaṃ śivamādityarūpiṇam //
7.2.8.33.p8
dharmakāmārthamuktyarthaṃ manasā karmaṇā girā //
7.2.8.33.p9
atha devānsamālokya maṇḍalastho maheśvaraḥ //
7.2.8.33.p10
sarvāgamottaraṃ dattvā śāstramaṃtaradhāddharaḥ //
7.2.8.33.p11
tatra pūjādhikāro 'yaṃ brahmakṣatraviśāmiti //
7.2.8.33.p12
jñātvā praṇamya deveśaṃ devā jagmuryathāgatam //
7.2.8.33.p13
atha kālena mahatā tasmiñchāstre tirohite //
7.2.8.33.p14
bhartāraṃ paripapraccha tadaṃkasthā maheśvarī //
7.2.8.33.p15
tayā sa codito devo devyā candravibhūṣaṇaḥ //
7.2.8.33.p16
avadatkaramuddhṛtya śāstraṃ sarvāgamottaram //
7.2.8.33.p17
pravartitaṃ ca talloke niyogātparameṣṭhinaḥ //
7.2.8.33.p18
mayāgastyena guruṇā dadhīcena maharṣiṇā //
7.2.8.33.p19
svayamapyavatīryorvyāṃ yugāvarteṣu śūladhṛk //
7.2.8.33.p20
svāśritānāṃ vimuktyarthaṃ kurute jñānasaṃtatim //
7.2.8.33.p21
ṛbhussatyo bhārgavaśca hyaṃgirāḥ savitā dvijāḥ //
7.2.8.33.p22
mṛtyuḥ śatakraturdhīmānvasiṣṭho munipuṃgavaḥ //
7.2.8.33.p23
sārasvatastridhāmā ca trivṛto munipuṃgavaḥ //
7.2.8.33.p24
śatatejāssvayaṃ dharmo nārāyaṇa iti śrutaḥ //
7.2.8.33.p25
svarakṣaścāruṇirdhīmāṃstathā caiva kṛtaṃjayaḥ //
7.2.8.33.p26
kṛtaṃjayo bharadvājo gautamaḥ kaviruttamaḥ //
7.2.8.33.p27
vācaḥsravā munissākṣāttathā sūkṣmāyaṇiḥ śuciḥ //
7.2.8.33.p28
tṛṇabiṃdurmuniḥ kṛṣṇaḥ śaktiḥ śākteya uttaraḥ //
7.2.8.33.p29
jātūkarṇyo harissākṣātkṛṣṇadvaipāyano muniḥ //
7.2.8.33.p30
vyāsāvatārāñchṛṇvaṃtu kalpayogeśvarānkramāt //
7.2.8.33.p31
laiṃge vyāsāvatārā hi dvāparāṃ teṣu suvratāḥ //
7.2.8.33.p32
yogācāryāvatārāśca tathā śiṣyeṣu śūlinaḥ //
7.2.8.33.p33
tatra tatra vibhoḥ śiṣyāścatvāraḥ syurmahaujasaḥ //
7.2.8.33.p34
śiṣyāsteṣāṃ praśiṣyāśca śataśo 'tha sahasraśaḥ //
7.2.8.33.p35
teṣāṃ saṃbhāvanālloke śaivājñākaraṇādibhiḥ //
7.2.8.33.p36
bhāgyavaṃto vimucyaṃte bhaktyā cātyaṃtabhāvitāḥ //
7.2.8.33.p37
oṃ iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śivatattvajñāne vyāsāvatāravarṇanaṃ nāmāṣṭamo 'dhyāyaḥ
7.2.8.33.p38
Chapter 9
kṛṣṇa uvāca
yugāvarteṣu sarveṣu yogācāryacchalena tu //
Other recensions (1)
- Śivapurāṇa (complete text) — Sanskrit
Linked texts (4)
- Liṅgapurāṇa — Vyāsa, Sanskrit
- Śivarahasyapurāṇa — Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Śivatattvaviveka (Appayya Dīkṣita) — Appayya Dīkṣita 1560, Sanskrit