Pramāṇa · Search · About · API

Shricandi 1

Śrīcaṇḍī 1

Language
Sanskrit

1.1

aṅga-hīno yathā dehī, sarva-karmasu na kṣamaḥ
aṅga-ṣaṭka-vihīnā tu, tathā saptaśatī-stutiḥ
tasmādetat paṭhitvaiva, japet saptaśatīṃ parām
anyathā śāpamāpnoti hāniṃ ca pade pade
rāvaṇādyāḥ stotrametadaṅga-hīnaṃ niṣevire
hatā rāmeṇa te yasmātrāṅga-hīnaṃ paṭhet tataḥ
aṅga-ṣaṭkaṃ vijānīyād, kavacārgala-kīlakaiḥ
rahasya-tritayenaiva, sahitairmanujeśvara!
rātri-sūktaṃ paṭhedādau, madhye saptaśatī-stavam
prānte tu paṭhanīyaṃ vai, devī-sūktamiti kramaḥ
madhye navārṇa-puṭitaṃ, kṛtvā stotraṃ sadābhyaset
śatamādau śataṃ cānte, japenmantraṃ navārṇakam
caṇḍīṃ saptaśatīṃ madhye, sampuṭo'yamudāhṛtaḥ
carite carite rājan! japenmantraṃ navākṣaram
śatamādau śataṃ cānte, vidhānena tu suvrata!
bījaṃ binā mahā-stotraṃ, na siddhyati kadācana
tasmāt sarva-prayatnena, bīja-yuktaṃ sadā paṭhet
praṇavaṃ cādito dattvā, stotraṃ vā saṃhitāṃ paṭhet
ante ca praṇavaṃ dadyādityuvācādi - pūruṣaḥ
argalaṃ kīlakaṃ cādau, paṭhitvā kavacaṃ paṭhet
japet saptaśatīṃ paścāt, krama eṣa śivoditaḥ
kavacaṃ bījamādiṣṭamargalā śaktirucyate
kīlakaṃ kīlakaṃ prāhuḥ, saptaśatyā mahā-manoḥ
argalaṃ duritaṃ hanti, kīlakaṃ phaladaṃ bhavet
kavacaṃ rakṣayennityaṃ, caṇḍikā tritayaṃ tathā
argalaṃ hṛdaye yasya, sa cārgala-mayaḥ sadā
bhaviṣyatīti niścitya, śivena racitaṃ purā
siddhi-pratibandhakaṃ pāpamargalā-sadṛśatvād argalā
tannāśaka-stotrasyādi tattallakṣaṇayā argaleti saṃjñā
jaya tvaṃ devi cāmuṇḍe! jaya bhūtārti-hāriṇi!
jaya sarva-gate devi! kāla-rātri! namo'stu te

1.2

jayantī maṅgalā kālī, bhadra-kālī kapālinī
durgā kṣamā śivā dhātrī, svāhā svadhā namo'stu te

1.4

mahiṣāsura-sainyānta-vidhātri! varade! namaḥ
rūpaṃ dehi, jayaṃ dehi, yaśo dehi, dviṣo jahi

1.5

mahiṣāsura-nirṇāśa - vidhātri! varade! namaḥ
rūpaṃ dehi, jayaṃ dehi, yaśo dehi, dviṣo jahi

1.6

dhūmra-locana - darpānta - vidhātri! varade! namaḥ
rūpaṃ dehi, jayaṃ dehi, yaśo dehi, dviṣo jahi

1.7

caṇḍa-muṇḍa-pramathana - vidhātri! varade! namaḥ
rūpaṃ dehi, jayaṃ dehi, yaśo dehi, dviṣo jahi

1.8

rakta-bīja-kuloccheda-vidhātri! varade ! namaḥ
rūpaṃ dehi, jayaṃ dehi, yaśo dehi, dviṣo jahi

1.9

niśumbha-prāṇa-saṃhāra - vidhātri! varade! namaḥ
rūpaṃ dehi, jayaṃ dehi, yaśo dehi, dviṣo jahi

1.10

śumbha-rākṣasa-saṃhāra -vidhātri! varade ! namaḥ
rūpaṃ dehi, jayaṃ dehi, yaśo dehi, dviṣo jahi

1.11

vanditāṃghri-yuge devi! sarva-saubhāgya-dāyini!
rūpaṃ dehi, jayaṃ dehi, yaśo dehi, dviṣo jahi

1.12

acintya-rūpa-carite! sarva-śatru-vināśini!
rūpaṃ dehi, jayaṃ dehi, yaśo dehi, dviṣo jahi

1.13

natebhyaḥ sarvadā bhaktyā, caṇḍike! duritāpahe!
rūpaṃ dehi, jayaṃ dehi, yaśo dehi, dviṣo jahi

1.14

stuvadbhyo bhakti-pūrvaṃtvāṃ, caṇḍike! vyādhi-nāśini!
rūpaṃ dehi, jayaṃ dehi, yaśo dehi, dviṣo jahi

1.15

caṇḍike! satataṃ ye tvāmarcayantīha bhaktitaḥ
rūpaṃ dehi, jayaṃ dehi, yaśo dehi, dviṣo jahi

1.16

dehi saubhāgyamārogyaṃ, dehi me paramaṃ sukham
rūpaṃ dehi, jayaṃ dehi, yaśo dehi, dviṣo jahi

1.17

vidhehi devi! kalyāṇaṃ, vidhehi paramāṃ śriyam
rūpaṃ dehi, jayaṃ dehi, yaśo dehi, dviṣo jahi

1.18

vidhehi dviṣatāṃ nāśaṃ, vidhehi balamuccakaiḥ
rūpaṃ dehi, jayaṃ dehi, yaśo dehi, dviṣo jahi

1.19

surāsura - śiro - ratna - nighṛṣṭa - caraṇe'mbike!
rūpaṃ dehi, jayaṃ dehi, yaśo dehi, dviṣo jahi

1.20

vidyā-vantaṃ yaśasvantaṃ, lakṣmī-vantaṃ ca māṃ kuru
rūpaṃ dehi, jayaṃ dehi, yaśo dehi, dviṣo jahi

1.21

devi!pracaṇḍa - dordaṇḍa - daitya - darpa - vināśini!
rūpaṃ dehi, jayaṃ dehi, yaśo dehi, dviṣo jahi

1.22

pracaṇḍa-daitya-darpaghni, caṇḍike! praṇatāya me
rūpaṃ dehi, jayaṃ dehi, yaśo dehi, dviṣo jahi

1.23

caturbhuje caturvaktra - saṃstute parameśvari!
rūpaṃ dehi, jayaṃ dehi, yaśo dehi, dviṣo jahi

1.24

kṛṣṇena saṃstute devi! śaśvad bhaktyā sadā'mbike!
rūpaṃ dehi, jayaṃ dehi, yaśo dehi, dviṣo jahi

1.25

himācala-sutā-nātha-saṃstute! parameśvari!
rūpaṃ dehi, jayaṃ dehi, yaśo dehi, dviṣo jahi

1.26

indrāṇī-pati-sadbhāva-pūjite! parameśvari!
rūpaṃ dehi, jayaṃ dehi, yaśo dehi, dviṣo jahi

1.27

pāsa gaīṃ
devi! bhakta-janoddāma - dattānandodaye'mbike!
rūpaṃ dehi, jayaṃ dehi, yaśo dehi, dviṣo jahi

1.28

patnīṃ manoramāṃ dehi, mano-vṛttānusāriṇīm
tāriṇīṃ durga - saṃsāra - sāgarasya kulodbhavām

1.29

phala-śruti
idaṃ stotraṃ paṭhitvā tu, mahā - stotraṃ paṭhennaraḥ
saptaśatīṃ samārādhya, varamāpnoti su-durlabham

1.30

sa tu saptaśatī-saṃkhyā - varamāpnoti sampadaḥ
argalaṃ pāpa-jātasya, dāridryasya tathārgalam
idamādau paṭhitvā tu, paścāt śrīcaṇḍikāṃ paṭhet

Linked texts (5)