Skandapurana 77
Kāśīkhaṇḍaṭīkā 77
- Language
- Sanskrit
77.1
trisaptatitame'dhyāye oṃkārādicaturdaśaliṅgagaṇanāmadhye oṃkārādīnāṃ ṣaṇṇāṃ prādurbhāvamāhātmyayoḥ pūrvamuktatvāt kramaprāptaṃ kedārāvirbhāvamāhātmyaṃ praṇatipūrvakaṃ pṛcchati- namasta iti |
77.6
kedāraśikharaṃ kedāreśvaraprāsādā'gram | saptajanmakṛtāt saptajanmasvanuṣṭhitāt | janmajanmakṛtāditi kvacit |
77.8
enobhiḥ pāpaiḥ |
77.9
pāpaṃ haratīti harapāpaṃ harati pāpaṃ yattadvā harapāpam | ubhayathāpyārṣam |
77.10
madhyemārgaṃ mārgasya madhye |
77.12
jaṭā eva mukuṭāni, taiḥ bhūṣitairalaṅkṛtaiḥ |
77.14
bhūtibhūṣitavarṣmabhiḥ vibhūtibhūṣitadehaiḥ | bhikṣā mādhūkaraprākpraṇītā'yācitā tātkālikopapannarūpā pañcavidhāḥ | taduktam— mādhūkaramasaṃkalpaṃ prākpraṇītamayācitam | tātkālikaṃ copapannaṃ bhaikṣaṃ pañcavidhaṃ smṛtam || iti | asaṃkalpitamiti mādhūkaraviśeṣaṇam | tābhiḥ kṛtāni yānyannāni taiḥ santuṣṭaiḥ |
77.15
kedāreśvaraṃ didṛkṣūṇāṃ madhyemārgaṃ mṛtānāṃ kailāse vāso bhavatyasminnarthe itihāsamutthāpayati- pureti | rāthantare kalpe rathantaranāmni |
77.30
svākhyāsadṛśāṃ vartituṃ śīlaṃ yeṣāṃ teṣām |
77.34
sattvato dhairyavataḥ sāttvikasyeti vā |
77.36
gurormṛtaḥ hiraṇyagarbhasya vā |
77.37
sa vaśiṣṭha ityārabhyātra pūrvaṃ tvityataḥ prāktanasya granthasyā'yaṃ bhāvaḥ – harapāpaṃ tīrthaṃ kedārākhyaṃ liṅgaṃ ca kāśyāṃ pūrvamapyastyeva | vaśiṣṭhavaraprārthanā tu tatra kalāmātrāva- śeṣeṇātra sarvātmanāvasthitiriti | ata eva kāśīsthasya vaśiṣṭhasya pūrvam | snātvā hrade harapāpe nityaṃ prātaḥ samutthitaḥ, vibhūtyā'harahaḥ syāti trikālaṃ liṅgamarcayan | ityādyuktamupapannataram |
77.42
me mama sambandhinaḥ | sārthabhūtā ityarthaḥ |
77.47
gaurīkuṇḍaṃ yathā tatretyādyuktaṃ kramamanādṛtya taddarśayati- atreti | kākolau droṇakākau |
77.49
tatra himādrau kedāre |
77.52
muktidurdaśaiḥ manuṣyāṇāṃ prāpyaṃ kaivalyaṃ draṣṭumaśaknuvadbhiḥ |
77.53
tanuvisarge tanutyāge |
77.55
mānasena sarasā mānasasaro'dhiṣṭhātrā | dvijeneti kvacit | tatra tannāmnā brāhmaṇenetyarthaḥ | atra harapāpe | mānasamiti khyātiṃ gatam | idaṃ harapāpam |
77.73
|| iti śrīrāmānandakṛtāyāṃ kāśīkhaṇḍaṭīkāyāṃ saptasaptatitamo'dhyāyaḥ |
77.74
ākhyāyi kathitaḥ |
Linked texts (1)
- Skandapurāṇa — Vyāsa, Sanskrit