Pramāṇa · Search · About · API

Skandapurana 101

Kāśīkhaṇḍaṭīkā 101

Language
Sanskrit

101.p1

saccidānandasandohaparipūrṇaikabhānave | bhaktecchopāttadehāya kṛṣṇāya haraye namaḥ |

101.p2

2 | vedānte'tha purāṇabhāratavidhau śrīsatyavatyātmajaḥ sāṃkhye śrīkapilaḥ kaṇāda iha yo vaiśeṣike gautamaḥ | nyāye yoganaye patañjaliratho candraprabhāvallabho bhaṭṭācāryacaturbhujo vijayate prākkāṇḍakaumārilaḥ |

101.p3

3 | sakośā ca vikośā ca dve ṭīke likhite mayā | yatra yasyā'bhilāṣaḥ syāt sā tena parigṛhyatām |

101.p4

4 | āsītkāśyapavaṃśabhūṣaṇamaṇirmānyo mukundapriyo viprodāragadādharasya tanayaḥ śuklāmbaraḥ sanmatiḥ | gandharvījaṭhare tataḥ samabhavacchrīrāmanāmā sutasteneyaṃ vihitā hitāya viduṣāṃ ṭīkā budhairvīkṣyatām |

101.p5

5 | kāśyāṃ¹ śrīpuruṣottamena viduṣā bhaṭṭena śuddhātmanā tantrādhyātmapurāṇabhāratavidopāsyopakaṃsāriṇā | rāmānandamunīndravaryakṛtayā gūḍhārthayā ṭīkayā samyak saṅkalitaṃ hitāya viduṣāṃ śrīkāśikhaṇḍaṃ mahat |

101.p6

6 | || iti śrīmatparamahaṃsaparivrājakācāryabhagavatpūjyapādaśiṣyaśrīrāmendravanaśiṣyeṇa caitanyavanā'paraparyāyeṇa rāmānandena kṛtāyāṃ kāśīkhaṇḍaṭīkāyāṃ śatatamo'dhyāyaḥ |

101.p7

100 | || samāptā ceyaṃ kāśīkhaṇḍaṭīkā ||

Linked texts (1)