Skandapurana 97
Kāśīkhaṇḍaṭīkā 97
- Language
- Sanskrit
97.1
he viśālākṣi ! tarhi jalāśayādeḥ kathaṃ tīrthatvaṃ tatrāha—jalāśaya iti |
97.6
paśavo jīvāsteṣāṃ pāśāścaturviṃśatitattvāni taddhṛt |
97.10
¹mūrtīnāmadhiṣṭhānādityuktaṃ tā mūrtīreva darśayati-mūrtaya iti | śaivaṃ śivasambandhimūrtirūpaṃ liṅgamityanvayaḥ |
97.11
tasya prācyāṃ vedeśvara ityanvayaḥ |
97.14
kṣetrajña īśvaraḥ |
97.15
vidhinā sthāpitamiti śeṣaḥ |
97.17
śambhupreṣitagobhiḥ prekṣyata iti goprekṣam |
97.18
rauravādiṣu ādiśabdena mahārauravādayo gṛhyante |
97.20
yāṃ siddhimabhīṣṭāṃ siddhim | tantateḥ tasya namaskārataḥ |
97.23
kuntīśvaraṃ pṛthayā sthāpitam | kubhbhīśvaramiti kvacit |
97.29
mama skandasya salokatā samānalokatā |
97.44
yātudhānyāṃ nairṛtyām |
97.50
āśvineyeśvarau aśvinīkumārābhyāṃ sthāpitau |
97.64
bhavati ca bhavatyeva | ṛṇataḥ ṛṇatrayāt | aṅgāranirmalaṃ jvaladaṅgāravadujjvalam |
97.69
śmaśānavadatibhīṣaṇatvāt śmaśānastambhaḥ kulastambha iti prasiddhaḥ |
97.79
paścime tasyāḥ paścime |
97.83
ādivarṇamayātmakaḥ akārokāramakāravarṇatrayātmaka ityarthaḥ |
97.87
koṭirudraphalaṃ śatalakṣarudrasūktajapasya phalam |
97.89
aghorodaḥ aghoraṃ saṃsāranivartakamudamudakaṃ yasya sa tathā |
97.119
āgneyeśvarataḥ prācyāṃ kuṇḍamityanuvādaḥ | taddakṣiṇe āgneyakuṇḍadakṣiṇe śubhaṃ kuṇḍamiti śeṣaḥ |
97.123
agnīśo'pyanya eva prasiddhaḥ |
97.136
mahākuṇḍe mahākālakuṇḍe |
97.138
sudhāmayyo yā mahauṣadhyo mṛtasañjīvinyādirūpā vartante, tā mahāmahauṣadhyastatra kṣiptā ityarthaḥ | kathaṃbhūtā mahauṣadhyo mahādhiyaḥ svāsthyapradātryo mahā'gadarūpā ityarthaḥ | kṣiptāstatra mahādhiyeti pāṭhe spaṣṭa evārthaḥ |
97.139
tuṅganāmna stuṅgeśvarādityarthaḥ |
97.141
liṅgakuṇḍayoranyanāmanī evāha-tuṅgeśvaramiti |
97.146
priyo bhartā |
97.148
tamīśvaraṃ pañcacūḍeśamityarthaḥ |
97.150
muktikṣetreti sarvato muktikṣetraṃ tasya pramāṇamityarthaḥ | tatra dakṣiṇatastaṭeśvaramārabhya krośaparimitaṃ kṣetramuttarataścaivamiti | ata eva yadā gaṅgā maṇikarṇikāyāṃ milati, tadā gaṅgātastu yavādhiketi gaṅgāpāre'pi vartata iti vacanaṃ saṅgacchate | tatra yavādhiketi na yavaparimāṇamātraṃ vivakṣitaṃ kintu yathāpramāṇaṃ gaṅgāto'pyadhiketyarthaḥ | atyatiṣṭhaddaśāṅgulamitivat |
97.153
aśokāṣṭamyāmiti cchedaḥ | madhau caitre |
97.174
prahiḥ kūpaḥ |
97.175
durvāseśaḥ kāmeśāttena sthāpitādanyaḥ | sandhirārṣaḥ | durvāso vā kaścidgaṇaḥ |
97.177
yatsameti | niṣṭhā niyamastatpūrvakaṃ pāśupatavrataṃ samāpya yatpuṇyamāpyate, tadatra kāśyāṃ viśveśayoḥ śaṃkhalikhiteśvarayordarśanāt kṣaṇāt prāpyata ityarthaḥ | yat samyak prāpyata iti pāṭhe niṣṭhāpūrvakaṃ yatpāśupatavrataṃ tasmādityadhyāharaṇīyam |
97.179
akṣapādeti cchedaḥ |
97.196
dhāteśaḥ dhātrīśa ityarthaḥ |
97.197
sanmude satāṃ mude ityarthaḥ |
97.198
tadudīcyāmiti sthūlagatyoktam | anyadvā citragupteśvaramiti |
97.200
yame yāmye koṇe ityarthaḥ |
97.214
chāyā devapratibimbaḥ | tadavekṣaṇācchāyādarśanāt |
97.219
tāraḥ tārakeśaḥ | kālaḥ kāleśaḥ | śilādajaḥ nandikeśvaraḥ |
97.221
parvaṇi śivarātrau |
97.222
samarcayettamityarthaḥ |
97.223
susiddhidaḥ śobhanasiddhidaḥ svarūpabhūtasiddhida iti vā |
97.226
upaspṛśya snātvā |
97.228
yajjalaṃ śraddhayā pītaṃ liṅgatrayamarpayet tadambuprāśanamiti pūrveṇaivānvayaḥ |
97.243
tava agasteḥ |
97.248
vājimedhako vājimedheśvara ityarthaḥ |
97.257
uttarā digiti trilocane sthitatvāduktam |
97.261
pañcāyatane oṃkāre | utpattisthitikāle'pītyapiśabdāllaye'pi |
97.262
ānandā'raṇyavastidā avimuktavasatidā |
97.266
sarasāṃ sarovarāṇāṃ puṣkariṇīnāmiti yāvat | tatra śatahastā vāpyaḥ | dviśatahastāḥ puṣkariṇyaḥ | "śatahastā bhavedvāpī dviguṇā puṣkariṇī bhavet" iti vacanāt |
97.269
andhavaḥ kūpāḥ | śraddheyāni āstikyabuddhyā sevyāni |
97.270
te me śākhaviśākhābhāḥ tatsadṛśā ityarthaḥ |
97.276
svargāpavargayoriti | dṛṣṭā svargadā dehāntasevitā apavargadetyarthaḥ |
97.278
brahmayajño jñānayajñaḥ |
97.284
śrutvā'dhyāyamidaṃ puṇyamiti | idaṃ puṇyamākhyānaṃ śrutvā | kiṃ tat ? adhyāya-madhyāyarūpam | imamiti pāṭhaśced dṛśyate tadā ṛjurevārthaḥ |
97.287
|| iti śrīrāmānandakṛtāyāṃ kāśīkhaṇḍaṭīkāyāṃ saptanavatitamo'dhyāyaḥ |
97.292
japyata iti japo'dhyāyaḥ |
Linked texts (1)
- Skandapurāṇa — Vyāsa, Sanskrit