Skandapurana 80: athāśītitamo'dhyāyaḥ
Kāśīkhaṇḍaṭīkā 80
- Language
- Sanskrit
athāśītitamo'dhyāyaḥ
80.1
sarvakāmapradaṃ puṃsāṃ strīṇāṃ caiva viśeṣataḥ | manorathatṛtīyākhyavrataṃ samyaṅ nirucyate |
80.2
viśvabhujāśā vināyakadaivataṃ manorathatṛtīyākhyaṃ vrataṃ kathayituṃ prastāvayati— kumbhodbhūteti |
80.4
athāśītitame'dhyāye dharmeśākhyānamadhyage | śrīmadviśvabhujāśākhyagaṇeśastutipūrvakam |
80.5
pūjāprakāramāha–viśva ityardhena | yadvā viśve ityādīni maheśakṛtasambodhanāni |
80.7
manorathatṛtīyā caitraśuklatṛtīyā, tasyām |
80.10
manorathaṃ karotīti manorathakṛt tasya manorathakṛtaḥ |
80.11
pulomā nāma daityastattanayā śacī |
80.12
sarahasyena gopyasahitena | kalakaṇṭhīkalena kokilāyā madhurasvanatulyena madhureṇa suśravyeṇa |
80.13
sutālena śobhanatālayuktena | suraṅgeṇa śobhano raṅgo yasmāttena | dhātumātrā-kalāvatā tānamānakalāvatā | etatpāṭhe spaṣṭa evārthaḥ |
80.16
bhavāttāriṇi saṃsāratāriṇi |
80.26
itikartavyatā'nuṣṭhānaprakāraḥ |
80.29
kimātmikā kiṃsvarūpā | pāṭhāntare kiṃ nāmā kiṃ nāmnītyarthaḥ| |
80.35
tadgatamānasaḥ viśvabhujāgatacittaḥ |
80.43
yakṣakardamaṃ svayameva vyācaṣṭe-kastūrikāyā iti | śaśinaḥ karpūrasya | tāni kusumāni || 45-46 | nandyāvartaitagaraiḥ |
80.47
tacchadaisteṣāṃ vṛkṣāṇāṃ patraiḥ |
80.48
gorocanā gośrṛṅgayormadhye samutpannadravyaviśeṣaḥ | niśādvayaṃ haridrādvayam |
80.49
muṣṭikāḥ pūrikāḥ |
80.55
caitramāsanaivedyasya pūrvamuktatvādavaśiṣṭānāṃ māsānāṃ naivedyānāha-karambha iti | karambho dadhimiśraḥ saktuḥ |
80.62
dīpī dīpadhārikā puttalikā |
80.78
anyatreti | viśve he viśvabhuje ! kāryeti² pāṭhe'nvayabhedādapaunaruktyam |
80.80
kṣipramiti | natvā namaskāramātraṃ kṛtvā dūraṃ gatānapi janān | cintitaiḥ svābhilāṣaiḥ | kṛtakṛtyān kṛtārthān vidhāya kṛtvā āgamayitvā teṣāmāgamanaṃ kārayitvetyarthaḥ |
80.82
kṣīranīradherdugdhā'rṇavājjanma yasyāstayā lakṣmyā |
80.83
|| iti śrīrāmānandakṛtāyāṃ kāśīkhaṇḍaṭīkāyāmaśītitamo'dhyāyaḥ |
80.85
aṅgajottamaḥ putraśreṣṭhaḥ |
Linked texts (1)
- Skandapurāṇa — Vyāsa, Sanskrit