Shricandi 18

Śrīcaṇḍī 18

Language: Sanskrit

18.1

aruṇa-kamala-saṃsthā, tad-rajaḥ-puñja-varṇā
kara-kamala-dhṛteṣṭā'bhīti-yugmāmbujā ca
maṇi - kaṭaka - vicitrālaṃkṛtākalpa - jālaiḥ
sakala-bhuvana-mātā, santataṃ śrīḥ śriyai naḥ

bhūyād-bhūyo dvi-padmābhaya-varada-karā tapta-kārttasvarābhā,
śubhrābhrābhebha-yugma-dvaya-kara-dhṛta-kumbhādvirāsiñcyamānā
raktaughābaddha-mauli - vimala-tara-dukūlārttavālepanāḍhyā,
padmākṣī padma-nābhorasi kṛta-vasatiḥ padmagā śrī: śriyai naḥ

18.23

kāla-rātrirmahā-rātrī, bhadra-kālī kapālinī
cāmuṇḍā caṇḍinī caṇḍī, caṇḍa-muṇḍa-vināśinī
ekā tvaṃ dvividhā bhūtvā, mokṣa-saṃsāra-kāriṇī
vidyā'vidyā-svarūpeṇa, sva-prakāśā prakāśataḥ
medhe sarasvati vare, bhūti bābhravi tāmasi!
niyate tvaṃ prasīdeśe, nārāyaṇi! namo'stu te

18.24

lakṣmīrmedhā dharā puṣṭi, gaurī tuṣṭiḥ prabhā dhṛtiḥ
etābhiḥ pāhi tanubhiraṣṭābhirmāṃ sarasvati!
medhā prajñā prabhā vidyā, dhīrdhṛti-smṛti-buddhayaḥ
vidyeśvarīti samproktā, bhāratyāḥ nava-śaktayaḥ
kṛtāñjali-dvaya-karāstat-tadūrdhva-kara-dvaye
dadhatyaḥ pustakaṃ kumbhaṃ, śvetaḥ sundara-mūrtayaḥ
sarvataḥ pāṇi-pādānte! sarvato'kṣi-śiro-mukhe
sarvataḥ śravaṇa-ghrāṇe! nārāyaṇi! namo'stu te
durgā
sarva - svarūpe sarveśe! sarva - śakti - samanvite!
bhayebhyastrāhi no devi! durge devi! namo'stu te

18.25

etat te vadanaṃ saumyaṃ, locana - traya -bhūṣitam
pātu naḥ sarva-bhītibhyaḥ, kātyāyani! namo'stu te

18.26

kātyāyani! mahā-māye! mahā-yoginyadhīśvari!
nanda-gopa-sutaṃ devi! pati me kuru te namaḥ
kātyāyanyāḥ pravakṣyāmi, rūpaṃ daśa-bhujaṃ tathā
trayāṇāmapi devānāmanukārānukāriṇīm
oṃ jaṭā-jūṭa-samāyuktamarddhendu-kṛta-śekharām
locana-traya-saṃyuktāṃ, pūrṇendu-sadṛśānanām
atasī-puṣpa-varṇābhāṃ, supratiṣṭhāṃ sulocanām
nava-yauvana-sampannāṃ, sarvābharaṇa-bhūṣitām
sucāru-daśanāṃ tad-vat, pīnonnata-payo dharām
tribhaṅga-sthāna-saṃsthānāṃ, mahiṣāsura-mardinīm
mṛṇālāyata-saṃsparśa-daśa-bāhu-samanvitām
triśūlaṃ dakṣiṇe dadyāt, khaḍgaṃ cakraṃ kramādadhaḥ
tīkṣṇa-vāṇaṃ tathā śaktiḥ, vāmato'pi nibodhata
kheṭakaṃ pūrṇa-cāpaṃ ca, pāśamaṃkuśameva ca
ghaṇṭāṃ ca paraśuṃ vāpi, vāmataḥ sanniveśayet
adhastānmahiṣaṃ tad-vad-viśiraskaṃ pradarśayet
śiracchedodbhavaṃ tad-vad, dānavaṃ khaḍga-pāṇinam
hṛdi śūlena nirbhinnaṃ, niryadantra-vibhūṣitam
rakta-raktīkṛtāṅgaṃ ca, rakta-visphuratekṣaṇam
veṣṭitaṃ nāga-pāśena, bhṛkuṭī-bhīṣaṇānanam
sa-pāśa-vāma-hastena, dhṛta-keśaṃ ca durgayā
vamad rudhira-vaktraṃ ca, devyāḥ siṃhaṃ pradarśayet
devyāstu dakṣiṇaṃ pādaṃ, samaṃ siṃhopari sthitam
kiñcidūrdhvaṃ tathā vāmamaṃguṣṭhaṃ mahiṣopari
ugracaṇḍā pracaṇḍā ca, caṇḍogrā caṇḍa-nāyikā
caṇḍā caṇḍavatī caiva, cāmuṇḍā caṇḍikā tathā
ābhiḥ śaktibhiraṣṭābhiḥ, satataṃ pari-veṣṭitām
cintayet satataṃ devīṃ, dharmārtha-kāma-mokṣadām
savya - pāda - sarojenālaṃkṛtoru - mṛgādhipām
vāma - pādāgra - dalita - mahiṣāsura - nirbharām
suprasannāṃ suvadanāṃ cāru-netra-trayānvitām
hāra - nūpura - keyūra - jaṭā - mukuṭa - maṇḍitām
vicitra - paṭṭa - vasanārddha - candra - vibhūṣitām
khaḍga-kheṭaka-vajrāṇi, triśūlaṃ viśikhaṃ tathā
dhārayantīṃ dhanuḥ pāśaṃ, śaṅkhaṃ ghaṇṭāṃ saroruham
bāhubhirlalitairdevīṃ, koṭi-candra-sama-prabhām
samāvṛtairdiviṣadairdevairākāśa - saṃsthitaiḥ
stūyamānaṃ moda-mānairloka-pālādibhiḥ sadā
bhadra-kālī
jvālā - karālamatyugramaśeṣāsura - sūdanam
triśūlaṃ pātu no bhīterbhadrakāli! namo'stu te

18.28

asurāsṛg-vasā-paṅka-carcitaste karojjvalaḥ
śubhāya khaḍgo bhavatu, caṇḍike! tvāṃ natā vayam

18.29

śveta-campaka-varṇābhāṃ, sunīlotpala-locanām
jagaddhātrīṃ ca dātrīṃ ca, sarvebhyaḥ sarva-sampadām
maṅgaleṣu parā-dakṣāṃ, tāṃ tu maṅgala-caṇḍikām
saṃsāra-sāgare ghore, jyoti-rūpāṃ sadā bhaje
rogānaśeṣānapahaṃsi tuṣṭā, ruṣṭā tu kāmān sakalānabhīṣṭān
tvāmāśritānāṃ na vipannarāṇāṃ, tvāmāśritā hyāśrayatāṃ prayānti

18.30

etat kṛtaṃ yat kadanaṃ tvayā'dya, dharma-dviṣāṃ devi! mahā'surāṇām
rūpairanekairbahudhā''tma-mūrtim, kṛtvā'mbike! tat prakaroti kā'nyā

18.31

ekātve sati nānātvaṃ, nānātve sati caikatā
acintyaṃ brahmaṇo rūpaṃ, kastad veditumarhati
vidyāsu śāstreṣu viveka-dīpeṣvādyeṣu vākyeṣu ca kā tvadanyā?
mamatva - garte'ti - mahāndhakāre, vibhrāmayatyetadatīva viśvam

18.32

rakṣāṃsi yatrogra-viṣāśca nāgā, yatrārayo dasyu-balāni yatra
dāvānalo yatra tathā'bdhi-madhye, tatra sthitā tvaṃ paripāsi viśvam

18.33

araṇye prāntare vāpi, jale vāpi sthale'pi vā
vyāghra-kumbhīra-caurebhyo, bhaya-sthāne viśeṣataḥ
svapam̐stiṣṭhan vrajan mārge, prajapan bhojane rataḥ
kīrtayet satataṃ devīṃ, sa vai mucyate bandhanāt
viśveśvari! tvaṃ paripāsi viśvaṃ, viśvātmikā dhārayasīti viśvam
viśveśa-vandyā bhavatī bhavanti, viśvāśrayā ye tvayi bhakti-namrāḥ

18.34

devatāoṃ kī prārthanā
devi! prasīda paripālaya no'ri-bhīte—
nityaṃ yathā'sura-vadhāddhunaiva sadyaḥ
pāpāni sarva-jagatāṃ praśamaṃ nayāśu,
utpāta-pāka-janitāṃśca mahopa-sargān

18.35

praṇatānāṃ prasīda tvaṃ, devi! viśvārti-hāriṇi!
trailokya-vāsināmīḍye, lokānāṃ varadā bhava

18.36

devyuvāca

18.37

varadā'haṃ sura-gaṇā!, varaṃ yanmanasecchatha
taṃ vṛṇudhvaṃ prayacchāmi, jagatāmupa-kārakam

18.38

devā ūcuḥ

18.39

sarvā-bādhā-praśamanaṃ, trailokyasyākhileśvari!
evameva tvayā kāryamasmad-vairi-vināśanam

18.40

devyuvāca

18.41

vaivasvate'ntare prāpte, aṣṭā-viṃśatime yuge
śumbho niśumbhaścaivānyāvutpatsyete mahā'surau

18.42

nanda-gopa-gṛhe jātā, yaśodā-garbha-sambhavā
tatastau nāśayiṣyāmi, vindhyācala-nivāsinī

18.43

2. rakta-dantikā
punarapyati-raudreṇa, rūpeṇa pṛthivī-tale
avatīrya haniṣyāmi, vaipracittāṃstu dānavān

18.44

bhakṣayantyāśca tānugrān, vaipracitān mahā'surān
rakta-dantā bhaviṣyanti, dāḍimī-kusumopamā:

18.45

tato māṃ devatāḥ sarve, martya-loke ca mānavāḥ
stuvanto vyāhariṣyanti, satataṃ rakta-dantikām

18.46

raktāmbarā rakta-varṇā, rakta-sarvāṅga-bhūṣaṇā
raktāyudhā rakta-netrā, rakta-keśāti-bhīṣaṇā
rakta-tīkṣṇa-nakhā rakta-rasanā rakta-dantikā
vasudhaiva viśālā sā, sumeru-yuga-stanī
khaḍgaṃ pātraṃ ca musalaṃ, lāṅgalaṃ ca vibharti sā
ākhyātā rakta-cāmuṇḍā, devī yogeśvarīti ca
3. śatākṣī
bhūyaśca śata - vārṣikyāmanāvṛṣṭyāmanambhasi
munibhiḥ saṃstutā bhūmau, sambhaviṣyāmyayonijā

18.47

tataḥ śatena netrāṇāṃ, nirīkṣiṣyāmi yanmunīn
kīrtayiṣyanti manujāḥ, śatākṣīmiti māṃ tataḥ

18.48

bāṇa-muṣṭiṃ ca kamalaṃ, puṣpa-pallava-mūlakān
śākādīn phala-saṃyuktānanta-rasa-saṃyutām
kṣut-tṛḍ-jarāpahān hastairvibhratī ca mahā-dhanuḥ
sarva-saundarya-sāraṃ tad-rūpaṃ lāvaṇya-śobhitam
koṭi-sūrya-pratīkāśaṃ, karuṇā-rasa-sāgaram
darśayitvā jagaddhātrī, sānanta-nayanodbhavāḥ
mocayāyāsa lokeṣu, vāri-dhārāḥ sahasraśaḥ
4. śākambharī
tato'hamakhilaṃ lokamātma - deha - samudbhavaiḥ
bhariṣyāmi surāḥ śākairāvṛṣṭeḥ prāṇa-dhārakaiḥ

18.49

śākambharīti vikhyātiṃ, tadā yāsyāmyahaṃ bhuvi
śākambharī nīla-varṇā, nīlotpala-trilocanā
gambhīra - nābhistrivalī - vibhūṣita - tanūdarī
sukarkaśa - samottuṅga - vṛtta - pīna - ghana - stanī
muṣṭiṃ śilīmukhāpūrṇaṃ, kamalā kamalālayā
puṣpa-pallava-mūlādi-phalāḍhyāṃ śāka-sañcayam
kāmyānanta-rasairyuktaṃ, kṣut-tṛṇmṛtyu-jarā-paham
kārmukaṃ ca sphurat-kāntiḥ, vibhrato parameśvarī
śākambharī śatākṣī sā, saiva durgā prakīrtitā
tatraiva ca vadhiṣyāmi, durgamākhyaṃ mahāsuram