Pramāṇa · Search · About · API

Skandapurana 99: athaikonaśatatamo'dhyāyaḥ

Kāśīkhaṇḍaṭīkā 99

Language
Sanskrit

athaikonaśatatamo'dhyāyaḥ

99.1

viśveśasya caritaṃ vaktuṃ prastāvayati – śṛṇviti |
senānīḥ he kārtikaya |

99.3

navā'dhike navatyākhye'dhyāye tāvannirucyate | śrīviśveśvaraliṅgasya mahimā paramādbhutaḥ |

99.4

joṣaṃ tūṣṇīṃ prītiṃ vā |

99.5

āvasat atiṣṭhāt | mānabhūribhiḥ mānānāṃ bhūri prācuryaṃ yeṣu te, tathā taiḥ |

99.7

prāgiti | pūrvamukha upaviśyeśo brahmaṇe viṣṇave ca pāṇimutkṣipya liṅgaṃ darśayāmāseti caturthenā'nvayaḥ | adhiṣṭhitaḥ āśritaḥ |

99.8

pañcārthajñānanirmalāḥ pañcānāmakārokāramakāranādabindurūpāṇāmarthajñānena nirmalāḥ, catvāro vedā itihāsapurāṇaṃ ceti vā pañcapañcākṣarīvidyāvarṇānāṃ brahmaviṣṇurudreśvara-sadāśivākhyānāṃ vā'rthajñānānnirmalā iti vā | bhasmakūṭaśayā iti bhasmakūṭe bhasma-samūhe śerata iti | tathā ca śrutiḥ – "bhasmacchanno bhasmaśayyāśayāno rudrādhyāyī mucyate sarvapāpaiḥ" iti |

99.9

āgneyamagnihotrajaṃ bhasma |

99.10

niṣprapañcā dehādyabhimānaśūnyāḥ | nirbhagāḥ tyaktaiśvaryāḥ | nirddambhā iti kvacit |

99.14

ete pāśupatā ityādīnāṃ sadaiva me mahāprītā iti ṣaṣṭhenā'nvayaḥ |

99.26

svayambhuvaḥ svecchayāptasthiteḥ | asya etatsthānāśritasya |

99.31

sāmodadhūpadānaiḥ sugandhadhūpapradānaiḥ |

99.32

sugandheti | sugandhacandanarasairbhaktito liṅgamālipya ya iha vartate, sa surastrībhiḥ sugandhairyakṣakardamaiḥ karpūrāgurukastūrīkaṅkolairlipyata ityarthaḥ |

99.39

madhyejanma janmano madhye |

99.41

vipadyate naśyati |

99.44

vyadhāt kuryāt |

99.47

janeti tapaḥsatyayorupalakṣaṇam |

99.49

anyataḥ anyatra | anyaditi vā |

99.50

smṛtā prāptā |

99.53

gaṅgāyāṃ pañcaśataṃ hastāstāvatparyantaṃ maṇikarṇikityarthaḥ | taduktamatraiva – āmadhyādevasarita āhariścandramaṇḍapāt | āgaṅgakeśavāccaiva svardvārānmaṇikarṇikā || iti | evamudīcyavācyoriti catuṣkoṇopalakṣaṇam | vanarājisaudhāditi kvacit | tatra vanarājo hanumān | parakośabhūmiḥ paramātmādhārasthānam | parakeśabhūmiriti pāṭhe brahmaviṣṇurudrabhūmiḥ | paralokabhūmiriti kvacit | hṛdantaḥkaraṇe śerata iti hṛcchayāḥ sadrūpā ityarthaḥ |

99.54

sthānādamuṣmāditi | amuṣmāt sthānād yanmama rājasaudhaṃ rājagṛham | tathā coktaṃ mokṣasvardvārayormadhye budhā rājagṛhaṃ viduriti | tasmādprāsādānmanāgīśasamāśritāyāṃ prācyāmiti pūrvottarayordiśorantarāla ityarthaḥ, tasyāṃ diśi yā sthalī, seyaṃ maṇikarṇikā yaiḥ sevitā, te mama hṛcchayā iti dvitīyenā'nvayaḥ | kimākāra-parimāṇaketyākāṅkṣāyāṃ vedikārūpakeṇa nirūpayitumāha – savya iti | krameṇeti | śatatrayī savye vāmapārśve hariścandreśvaraparyantamityarthaḥ | tathā'pasavye dakṣiṇapārśve śatadvayaṃ gaṅgakeśavaparyantamityarthaḥ |

99.57

sudhādhāma sudhāmadhāma sudhā'mṛtaṃ kaivalyaṃ tasya dhāma susthāneṣu dvārakādiṣu dhāmnaḥ svaprakāśasya dhāma sphūrtiryasmāttat | yadvā sudhāmadhāma śreṣṭhaṃ sthānamityarthaḥ | āsapteti | asminnityaṅgulyā nirdiśati | ayamarthaḥ –asmin sthāne yadyalliṅgaṃ tattadāsaptapātālatalāt svayambhusamutthitamiti mantavyam | tato hetuvādairetadadhikaraṇakaliṅgaṃ kṛtrimaṃ bhavitumarhati kenacit sthāpitatvāt sa pratipannavad ityādikutarkaiḥ kṛtrimabhāvabuddhyā ye bhajiṣyanti teṣām eṣa eva paro daṇḍa iti yathāśrutavyākhyāne kṛtrimabhāvabuddhyanutpatteḥ | na hi saptapātālādutthitasya svayambhuvaḥ kṛtrimabhāvamanīṣā sambhavatīti |

99.58

vasu dhanam | padyate'neneti padaṃ jñānam | atimātrā'khilasaukhyasādhanaṃ mātrā viṣayānatikrāntamatimātraṃ tacca tadakhilaṃ saukhyaṃ sukhaṃ ca tasya sādhanam atiśayasukhasādhanamiti vā |

99.61

adhibuddhibhiḥ adhikabuddhibhiḥ | vasayettān sato'dhiśritya vasedityarthaḥ | varayediti kvacit |

99.62

|| iti śrīrāmānandakṛtāyāṃ kāśīkhaṇḍaṭīkāyāmekonaśatatamo'dhyāyaḥ |

99.67

kṛtacārupūjaḥ kṛtā cārvī pūjā yena saḥ | saptamyanto vā pāṭhaḥ akhilalokakāmada iti kvacit | nunuvuḥ tuṣṭuvuḥ |

Linked texts (1)