Pramāṇa · Search · About · API

Brahmottarakhanda 1

Brahmottarakhaṇḍa 1

Language
Sanskrit

Contents

1.1

śrīśaṅkarāya namaḥ
śrīgaṇeśāya namaḥ || || śrīmadveṅkaṭeśāya namaḥ || || athabrahmottarakhaṃḍaprāraṃbhaḥ || jyotirmātrasvarūpāya nirmalajñānacakṣuṣe || namaḥ
śivāyaśāṃtāyabrahmaṇe liṃgamūrttaye

1.2

ṛṣayaūcuḥ || || ākhyātaṃ bhavatāsūtaviṣṇormāhātmyamuttamam || samastāghaharaṃpuṇyaṃsamāsena
śrutaṃcanaḥ

1.3

idānīṃśrotumicchāmomāhātmyaṃtripuradviṣaḥ || tadbhaktānāṃcamāhātmyamaśeṣāghaharaṃparam

1.4

tanmaṃtrāṇāṃcamāhātmyaṃtathaivadvi
jasattama || tatkathāyāścatadbhakteḥ prabhāvamanuvarṇaya

1.5

sūtauvāca || || etāvadevamartyānāṃparaṃśreyaḥ sanātanam || yadīśvarakathāyāṃ vaijā
tābhaktirahaitukī

1.6

atastadbhaktileśasyamāhātmyaṃvarṇyatemayā || apikalpāyuṣānālaṃvaktuṃvistarataḥ kvacit

1.7

sarveṣāmapipuṇyā
nāṃsarveṣāṃśreyasāmapi || sarveṣāmapiyajñānāṃjapayajñaḥ paraḥ smṛtaḥ

1.8

tatrādaujapayajñasyaphalaṃsvastyayanaṃmahat || śaivaṃṣaḍakṣaraṃdivyaṃmaṃtramāhurmaharṣayaḥ

1.9

devānāṃparamodevoyathāvaitripurāṃtakaḥ|| maṃtrāṇāṃparamo
maṃtrastathāso'yaṃṣaḍakṣaraḥ

1.10

eṣapaṃcākṣaromaṃtrojaptṝṇāṃmuktidāyakaḥ || saṃsevyatemuniśreṣṭhairaśeṣaiḥsiddhikāṃkṣibhiḥ

1.11

asyai
vākṣaramāhātmyaṃnālaṃ vaktuṃcaturmukhaḥ || śrutayoyatrasiddhāṃtaṃgatāḥparamanirvṛtāḥ

1.12

sarvajñaḥparipūrṇaścasaccidānaṃdalakṣaṇaḥ || saśivo
yatraramateśaivepaṃcākṣaresubhe

1.13

etenamaṃtrarājenasarvopaniṣadātmanā || lebhiremunayaḥsarveparaṃbrahmanirāmayam

1.14

namaskāre
ṇajīvatvaṃśive'traparamātmani || yaityaikyaṃgatomaṃtraḥparabrahmamayohyasau

1.15

bhavapāśanivaddhānāṃdehināṃhitakāmyayā || oṃ namaḥ
śivāyatimaṃtraṃmahāśivaḥsvayam

1.16

kiṃtasyabahubhirmaṃtraiḥkiṃtīrthaiḥkiṃtapo'dhvaraiḥ || yasyauṃnamaḥśivāyatimaṃtrohṛdayagocaraḥ

1.17

tāvadbhramaṃtisaṃsāredāruṇeduḥkhasaṃkule || yāvannoccārayaṃtīmaṃmaṃtraṃdehabhṛtaḥsakṛt

1.18

maṃtrādhirājarājo'yaṃsarvavedāṃtaśekharaḥ || sarvajñāna
nidhānaṃcaso'yaṃcaivaṣaḍakṣaraḥ

1.19

kaivalyamārgadīpo'yamavidyāsiṃdhuvāḍavaḥ || mahāpātakadāvāgniḥso'yaṃmaṃtraḥṣaḍakṣaraḥ

1.20

strībhiḥśūdraiścasaṃkīrṇairdhāryatemuktikāṃkṣi bhiḥ || nāsyadīkṣānahomaścanasaṃskāronatarpaṇam

1.21

nakālonopadeśaścasarvaḥ śucirayaṃmanuḥ
mahāpātakavicchittyaiśivaityakṣaradvayam

1.22

alaṃnamaskriyāyuktomuktayeparikalpate || upadiṣṭaḥsadguruṇājaptaḥkṣetrecapāvane

1.23

sadyoyathepsitāṃsiddhiṃdadātītikimadbhutam || sadguruṃhisamāśrityagrāhyo'yaṃmaṃtranāyakaḥ

1.24

puṇyakṣetreṣujaptavyaḥsadyaḥsiddhiṃprayacchati || guravonirmalāḥśāṃtāḥsādhavomitabhāṣiṇaḥ

1.25

kāmakrodhavinirmuktāḥsadācārājiteṃ
driyāḥ|| etaiḥkāruṇyatodattomaṃtraḥkṣipraṃprasidhyati

1.26

kṣetrāṇijapayogyānisamāsātkathayāmyaham || prayāgaṃpuṣkaraṃramyaṃkedāraṃ
setubaṃdhanam

1.27

gokarṇannaimiṣāraṇyaṃsadyaḥsiddhikaraṃnṛṇām || atrānuvarṇyatesadbhiritihāsaḥpurātanaḥ

1.28

asakṛdvāsakṛdvā
piśṛṇvatāmmaṃgalapradaḥ|| mathurāyāṃyaduśreṣṭhodāśārhaitiviśrutaḥ

1.29

babhūvarājā matimānmahotsāhoma hābalaḥ śāstrajñonayavākśūrodhai
ryavānamitadyutiḥ

1.30

apradhṛṣyaḥsugaṃbhīraḥsaṃgrāmeṣvanivarttitaḥ || mahārathomaheṣvāsonānāśāstrārthakovidaḥ

1.31

vadānyorūpasaṃ
pannoyuvālakṣaṇasaṃyutaḥ|| sakāśīrā jatanayāmupayemevarānanām

1.32

kāṃtāṃkalāvatīṃnāmarūpaśīlaguṇānvitām || kṛtodvāhaḥsarājeṃdraḥ saṃprāpyanijamaṃdiram

1.33

rātrautāṃśayanārūḍhāṃsaṃgamāyatadāhvayat
sāsvabhartrāsamāhūtābahuśaḥprārthitāsatī

1.34

navabaṃdhamanastasminnacāgacchattadaṃtikam || saṃgamāyatadāhūtānāgatānijavallabhā

1.35

balādāhartukāmastāmudatiṣṭhanmahīpatiḥ || māmāspṛśamahārājakāraṇāṃñcāvratesthitām

1.36

dharmādharmauvijānāsimākārṣīḥsāhasaṃ
mayi || kvacitpriyeṇabhuktaṃyadrocatetumanīṣiṇām

1.37

daṃpatyoḥprītiyogenasaṃgamaḥprītivarddhanaḥ || priyaṃyadāmejāyetatadāsaṃgastutemayi

1.38

kāprītiḥkiṃsukhaṃpuṃsāṃbalādbhogenayoṣitaḥ || aprītārogiṇīṃnārīmaṃtarvatnīṃdhṛtavratām

1.39

rajasvalāmakāmāṃñcanakāme
tabalātpumān || prīṇanaṃlālanaṃpoṣaṃraṃjanaṃmārdavaṃdayām

1.40

kṛtvāvadhūmapagamedyuvatīṃ premavānpatiḥ || yuvataukusumecaivavidheyaṃ sukhamicchatā

1.41

ityukto'pitayāsādhvyā sa rājāsmaravihvalaḥ
balādākṛṣyatāṃ haste parirebhe riraṃsayā

1.42

tāṃ spṛṣṭamātrāṃ sahasātaptāyaḥ piṃḍasannibhām || nirdahaṃtīmivātmānaṃtatyāja bhayavihvalaḥ

1.43

rājovāca || || aho sumahadāścaryamidaṃ dṛṣṭaṃtava priye || kathamagnisamaṃjātaṃ vapuḥ pallavakomalam

1.44

itthaṃ suvismito rājābhī
taḥ sā rājavallabhā || pratyuvāca vihasyaināṃ vinayena śucismitā

1.45

rājñyuvāca || || rājanmamapurā bālye durvāsā munipuṃgavaḥ
śaivīṃ paṃcākṣarīṃ vidyāṃ kāruṇyenopādiṣṭavān

1.46

tena maṃtrānubhāvena mamāṃgaṃ kaluṣojjhitam || spraṣṭuṃ na śakyate puṃbhiḥ sapādairdevavarjitaiḥ

1.47

tvayārājaprakṛtinākulaṭāgaṇikādayaḥ || madirāsvāda niratāniṣevyaṃtesadāstriyaḥ

1.48

nasnānaṃkriyatenityaṃnamaṃtrojapyateśuciḥ
nārādhyatetvayeśānaḥkathaṃmāṃspraṣṭumarhasi

1.49

rājovāca || || tāṃsamākhyāhisuśroṇiśaivīṃ paṃcākṣarīṃśubhām || vidyāvidhvastapāpo
'haṃtvayīcchāmiratiṃpriye

1.50

rādyuvāca || || nāhaṃtavopadeśaṃvaikuryāṃmamagururbhavān || upātiṣṭhaguruṃrājangargamaṃtravidāṃvaram

1.51

sūtauvāca || || itisaṃbhāṣyamāṇautaudaṃpatīgargasannidhim || prāpyataccaraṇaumūrdhnāvavaṃdātekṛtāṃjalī

1.52

atharājāguruṃ
prītamabhipūjyapunaḥpunaḥ || samācaṣṭavinītātmārahasyātmamanoratham

1.53

rājovāca || || kṛtārthaṃmāṃ kuruguro saṃprāptaṃ
karuṇāīṃdhīḥ || śaivīṃ paṃcākṣarīṃvidyāmupadeṣṭuṃtvamarhasi

1.54

anājñātaṃyadājñātaṃyatkṛtaṃrājakarmaṇā || tatpāpaṃyenaśuddhyetatanmaṃtraṃdehimeguro

1.55

evamabhyarthitorājñāgargobrāhmaṇapuṃgavaḥ
taunināyamahāpuṇyaṃkāliṃdyāstaṭamuttamam

1.56

tatrapuṇyatarormūlèniṣaṇṇo'thaguruḥsvayam || puṇyatīrthajalesnātaṃrājānaṃsamupoṣitam

1.57

prāṅmukhaṃcopaveśyāthanatvāśivapadāṃbujam || tanmastakekaraṃnyasyadadaumaṃtraṃśivātmakam

1.58

tanmaṃtradhāraṇādevatanmunerha
stasaṃgamāt || niryayustasyavapuṣovāyasāḥśatakoṭayaḥ

1.59

tedagdhapakṣāḥkrośaṃtonipataṃtomahītale || bhasmībhūtāstataḥsarvedṛśyaṃte
smasahasraśaḥ

1.60

dṛṣṭvā tadvāyasakulaṃdahyamānaṃsuvismitau || rājācarājamahiṣītaṃguruṃparyapṛcchatām

1.61

gururuvāca || || rājanbhavasahasreṣubhavatāparidhāvatā || saṃcitānidurantāni saṃtipāpān‍yanekaṃśaḥ

1.62

teṣujanmasahasreṣuyā
nipuṇyānisaṃtite || teṣāmādhikyataḥkāpijāyatepuṇyayoniṣu

1.63

tathāpāpīyasīṃyoniṃkacitpāpenagacchati || sāmyepuṇyā
nyayoścaivamānuṣīṃyonimāptavān

1.64

śaivīṃpaṃcākṣarīvidyāṃyadātehṛdayaṃrgatā || aghānāṃkoṭayastvaṃttaḥkākarūpeṇanirgatāḥ

1.65

koṭayograhmahatyānāmagamyāgamyakoṭayaḥ|| bhavakoṭisahasreṣuye'nyepātakarāśayaḥ

1.66

kṣaṇādbhasmībhavaṃtyevaśaivepaṃcākṣaredhṛte || āsaṃ
stavādyarājeṃdradagdhāḥpātakakoṭayaḥ

1.67

anayāsahapūtātmāviharasvayathāsukham || ityābhāṣyamuniśreṣṭhastaṃmaṃtramupadiśyaca

1.68

tābhyāṃvisimitacittābhyāṃsahitaḥsvagṛhaṃyayau || guruvaryamanujñāpyamuditautautvadaṃpatī

1.69

tataḥsvabhavanaṃprāpyarejātuḥsmamahādyutī || rājāhṛṣṭaḥsamāśliṣyapatnīṃcaṃdanaśītalām || saṃtoṣaṃparamaṃlebheniḥsvaḥprāpyayathādhanam

1.70

aśeṣavedopaniṣatpurāṇaśāstrāvataṃso'yamaghāṃtakārī || paṃcākṣarasyaivamahāprabhāvomayāsamāsātkathitovariṣṭhaḥ

1.70.p1

iti śrīskaṃdapurāṇe brahmottarakhaṃḍepaṃcākṣaravarṇanaṃnāmaprathamo'dhyāyaḥ

Linked texts (1)