Pramāṇa · Search · About · API

Skandapurana 83: atha tryaśītitamo'dhyāyaḥ

Kāśīkhaṇḍaṭīkā 83

Language
Sanskrit

atha tryaśītitamo'dhyāyaḥ

83.1

abhīṣṭatṛtīyāvrataṃ kathayati – avadhehīti |
puro'grataḥ | śrīdapatnyāḥ kuberakāntāyā ṛddheḥ | śrīreva mukhaṃ mukhyā śreṣṭhā sevyā, śriyo mukhamiva vā mukhaṃ yasyāḥ sā tathā |

83.2

vidhinā'pi vidhinaiva | astīti¹pāṭhe pūjyā bhavatītyarthaḥ | atra vrate | stanandhayena bālāpatyena unmukhaṃ yathā syāttathā pibatā | unmukhaṃ kṣaraddugdhamiti stanaviśeṣaṇaṃ vā | dhayatā ca stanaṃ tatheti kvacit |

83.4

adhāśītitamo'dhyāye tryadhike sarvasundare | vīreśāviṣkṛtiḥ puṇyā samyak tāvannirūpyate |

83.6

svarṇaparimāṇaṃ cā'śītiraktikam |

83.7

vidhiṃ brahmāṇīm¹ ²nāraṅgamukhyairkairnāraṅgairdhairityarthaḥ |

83.8

mṛganābhibhiḥ kastūrībhiḥ | bahubhaṅgibhiḥ nānābhedavadbhiḥ |

83.9

vigatā nidrā yebhyastaiḥ | kusumamaṇḍape kusumavyāptamaṇḍape |

83.10

rajanī haridrā |

83.11

dampatī strīpuṃsau |

83.13

ācāryaṃ ca ādṛtaḥ ādarayataḥ | dampatyorviśeṣaṇaṃ mudānvitāviti | yadvā dampatī vratakartārau ādṛtaḥ² ādarato mudānvitau bhavetāmiti śeṣaḥ | anyat samānam |

83.14

vidadhātīti vidhistatsambodhanaṃ he sṛṣṭikartrītyarthaḥ |

83.16

jātavedasa iti ṛcā mantreṇa | āplutya āloḍya | dvija ityanena dvijātīnāmevā'smin vrate'dhikāra iti sūcitam |

83.17

mune vrataṃ samācīrṇaṃ patyā saheti śeṣaḥ |

83.22

bhuktaśeṣeṇā'vaśiṣṭenā'nnena |

83.26

mantrivijñaptinunnayā mantrivākyapreritayā | pāṭhāntare¹ mantribhirvijñaptaḥ pituraniṣṭakṛt putro yasyāstayā | lāsyaśaśiprabhaṃ kāmanīyacandraprabham |

83.28

mūlarkṣe putrotpattyā rājño'riṣṭe nāśe saṃsthitā | vijñāpanamevāha –devīti |
samākārya ākārayitvā |

83.29

uvāca nayata kṣipramityādi jātamātro vrajetsvargamityādi devīvarā'bhiprāyeṇa | mātṛgaṇo vakṣyamāṇā brahmāṇyādyāḥ śaktayaḥ | stanapānaṃ ceti kvacit | kuruta kārayatetyarthaḥ |

83.30

ḍimbhaṃ śiśum |

83.35

sthāpya nidhāya | nyasya¹ puro bhāge iti ca kvacit | nyasya saṃnyasyetyarthaḥ | yoginīḥ catuḥṣaṣṭiyoginīḥ |

83.38

mātṛgaṇāśīrbhirviśiṣṭaḥ | mātṛgaṇādhīneti kvacit | pañcamudrāṅkitaṃ pañcamudrānāmnā cihnitamityarthaḥ |

83.41

pade-pade sthāne sthāne |

83.45

vīra he vīra ! anena nāmā'pi viśveśena kṛtamiti jñeyam |

83.47

vāṅmayaṃ vedayonim | bṛhat paripūrṇam | bṛhadanugrahādityekaṃ vā padam |

83.53

sūkte rudrasūktaiḥ | ata eva rudradaivatairiti viśeṣaṇam |

83.77

antato'ntakāle |

83.78

harapāpaṃ kedārakuṇḍam | tatra snātvā sthitasyetyarthaḥ | tīrthāntaraṃ vā |

83.81

sūtavadhāllomaharṣaṇavadhāt |

83.84

bandīnāma nirvakti – hiraṇyeti dvābhyām | nigaḍitā lohaśṛṅkhalairbaddhāśca |

83.85

yadyadā |

83.88

bandī devī |

83.97

vṛddhārkatīrthamiti | brahmārketi pāṭhe brahmā brahmaṇo vṛddhahārīta eva tannāmārko brahmārkastattīrthamityarthaḥ |

83.98

citraguptaṃ na paśyati tato na bibhetītyarthaḥ |

83.101

brahmatīrthamiti | pūrvasmātpūrvasmāt tīrthāduttarottarasyādhikyamātramatra vivakṣitaṃ na tu kramo'pi | ata eva vakṣyati – jñeyānyetāni tīrthāni puṇyadānyuttarottaramiti |

83.114

|| iti śrīrāmānandakṛtāyāṃ kāśīkhaṇḍaṭīkāyāṃ tryaśītitamo'dhyāyaḥ |

83.115

bhūtāyāṃ caturdaśyām |

Linked texts (1)