Pramāṇa · Search · About · API

Shricandi 11

Śrīcaṇḍī 11

Language
Sanskrit

11.1

ṛṣiruvāca

11.2

purā śumbha-niśumbhābhyāmasurābhyāṃ śacī-pateḥ
trailokyaṃ yajña-bhāgāśca, hatā mada-balāśrayāt

11.3

tāveva sūryatāṃ tad - vadadhikāraṃ tathaindavam
kauberamatha yāmyaṃ ca, cakrāte varuṇasya ca

11.4

tāveva pavanarddhiṃ ca, cakraturvahni - karma ca
tato devā vinirdhūtā, bhraṣṭa-rājyāḥ parājitāḥ

11.5

hatādhikārāstri-daśāstābhyāṃ sarve nirākṛtāḥ
mahā'surābhyāṃ tāṃ devīṃ, saṃsmarantyaparājitām

11.6

vijitā padma-nāmānaṃ, daityaṃ-rājaṃ mahā-balam
vijayā tena sā devī, loke caivāparājitā
tayā'smākaṃ varo datto, yathā''patsu smṛtā'khilāḥ
bhavatāṃ nāśayiṣyāmi, tatkṣaṇāt paramāpadaḥ

11.7

iti kṛtvā matiṃ devā, hima-vantaṃ nageśvaram
jagmustatra tato devīṃ, viṣṇu-māyāṃ pratuṣṭuvuḥ

11.8

devā ūcuḥ

11.9

namo devyai mahā-devyai, śivāyai satataṃ namaḥ
namaḥ prakṛtyai bhadrāyai, niyatāḥ praṇatāḥ sma tām

11.10

raudrāyai namo nityāyai, gauryai dhātryai namo namaḥ
jyotsnāyai cendu-rūpiṇyai, sukhāyai satataṃ namaḥ

11.11

kalyāṇyai praṇatāṃ vṛddhyai, siddhyai kurmo namo namaḥ
nairṛtyai bhūbhṛtāṃ lakṣmyai, śarvāṇyai te namo namaḥ

11.12

durgāyai durga-pārāyai, sārāyai sarva-kāriṇyai
khyātyai tathaiva kṛṣṇāyai, dhūmrāyai satataṃ namaḥ

11.13

ati - saumyāti - raudrāyai, natāstasyai namo namaḥ
namo jagat-pratiṣṭhāyai, devyai kṛtyai namo namaḥ

11.14

yā devī sarva-bhūteṣu, viṣṇu-māyeti śabditā
namastasyai

11.15

namastasyai

11.16

namastasyai namo namaḥ

11.17

yā devī sarva - bhūteṣu, cetanetyabhidhīyate
namastasyai

11.18

namastasyai

11.19

namastasyai namo namaḥ

11.20

yā devī sarva - bhūteṣu, buddhi-rūpeṇa saṃsthitā
namastasyai

11.21

namastasyai

11.22

namastasyai namo namaḥ

11.23

yā devī sarva - bhūteṣu, nidrā-rūpeṇa saṃsthitā
namastasyai

11.24

namastasyai

11.25

namastasyai namo namaḥ

11.26

yā devī sarva-bhūteṣu, kṣudhā-rūpeṇa saṃsthitā
namastasyai

11.27

namastasyai

11.28

namastasyai namo namaḥ

11.29

yā devī sarva-bhūteṣu, chāyā-rūpeṇa saṃsthitā
namaṃstasyai

11.30

namastasyai

11.31

namastasyai namo namaḥ

11.32

yā devī sarva-bhūteṣu, śakti-rūpeṇa saṃsthitā
namastasyai

11.33

namastasyai

11.34

namastasyai namo namaḥ

11.35

yā devī sarva - bhūteṣu, tṛṣṇā-rūpeṇa saṃsthitā
namastasyai

11.36

namastasyai

11.37

namastasyai namo namaḥ

11.38

yā devī sarva - bhūteṣu, kṣānti-rūpeṇa saṃsthitā
namastasyai

11.39

namastasyai

11.40

namastasyai namo namaḥ

11.41

yā devī sarva - bhūteṣu, jāti - rūpeṇa saṃsthitā
namastasyai

11.42

namastasyai

11.43

namastasyai namo namaḥ

11.44

yā devī sarva - bhūteṣu, lajjā-rūpeṇa saṃsthitā
namastasyai

11.45

namastasyai

11.46

namastasyai namo namaḥ

11.59

yā devī sarva-bhūteṣu, vṛtti-rūpeṇa saṃsthitā
namastasyai

11.60

namastasyai

11.61

namastasyai namo namaḥ

11.62

yā devī sarva-bhūteṣu, smṛti-rūpeṇa saṃsthitā
namastasyai

11.63

namastasyai

11.64

namastasyai namo namaḥ

11.65

yā devī sarva-bhūteṣu, dayā-rūpeṇa saṃsthitā
namastasyai

11.66

namastasyai

11.67

namastasyai namo namaḥ

11.68

yā devī sarva-bhūteṣu, tuṣṭi-rūpeṇa saṃsthitā
namastasyai

11.69

namastasyai

11.70

namastasyai namo namaḥ

11.71

yā devī sarva-bhūteṣu, mātṛ-rūpeṇa saṃsthitā
namastasyai

11.72

namastasyai

11.73

namastasyai namo namaḥ

11.77

indriyāṇāmadhiṣṭhātrī, bhūtānāṃ cākhileṣu yā
bhūteṣu satataṃ tasyai, vyāpti-devyai namo namaḥ

11.78

citi-rūpeṇa yā kṛtsnametad vyāpya sthitā jagat
namastasyai

11.79

namastasyai

11.80

namastasyai namo namaḥ

11.81

stutā suraiḥ pūrvamabhīṣṭa-saṃśrayāt,
tathā surendreṇa dineṣu sevitā
karotu sā naḥ śubha-heturīśvarī,
śubhāni bhadrāṇyabhi-hantu cāpadaḥ

11.82

yā sāmprataṃ coddhata-daitya-tāpitaiḥrasmābhirīśā ca surairnamasyate
yā ca smṛtā tatkṣaṇameva hanti naḥ,
sarvāpado bhakti-vinamra-mūrttibhiḥ

11.83

ṛṣiruvāca

11.84

evaṃ stavādi - yuttānāṃ, devānāṃ tatra pārvatī
snātumabhyāyayau toye, jāhravyā nṛpa-nandana!

11.85

sā'bravīttān surān, subhrūrbhavadbhiḥ stūyate'tra kā?
śarīra - kośataścāsyāḥ, samudbhūtā'bravīcchivā

11.86

stotraṃ mamaitat kriyate, śumbha-daitya-nirākṛtaiḥ
devaiḥ sametaiḥ samare, niśumbhena parājitaiḥ

11.87

śarīra-kośād yat-tasyāḥ, pārvatyāḥ niḥsṛtā'mbikā
kauśikīti samasteṣu, tato lokeṣu gīyate

11.88

a-yonijā tu yā kanyā, stryaṅga-kośa-samudbhavā
ajāta - puṃ - sparśa - ratiravilaṃghya - parākramā
tayā tu nau vadhaḥ saṃkhye, tasyāṃ kāmābhibhūtayoḥ
sā tvak-kośātmanotsṛṣṭā, kauśikī-nāma-nāmataḥ
kālī kālāmbuda-prakhyā, kanyakā samapadyata
sā tu māyātmikā śaktiryoga-nidrā ca vaiṣṇavī
śaṅkha-cakra-triśūlādi-sāyudhāṣṭa-mahā-bhujā
saumyā ghorā ca miśrā ca, trinetrā candra-śekharā
ajāta-puṃ-sparśa-ratiraghṛṣyā cāti-sundarī
gaurī-dehāt samudbhūtā, yā sattvaika-guṇāśrayā
sākṣāt sarasvatī proktā, śumbhāsura-nivarhiṇī
dadhau cāṣṭa-bhujā vāṇa-mūsale śūla-cakra-bhṛt
śaṅkhaṃ ghaṇṭāṃ lāṅgalaṃ ca, kārmukaṃ vasudhādhipa!
eṣā sampūjitā bhaktyā, sarvajñatvaṃ prayacchati
niśumbha-mathinī devī, śumbhāsura-nivarhiṇī
tasyāṃ vinirgatāyāṃ tu, kṛṣṇā'bhūt sā'pi pārvatī
kāliketi samākhyātā, himācala-kṛtāśrayā

11.89

tato'mbikāṃ paraṃ rūpaṃ, vibhrāṇāṃ su-manoharam
dadarśa caṇḍo muṇḍaśca, bhṛtyau śumbha-niśumbhayoḥ

11.90

tābhyāṃ śumbhāya cākhyātā, atīva su-manoharā
kā'pyāste strī mahā-rāja! bhāsayantī himācalam

11.91

naiva tādṛk kvacid rūpaṃ, dṛṣṭaṃ kenaciduttamam
jñāyatāṃ kā'pyasau devī, gṛhyatāṃ cāsureśvara!

11.92

strī-ratnamati-cārvaṅgī, dyotayantī diśastviṣā
sā tu tiṣṭhati daityendra! tāṃ bhavān draṣṭumarhati

11.13-2

urvaśī pūrva-cittiśca, rambhā cā'pi tilottamā
menakā ca tvāṃ bhajanti, sademā militā api
tasyāḥ pāda-nakhasyādi, saundaryasya kalā-samāḥ
bhaveyurna bhaveyurvā, iti me'niścitā matiḥ
yāni ratnāni maṇayo, gajāśvādīni vai prabho!
trailokye tu samastāni, sāmprataṃ bhānti te gṛhe

11.14-2

airāvataḥ samānīto, gaja - ratnaṃ purandarāt
pārijāta-taruścāyaṃ, tathaivoccaiḥśravā hayaḥ

11.15-2

vimāna-haṃsa-saṃyuktametat tiṣṭhati te'ṅgaṇe
ratna-bhūtamihānītaṃ, yadāsīd vedhaso'dbhutam

11.16-2

nidhireṣa mahā-padmaḥ, samānīto dhaneśvarāt
kiñjalkinīṃ dadau cābdhirmālāmamlāna-paṅkajām

11.17-2

chatraṃ te vāruṇaṃ gehe, kāñcana-srāvi tiṣṭhati
tathā'yaṃ syandana-varo, yaḥ purā''sīt prajā-pateḥ

11.18-2

mṛtyorutkrāntidā nāma, śaktirīśaḥ! tvayā hṛtā
pāśaḥ salila-rājasya, bhrātustava parigrahe

11.19-2

niśumbhasyābdhi-jātāśca, samastā ratna-jātayaḥ
vahnirapi dadau tubhyamagni-śauce ca vāsasī

11.100

evaṃ daityendra! ratnāni, samastānyāhṛtāni te
strī-ratnameṣā kalyāṇī, tvayā kasmānna gṛhyate

11.101

ṛṣiruvāca

11.102

niśamyeti vacaḥ śumbhaḥ, sa tadā caṇḍa-muṇḍayoḥ
preṣayāmāsa sugrīvaṃ, dūtaṃ devyā mahā'suram

11.103

yathokta-vādī dūtaḥ syād, deśa-bhāṣā-viśāradaḥ
śaktaḥ kleśa-saho vāgmī, deśa-kāla-vibhāga-vit
vijñāta-deśa-kālaśca, dūtaḥ syāt sa mahīkṣitaḥ
vaktā nayasya yaḥ kāle, sa dūto nṛpaterbhavet
iti ceti ca vaktavyā, sā gatvā vacanānmama
yathā cābhyeti samprītyā, tathā kāryaṃ tvayā laghu

11.104

sa tatra gatvā yatrāste, śailoddeśe'tiśobhane
sā devī tāṃ tataḥ prāha, ślakṣṇaṃ madhurayā girā

11.105

dūta sugrīva kī ukti
dūta uvāca

11.106

devi ! daityeśvaraḥ śumbhastrailokye parameśvaraḥ
dūto'haṃ preṣitastena, tvat - sakāśamihāgataḥ

11.107

avyāhatājñaḥ sarvāsu, yaḥ sadā deva-yoniṣu
nirjitākhila-daityāriḥ, sa yadāha śṛṇuṣva tat

11.108

mama trailokyamakhilaṃ, mama devā vaśānugāḥ
yajña-bhāgānahaṃ sarvānupāśnāmi pṛthak pṛthak

11.109

trailokye vara - ratnāni, mama vaśyānyaśeṣataḥ
tathaiva gaja-ratnaṃ ca, hatvā devendra-vāhanam

11.110

kṣīroda - mathanodbhūtamaśva - ratnaṃ mamāmaraiḥ
uccaiḥśravasa-saṃjñaṃ tat-praṇipatya samarpitam

11.111

yāni cānyāni deveṣu, gandharveṣūrageṣu ca
ratna-bhūtāni bhūtāni, tāni mayyeva śobhane!

11.112

strī-ratna-bhūtāṃ tvāṃ devi! loke manyāmahe vayam
sā tvamasmānupāgaccha, yato ratna-bhujo vayam

11.193

sva-rāṣṭramanyato rakṣatyanyadīyaṃ kṣiṇoti ca,
varddhatopāya-vān nityaṃ, ratna-hārī ca pārthivaḥ
māṃ vā mamānujaṃ vāpi, niśumbhamuru-vikramam
bhaja tvaṃ cañcalāpāṅgi! ratna-bhūtā'si vai yataḥ

11.194

paramaiśvaryamatulaṃ, prāpsyase mat - parigrahāt
etad buddhyā samālocya, mat-parigrahatāṃ vraja

11.195

ṛṣiruvāca

11.196

ityuktā sā tadā devī, gambhīrāntaḥ-smitā jagau
durgā bhagavatī bhadrā, yayedaṃ dhāryate jagat

11.117

devyuvāca

11.118

satyamuktaṃ tvayā nātra, mithyā kiñcit tvayoditam
trailokyādhipatiḥ śumbho, niśumbhaścāpi tādṛśaḥ

11.119

kiṃ tvatra yat pratijñātaṃ, mithyā tat kriyate katham?
śrūyatāmalpa-buddhitvāt, pratijñā yā kṛtā purā

11.120

yo māṃ jayati saṃgrāme, yo me darpaṃ vyapohati
yo me prati-balo loke, sa me bharttā bhaviṣyati

11.121

tadā''gacchatu śumbho'tra, niśumbho vā mahā'suraḥ
māṃ jitvā kiṃ cireṇātra, pāṇiṃ gṛhṇātu me laghu

11.122

dūta kā pratyuttara
dūta uvāca

11.123

avaliptāsi maivaṃ tvaṃ, devi! brūhi mamāgrataḥ
trailokye kaḥ pumāṃstiṣṭhedagre śumbha-niśumbhayoḥ

11.124

anyeṣāmapi daityānāṃ, sarve devā na vai yudhi
tiṣṭhanti sammukhe devi! kiṃ punaḥ strī tvamekikā

11.125

indrādyāḥ sakalā devāstasthuryeṣāṃ na saṃyuge
śumbhādīnāṃ kathaṃ teṣāṃ, strī prayāsyasi sammukham

11.126

sā tvaṃ gaccha mayaivoktā, pārśvaṃ śumbha-niśumbhayoḥ
keśākarṣaṇa-nirdhūta-gauravā mā gamiṣyasi

11.127

devī kā pratyuttara
devyuvāca

11.128

evametad balīśumbho, niśumbhaścātivīryavān
kiṃ karomi pratijñā me yadanālocitā purā

11.129

sa tvaṃ gaccha mayoktaṃ te, yadetat sarvamādṛtaḥ
tadācakṣvāsurendrāya, sa ca yuktaṃ karotu tat

Linked texts (12)