Pramāṇa · Search · About · API

Shricandi 17

Śrīcaṇḍī 17

Language
Sanskrit

17.1

jajvaluścāgnayaḥ śāntāḥ:
śānta-dig-janita-svanāḥ:—(1) śāntāsu dikṣu janitaḥ svano yaiḥ te'gnayaḥ
'madhumānno vanaspatirmadhumāṃ astu sūryaḥ, mādhvīrgāvo bhavantu naḥ|'
oṃ ṛṣiruvāca

17.2

devyā hate tatra mahā'surendre, sendrāḥ surā vahni - puro - gamāstām
kātyāyanīṃ tuṣṭuvuriṣṭa-lābhād, vikāśi-vaktrābja-vikāśitāśāḥ

17.3

devi! prapannārti-hare! prasīda, prasīda mātarjagato'khilasya
prasīda viśveśvari! pāhi viśvaṃ, tvamīśvarī devi! carācarasya

17.4

ādhāra-bhūtā jagatastvamekā, mahī-svarūpeṇa yataḥ sthitā'si
apāṃ svarūpa-sthitayā tvayaitadāpyāyate kṛtsnamalaṃghya-vīrye

17.5

tvaṃ vaiṣṇavī śaktirananta-vīryā, viśvasya bījaṃ paramāsi māyā
sammohitaṃ devi! samastametat, tvaṃ vai prasannā bhuvi mukti-hetuḥ

17.6

vidyāḥ samastāstava devi! bhedāḥ, striyaḥ samastāḥ sakalā jagatsu
tvayaikayā pūritamambayaitat, kā te stutiḥ stavya-parā paroktiḥ

17.7

sarva-bhūtā yadā devī, svarga-mukti-pradāyinī
tvaṃ stutā stutaye kā vā, bhavantu paramoktyaḥ

17.8

sarvasya buddhi-rūpeṇa, janasya hṛdi saṃsthite
svargāpavargade devi! nārāyaṇi! namo'stu te

17.9

kalā-kāṣṭhādi-rūpeṇa, pariṇāma-pradāyini!
viśvasyoparatau śakte! nārāyaṇi! namo'stu te

17.10

sarva-maṅgala-māṃgalye! śive! sarvārtha-sādhike!
śaraṇye tryambake gauri! nārāyaṇi! namo'stu te

17.11

hemābhāṃ vibhratīṃ dorbhirdarpaṇāñjana-sādhane
pāśāṅkuśau sarva-bhūṣāṃ, tāṃ gaurīṃ sarvadā bhaje
sṛṣṭi-sthiti-vināśānāṃ, śakti-bhūte sanātani!
guṇāśraye guṇa-maye! nārāyaṇi! namo'stu te

17.12

śaraṇāgata - dīnārta - paritrāṇa - parāyaṇe!
sarvasyārti-hare devi! nārāyaṇi! namo'stu te

17.13

haṃsa-yukta-vimānasthe, brahmāṇī-rūpa-dhāriṇi!
kauśāmbhaḥ-kṣarike devi! nārāyaṇi! namo'stu te

17.14

triśūla-candrāhi-dhare, mahā-vṛṣabha-vāhini!
māheśvarī-svarūpeṇa, nārāyaṇi! namo'stu te

17.15

mayūra-kukkuṭa-vṛte, mahā-śakti-dhare'naghe!
kaumārī-rūpa-saṃsthāne, nārāyaṇi! namo'stu te

17.16

prasīda vaiṣṇavī-rūpe, nārāyaṇi! namo'stu te

17.17

gṛhītogra-mahā-cakre, daṃṣṭroddhṛta-vasundhare
varāha-rūpiṇi śive! nārāyaṇi! namo'stu te

17.18

nṛsiṃha - rūpeṇogreṇa, hantuṃ daityān kṛtodyame!
trailokya-trāṇa-sahite, nārāyaṇi! namo'stu te

17.19

kirīṭini mahā-vajre, sahasra-nayanojjvale!
vṛtra-prāṇa-hare caindri, nārāyaṇi! namo'stu te

17.20

caturbhujā trinetrā ca, rakta-varṇā kirīṭinī
śakti-vajra-dharā caiva, varadābhaya-pāṇinī
sarvābharaṇa-saṃyuktā, gaja-dhvaja-sa-vāhinī
indrāṇī ceti vikhyātā, kalpadruma-samāśritā
aindrī sahasra-dṛk saumyā, hemābhā gaja-saṃsthitā
varadā sūtriṇī vajraṃ, vibhratyūrdhvaṃ tu dakṣiṇe
vāme tu kalaśaṃ pātraṃ, tvabhayaṃ tadadhaḥ kare
śiva-dūtī-svarūpeṇa, hata-daitya-mahā-bale!
ghora-rūpe mahā-rāve, nārāyaṇi! namo'stu te

17.21

tathaivārtta-mukhī śuṣkā, śuṣka-kāyā viśeṣataḥ
bahu-bāhu-yutā devī, bhujagaiḥ pari-veṣṭitā
kapāla-mālinī bhīmā, tathā khaṭvāṅga-dhāriṇī
śiva-dūtī tu kartavyā, śṛgāla-vadanā śubhā
ālīḍhāsana-saṃsthānā, tathā rājaṃścaturbhujā
asṛk-pātra-dharā devī, khaḍga-śūla-dharā tathā
caturthastu karastasyāstathā kāryastu sāmiṣaḥ
vāmādho rakta-pātraṃ tadupari ca gadāṃ kheṭa-pāśau dadhānām
dakṣaiḥ padmaṃ kuṭhāraṃ tadupari ca mahā-khaḍgamapyaṃkuśam
madhyāhnārka-prabhābhāṃ nava-maṇi-vilasad-bhūṣaṇāmaṣṭa-hastām
dūtīṃ nityāṃ tri-netrāṃ sura-gaṇa-munibhiḥ stūyamānāṃ bhaje'ham
daṃṣṭrā karāla-vadane, śiro-mālā-vibhūṣaṇe!
cāmuṇḍe muṇḍa-mathane, nārāyaṇi! namo'stu te

17.21-2

cāmuṇḍā pretagā raktā, vikṛtāsyā'hi-bhūṣaṇā
daṃṣṭogrā kṣīṇa-dehā ca, garttākṣī bhīma-rūpiṇī
dig-bāhuḥ kṣāma-kukṣiśca, musalaṃ kavacaṃ śaram
aṃkuśaṃ vibhratī khaḍgaṃ, dakṣiṇe tvatha vāmataḥ
kheṭaṃ pāśaṃ dhanurdaṇḍaṃ, kuṭhāraṃ ceti vibhratī
lakṣmi lajje mahā-vidye, śraddhe puṣṭi-svadhe dhuve!
mahā-rātri mahā-māye, nārāyaṇi! namo'stu te

Linked texts (11)