Pramāṇa · Search · About · API

Skandapurana 85: atha pañcāśītitamo'dhyāyaḥ

Kāśīkhaṇḍaṭīkā 85

Language
Sanskrit

atha pañcāśītitamo'dhyāyaḥ

85.1

kāmeśvarotpattiṃ vaktuṃ pratijānīte—jagajjanyā iti |
mahāmarṣo'sahanaśīlo mahākrodha iti vā |

85.3

uṭajāni parṇaśālāḥ |

85.5

pañcāśītitame'dhyāye durvāsovarapūrvakam | śrīmatkāmeśvarotpattirvarṇyate'timanoharā |

85.7

kakṣīti | kakṣīkṛtāḥ kakṣedhṛtā alābvo vibhūtipātrāṇi yaistān | huḍutkāra-jitāmbudān huḍutkāraśabdairjitameghasvanānityarthaḥ | phuḍuditi kvacit |uḍudityanyatra |

85.8

karaṇḍo devādhārapātram |

85.11

jaṭājaṭitamaulikān jaṭāvyāptamastakān |

85.12

vyuṣṭiḥ viśiṣṭaṃ sthānam |

85.13

śubhā āyatiruttarakālīnaphalaṃ yasya saḥ |

85.15

nāgabhūḥ pātālam |

85.16

paśuṣu grāmyeṣu gomahiṣādiṣu | mṛgeṣvāraṇyeṣu hariṇādiṣu | tiryakṣu pakṣiṣu | hṛṣṭiḥ hṛṣṭatā |

85.28

amarṣiṇaḥ asahiṣṇavaḥ |
24 | krudhā krodhena |
25 | nanu yadyevaṃbhūtāstāpasā durvāsaḥprabhṛtayaḥ kathaṃ tarhi tānye tapasvino manyante tatrāha - tathāpīti |
26 | vyānaśe vyāptavān |
27 | vyāpitaṃ vyāptam | yadyasmāttattatsmāt |

85.29

parito dhāmaśāmbhavaṃ śambhordhāmnaḥ ānandakānanasya caturdikṣityarthaḥ |

85.30

antakaḥ kālāgnirudraḥ pralayānala iti yāvat | vidhātā brahmā | lekhā devā indrādayaḥ | paro viṣṇuḥ |

85.31

marusthalīṃ nirudakabhūmim |

85.32

dadhmo dhārayema |

85.33

ā iti kope pīḍāyāṃ vā |

85.34

prasāma iti | yadyapi vārāṇasī bhuvanamadhye na bhavati, tathāpi pratītyabhiprāyeṇedamuktamiti jñeyam |

85.35

śakalīkṛtya khaṇḍaśaḥ kṛtya | pralayānalaṃ durvāsasaḥ krodhavahnim |

85.40

sphoṭayāmaḥ khaṇḍaṃ nayāmaḥ | āsphālayāmo dūre prakṣepsyāmaḥ | anyonyaṃ parasparam | tālavad yathā ekena tālena tālāntaraṃ dūrīkriyate, tenāpyanyattadvadityarthaḥ |

85.41

prābhañjanīṃ vāyusambandhinīm |

85.46

durvāsasaśceti cakāro bhinnakrame | kṣubdheṣu teṣu ceti sambadhyate |

85.47

bhṛṅgiriṭiritīdantatvamārṣam |

85.48

ānasūyeyaḥ anasūyāyāḥ putra ityarthaḥ |

85.49

avan rakṣan |

85.50

anukrośato dayātaḥ |

85.51

aviśaṅkito viśaṅkārahitaḥ san | pāṭhāntare¹ kriyāviśeṣaṇam |

85.52

nanu yadi vāyorapi gatirnāsti kathaṃ candrasūryau praviṣṭāvityata āha - na gaṇairiti | na akṛtānujñau apitu kṛtānujñau | tatra hetustatteja iti | svatejasā niṣprabhau dṛṣṭvā karuṇayā kṛtānujñāvityarthaḥ |

85.54

trailokyābhayadatvamevāha – duḥkhārṇavetyādinā |

85.58

uvāca ceti cakārasyā'grimakarmaṇā sambandhaḥ | na kevalamaparāddhamityuvāca dhiṅmāmiti co vā cetyarthaḥ | bahuśa ityasyobhayatra sambandhaḥ |

85.64

labdhamullabdhaharṣaḥ |

85.66

bhāvi bhaviṣyati |

85.67

nanu kruddhānāṃ kutaḥ ślāghanīyatvaṃ tatrāha-yasyāstīti | kartā kariṣyati kṣīṇa-vṛttivat | yathā daridraḥ kruddho'pi kimapi kartuṃ na śaknoti, tadvadityarthaḥ |

85.70

laukikāni śobhanoktāni vārayati-śrutīritairiti |

85.77

|| iti śrīrāmānandakṛtāyāṃ kāśīkhaṇḍaṭīkāyāṃ pañcāśītitamo'dhyāyaḥ |

85.78

pāpmānaḥ pāpāni |

Linked texts (1)